Kerala News
തിരുവനന്തപുരം വിടിഎം എന്എസ്എസ് കോളേജില് എബിവിപി ആക്രമണം; വിദ്യാര്ത്ഥിക്ക് പരിക്ക്
തിരുവനന്തപുരം ധനുവച്ചപുരം വിടിഎം എന്എസ്എസ് കോളേജില് വിദ്യാര്ത്ഥിക്ക് നേരെ എബിവിപി ആക്രമണം. രണ്ടാം വര്ഷ ബിരുദ വിദ്യാര്ത്ഥി വിജിത്തിനാണ് മര്ദ്ദനമേറ്റത്. ബൈക്കില് വരവേ കോളേജ് ഗേറ്റിന് സമീപം വെച്ച് തള്ളിയിട്ട് ആയുധങ്ങള് ഉപയോഗിച്ച് മര്ദ്ദിക്കുകയായിരുന്നു. സംഭവത്തില് പാറശാല പൊലീസ് കേസ് രജിസ്റ്റര് ചെയ്തു.
പത്തനംതിട്ട തണ്ണിത്തോട് കടകൾക്ക് തീപിടിച്ചു; ആളപായമില്ല
പത്തനംതിട്ട തണ്ണിത്തോട് രണ്ട് കടകളിൽ തീപിടിത്തം. പുലർച്ചെ 3.15 ഓടെയാണ് സംഭവം നടന്നത്. രണ്ട് യൂണിറ്റ് ഫയർഫോഴ്സെത്തി തീയണച്ചു. തീപിടിത്തത്തിന്റെ കാരണം വ്യക്തമായിട്ടില്ല.
നിലമ്പൂരിൽ മികച്ച പോളിംഗ്: 73.26 ശതമാനം വോട്ട് രേഖപ്പെടുത്തി
നിലമ്പൂരിൽ കനത്ത മഴയെ അവഗണിച്ചും മികച്ച പോളിംഗ് രേഖപ്പെടുത്തി. മണ്ഡലത്തിൽ 73.26 ശതമാനം പോളിംഗ് രേഖപ്പെടുത്തി. യുഡിഎഫ് പ്രവർത്തകരുടെ പരാതിയിൽ രണ്ട് എൽഡിഎഫ് പ്രവർത്തകരെ പോലീസ് കസ്റ്റഡിയിലെടുത്തു.
പൂവച്ചൽ ഖാദർ പുരസ്കാരങ്ങൾ പ്രഖ്യാപിച്ചു; മികച്ച നടനായി സുധീർ കരമന
പൂവച്ചൽ ഖാദർ കൾച്ചറൽ ഫോറം സിനിമാ, ടെലിവിഷൻ, മാധ്യമ പുരസ്കാരങ്ങൾ പ്രഖ്യാപിച്ചു. സിനിമയിൽ മികച്ച സ്വഭാവ നടനുള്ള പുരസ്കാരം സുധീർ കരമനയ്ക്ക് ലഭിച്ചു. തരുൺ മൂർത്തി സംവിധാനം ചെയ്ത മോഹൻലാൽ ചിത്രം ‘തുടരും’ മികച്ച സിനിമയായി തെരഞ്ഞെടുക്കപ്പെട്ടു.
കേരള സ്പേസ് പാർക്കിന് തറക്കല്ലിട്ട് മുഖ്യമന്ത്രി; ബഹിരാകാശ സ്വപ്നങ്ങൾക്ക് ചിറകുകൾ
കേരളത്തിൻ്റെ ബഹിരാകാശ ഗവേഷണ മേഖലയ്ക്ക് കരുത്തേകാൻ ലക്ഷ്യമിട്ടുള്ള കേരള സ്പേസ് പാർക്കിന് മുഖ്യമന്ത്രി പിണറായി വിജയൻ തറക്കല്ലിട്ടു. പള്ളിപ്പുറത്തെ ടെക്നോസിറ്റി കാമ്പസിലാണ് കോമൺ ഫെസിലിറ്റി സെൻ്ററും റിസർച്ച് ആൻഡ് ഡെവലപ്മെൻ്റ് സെൻ്ററും നിലവിൽ വരുന്നത്. ഇതിലൂടെ നവകേരളമെന്ന ലക്ഷ്യത്തിലേക്കുള്ള കുതിപ്പിന് സ്പേസ് പാർക്ക് ഊർജ്ജം നൽകുമെന്നും കരുതുന്നു.
മെഴുവേലിയില് നവജാത ശിശു മരണം; അമ്മയ്ക്കെതിരെ കൊലക്കുറ്റം ചുമത്തും
പത്തനംതിട്ട മെഴുവേലിയില് നവജാത ശിശു മരിച്ച സംഭവത്തില് അമ്മയ്ക്കെതിരെ കൊലക്കുറ്റം ചുമത്തും. കുഞ്ഞിനെ വലിച്ചെറിഞ്ഞപ്പോള് തലയിടിച്ച് മരിച്ചെന്നാണ് പോലീസിൻ്റെ കണ്ടെത്തൽ. കാമുകനാണ് ഗര്ഭത്തിന് ഉത്തരവാദിയെന്ന് യുവതി പോലീസിന് മൊഴി നല്കിയിട്ടുണ്ട്.
