Kerala News
കേരളത്തിൽ വെളിച്ചെണ്ണ വില കുതിക്കുന്നു; ഓണത്തിന് മുൻപേ 600 കടക്കുമോ?
കേരളത്തിൽ വെളിച്ചെണ്ണയുടെ വില കുതിച്ചുയരുകയാണ്. ഒരു ലിറ്റർ വെളിച്ചെണ്ണയുടെ വില 480 രൂപ വരെ എത്തിനിൽക്കുന്നു. ഓണക്കാലത്ത് ഇത് 600 രൂപ കടക്കുമെന്നാണ് വ്യാപാരികൾ പറയുന്നത്. തേങ്ങയുടെ ക്ഷാമം മൂലം വെളിച്ചെണ്ണയുടെ വില താഴാൻ സാധ്യതയില്ല.
തിരുവനന്തപുരം കോർപ്പറേഷനിൽ സി.പി.ഐ.എം സ്പോൺസേർഡ് നിയമനമെന്ന് വി.വി. രാജേഷ്
തിരുവനന്തപുരം കോർപ്പറേഷനിൽ സി.പി.ഐ.എം സ്പോൺസേർഡ് അനധികൃത നിയമനം നടത്താൻ ശ്രമിക്കുന്നുവെന്ന് ബി.ജെ.പി സംസ്ഥാന സെക്രട്ടറി വി.വി. രാജേഷ് ആരോപിച്ചു. ഭരണസമിതിയുടെ കാലാവധി അവസാനിക്കുന്നതിന് മുൻപ് സി.പി.ഐ.എം അംഗങ്ങളെയും അനുഭാവികളെയും കോർപ്പറേഷനിൽ നിയമിക്കാൻ ശ്രമം നടക്കുന്നുവെന്നും അദ്ദേഹം കുറ്റപ്പെടുത്തി. ഇതിനെതിരെ ശക്തമായ പ്രതിഷേധം നടത്തുമെന്നും അദ്ദേഹം അറിയിച്ചു.
പോക്സോ കേസ്: കൗൺസിലർ കെ.വി.തോമസിനെ സി.പി.ഐ.എം പുറത്താക്കി
എറണാകുളത്ത് പോക്സോ കേസിൽ പ്രതിയായ കോതമംഗലം നഗരസഭ കൗൺസിലർ കെ.വി.തോമസിനെ സി.പി.ഐ.എം പുറത്താക്കി. പാർട്ടി അംഗത്വത്തിൽ നിന്നും പുറത്താക്കിയതിന് പുറമെ കൗൺസിലർ സ്ഥാനം രാജിവെക്കാനും ആവശ്യപ്പെട്ടിട്ടുണ്ട്. വിദ്യാർത്ഥിനിയെ ലൈംഗികമായി പീഡിപ്പിച്ചെന്ന പരാതിയിലാണ് നടപടി.
തൊടുപുഴയിൽ പിതാവ് മകനെ കൊന്ന് ജീവനൊടുക്കി; സംഭവം കാഞ്ഞിരമറ്റത്ത്
തൊടുപുഴ കാഞ്ഞിരമറ്റത്ത് ഭിന്നശേഷിക്കാരനായ മൂന്ന് വയസ്സുകാരനെ പിതാവ് കൊലപ്പെടുത്തി ജീവനൊടുക്കി. ഉന്മേഷ് (32) ആണ് മകന് ദേവിനെ കൊലപ്പെടുത്തിയ ശേഷം ജീവനൊടുക്കിയത്. ഭാര്യ ജോലി കഴിഞ്ഞ് വീട്ടിലെത്തിയപ്പോഴാണ് സംഭവം അറിയുന്നത്.
വയനാട് ഫണ്ട് പിരിവിൽ യൂത്ത് കോൺഗ്രസിൽ നടപടി; നിരവധി പേരെ സസ്പെൻഡ് ചെയ്തു
വയനാട് ഫണ്ട് പിരിവുമായി ബന്ധപ്പെട്ട് യൂത്ത് കോൺഗ്രസിൽ സംഘടനാ നടപടി സ്വീകരിച്ചു. 50,000 രൂപയിൽ കുറവ് പിരിവ് നടത്തിയവരെ സസ്പെൻഡ് ചെയ്തതാണ് ഇതിന് പിന്നിലെ കാരണം. പെരിന്തൽമണ്ണ, മങ്കട, തിരൂരങ്ങാടി തുടങ്ങിയ നിയോജകമണ്ഡലം പ്രസിഡന്റുമാർക്കെതിരെയാണ് നടപടി.
ജെഎസ്കെ– ജാനകി വേഴ്സസ് സ്റ്റേറ്റ് ഓഫ് കേരള’ സിനിമയ്ക്ക് പ്രദർശനാനുമതി
വിവാദ സിനിമയായ ‘ജെഎസ്കെ– ജാനകി വേഴ്സസ് സ്റ്റേറ്റ് ഓഫ് കേരള’യ്ക്ക് സെൻസർ ബോർഡിന്റെ പ്രദർശനാനുമതി ലഭിച്ചു. ചിത്രം റീ എഡിറ്റ് ചെയ്ത ശേഷം ബോർഡിന് സമർപ്പിച്ചു. ഈ മാസം 18ന് സിനിമ റിലീസ് ചെയ്തേക്കും.
