Kerala News
തൃശൂർ പൂരം: സുരേഷ് ഗോപിയുടെ മൊഴി രേഖപ്പെടുത്തി
തൃശൂർ പൂരം അലങ്കോലപ്പെട്ട സംഭവത്തിൽ കേന്ദ്ര സഹമന്ത്രി സുരേഷ് ഗോപിയുടെ മൊഴി രേഖപ്പെടുത്തി. തിരുവനന്തപുരത്ത് അതീവ രഹസ്യമായാണ് പ്രത്യേക അന്വേഷണ സംഘം മൊഴിയെടുത്തത്. പൂരത്തിലെ ഗൂഢാലോചനയുമായി ബന്ധപ്പെട്ടാണ് പ്രധാനമായും അന്വേഷണം നടക്കുന്നത്.
പോസ്റ്റൽ വകുപ്പിന്റെ സേവനങ്ങള് ഇനി വീട്ടിലിരുന്ന് തന്നെ; പുതിയ ആപ്പ് പുറത്തിറക്കി
പോസ്റ്റൽ വകുപ്പിന്റെ രജിസ്ട്രേഡ് തപാൽ, സ്പീഡ് പോസ്റ്റ്, പാഴ്സൽ തുടങ്ങിയ സർവീസുകൾ ഇനി വീട്ടിലിരുന്ന് തന്നെ ബുക്ക് ചെയ്യാനാകും. ഇതിനായി തപാൽ വകുപ്പിന്റെ ആപ്പ് ഡൗൺലോഡ് ചെയ്താൽ മതി. പുതിയ പരിഷ്കാരങ്ങളോടെ രജിസ്ട്രേഡ് തപാൽ ഉരുപ്പടികൾ കൈപ്പറ്റിയതിന്റെ തെളിവായി നൽകുന്ന അക്നോളജ്മെന്റ് കാർഡ് ഇല്ലാതാകും.
സംസ്ഥാനത്ത് സ്വര്ണവില കുറഞ്ഞു; ഏറ്റവും പുതിയ വില അറിയാം
സംസ്ഥാനത്ത് സ്വര്ണവിലയില് ഇടിവ് രേഖപ്പെടുത്തി. പവന് 400 രൂപ കുറഞ്ഞ് 72,080 രൂപയായി. ഗ്രാമിന് 50 രൂപ കുറഞ്ഞ് 9010 രൂപയായി.
ഉപരാഷ്ട്രപതി ജഗ്ദീപ് ധൻകറിൻ്റെ ഗുരുവായൂർ സന്ദർശനം മഴയെ തുടർന്ന് തടസ്സപ്പെട്ടു
കനത്ത മഴയെ തുടർന്ന് ഉപരാഷ്ട്രപതി ജഗ്ദീപ് ധൻകറിൻ്റെ ഗുരുവായൂർ സന്ദർശനം തടസ്സപ്പെട്ടു. ശ്രീകൃഷ്ണ കോളജ് ഗ്രൗണ്ടിൽ ഹെലികോപ്റ്റർ ഇറക്കാൻ സാധിക്കാത്തതിനെ തുടർന്നാണ് അദ്ദേഹം മടങ്ങിയത്. കാലാവസ്ഥ അനുകൂലമായാൽ ഉപരാഷ്ട്രപതി തിരിച്ചെത്തിയേക്കും.
ഉപേക്ഷിക്കപ്പെട്ട കുഞ്ഞ് നിധി ഝാർഖണ്ഡിലേക്ക് മടങ്ങുന്നു
പ്രസവശേഷം ഝാർഖണ്ഡ് സ്വദേശികളായ മാതാപിതാക്കൾ കൊച്ചിയിലെ ആശുപത്രിയിൽ ഉപേക്ഷിച്ച പെൺകുഞ്ഞ് ഝാർഖണ്ഡിലേക്ക് മടങ്ങുന്നു. ആരോഗ്യ മന്ത്രി നിധി എന്ന് പേരിട്ട കുഞ്ഞിനെ ഇനി ഝാർഖണ്ഡ് സി.ഡബ്ല്യൂ.സി സംരക്ഷിക്കും. കുഞ്ഞിനെ അവരവരുടെ സംസ്കാരത്തിന് അനുസൃതമായി വളർത്തണമെന്ന പരിഗണന കൂടി കണക്കിലെടുത്താണ് ഈ തീരുമാനം.
