Kerala News

സ്വർണ്ണവിലയിൽ നേരിയ ഇടിവ്; ഒരു പവൻ സ്വർണത്തിന് 73,160 രൂപ
ഇന്ന് സ്വർണ്ണവിലയിൽ നേരിയ കുറവ് രേഖപ്പെടുത്തി. പവന് 80 രൂപ കുറഞ്ഞ് 73,160 രൂപയായി. ഗ്രാമിന് 10 രൂപ കുറഞ്ഞ് 9145 രൂപയാണ് വില.

കാർ കടത്തിയെന്ന സംശയത്തിൽ കണ്ടെയ്നർ ലോറി കസ്റ്റഡിയിൽ; ഒരാൾ രക്ഷപ്പെട്ടു
കാർ കടത്തിയെന്ന സംശയത്തെ തുടർന്ന് പനങ്ങാട് പൊലീസ് കണ്ടെയ്നർ ലോറി കസ്റ്റഡിയിലെടുത്തു. രാജസ്ഥാൻ സ്വദേശികളായ മൂന്ന് പേരെ കസ്റ്റഡിയിലെടുത്തെങ്കിലും ഒരാൾ രക്ഷപ്പെട്ടു. ഊട്ടിയിൽ നിന്ന് കാർ കവർന്ന് കടത്തിയതാണെന്ന സംശയത്തിലാണ് പോലീസ്.

ഷാർജയിൽ മരിച്ച വിപഞ്ചികയുടെ കേസിൽ നിയമപോരാട്ടത്തിനൊരുങ്ങി കുടുംബം
ഷാർജയിൽ ആത്മഹത്യ ചെയ്ത കൊല്ലം കേരളപുരം സ്വദേശി വിപഞ്ചികയുടെ മരണത്തിൽ നിയമപോരാട്ടത്തിനൊരുങ്ങുകയാണ് കുടുംബം. ഇതിന്റെ ഭാഗമായി വിപഞ്ചികയുടെ അമ്മയും സഹോദരനും ഷാർജ പൊലീസിനെ സമീപിക്കും. കൂടാതെ, ഗാർഹിക പീഡനം കൂടി പ്രതികൾക്കെതിരെ ചുമത്തണമെന്ന് വിപഞ്ചികയുടെ അമ്മ ഷൈലജ ആവശ്യപ്പെട്ടിട്ടുണ്ട്.

സംസ്ഥാനത്ത് പാൽ വില കൂട്ടാൻ സാധ്യത; ഇന്ന് മിൽമ യോഗം
സംസ്ഥാനത്ത് പാൽ വില വർദ്ധിപ്പിക്കുന്ന കാര്യത്തിൽ ഇന്ന് തീരുമാനമുണ്ടാകും. വിവിധ യൂണിയനുകളുടെ നിർദ്ദേശങ്ങൾ ചർച്ച ചെയ്യാൻ മിൽമ ഭരണസമിതി യോഗം ചേരും. കർഷകർ ലിറ്ററിന് 60 രൂപ നൽകണമെന്ന് ആവശ്യപ്പെട്ടിട്ടുണ്ട്.

മുഖ്യമന്ത്രി പിണറായി വിജയൻ അമേരിക്കയിലെ ചികിത്സയ്ക്ക് ശേഷം കേരളത്തിൽ തിരിച്ചെത്തി
മുഖ്യമന്ത്രി പിണറായി വിജയൻ അമേരിക്കയിലെ ആരോഗ്യ പരിശോധനകൾക്ക് ശേഷം കേരളത്തിൽ തിരിച്ചെത്തി. ചീഫ് സെക്രട്ടറി ഡോ. ജയതിലക്, ഡിജിപി റവാഡ ചന്ദ്രശേഖർ എന്നിവർ അദ്ദേഹത്തെ വിമാനത്താവളത്തിൽ സ്വീകരിച്ചു. ഈ മാസം 5-നാണ് മുഖ്യമന്ത്രി അമേരിക്കയിലേക്ക് പോയത്.

മറന്നുപോയ 18 പവൻ സ്വർണം ഉടമയ്ക്ക് തിരികെ നൽകി ഓട്ടോ ഡ്രൈവർ
ആലപ്പുഴയിൽ വിവാഹത്തിന് എത്തിയ നവദമ്പതികളുടെ 18 പവൻ സ്വർണം ഓട്ടോയിൽ മറന്നുപോയിരുന്നു. സ്വർണം ഉടമസ്ഥർക്ക് തിരികെ നൽകി ഓട്ടോ ഡ്രൈവർ പ്രസന്നകുമാർ സത്യസന്ധത കാട്ടി. 30 വർഷം ചെത്തുതൊഴിലാളിയായിരുന്ന പ്രസന്നകുമാർ ഒരു വർഷം മുൻപാണ് സ്വന്തമായി ഓട്ടോറിക്ഷ വാങ്ങിയത്.

ചാൻസലറുടെ നടപടി നിയമവിരുദ്ധം; സർക്കാരിൻ്റെ വാദം ശരിയെന്ന് കോടതി വിധിയിലൂടെ തെളിഞ്ഞു; മന്ത്രി ആർ.ബിന്ദു
താൽക്കാലിക വിസി നിയമനത്തിൽ ഹൈക്കോടതി വിധിയിൽ പ്രതികരണവുമായി മന്ത്രി ആർ.ബിന്ദു. ചാൻസലറുടെ നടപടികൾ നിയമവിരുദ്ധമാണെന്ന് തെളിഞ്ഞുവെന്ന് മന്ത്രി പറഞ്ഞു. കുറേക്കാലമായി സംസ്ഥാന സർക്കാർ പറയുന്ന കാര്യങ്ങൾ ശരിയാണെന്നാണ് കോടതി വിധികൾ സൂചിപ്പിക്കുന്നത് എന്നും മന്ത്രി കൂട്ടിച്ചേർത്തു.

താത്കാലിക വിസി നിയമനത്തിൽ ഗവർണർക്ക് തിരിച്ചടി; ഹൈക്കോടതി ഉത്തരവ് ശരിവച്ചു
താൽക്കാലിക വിസി നിയമനത്തിൽ ഗവർണർക്ക് തിരിച്ചടി. ഗവർണർ നൽകിയ അപ്പീൽ ഹൈക്കോടതി ഡിവിഷൻ ബെഞ്ച് തള്ളി. സംസ്ഥാന സർക്കാർ നൽകുന്ന പാനലിൽ നിന്ന് വേണം നിയമനം നടത്താനെന്ന സിംഗിൾ ബെഞ്ച് ഉത്തരവ് ഡിവിഷൻ ബെഞ്ച് ശരിവച്ചു. സ്ഥിരം വി.സി നിയമനം വൈകുന്നത് സർവകലാശാലയുടെ പ്രവർത്തനങ്ങളെ ബാധിക്കുമെന്നും കോടതി പറഞ്ഞു.

കണ്ണൂരിൽ ആംബുലൻസിന് വഴി തടസ്സപ്പെടുത്തിയ ബൈക്ക് യാത്രികന് പിഴ
കണ്ണൂരിൽ ആംബുലൻസിന് വഴി തടസ്സപ്പെടുത്തിയ ബൈക്ക് യാത്രികന് 5000 രൂപ പിഴ ചുമത്തി. താഴെ ചൊവ്വ സ്വദേശി കൗശിക്കിനെതിരെയാണ് നടപടി സ്വീകരിച്ചത്. കുളത്തിൽ വീണ കുട്ടിയുമായി പോവുകയായിരുന്നു ആംബുലൻസ്.

ശ്രീചിത്ര ഹോമിൽ പെൺകുട്ടികളുടെ ആത്മഹത്യാശ്രമം: ബാലാവകാശ കമ്മീഷൻ സ്വമേധയാ കേസെടുത്തു
തിരുവനന്തപുരം ശ്രീചിത്ര ഹോമിലെ മൂന്ന് പെൺകുട്ടികൾ ആത്മഹത്യക്ക് ശ്രമിച്ച സംഭവത്തിൽ ബാലാവകാശ കമ്മീഷൻ സ്വമേധയാ കേസെടുത്തു. വനിതാ ശിശു വികസന വകുപ്പിന് കീഴിൽ പ്രവർത്തിക്കുന്ന സ്ഥാപനമാണിത്. സംഭവത്തിൽ കമ്മീഷൻ അന്വേഷണം ആരംഭിച്ചു.

ശ്രീചിത്ര ഹോമിൽ മൂന്ന് പെൺകുട്ടികൾ ആത്മഹത്യക്ക് ശ്രമിച്ചു; കാരണം പീഡനമെന്ന് പരാതി
തിരുവനന്തപുരം ശ്രീചിത്ര ഹോമിൽ 16, 15, 12 വയസ്സുള്ള മൂന്ന് പെൺകുട്ടികൾ ആത്മഹത്യക്ക് ശ്രമിച്ചു. മുതിർന്ന കുട്ടികളുടെ പീഡനം സഹിക്കവയ്യാതെയാണ് ആത്മഹത്യക്ക് ശ്രമിച്ചതെന്നാണ് കുട്ടികളുടെ പരാതി. ഈ വിഷയത്തിൽ വനിതാ ശിശു വികസന വകുപ്പ് അന്വേഷണം ആരംഭിച്ചു.

അമേരിക്കൻ ചികിത്സയ്ക്ക് ശേഷം മുഖ്യമന്ത്രി നാളെ കേരളത്തിൽ തിരിച്ചെത്തും
മുഖ്യമന്ത്രി പിണറായി വിജയൻ അമേരിക്കയിലെ ചികിത്സയ്ക്ക് ശേഷം നാളെ കേരളത്തിൽ തിരിച്ചെത്തും. ആരോഗ്യ പരിശോധനകൾക്കായി ഈ മാസം 5-നാണ് മുഖ്യമന്ത്രി അമേരിക്കയിലേക്ക് പോയത്. ഇന്ന് വൈകുന്നേരം ദുബായിൽ എത്തുന്ന അദ്ദേഹം നാളെ പുലർച്ചെ തിരുവനന്തപുരത്ത് എത്തും.