Kerala Jobs
നാഷണൽ ആയുഷ് മിഷനിൽ വിവിധ ഒഴിവുകൾ; അപേക്ഷകൾ സെപ്റ്റംബർ 10 വരെ
നാഷണൽ ആയുഷ് മിഷൻ എറണാകുളം ജില്ലാ ഓഫീസിൽ തെറാപ്പിസ്റ്റ്, മൾട്ടിപ്പർപ്പസ് വർക്കർ തസ്തികകളിലേക്ക് കരാർ നിയമനം നടത്തുന്നു. കേരള സർക്കാർ അംഗീകൃത ആയുർവേദ തെറാപ്പിസ്റ്റ് കോഴ്സ് പാസായവർക്കും, എഎൻഎം നഴ്സിംഗ് സർട്ടിഫിക്കറ്റ് ഉള്ളവർക്കും അപേക്ഷിക്കാം. താല്പര്യമുള്ളവർ അസ്സൽ രേഖകൾ സഹിതം സെപ്റ്റംബർ 10-ന് മുൻപ് അപേക്ഷിക്കുക.
വിജ്ഞാന കേരളം പദ്ധതി: ഒരു ലക്ഷം തൊഴിലവസരങ്ങളുമായി സർക്കാർ
വിജ്ഞാന കേരളം പദ്ധതിയിലൂടെ ഒരു ലക്ഷം പേർക്ക് തൊഴിൽ നൽകി ചരിത്രം സൃഷ്ടിക്കാൻ സർക്കാർ ലക്ഷ്യമിടുന്നതായി മന്ത്രി വി. ശിവൻകുട്ടി. നെടുമങ്ങാട് ബ്ലോക്ക് പഞ്ചായത്ത് കുടുംബശ്രീയുമായി സഹകരിച്ച് സംഘടിപ്പിച്ച തൊഴിൽ മേളയിൽ അൻപതോളം കമ്പനികളും അഞ്ഞൂറോളം ഉദ്യോഗാർത്ഥികളും പങ്കെടുത്തു. തൊഴിൽ അന്വേഷകർക്ക് അനുയോജ്യമായ ജോലി കണ്ടെത്താനും കമ്പനികൾക്ക് യോഗ്യരായ ഉദ്യോഗാർത്ഥികളെ ലഭിക്കാനുമുള്ള ബുദ്ധിമുട്ടുകൾ ഒഴിവാക്കുക എന്നതാണ് മേളയുടെ ലക്ഷ്യം.
സ്കിൽ കേരള ഗ്ലോബൽ സ്കിൽ സമ്മിറ്റ് പോസ്റ്റർ പ്രകാശനം ചെയ്ത് കൊല്ലം ജില്ലാ കളക്ടർ
കൊല്ലം ജില്ലാ കളക്ടർ എൻ. ദേവിദാസ്, സ്കിൽ കേരള ഗ്ലോബൽ സ്കിൽ സമ്മിറ്റിൻ്റെ പോസ്റ്റർ പ്രകാശനം ചെയ്തു. ഓഗസ്റ്റ് 29, 30 തീയതികളിൽ കൊച്ചിയിലെ ഹോട്ടൽ ഗ്രാൻഡ് ഹയാത്തിലാണ് ഉച്ചകോടി നടക്കുന്നത്. യുവജനങ്ങൾക്ക് തൊഴിൽ അവസരങ്ങൾ നൽകുന്നതിനും നൈപുണി പരിശീലനം നൽകുന്നതിനും ലക്ഷ്യമിട്ടുള്ള വിജ്ഞാനകേരളം പദ്ധതിയുടെ ഭാഗമാണിത്.
കോട്ടക്കൽ അങ്കണവാടിയിൽ ഹെൽപ്പർ നിയമനം: പത്താം ക്ലാസ് പാസാകാത്തവർക്കും അപേക്ഷിക്കാം
മലപ്പുറം കോട്ടക്കൽ മുനിസിപ്പാലിറ്റിയിലെ അങ്കണവാടികളിൽ ഹെൽപ്പർ തസ്തികയിലേക്ക് വനിതകളിൽ നിന്ന് അപേക്ഷ ക്ഷണിച്ചു. ഓഗസ്റ്റ് 25 മുതൽ സെപ്റ്റംബർ 25 വരെ അപേക്ഷകൾ സ്വീകരിക്കും. പത്താം ക്ലാസ് പാസാകാത്തവർക്കും അപേക്ഷിക്കാം.
