Kerala News
വന്ദേ ഭാരത് യാത്രയിൽ ജ്യോതി Malഹോത്രയ്ക്കൊപ്പം ബിജെപി നേതാക്കളും; വിവാദമായി ദൃശ്യങ്ങൾ
ചാരവൃത്തി കേസിൽ അറസ്റ്റിലായ ജ്യോതി മൽഹോത്രയ്ക്കൊപ്പം വന്ദേ ഭാരത് ട്രെയിനിൽ യാത്ര ചെയ്ത ബിജെപി നേതാക്കളുടെ ദൃശ്യങ്ങൾ പുറത്ത്. സംസ്ഥാന ടൂറിസം വകുപ്പിനെതിരെ ബിജെപി വിമർശനം ഉന്നയിക്കുന്നതിനിടെയാണ് ഈ സംഭവം. ടൂറിസം വകുപ്പിന് പ്രതിപക്ഷ നേതാവ് വി.ഡി സതീശൻ പിന്തുണ അറിയിച്ചു.
ദേശീയ പണിമുടക്ക്: കെഎസ്ആർടിസിക്ക് ഡയസ്നോൺ; ശമ്പളം റദ്ദാക്കും
നാളെ നടക്കാനിരിക്കുന്ന ദേശീയ പണിമുടക്കിനെ നേരിടാൻ കെഎസ്ആർടിസി ഡയസ്നോൺ പ്രഖ്യാപിച്ചു. ഡ്യൂട്ടിയ്ക്ക് എത്താത്തവരുടെ ശമ്പളം റദ്ദാക്കുമെന്നും ക്രമസമാധാന പ്രശ്നം ഉണ്ടായാൽ പൊലീസിനെ അറിയിക്കുമെന്നും കെഎസ്ആർടിസി അറിയിച്ചു. പത്ത് കേന്ദ്ര ട്രേഡ് യൂണിയനുകളും വിവിധ മേഖലാ അസോസിയേഷനുകളും ഫെഡറേഷനുകളും ഉൾപ്പെട്ട സംയുക്ത വേദിയാണ് നാളെ ദേശീയ പൊതു പണിമുടക്കിന് ആഹ്വാനം ചെയ്തിരിക്കുന്നത്.
മെഴുവേലി ഐടിഐ പ്രവേശനം ജൂലൈ 11ന്; സപ്ലൈക്കോയുടെ മുന്നറിയിപ്പ്
പത്തനംതിട്ട മെഴുവേലി സർക്കാർ വനിതാ ഐടിഐയിൽ ഡ്രാഫ്റ്റ്സ്മാൻ സിവിൽ, ഫാഷൻ ഡിസൈൻ ടെക്നോളജി ട്രേഡുകളിലേക്ക് പ്രവേശനം ജൂലൈ 11ന് നടക്കും. സപ്ലൈകോയിൽ നിയമനം നടത്തുന്നു എന്ന തരത്തിലുള്ള വ്യാജ പ്രചാരണങ്ങൾക്കെതിരെ സപ്ലൈകോ ജനറൽ മാനേജർ മുന്നറിയിപ്പ് നൽകി. സ്ഥിരം നിയമനങ്ങൾ പി.എസ്.സി. മുഖേന മാത്രമാണെന്നും താൽക്കാലിക നിയമനങ്ങൾ മുഖ്യധാരാ മാധ്യമങ്ങളിലൂടെ അറിയിക്കുമെന്നും അദ്ദേഹം പറഞ്ഞു.
കെ.ബി. ഗണേഷ് കുമാറിനെ തിരുത്തി ടി.പി. രാമകൃഷ്ണൻ; നാളെ കെഎസ്ആർടിസി സ്തംഭിക്കുമെന്ന് എൽഡിഎഫ് കൺവീനർ
ഗതാഗത മന്ത്രി കെ.ബി. ഗണേഷ് കുമാറിനെ തിരുത്തി എൽഡിഎഫ് കൺവീനർ ടി.പി. രാമകൃഷ്ണൻ. നാളത്തെ ദേശീയ പണിമുടക്കിൽ കെഎസ്ആർടിസി പങ്കെടുക്കില്ലെന്ന മന്ത്രിയുടെ പ്രസ്താവനയെ ടി.പി. രാമകൃഷ്ണൻ തള്ളി. കെഎസ്ആർടിസി നാളെ സ്തംഭിക്കുമെന്നും അദ്ദേഹം വ്യക്തമാക്കി.
വയനാട് ഫണ്ട് തട്ടിപ്പ്: ആലപ്പുഴ യൂത്ത് കോൺഗ്രസിൽ പൊട്ടിത്തെറി; ശബ്ദ സന്ദേശം പുറത്ത്
വയനാട്ടിലെ ദുരിതബാധിതർക്ക് വീട് നിർമ്മിക്കുന്നതിനുള്ള ഫണ്ട് പിരിവിനെ ചൊല്ലി ആലപ്പുഴ യൂത്ത് കോൺഗ്രസ്സിൽ ഭിന്നത. അമ്പലപ്പുഴയിൽ നിന്ന് പിരിച്ചെടുത്ത പണം ചിലർ ചേർന്ന് മുക്കിയെന്ന് ഒരു വിഭാഗം ആരോപിച്ചു. ഇതിന് ജില്ലാ പ്രസിഡന്റ് കൂട്ടുനിന്നെന്നും ആരോപണമുണ്ട്.
സംസ്ഥാനത്ത് സ്വർണവില കൂടി; പവന് 72,480 രൂപ
സംസ്ഥാനത്ത് സ്വർണവിലയിൽ വർധനവ്. പവന് 400 രൂപ വർധിച്ച് 72,480 രൂപയായി. ഗ്രാമിന് 50 രൂപ വർധിച്ച് 9060 രൂപയായി.