ആറന്മുള വിമാനത്താവള പദ്ധതി; ഐടി വകുപ്പ് നീക്കം ശ്രദ്ധയിൽപ്പെട്ടില്ലെന്ന് മന്ത്രി കെ. രാജൻ
ആറന്മുള വിമാനത്താവള ഭൂമിയിലെ പുതിയ പദ്ധതിയിൽ ഐടി വകുപ്പ് കളക്ടർക്ക് കത്ത് നൽകിയ സംഭവം ശ്രദ്ധയിൽപ്പെട്ടില്ലെന്ന് മന്ത്രി കെ. രാജൻ. നിയമപരമായി സാധ്യമായത് മാത്രമേ നടത്തൂ എന്നും റവന്യൂ വകുപ്പ് നേരത്തെ അഭിപ്രായം രേഖപ്പെടുത്തിയതാണെന്നും മന്ത്രി വ്യക്തമാക്കി. സ്വകാര്യ കമ്പനിയുടെ ഇലക്ട്രോണിക് ക്ലസ്റ്റർ പദ്ധതിക്കായാണ് ഐടി വകുപ്പ് വീണ്ടും നീക്കം നടത്തുന്നത്.
സനാതന ധർമ്മം പഠിപ്പിക്കാൻ സ്കൂളുകളും ഗോശാലകളും വേണമെന്ന ഗവർണറുടെ പ്രസ്താവനക്കെതിരെ സി.പി.ഐ
കേരളത്തിൽ സനാതന ധർമ്മം പഠിപ്പിക്കാനായി സ്കൂളുകളും പശുക്കൾക്ക് വേണ്ടി ഗോശാലകളും നിർമ്മിക്കണം എന്ന ഗവർണറുടെ പ്രസ്താവനക്കെതിരെ സി.പി.ഐ രംഗത്ത്. ഗവർണർ യഥാർത്ഥ ഇന്ത്യൻ പാരമ്പര്യം ഇനിയും മനസ്സിലാക്കേണ്ടതുണ്ടെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം അഭിപ്രായപ്പെട്ടു. കണ്ണൂർ തളിപ്പറമ്പ് രാജരാജേശ്വര ക്ഷേത്രത്തിലെ പരിപാടിയിൽ പങ്കെടുക്കവെയായിരുന്നു ഗവർണറുടെ ഈ പരാമർശം.
വീണാ ജോർജിനെതിരായ പ്രതിഷേധം ചെറുക്കാൻ എൽഡിഎഫ്; യൂത്ത് കോൺഗ്രസ് നേതാക്കളുടെ അറസ്റ്റിൽ പ്രതിഷേധം കനക്കുന്നു
ആരോഗ്യമന്ത്രി വീണാ ജോർജിനെതിരായ പ്രതിപക്ഷ പ്രതിഷേധം ചെറുക്കാൻ എൽഡിഎഫ് രംഗത്തിറങ്ങി. ഇതിന്റെ ഭാഗമായി ആറന്മുളയിൽ വിശദീകരണ യോഗം നടത്തും. മന്ത്രിയുടെ രാജി ആവശ്യപ്പെട്ട് സമരം നടത്തിയ യൂത്ത് കോൺഗ്രസ് നേതാക്കളെ പൊലീസ് അറസ്റ്റ് ചെയ്തതിൽ പ്രതിഷേധം ശക്തമായിരിക്കുകയാണ്.