കേരള വന ഗവേഷണ സ്ഥാപനത്തിൽ ഡോക്യുമെന്ററി സിനിമാട്ടോഗ്രാഫർക്ക് അവസരം
കേരള വന ഗവേഷണ സ്ഥാപനത്തിൽ ഡോക്യുമെന്ററി സിനിമാട്ടോഗ്രാഫറുടെ താൽക്കാലിക ഒഴിവുണ്ട്. ഇതിലേക്ക് അപേക്ഷിക്കാനുള്ള യോഗ്യത മാസ് കമ്മ്യൂണിക്കേഷൻ ആന്റ് ജേർണലിസത്തിലോ, മാസ്റ്റർ ഓഫ് സോഷ്യൽ വർക്കിലോ, ബയോളജിക്കൽ സയൻസിന്റെ മേഖലകളിലോ ഒന്നാം ക്ലാസോട് കൂടിയ ബിരുദാനന്തര ബിരുദമാണ്. 2025 ജനുവരി ഒന്നിന് 36 വയസ്സ് കവിയരുത്.
ഇൻഫർമേഷൻ പബ്ലിക് റിലേഷൻസ് വകുപ്പിൽ അവസരം; വാക്ക് ഇൻ ഇന്റർവ്യൂ 27-ന്
ഇൻഫർമേഷൻ പബ്ലിക് റിലേഷൻസ് വകുപ്പ് ഡയറക്ടറേറ്റിലും തിരുവനന്തപുരം ജില്ലാ ഓഫീസിലും സബ് എഡിറ്റർ, കണ്ടന്റ് എഡിറ്റർ, ഇൻഫർമേഷൻ അസിസ്റ്റന്റ് പാനലുകളിലേക്ക് നിയമനം നടത്തുന്നു. ഇതിനായുള്ള വാക്ക് ഇൻ ഇന്റർവ്യൂ ഓഗസ്റ്റ് 27-ന് രാവിലെ 10 മണിക്ക് ഗവ. സെക്രട്ടേറിയറ്റ് സൗത്ത് ബ്ലോക്കിലെ പി. ആർ. ഡിയിൽ നടക്കും. ഉദ്യോഗാർത്ഥികൾ അസ്സൽ രേഖകളും പകർപ്പുകളുമായി കൃത്യസമയത്ത് എത്തേണ്ടതാണ്.
മെഡിക്കൽ കോളേജിൽ അസിസ്റ്റന്റ് പ്രൊഫസർ നിയമനം: ഉടൻ അപേക്ഷിക്കുക
തിരുവനന്തപുരം സർക്കാർ മെഡിക്കൽ കോളേജിൽ അസിസ്റ്റന്റ് പ്രൊഫസർ (ഓർത്തോപീഡിക്സ്) തസ്തികയിലേക്ക് അപേക്ഷകൾ ക്ഷണിക്കുന്നു. വിവിധ സംവരണ വിഭാഗങ്ങൾക്കായി 5 ഒഴിവുകളാണ് ഉള്ളത്. യോഗ്യരായ ഉദ്യോഗാർത്ഥികൾ ആഗസ്റ്റ് 23-നകം ബന്ധപ്പെട്ട രേഖകളുമായി എംപ്ലോയ്മെന്റ് എക്സ്ചേഞ്ചിൽ നേരിട്ട് ഹാജരാകണം.
ഗുരുവായൂർ ദേവസ്വം ബോർഡ് പരീക്ഷകൾ ഓഗസ്റ്റ് 24-ന്
ഗുരുവായൂർ ദേവസ്വം ബോർഡിലേക്ക് വിജ്ഞാപനം ചെയ്ത വിവിധ തസ്തികകളിലേക്കുള്ള പരീക്ഷകൾ ഓഗസ്റ്റ് 24-ന് നടക്കും. പ്ലംബർ, കലാനിലയം സൂപ്രണ്ട്, കമ്പ്യൂട്ടർ ഓപ്പറേറ്റർ/ഡാറ്റാ എൻട്രി ഓപ്പറേറ്റർ, കമ്പ്യൂട്ടർ സ്പെഷ്യൽ അസിസ്റ്റന്റ്, ഡെപ്യൂട്ടി സിസ്റ്റം അഡ്മിനിസ്ട്രേറ്റർ, വർക്ക് സൂപ്രണ്ട്, മെഡിക്കൽ ഓഫീസർ (ആയുർവേദ) എന്നീ തസ്തികകളിലേക്കുള്ള പരീക്ഷകളാണ് നടക്കുന്നത്. കൂടുതൽ വിവരങ്ങൾക്കായി kdrb.kerala.gov.in സന്ദർശിക്കുക.