കോന്നി ക്വാറി ദുരന്തം: തൊഴിലാളിക്കായുള്ള തിരച്ചിൽ താൽക്കാലികമായി നിർത്തിവെച്ചു
പത്തനംതിട്ട കോന്നിയിലെ ക്വാറിയിൽ അപകടത്തിൽപ്പെട്ട തൊഴിലാളിക്കായുള്ള തിരച്ചിൽ താൽക്കാലികമായി നിർത്തിവെച്ചു. രക്ഷാപ്രവർത്തനം പുനരാരംഭിക്കുന്നതിനായി കരുനാഗപ്പള്ളിയിൽ നിന്നും ആലപ്പുഴയിൽ നിന്നും വലിയ ക്രെയിനുകൾ എത്തിക്കും. അപകടത്തിൽപ്പെട്ടത് ഇതര സംസ്ഥാന തൊഴിലാളിയായ മഹാദേവ പ്രധാനാണ്.
വി.എസ്. അച്യുതാനന്ദന്റെ ആരോഗ്യനിലയിൽ മാറ്റമില്ല; മെഡിക്കൽ ബോർഡ് ഉടൻ ചേരും
മുൻ മുഖ്യമന്ത്രി വി.എസ്. അച്യുതാനന്ദൻ തിരുവനന്തപുരം പട്ടം എസ്.യു.ടി ആശുപത്രിയിൽ ചികിത്സയിലാണ്. അദ്ദേഹത്തിന്റെ ആരോഗ്യനിലയിൽ മാറ്റമില്ലെന്നും വെന്റിലേറ്റർ സഹായത്തോടെ ജീവൻ നിലനിർത്തുന്നുവെന്നും ആശുപത്രി അധികൃതർ അറിയിച്ചു. വി.എസിന്റെ ചികിത്സയുമായി ബന്ധപ്പെട്ട് തീരുമാനമെടുക്കാൻ മെഡിക്കൽ ബോർഡ് ഉടൻ യോഗം ചേരും.
സിനിമകളുടെ ലാഭനഷ്ട കണക്കുകൾ തൽക്കാലം പുറത്ത് വിടില്ലെന്ന് പ്രൊഡ്യൂസേഴ്സ് അസോസിയേഷൻ
സിനിമകളുടെ ലാഭനഷ്ട കണക്കുകൾ തൽക്കാലം പുറത്ത് വിടില്ലെന്ന് പ്രൊഡ്യൂസേഴ്സ് അസോസിയേഷൻ അറിയിച്ചു. എല്ലാ മാസവും കണക്ക് പുറത്തു വിടുമെന്നായിരുന്നു നേരത്തെയുള്ള തീരുമാനം. കണക്കുകൾ പുറത്തുവിടുന്നത് പുതിയ ഭരണസമിതി വന്നശേഷം മതിയെന്നാണ് ഇപ്പോഴത്തെ തീരുമാനം.
വനിതാ പൊലീസിനെതിരെ ലൈംഗികാധിക്ഷേപം; വയോധികൻ അറസ്റ്റിൽ
വനിതാ സിവിൽ പോലീസ് ഓഫീസർക്കെതിരെ വാട്സ്ആപ്പ് ഗ്രൂപ്പിൽ ലൈംഗികാധിക്ഷേപം നടത്തിയ ആളെ സുൽത്താൻ ബത്തേരി പോലീസ് അറസ്റ്റ് ചെയ്തു. സുൽത്താൻ ബത്തേരി, അമ്പലവയൽ, മീനങ്ങാടി സ്റ്റേഷനുകളിലായി ഇയാൾക്കെതിരെ ആറ് കേസുകളുണ്ട്. മൈസൂരുവിൽ നിന്നാണ് പ്രതിയെ പിടികൂടിയത്.
കോന്നി പാറമട അപകടം: അസ്വാഭാവിക മരണത്തിന് കേസ്; രക്ഷാപ്രവർത്തനം നിർത്തിവെച്ചു
പത്തനംതിട്ട കോന്നിയിൽ പാറമടയിൽ ഉണ്ടായ അപകടത്തിൽ പോലീസ് അസ്വാഭാവിക മരണത്തിന് കേസ് രജിസ്റ്റർ ചെയ്തു. രണ്ട് അതിഥി തൊഴിലാളികളാണ് അപകടത്തിൽപ്പെട്ടത്. വീണ്ടും പാറ ഇടിഞ്ഞതിനെ തുടർന്ന് രക്ഷാപ്രവർത്തനം താൽക്കാലികമായി നിർത്തിവച്ചു. അപകടത്തിൽപ്പെട്ട ഒരാളുടെ മൃതദേഹം കണ്ടെത്തി.
നാളെ സംസ്ഥാനത്ത് സ്വകാര്യ ബസ് പണിമുടക്ക്; വിദ്യാർത്ഥികളുടെ കൺസഷൻ നിരക്ക് വർദ്ധിപ്പിക്കാത്തതിൽ പ്രതിഷേധം
സംസ്ഥാനത്ത് നാളെ സ്വകാര്യ ബസ് പണിമുടക്ക്. ഗതാഗത കമ്മീഷണറുമായി ബസുടമകൾ നടത്തിയ ചർച്ച പരാജയപ്പെട്ടതിനെ തുടർന്നാണ് സമര പ്രഖ്യാപനം. ബസ് നിരക്ക് വർധിപ്പിക്കുക, വിദ്യാർഥികളുടെ കൺസഷൻ നിരക്ക് വർധിപ്പിക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം.