Kerala News
അടൂരിൽ ഒമ്പതാം ക്ലാസുകാരനെ പുറത്തിരുത്തി; മനുഷ്യാവകാശ കമ്മീഷന് പരാതി
അടൂരിൽ ഒമ്പതാം ക്ലാസ് വിദ്യാർത്ഥിയെ മുടി വെട്ടിയതിൻ്റെ പേരിൽ ക്ലാസിന് പുറത്ത് നിർത്തി. അടൂർ ഹോളി ഏഞ്ചൽസ് ഹയർസെക്കൻഡറി സ്കൂളിലാണ് സംഭവം. മനുഷ്യാവകാശ കമ്മീഷനും CWCക്കും കുട്ടിയുടെ പിതാവ് പരാതി നൽകി.
ലഹരിവിരുദ്ധ കാർട്ടൂൺ മത്സരം; സമ്മാനങ്ങൾ നേടാൻ അവസരം
കേരള കാർട്ടൂൺ അക്കാദമിയും ആൾ ഇന്ത്യ മലയാളി അസോസിയേഷനും ചേർന്ന് ലഹരിവിരുദ്ധ കാർട്ടൂൺ മത്സരം സംഘടിപ്പിക്കുന്നു. സ്കൂൾ, കോളേജ് വിദ്യാർത്ഥികൾക്കും യുവ കാർട്ടൂണിസ്റ്റുകൾക്കും മത്സരത്തിൽ പങ്കെടുക്കാം. ജൂലൈ നാലിന് മുൻപ് [email protected] എന്ന ഇമെയിൽ വിലാസത്തിൽ രചനകൾ അയക്കുക.
ഫയർ ആൻഡ് സേഫ്റ്റി ഡിപ്ലോമ കോഴ്സിന് അഡ്മിഷൻ തുടങ്ങി; എൽ.എൽ.ബി അഡ്മിറ്റ് കാർഡ് ലഭ്യമാക്കി
ആറ്റിങ്ങൽ ഗവൺമെൻ്റ് ഐ.ടി.ഐയിൽ ഐ.എം.സി.യുടെ സഹകരണത്തോടെ നടത്തുന്ന തൊഴിലധിഷ്ഠിത ഫയർ ആൻഡ് സേഫ്റ്റി ഡിപ്ലോമ കോഴ്സിലേക്കുള്ള അഡ്മിഷൻ ആരംഭിച്ചു. സംയോജിത പഞ്ചവത്സര എൽ.എൽ.ബി, ത്രിവത്സര എൽ.എൽ.ബി കോഴ്സുകളിലേക്കുള്ള കമ്പ്യൂട്ടർ അധിഷ്ഠിത പ്രവേശന പരീക്ഷ ജൂൺ ഒന്നിന് നടക്കും. ഇതിനായുള്ള അഡ്മിറ്റ് കാർഡ് ലഭ്യമാണ്.
വടകരയിൽ സി.പി.ഐ.എം പ്രവർത്തകർക്ക് കുത്തേറ്റു; ആക്രമണത്തിന് പിന്നിൽ കോൺഗ്രസ് – ബിജെപി എന്ന് ആരോപണം
വടകര പുതുപ്പണത്ത് കോൺഗ്രസ് - ബിജെപി ആക്രമണത്തിൽ മൂന്ന് സിപിഐഎം പ്രവർത്തകർക്ക് കുത്തേറ്റു. പ്രദേശത്തെ വായനശാല രാത്രിയുടെ മറവിൽ അടിച്ചു തകർക്കാനുള്ള ശ്രമം ചോദ്യം ചെയ്തവർക്കാണ് കുത്തേറ്റത്. സി.പി.ഐ.എം പുതുപ്പണം സൗത്ത് ലോക്കൽ കമ്മിറ്റി അംഗവും വടകര നഗരസഭ കൗൺസിലറുമായ കെ.എം. ഹരിദാസൻ, വെളുത്തമല സൗത്ത് ബ്രാഞ്ച് സെക്രട്ടറി പ്രവീൺ, ബിബേഷ് കല്ലായിന്റ് വിട എന്നിവർക്കാണ് കുത്തേറ്റത്.
കുഴിയിൽ വീണ് ഓട്ടോ മറിഞ്ഞ് ഡ്രൈവർ മരിച്ചു
കോഴിക്കോട് വടകര ദേശീയ പാതയിൽ സർവ്വീസ് റോഡിലെ കുഴിയിൽ വീണ് ഓട്ടോറിക്ഷ മറിഞ്ഞ് ഡ്രൈവർ മരിച്ചു. ന്യൂ മാഹി ചാലക്കര സ്വദേശി ചാലിൽ സി കെ പി റഫീഖ് ആണ് മരിച്ചത്. കുഞ്ഞിപ്പള്ളിയിലെ സർവ്വീസ് റോഡിൽ നിന്ന് മെയിൻ റോഡിലേക്ക് കയറുന്നതിനിടെയാണ് അപകടം സംഭവിച്ചത്.
പോക്സോ കേസിൽ ശിക്ഷിക്കപ്പെട്ടിട്ടും; ലീഗ് നേതാവിനെതിരെ നടപടിയില്ല, രാജി ആവശ്യപ്പെടാതെ സംരക്ഷണം
പോക്സോ കേസിൽ 37 വർഷം തടവിന് ശിക്ഷിക്കപ്പെട്ട ബ്ലോക്ക് പഞ്ചായത്ത് അംഗത്തെ സംരക്ഷിച്ച് മുസ്ലീം ലീഗ്. ശിക്ഷിക്കപ്പെട്ട് രണ്ട് ദിവസമായിട്ടും ഷെരീഫ് ചിറക്കലിന്റെ രാജി ലീഗ് നേതൃത്വം ആവശ്യപ്പെട്ടിട്ടില്ല. വിധിപ്പകർപ്പ് ലഭിച്ചാലുടൻ തിരഞ്ഞെടുപ്പ് കമ്മീഷനെ സമീപിക്കാനൊരുങ്ങുകയാണ് മുല്ലശ്ശേരി ബ്ലോക്ക് പഞ്ചായത്ത്.