ശുചിത്വ മിഷനിൽ പ്രോഗ്രാം ഓഫീസർ നിയമനം; 46,230 രൂപ വരെ ശമ്പളം
ശുചിത്വ മിഷനിൽ പ്രോഗ്രാം ഓഫീസർ നിയമനത്തിന് അപേക്ഷകൾ ക്ഷണിക്കുന്നു. കരാർ അടിസ്ഥാനത്തിലുള്ള നിയമനത്തിൽ 46,230 രൂപയാണ് പ്രതിമാസ ശമ്പളം. താല്പര്യമുള്ള ഉദ്യോഗാർത്ഥികൾക്ക് ഓഗസ്റ്റ് 19-ന് മുൻപായി അപേക്ഷകൾ സമർപ്പിക്കാവുന്നതാണ്.
ഗുരുവായൂർ ദേവസ്വത്തിൽ ജോലി ഒഴിവ്; 21 ഒഴിവുകളിലേക്ക് അപേക്ഷിക്കാം
ഗുരുവായൂർ ദേവസ്വം ക്ഷേത്രത്തിൽ വിവിധ തസ്തികകളിലേക്ക് അപേക്ഷകൾ ക്ഷണിക്കുന്നു. ക്ഷേത്രം സെക്യൂരിറ്റി ഓഫീസർ, കോയ്മ എന്നീ തസ്തികകളിലായി ആകെ 21 ഒഴിവുകളാണുള്ളത്. താൽപ്പര്യമുള്ള ഉദ്യോഗാർത്ഥികൾക്ക് ഓഗസ്റ്റ് 14 വരെ അപേക്ഷിക്കാവുന്നതാണ്.
കേന്ദ്ര ആഭ്യന്തര മന്ത്രാലയത്തിൽ 8700 ഒഴിവുകൾ; അപേക്ഷിക്കേണ്ട അവസാന തീയതി ഓഗസ്റ്റ് 17
കേന്ദ്ര ആഭ്യന്തര മന്ത്രാലയത്തിന് കീഴിൽ ഇന്റലിജൻസ് ബ്യൂറോയിലും അതിന്റെ സബ്സിഡിയറികളിലുമായി 8700 ഒഴിവുകൾ. അസിസ്റ്റന്റ് സെൻട്രൽ ഇന്റലിജൻസ് ഓഫീസർ, സെക്യൂരിറ്റി അസിസ്റ്റന്റ്/എക്സിക്യൂട്ടീവ് തസ്തികകളിലാണ് ഒഴിവുകൾ ഉള്ളത്. താല്പര്യമുള്ള ഉദ്യോഗാർത്ഥികൾക്ക് ഓൺലൈൻ വഴി അപേക്ഷിക്കാം.
എൽഐസിയിൽ ബീമ സഖി ഏജന്റാകാൻ അവസരം; പത്താം ക്ലാസ് കഴിഞ്ഞ സ്ത്രീകൾക്ക് അപേക്ഷിക്കാം
പത്താം ക്ലാസ് കഴിഞ്ഞ സ്ത്രീകൾക്ക് എൽഐസിയിൽ ബീമ സഖി ഏജന്റുമാരാകാൻ അവസരം. തിരുവനന്തപുരം നെടുമങ്ങാട് എൽഐസി ഓഫ് ഇന്ത്യയുടെ ബ്രാഞ്ചിൽ 40 ഒഴിവുകളിലേക്ക് അപേക്ഷിക്കാം. താല്പര്യമുള്ള ഉദ്യോഗാർത്ഥികൾക്ക് 9747431496, 9074747027 എന്നീ നമ്പറുകളിൽ ബന്ധപ്പെട്ട് രജിസ്റ്റർ ചെയ്യാവുന്നതാണ്.