Kerala News
യുവ അഭിഭാഷകയെ മർദ്ദിച്ച കേസ്: ബെയ്ലിൻ ദാസിൻ്റെ ജാമ്യാപേക്ഷയിൽ ഇന്ന് വിധി
വഞ്ചിയൂരിൽ യുവ അഭിഭാഷകയെ മർദ്ദിച്ച കേസിൽ പ്രതി ബെയ്ലിൻ ദാസിൻ്റെ ജാമ്യാപേക്ഷയിൽ ഇന്ന് കോടതി വിധി പറയും. തിരുവനന്തപുരം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയാണ് വിധി പറയുന്നത്. പ്രതിക്ക് ജാമ്യം അനുവദിച്ചാൽ സാക്ഷികളെ സ്വാധീനിക്കാൻ സാധ്യതയുണ്ടെന്ന് പ്രോസിക്യൂഷൻ വാദിച്ചു.
കോഴിക്കോട് ബസ് സ്റ്റാൻഡിലെ തീപിടിത്തം നിയന്ത്രണവിധേയമാക്കി; അന്വേഷണം ആരംഭിച്ചു
കോഴിക്കോട് പുതിയ ബസ് സ്റ്റാൻഡിലുണ്ടായ തീപിടിത്തം ആറ് മണിക്കൂറിനു ശേഷം നിയന്ത്രണവിധേയമാക്കി. ബസ് സ്റ്റാൻഡിലെ ഗോഡൗണിൽ സ്ഥിതി ചെയ്യുന്ന തുണി ഗോഡൗണിലാണ് തീപിടിച്ചത്. തീപിടിത്തത്തിൽ കാലിക്കറ്റ് ടെക്സ്റ്റൈൽസിൻ്റെ ഗോഡൗൺ പൂർണ്ണമായി കത്തി നശിച്ചു.
കോഴിക്കോട് പുതിയ ബസ് സ്റ്റാൻഡിൽ വൻ തീപിടുത്തം; ആളുകളെ ഒഴിപ്പിച്ചു, ബസ് സർവീസുകൾ നിർത്തിവെച്ചു
കോഴിക്കോട് പുതിയ ബസ് സ്റ്റാൻഡിൽ വൻ തീപിടുത്തം. ബസ് സ്റ്റാൻഡ് കോംപ്ലക്സിലെ തുണിക്കടയിലാണ് തീപിടുത്തമുണ്ടായത്. ആറ് യൂണിറ്റ് ഫയർഫോഴ്സ് എത്തി തീയണക്കാൻ ശ്രമിക്കുന്നു.
കോഴിക്കോട് എംഡിഎംഎയുമായി 2 പേർ പിടിയിൽ; പാലക്കാട് റബ്ബർഷീറ്റ് മോഷ്ടിച്ച സൈനികനും അറസ്റ്റിൽ
കോഴിക്കോട് കുന്നമംഗലത്ത് 78 ഗ്രാം എംഡിഎംഎയുമായി രണ്ടുപേരെ പോലീസ് അറസ്റ്റ് ചെയ്തു. ബെംഗളൂരുവിൽ നിന്നും കാറിൽ കടത്തിക്കൊണ്ടുവന്ന എംഡിഎംഎ വിതരണം ചെയ്യാൻ ശ്രമിക്കവേയാണ് ഇവർ പിടിയിലായത്. പാലക്കാട് മണ്ണൂർ കമ്പനിപടിയിൽ കടയുടെ പൂട്ടുപൊളിച്ച് 400 കിലോ റബ്ബർ ഷീറ്റും അടക്കയും മോഷ്ടിച്ച സൈനികനെ പോലീസ് അറസ്റ്റ് ചെയ്തു.
കൊച്ചി ഇഡി കൈക്കൂലി കേസ്; ഉദ്യോഗസ്ഥരെ സസ്പെൻഡ് ചെയ്യണമെന്ന് എ എ റഹീം എംപി
കൊച്ചിയിലെ ഇ.ഡി. യൂണിറ്റിലെ കൈക്കൂലി കേസിൽ അറസ്റ്റിലായ ഉദ്യോഗസ്ഥനെ ഉടൻ സസ്പെൻഡ് ചെയ്യണമെന്ന് എ.എ. റഹീം എം.പി. കേന്ദ്ര ധനകാര്യ മന്ത്രിക്ക് കത്തയച്ചു. കള്ളപ്പണം തടയേണ്ട ഉദ്യോഗസ്ഥർ തന്നെ അഴിമതി നടത്തുന്നത് നിയമവാഴ്ചയ്ക്ക് ഭീഷണിയാണെന്ന് അദ്ദേഹം കത്തിൽ ചൂണ്ടിക്കാട്ടി. കുറ്റാരോപിതരായ മുഴുവൻ ആളുകളെയും ഉടൻ സസ്പെൻഡ് ചെയ്യണമെന്നും എംപി ആവശ്യപ്പെട്ടു.
ഇഡി ഉദ്യോഗസ്ഥൻ ഭീഷണിപ്പെടുത്തി; നിർണായക വെളിപ്പെടുത്തലുമായി വ്യവസായി
അഴിമതിക്കേസിൽ ഇഡി ഉദ്യോഗസ്ഥൻ ഭീഷണിപ്പെടുത്തിയെന്ന് വ്യവസായി അനീഷ് ബാബു. രേഖകൾ നൽകിയില്ലെങ്കിൽ അറസ്റ്റ് ചെയ്യുമെന്ന് ഭീഷണിപ്പെടുത്തി. കേസിൽ കസ്റ്റഡിയിലുള്ള പ്രതികളുടെ ചോദ്യം ചെയ്യൽ ഇന്ന് ആരംഭിക്കും.