തൃശ്ശൂരിൽ ബഹുനില കെട്ടിടത്തിന് തീപിടിച്ചു; രക്ഷാപ്രവർത്തനം തുടരുന്നു
തൃശ്ശൂരിൽ പ്രസ് ക്ലബ് റോഡിന് സമീപമുള്ള ബഹുനില കെട്ടിടത്തിൽ തീപിടിച്ച് അപകടം. കെട്ടിടത്തിൻ്റെ താഴത്തെ നിലയിലാണ് തീപിടിച്ചത്. തീ അണയ്ക്കാനുള്ള ശ്രമം തുടരുന്നു.
കോട്ടയം മെഡിക്കൽ കോളജ് അപകടം ഒഴിവാക്കേണ്ടതായിരുന്നു; ആരോഗ്യ മന്ത്രി രാജി വെക്കേണ്ടതില്ലെന്ന് എം.എ. ബേബി
കോട്ടയം മെഡിക്കൽ കോളജിൽ കെട്ടിടം തകർന്നുണ്ടായ അപകടം ഒഴിവാക്കേണ്ടതായിരുന്നുവെന്ന് സി.പി.ഐ.എം ജനറൽ സെക്രട്ടറി എം.എ. ബേബി. ആരോഗ്യമേഖലയിൽ കേരളം മുൻപന്തിയിലാണെങ്കിലും ചില പ്രശ്നങ്ങളുണ്ട്. ഈ പ്രശ്നങ്ങൾ പരിഹരിക്കാനാണ് എൽ.ഡി.എഫ് സർക്കാർ ശ്രമിക്കുന്നതെന്നും അദ്ദേഹം വ്യക്തമാക്കി. ആരോഗ്യമന്ത്രി വീണാ ജോർജ് രാജി വെക്കേണ്ട കാര്യമില്ലെന്നും എം.എ. ബേബി കൂട്ടിച്ചേർത്തു.
തൃശ്ശൂരിൽ ഗുണ്ടാവിളയാട്ടം തടഞ്ഞ കമ്മീഷണറെ പ്രകീർത്തിച്ച ബോർഡ് നീക്കി
തൃശ്ശൂരിൽ ഗുണ്ടാ സംഘത്തിനെതിരെ നടപടിയെടുത്ത സിറ്റി പോലീസ് കമ്മീഷണർ ആർ. ഇളങ്കോയെ പ്രകീർത്തിച്ച് സ്ഥാപിച്ച ബോർഡ് നീക്കം ചെയ്തു. നെല്ലങ്കരയിൽ സ്ഥാപിച്ച 'ഇളങ്കോ നഗർ നെല്ലങ്കര' എന്ന ബോർഡാണ് വിവാദമായതിനെ തുടർന്ന് നീക്കം ചെയ്തത്. കോർപ്പറേഷന്റെയോ കമ്മീഷണറുടെയോ അനുമതിയില്ലാതെ സ്ഥാപിച്ച ബോർഡ് നീക്കം ചെയ്യാൻ കമ്മീഷണർ ഇളങ്കോ തന്നെയാണ് നിർദ്ദേശം നൽകിയത്.
മന്ത്രി വീണാ ജോർജിനെതിരെ പ്രതിഷേധം: യൂത്ത് കോൺഗ്രസ് മണ്ഡലം പ്രസിഡന്റും അറസ്റ്റിൽ
ആരോഗ്യ മന്ത്രി വീണാ ജോർജിനെതിരെ പ്രതിഷേധിച്ച യൂത്ത് കോൺഗ്രസ് പ്രവർത്തകരെ അറസ്റ്റ് ചെയ്തതിനെ തുടർന്ന് സംഘർഷം. ആറന്മുള മണ്ഡലം പ്രസിഡന്റ് ഏദൻ ജോർജിനെയാണ് ഒടുവിൽ അറസ്റ്റ് ചെയ്തത്. ഇതിനു മുൻപ് യൂത്ത് കോൺഗ്രസ് പത്തനംതിട്ട ജില്ലാ സെക്രട്ടറിയെയും വീട്ടിൽ കയറി അറസ്റ്റ് ചെയ്തിരുന്നു. പ്രതിഷേധം ശക്തമായതോടെ പോലീസ് നടപടികൾ കടുപ്പിക്കുകയാണ്.