ആറന്മുളയില് ഹോട്ടലുടമ ആത്മഹത്യ ചെയ്ത സംഭവം: കോണ്ഗ്രസ് പഞ്ചായത്ത് അംഗത്തിനെതിരെ ആരോപണം
പത്തനംതിട്ട ആറന്മുളയില് ഹോട്ടലുടമയെ തൂങ്ങിമരിച്ച നിലയില് കണ്ടെത്തി. ഹോട്ടലുടമ ബിജുവിൻ്റെ ആത്മഹത്യാക്കുറിപ്പിൽ കോൺഗ്രസ് പഞ്ചായത്ത് അംഗത്തിനെതിരെ ഗുരുതര ആരോപണങ്ങൾ ഉന്നയിച്ചിട്ടുണ്ട്. സംഭവത്തിൽ അസ്വാഭാവിക മരണത്തിന് കേസെടുത്ത് പൊലീസ് അന്വേഷണം ആരംഭിച്ചു.
വിദ്യാർത്ഥികളെ കൊണ്ട് പാദപൂജ: ബാലാവകാശ കമ്മീഷന് പരാതി നൽകി എഐഎസ്എഫ്
മാവേലിക്കരയിലെ വിദ്യാധിരാജ സെൻട്രൽ സ്കൂളിലും ഇടപ്പോളിലെ ആറ്റുവ വിവേകാനന്ദ വിദ്യാപീഠം സ്കൂളിലും നടന്ന പാദപൂജയുമായി ബന്ധപ്പെട്ട് ബാലാവകാശ കമ്മീഷന് പരാതി നൽകി എഐഎസ്എഫ്. സർവീസിൽ നിന്നും വിരമിക്കുന്ന അധ്യാപകർക്ക് പാദപൂജ ചെയ്യുവാൻ അധ്യാപകരും മാനേജ്മെന്റും വിദ്യാർത്ഥികളെ നിർബന്ധിക്കുകയായിരുന്നു. സംഭവത്തിൽ പങ്കാളികളായവർക്കെതിരെ നടപടി സ്വീകരിക്കണമെന്ന് എഐഎസ്എഫ് ആവശ്യപ്പെട്ടു.
തിരുവനന്തപുരത്ത് നീന്തൽക്കുളത്തിൽ വീണ് രണ്ട് വിദ്യാർഥികൾ മുങ്ങി മരിച്ചു
തിരുവനന്തപുരത്ത് നീന്തൽക്കുളത്തിൽ വീണ് രണ്ട് വിദ്യാർഥികൾ മരിച്ചു. ആനാട് ഗ്രാമപഞ്ചായത്തിൻ്റെ കീഴിലുള്ള വേങ്കവിളയിലെ കുളത്തിലാണ് അപകടം നടന്നത്. കുശർകോട് സ്വദേശികളായ ആരോമൽ, ഷിനിൽ എന്നിവരാണ് മരിച്ചത്.
കേരളത്തിൽ സ്വർണ്ണവില വീണ്ടും കൂടി; ഒരു പവൻ 73,120 രൂപയായി
സംസ്ഥാനത്ത് സ്വര്ണ്ണവില വീണ്ടും കൂടി. ഒരു പവന് സ്വര്ണ്ണത്തിന് 73,120 രൂപയായിരിക്കുന്നു. 520 രൂപയാണ് ഇന്ന് ഒരു പവന് സ്വര്ണ്ണത്തിന് കൂടിയത്. ആഗോള വിപണിയിലെ ചലനങ്ങള് രാജ്യത്തെ സ്വര്ണ്ണവിലയില് പ്രതിഫലിക്കുന്നതാണ് ഈ വില വര്ധനവിന് കാരണം.
സ്കൂൾ സമയമാറ്റം; വിദ്യാഭ്യാസ മന്ത്രിക്കെതിരെ ജിഫ്രി മുത്തുക്കോയ തങ്ങൾ
സ്കൂൾ സമയമാറ്റ വിഷയത്തിൽ വിദ്യാഭ്യാസ മന്ത്രി വി. ശിവൻകുട്ടിക്കെതിരെ ജിഫ്രി മുത്തുക്കോയ തങ്ങൾ രംഗത്ത്. മുഖ്യമന്ത്രിക്ക് നിവേദനം നൽകിയിട്ടുണ്ടെന്നും സർക്കാർ മാന്യമായ തീരുമാനമെടുക്കണമെന്നും അദ്ദേഹം ആവശ്യപ്പെട്ടു. വിദ്യാഭ്യാസ മന്ത്രിയുടെ പ്രതികരണ രീതി ശരിയല്ലെന്നും ഒരു മതവിഭാഗത്തെയും അവഗണിക്കരുതെന്നും അദ്ദേഹം കൂട്ടിച്ചേർത്തു.
കഴക്കൂട്ടത്ത് പോലീസ് ഉദ്യോഗസ്ഥൻ മരിച്ച സംഭവം: ദുരൂഹതയെന്ന് കുടുംബം, അന്വേഷണം ആവശ്യപ്പെട്ട് ഭാര്യ
കഴക്കൂട്ടത്ത് പോലീസ് ഉദ്യോഗസ്ഥനെ തൂങ്ങിമരിച്ച നിലയിൽ കണ്ടെത്തിയ സംഭവത്തിൽ ദുരൂഹതയുണ്ടെന്ന് കുടുംബം ആരോപിച്ചു. ആറുകോടിയുടെ അഴിമതിക്ക് കൂട്ടുനിൽക്കാൻ മേലുദ്യോഗസ്ഥർ സമ്മർദ്ദം ചെലുത്തിയെന്നും, അഴിമതിക്ക് വഴങ്ങാത്തതിനാൽ വൈരാഗ്യത്തോടെ പെരുമാറിയെന്നും മാതാവ് ആരോപിച്ചു. സംഭവത്തിൽ ഭാര്യ മുഖ്യമന്ത്രിയ്ക്കും ഡിജിപിക്കും പരാതി നൽകും.