കമ്പ്യൂട്ടർ യുപിഎസിനുള്ളിൽ ഒളിപ്പിച്ച് എംഡിഎംഎ കടത്തിയ ആൾ പിടിയിൽ
തിരുവനന്തപുരത്ത് കമ്പ്യൂട്ടർ യുപിഎസിനുള്ളിൽ ഒളിപ്പിച്ച് എംഡിഎംഎ കടത്തിയ കൊല്ലം സ്വദേശി പിടിയിൽ. 110 ഗ്രാം എംഡിഎംഎയും, കോടികൾ വിലമതിക്കുന്ന ഗോൾഡൻ ഷാംപെയിനും പിടിച്ചെടുത്തു. കൊല്ലം സ്വദേശിയായ സിൽവസ്റ്റർ (36) ആണ് തിരുവനന്തപുരം സിറ്റി ഡാൻസാഫ് സംഘത്തിൻ്റെ പിടിയിലായത്.
ശശി തരൂരിനെതിരായ പ്രതികരണം; രാജ്മോഹൻ ഉണ്ണിത്താന് വിലക്ക്
ശശി തരൂരിനെതിരായ പ്രതികരണത്തിൽ രാജ്മോഹൻ ഉണ്ണിത്താൻ എം.പിക്ക് കെ.പി.സി.സിയുടെ വിലക്ക്. ഇന്ന് വൈകീട്ട് അഞ്ചുമണി വരെ പരസ്യ പ്രതികരണം പാടില്ല. ശശി തരൂർ എങ്ങോട്ടാണ് നീങ്ങുന്നതെന്ന് അദ്ദേഹത്തിനൊഴികെ മറ്റെല്ലാവർക്കുമറിയാമെന്ന് ഉണ്ണിത്താൻ പരിഹസിച്ചു.
മന്ത്രി ശിവൻകുട്ടി രാജ്ഭവൻ ചടങ്ങ് ബഹിഷ്കരിച്ചത് ഗവർണറെ അപമാനിക്കലെന്ന് രാജ്ഭവൻ
ഭാരതാംബ ചിത്ര വിവാദവുമായി ബന്ധപ്പെട്ട് മന്ത്രി വി ശിവൻകുട്ടി രാജ്ഭവനിലെ ചടങ്ങ് ബഹിഷ്കരിച്ചതിൽ രാജ്ഭവന് അതൃപ്തി. ഭരണഘടനയെ തൊട്ട് അധികാരത്തിലെത്തിയ മന്ത്രി ഗവർണറെയും രാജ്ഭവനെയും അപമാനിച്ചു. മന്ത്രി ചെയ്തത് തെറ്റായ കീഴ് വഴക്കമാണെന്നും പ്രോട്ടോക്കോൾ ലംഘിച്ചുവെന്നും രാജ്ഭവൻ കുറ്റപ്പെടുത്തി.
പുകഴ്ത്തലില് അസ്വസ്ഥനായി മുഖ്യമന്ത്രി; പ്രസംഗം നിര്ത്തിക്കാന് നിര്ദേശം
തിരുവനന്തപുരത്ത് വായനാദിനത്തോടനുബന്ധിച്ചുള്ള ചടങ്ങിലാണ് സംഭവം. സ്വാഗത പ്രസംഗകൻ മുഖ്യമന്ത്രിയെ ലെജൻഡ് എന്നും വരദാനം എന്നും വിശേഷിപ്പിച്ചത് അദ്ദേഹത്തെ അസ്വസ്ഥനാക്കി. പ്രസംഗം പെട്ടെന്ന് അവസാനിപ്പിക്കാൻ സംഘാടകർക്ക് നിർദ്ദേശം നൽകി.
പഴയന്നൂർ ഭഗവതി ക്ഷേത്രത്തിലെ സ്വർണ്ണ കിരീടം കാണാതായി; അന്വേഷണം ആരംഭിച്ചു
പഴയന്നൂർ ഭഗവതി ക്ഷേത്രത്തിലെ അമൂല്യ രത്നങ്ങൾ പതിച്ച സ്വർണ്ണ കിരീടം കാണാതായി. ക്ഷേത്രത്തിന്റെ ചുറ്റമ്പലത്തിലുള്ള ലോക്കറിലാണ് 15 ഗ്രാം തൂക്കം വരുന്ന കിരീടം സൂക്ഷിച്ചിരുന്നത്. സംഭവത്തിൽ ദേവസ്വം വിജിലൻസ് ക്ഷേത്രത്തിൽ പരിശോധന നടത്തി, പോലീസ് കേസ് രജിസ്റ്റർ ചെയ്തു.
സ്വർണ്ണവില കുതിക്കുന്നു; പവന് 74,120 രൂപയായി
സംസ്ഥാനത്ത് സ്വര്ണ്ണവില വീണ്ടും ഉയര്ന്നു. ഇന്ന് പവന് 120 രൂപയാണ് വർധിച്ചിരിക്കുന്നത്. രാജ്യാന്തര തലത്തില് സ്വര്ണ്ണവില കുറഞ്ഞിട്ടും സംസ്ഥാനത്ത് സ്വര്ണ്ണവില ഉയരുകയാണ്. ഒരു ഗ്രാം സ്വര്ണത്തിന് 9265 രൂപയാണ് ഇന്നത്തെ വില.