Kerala Jobs
നെടുമങ്ങാട് ഗവൺമെൻ്റ് ടെക്നിക്കൽ ഹൈസ്കൂളിൽ താൽക്കാലിക നിയമനം
നെടുമങ്ങാട് ഗവൺമെൻ്റ് ടെക്നിക്കൽ ഹൈസ്കൂളിൽ ഹൈസ്കൂൾ ടീച്ചർ ഫിസിക്കൽ സയൻസ് തസ്തികയിൽ താൽക്കാലിക ഒഴിവുണ്ട്. മെയ് 30ന് രാവിലെ 10 മണിക്ക് സ്കൂളിൽ വെച്ച് അഭിമുഖം നടക്കും. ഹൈസ്കൂൾ തലത്തിൽ ഫിസിക്കൽ സയൻസ് ക്ലാസുകൾ കൈകാര്യം ചെയ്യാൻ യോഗ്യതയുള്ള അപേക്ഷകർക്ക് പങ്കെടുക്കാം.
മെഡിക്കൽ കോളേജിൽ അനസ്തേഷ്യ സീനിയർ റെസിഡന്റ് നിയമനം; 73,500 രൂപ വേതനം
തിരുവനന്തപുരം സർക്കാർ മെഡിക്കൽ കോളേജിൽ അനസ്തേഷ്യ വിഭാഗത്തിൽ സീനിയർ റെസിഡന്റ് തസ്തികയിലേക്ക് കരാറടിസ്ഥാനത്തിൽ നിയമനം നടത്തുന്നു. അനസ്തേഷ്യ വിഭാഗത്തിലുള്ള പി.ജി, ടി.സി.എം.സി രജിസ്ട്രേഷൻ സർട്ടിഫിക്കറ്റ് എന്നിവയാണ് യോഗ്യത. താല്പര്യമുള്ളവർ ജൂൺ 13ന് രാവിലെ 11ന് പ്രിൻസിപ്പലിന്റെ കാര്യാലയത്തിൽ നേരിട്ട് ഹാജരാകണം.
സി ഡബ്ല്യൂ ആർ ഡി എമ്മിൽ അവസരം; മസ്റ്ററിങ് വിവരങ്ങളുമായി തൊഴിൽ വാർത്തകൾ
കോഴിക്കോട് സെന്റർ ഫോർ വാട്ടർ റിസോഴ്സസ് ഡെവലപ്പ്മെന്റ് എവിക്ടീസിന് സംവരണം ചെയ്ത ഓഫീസ് അസിസ്റ്റന്റ് ഗ്രേഡ് 1 തസ്തികയിലെ ഒഴിവുകളിലേക്ക് അപേക്ഷ ക്ഷണിച്ചു. കൂടാതെ സംസ്ഥാന അസംഘടിത തൊഴിലാളി സാമൂഹിക സുരക്ഷാ ബോർഡ് മുഖേന പെൻഷൻ വാങ്ങുന്ന ഗുണഭോക്താക്കൾ മസ്റ്ററിങ് നടത്തേണ്ട അവസാന തിയതിയും അറിയിക്കുന്നു. യോഗ്യരായ ഉദ്യോഗാർത്ഥികൾ ഈ അവസരം പ്രയോജനപ്പെടുത്തുക.
തിരുവനന്തപുരം ജില്ലയിൽ വിവിധ തൊഴിൽ പരിശീലന പദ്ധതികളിലേക്ക് അപേക്ഷകൾ ക്ഷണിച്ചു
തിരുവനന്തപുരം ജില്ലയിൽ നഴ്സിംഗ് അപ്രൻ്റീസ് ട്രെയിനി തസ്തികയിലേക്കും, ഹെൽത്ത് ഇൻസ്പെക്ടർ തൊഴിൽ പരിശീലന പദ്ധതിയിലേക്കും അപേക്ഷകൾ ക്ഷണിച്ചു. പട്ടികജാതി വിഭാഗത്തിൽപ്പെട്ട ഉദ്യോഗാർഥികൾക്ക് ഈ അവസരം പ്രയോജനപ്പെടുത്താവുന്നതാണ്. 2025-26 അധ്യയന വർഷത്തെ ബാച്ചിലർ ഓഫ് ഹോട്ടൽ മാനേജ്മെൻ്റ് ആൻഡ് കാറ്ററിംഗ് ടെക്നോളജി കോഴ്സിലേക്കും അപേക്ഷിക്കാം.