വൈപ്പിനിൽ വാട്ടർ മെട്രോ റോ-റോയിൽ ഇടിച്ചു; കെഎംആർഎൽ അന്വേഷണം തുടങ്ങി
എറണാകുളം വൈപ്പിനിൽ വാട്ടർ മെട്രോ റോ-റോയിൽ ഇടിച്ചുണ്ടായ അപകടത്തിൽ കെഎംആർഎൽ ആഭ്യന്തര അന്വേഷണം ആരംഭിച്ചു. ശക്തമായ ഒഴുക്കിൽ നിയന്ത്രണം നഷ്ടപ്പെട്ടതാണ് അപകടകാരണമെന്നാണ് പ്രാഥമിക വിലയിരുത്തൽ. അപകടത്തിൽ ആർക്കും പരിക്കില്ല.
മുൻകൂർ ജാമ്യാപേക്ഷയിൽ വിധി; ഇന്ന് മാധ്യമങ്ങളെ കാണുമെന്ന് ഉണ്ണി മുകുന്ദൻ
മുൻ പ്രൊഫഷണൽ മാനേജരെ മർദിച്ചെന്ന കേസിൽ നടൻ ഉണ്ണി മുകുന്ദന്റെ മുൻകൂർ ജാമ്യാപേക്ഷ കോടതി തീർപ്പാക്കി. ഉണ്ണിക്കെതിരെ ചുമത്തിയിട്ടുള്ളത് സ്റ്റേഷൻ ജാമ്യം ലഭിക്കാവുന്ന കുറ്റങ്ങളാണെന്ന് പ്രോസിക്യൂഷൻ അറിയിച്ചു. കേസ് എടുത്തതിനുശേഷം ഇത് ആദ്യമായാണ് ഉണ്ണി മുകുന്ദൻ മാധ്യമങ്ങളെ കാണുന്നത്.
നിലമ്പൂർ ഉപതെരഞ്ഞെടുപ്പ്: വ്യാപാരി വ്യവസായി ഏകോപന സമിതി സ്ഥാനാർത്ഥിയെ നിർത്താൻ സാധ്യത
നിലമ്പൂർ ഉപതെരഞ്ഞെടുപ്പിൽ മത്സരിക്കാൻ കേരള വ്യാപാരി വ്യവസായി ഏകോപന സമിതി ഒരുങ്ങുന്നു. ഇടതു വലത് മുന്നണികളുടെ അവഗണനയിൽ പ്രതിഷേധിച്ചാണ് ഈ നീക്കം. നാളെ നടക്കുന്ന സംസ്ഥാന സെക്രട്ടറിയേറ്റ് യോഗത്തിൽ അന്തിമ തീരുമാനമെടുക്കും.
മാനേജരെ മർദിച്ച കേസ്: ഉണ്ണി മുകുന്ദന്റെ മുൻകൂർ ജാമ്യാപേക്ഷ ഇന്ന് കോടതിയിൽ
നടൻ ഉണ്ണി മുകുന്ദനെതിരെ മാനേജർ നൽകിയ പരാതിയിൽ എറണാകുളം സെഷൻസ് കോടതി ഇന്ന് മുൻകൂർ ജാമ്യാപേക്ഷ വീണ്ടും പരിഗണിക്കും. ഇൻഫോപാർക്ക് പോലീസ് ഉണ്ണി മുകുന്ദനെതിരെ കേസെടുത്തിട്ടുണ്ട്. തുടർന്ന് നടൻ മുൻകൂർ ജാമ്യത്തിനായി അപേക്ഷ നൽകിയിരിക്കുകയാണ്.
പേരൂർക്കട SHOയെ സ്ഥലം മാറ്റി; ദളിത് യുവതിയെ പീഡിപ്പിച്ച കേസിൽ നടപടി
തിരുവനന്തപുരത്ത് ദളിത് യുവതിയെ വ്യാജ കേസിൽ കുടുക്കി പീഡിപ്പിച്ച സംഭവത്തിൽ പേരൂർക്കട സ്റ്റേഷനിലെ എസ്എച്ച്ഒയെ സ്ഥലം മാറ്റി. ശിവകുമാറിനെയാണ് കോഴിക്കോട്ടേക്ക് സ്ഥലം മാറ്റിയത്. നേരത്തെ രണ്ട് ഉദ്യോഗസ്ഥരെ സസ്പെൻഡ് ചെയ്തിരുന്നു.
ആലുവയിൽ മാല പൊട്ടിക്കാനെത്തിയ ഉത്തർപ്രദേശ് സ്വദേശികളെ പിടികൂടി
ആലുവയിൽ മാല പൊട്ടിക്കാൻ ശ്രമിച്ച ഉത്തർപ്രദേശ് സ്വദേശികളായ മോഷ്ടാക്കളെ പോലീസ് പിടികൂടി. തോട്ടക്കാട്ടുകരയിൽ നിന്നാണ് പ്രതികളെ പിടികൂടിയത്. പ്രതികളിൽ നിന്ന് കുരുമുളക് സ്പ്രേ, സ്വർണം തൂക്കുന്ന ത്രാസ്, വാഹനങ്ങൾ മോഷ്ടിക്കാനാവശ്യമുള്ള ഉപകരണങ്ങൾ എന്നിവ കണ്ടെത്തി.