വർക്കലയിൽ വ്യാപാര സ്ഥാപനത്തിൽ പട്ടാപ്പകൽ പണം തട്ടി; സിസിടിവി ദൃശ്യങ്ങൾ പുറത്ത്
വർക്കലയിൽ ഒരു ജ്യൂസ് കടയിൽ കടയുടമയുടെ സുഹൃത്താണെന്ന് പറഞ്ഞ് എത്തിയ ഒരാൾ ജീവനക്കാരിൽ നിന്ന് പണം തട്ടി. കടയുടമയുമായി ഫോണിൽ സംസാരിക്കുന്നതായി അഭിനയിച്ച് 7000 രൂപ ആവശ്യപ്പെട്ടു. കൗണ്ടറിൽ 1200 രൂപ മാത്രമാണ് ഉണ്ടായിരുന്നത്, ഇത് ഉടമസ്ഥൻ ആവശ്യപ്പെട്ടിട്ടാണെന്ന് പറഞ്ഞ് കൈക്കലാക്കി ഇയാൾ കടന്നു കളഞ്ഞു.
ഓപ്പറേഷന് ഡി-ഹണ്ട്: സംസ്ഥാനത്ത് 104 പേര് അറസ്റ്റില്, ലഹരിവസ്തുക്കള് പിടികൂടി
സംസ്ഥാനത്ത് ഓപ്പറേഷന് ഡി-ഹണ്ടിന്റെ ഭാഗമായി നടത്തിയ പ്രത്യേക പരിശോധനയില് 104 പേരെ അറസ്റ്റ് ചെയ്തു. മയക്കുമരുന്ന് വില്പ്പനയില് ഏര്പ്പെടുന്നതായി സംശയിക്കുന്ന 2,000 പേരെയാണ് പരിശോധനയ്ക്ക് വിധേയമാക്കിയത്. ഈ പരിശോധനയില് വിവിധതരം മയക്കുമരുന്നുകളും പിടിച്ചെടുത്തു.
ഇഡി അസിസ്റ്റന്റ് ഡയറക്ടർ കോഴക്കേസ്: വിജിലൻസ് വിശദമായ അന്വേഷണം ആരംഭിച്ചു
എൻഫോഴ്സ്മെന്റ് ഡയറക്ടറേറ്റ് അസിസ്റ്റന്റ് ഡയറക്ടർ പ്രതിയായ കോഴക്കേസിൽ വിജിലൻസ് അന്വേഷണം തുടങ്ങി. അറസ്റ്റിലായ വിൽസൺ, മുകേഷ്, രഞ്ജിത്ത് വാര്യർ എന്നിവരെ വിജിലൻസ് കസ്റ്റഡിയിൽ വാങ്ങി. ഒന്നാം പ്രതിയായ ഇ.ഡി ഉദ്യോഗസ്ഥൻ ശേഖർ കുമാറുമായി ചേർന്ന് പ്രതികൾ ഗൂഢാലോചന നടത്തിയെന്നാണ് കണ്ടെത്തൽ.
വനംവകുപ്പ് ഉദ്യോഗസ്ഥരെ ഭീഷണിപ്പെടുത്തിയെന്ന കേസിൽ പ്രതികരണവുമായി കെ.യു. ജനീഷ് കുമാർ എംഎൽഎ
വനംവകുപ്പ് ഉദ്യോഗസ്ഥരെ ഭീഷണിപ്പെടുത്തിയെന്ന കേസിൽ കോന്നി എംഎൽഎ കെ.യു. ജനീഷ് കുമാർ പ്രതികരിച്ചു. അനീതിക്കെതിരെ തന്റെ ശബ്ദം ഇനിയും ഉയരുമെന്ന് എംഎൽഎ വ്യക്തമാക്കി. കേസ് നിയമപരമായി നേരിടുമെന്നും അദ്ദേഹം കൂട്ടിച്ചേർത്തു.
കാസർഗോഡ് പെൺകുട്ടി കൊലക്കേസ്: 15 വർഷത്തിനു ശേഷം പ്രതി പിടിയിൽ
കാസർഗോഡ് എണ്ണപ്പാറയിലെ 17 വയസ്സുകാരിയുടെ തിരോധാനവുമായി ബന്ധപ്പെട്ട കേസിൽ 15 വർഷത്തിനു ശേഷം പ്രതി പിടിയിലായി. പാണത്തൂർ സ്വദേശി ബിജു പൗലോസ് ആണ് ക്രൈം ബ്രാഞ്ചിന്റെ പിടിയിലായത്. പ്രതി പെൺകുട്ടിയെ ബലാത്സംഗം ചെയ്തെന്നും, കുട്ടി മരിച്ചെന്നും ഇയാൾ അന്വേഷണസംഘത്തോട് സമ്മതിച്ചു.
യുവ അഭിഭാഷകയെ മർദിച്ച കേസ്: ബെയ്ലിൻ ദാസിൻ്റെ ജാമ്യാപേക്ഷയിൽ വിധി തിങ്കളാഴ്ച
വഞ്ചിയൂരിൽ യുവ അഭിഭാഷകയെ മർദിച്ച കേസിൽ അറസ്റ്റിലായ സീനിയർ അഭിഭാഷകൻ ബെയ്ലിൻ ദാസിൻ്റെ ജാമ്യാപേക്ഷയിൽ വിധി പറയുന്നത് തിങ്കളാഴ്ചത്തേക്ക് മാറ്റി. മജിസ്ട്രേറ്റ് കോടതി 12 ആണ് ജാമ്യ ഹർജി പരിഗണിച്ചത്. പ്രോസിക്യൂഷനും പ്രതിഭാഗവും ശക്തമായ വാദങ്ങൾ ഉന്നയിച്ചു.