പട്ടികജാതി/വർഗക്കാർക്കായി സൗജന്യ പ്ലേസ്മെന്റ് ഡ്രൈവുമായി കേന്ദ്ര തൊഴിൽ മന്ത്രാലയം
പട്ടികജാതി/വർഗത്തിൽപ്പെട്ട യുവതീ യുവാക്കൾക്കായി കേന്ദ്ര തൊഴിൽ മന്ത്രാലയം സൗജന്യ പ്ലേസ്മെന്റ് ഡ്രൈവ് നടത്തുന്നു. ഇതിനോടനുബന്ധിച്ച്, അസാപ് കേരളയുടെ നേതൃത്വത്തിൽ സൗജന്യ തൊഴിൽ മേളയും സംഘടിപ്പിക്കുന്നു. താല്പര്യമുള്ള ഉദ്യോഗാർത്ഥികൾക്ക് ഗൂഗിൾ ഫോം വഴി രജിസ്റ്റർ ചെയ്യാവുന്നതാണ്.
കഴക്കൂട്ടത്ത് സൗജന്യ തൊഴിൽ മേള; മേയ് 24ന് അസാപ് കേരളയുടെ നേതൃത്വത്തിൽ നടത്തും
കേരള സർക്കാർ ഉന്നത വിദ്യാഭ്യാസ വകുപ്പിന് കീഴിൽ പ്രവർത്തിക്കുന്ന അസാപ് കേരളയുടെ നേതൃത്വത്തിൽ തിരുവനന്തപുരം ജില്ലയിലെ കഴക്കൂട്ടം കമ്മ്യൂണിറ്റി സ്കിൽ പാർക്കിൽ സൗജന്യ തൊഴിൽ മേള സംഘടിപ്പിക്കുന്നു. മേയ് 24-നാണ് തൊഴിൽ മേള നടക്കുന്നത്. ഈ തൊഴിൽ മേളയിൽ 100-ൽ അധികം തൊഴിലവസരങ്ങൾ ലഭ്യമാണ്.
സംഗീത കോളേജിൽ സംസ്കൃത അധ്യാപകരെ നിയമിക്കുന്നു
തിരുവനന്തപുരം ശ്രീ സ്വാതി തിരുനാൾ സർക്കാർ സംഗീത കോളേജിൽ 2024-25 അധ്യയന വർഷത്തേക്ക് സംസ്കൃതത്തിൽ അതിഥി അധ്യാപകരെ നിയമിക്കുന്നു. ദിവസ വേതനാടിസ്ഥാനത്തിലാണ് നിയമനം. യോഗ്യരായ ഉദ്യോഗാർത്ഥികൾക്ക് 29-ന് രാവിലെ 10 മണിക്ക് കോളേജിൽ നടക്കുന്ന അഭിമുഖത്തിൽ പങ്കെടുക്കാം.
ഊരാളുങ്കൽ സൊസൈറ്റിയിൽ യുവതീ യുവാക്കൾക്കായി തൊഴിൽ പരിശീലന പദ്ധതി
ഊരാളുങ്കൽ സൊസൈറ്റി നിർമ്മാണ മേഖലയിൽ യുവതീ യുവാക്കൾക്ക് തൊഴിൽ നൽകുന്ന പദ്ധതി ആരംഭിക്കുന്നു. തിരഞ്ഞെടുക്കപ്പെടുന്ന ഉദ്യോഗാർഥികൾക്ക് സ്റ്റൈപ്പന്റോടെ ഒരു വർഷത്തെ സാങ്കേതികവിദ്യാ പരിശീലനം നൽകുന്നതാണ് പദ്ധതി. പരിശീലനം വിജയകരമായി പൂർത്തിയാക്കുന്നവർക്ക് ഊരാളുങ്കൽ സൊസൈറ്റിയിൽ തന്നെ ജോലി ലഭിക്കുന്നതാണ്.
യൂണിവേഴ്സിറ്റി കോളേജിൽ സൈക്കോളജിസ്റ്റ് നിയമനം: അപേക്ഷ ക്ഷണിച്ചു
കേരള സർക്കാർ ജീവനി പദ്ധതി പ്രകാരം യൂണിവേഴ്സിറ്റി കോളേജിൽ സൈക്കോളജിസ്റ്റുകളെ താൽക്കാലികമായി നിയമിക്കുന്നു. മെയ് 26ന് രാവിലെ 11ന് പ്രിൻസിപ്പാളിന്റെ ഓഫീസിൽ വെച്ച് അഭിമുഖം നടക്കും. സൈക്കോളജിയിൽ ബിരുദാനന്തര ബിരുദവും കൗൺസിലിംഗ് ഡിപ്ലോമയും അഭിലഷണീയ യോഗ്യതകളായി പരിഗണിക്കും.
ചാലക്കുടി മോഡൽ റെസിഡൻഷ്യൽ സ്കൂളിൽ കമ്പ്യൂട്ടർ ഇൻസ്ട്രക്ടർ നിയമനം
ചാലക്കുടി ട്രൈബൽ ഡെവലപ്മെന്റ് ഓഫീസിന്റെ കീഴിലുള്ള മോഡൽ റെസിഡൻഷ്യൽ സ്കൂളിൽ കമ്പ്യൂട്ടർ ഇൻസ്ട്രക്ടർ തസ്തികയിലേക്ക് താൽക്കാലിക നിയമനം നടത്തുന്നു. 2025-26 അധ്യായന വർഷത്തേക്കാണ് നിയമനം. താല്പര്യമുള്ള വനിതാ ഉദ്യോഗാർത്ഥികൾക്ക് മെയ് 31-ന് മുൻപ് അപേക്ഷിക്കാം.
കാഞ്ഞിരംകുളം ഗവൺമെൻ്റ് കോളേജിൽ അതിഥി അധ്യാപക നിയമനം
കാഞ്ഞിരംകുളം ഗവൺമെൻ്റ് കോളേജിൽ ഫിസിക്സ്, കമ്പ്യൂട്ടർ സയൻസ് വിഷയങ്ങളിൽ അതിഥി അധ്യാപകരെ നിയമിക്കുന്നു. കൊല്ലം ഡെപ്യൂട്ടി ഡയറക്ടറേറ്റിൽ ഗസ്റ്റ് ലക്ചറർ പാനലിൽ രജിസ്റ്റർ ചെയ്തിട്ടുള്ളവർക്ക് അപേക്ഷിക്കാം. മെയ് 23 വൈകിട്ട് 5 മണിക്ക് മുൻപായി [email protected] എന്ന ഇമെയിൽ വിലാസത്തിൽ അപേക്ഷകൾ സമർപ്പിക്കണം.
തലശ്ശേരി ഗവ. കോളേജിൽ സൈക്കോളജിസ്റ്റ് നിയമനം; പോളിടെക്നിക് ലാറ്ററൽ എൻട്രി പ്രവേശനവും തുടങ്ങി
തലശ്ശേരി കോടിയേരി ബാലകൃഷ്ണൻ സ്മാരക ഗവ. കോളേജിൽ സൈക്കോളജിസ്റ്റിന്റെ ഒഴിവിലേക്ക് അപേക്ഷകൾ ക്ഷണിക്കുന്നു. 2025-26 അധ്യയന വർഷത്തിൽ ലാറ്ററൽ എൻട്രി വഴി പോളിടെക്നിക് ഡിപ്ലോമയുടെ രണ്ടാം വർഷത്തിലേക്ക് നേരിട്ടുള്ള പ്രവേശനത്തിനുള്ള അപേക്ഷകളും ആരംഭിച്ചു. താല്പര്യമുള്ള ഉദ്യോഗാർത്ഥികൾ മെയ് 30-ന് മുൻപ് അപേക്ഷകൾ സമർപ്പിക്കുക.