Kerala High Court
ശബരിമല സ്വർണ്ണക്കൊള്ള: ഹൈക്കോടതി സ്വമേധയാ പുതിയ കേസ് എടുക്കുന്നു
ശബരിമല സ്വർണ്ണക്കൊള്ളയുമായി ബന്ധപ്പെട്ട് ഹൈക്കോടതി പുതിയ കേസ് എടുക്കുന്നു. നിലവിലെ കേസിൽ കക്ഷികളായ ഉണ്ണികൃഷ്ണൻ പോറ്റി, സ്മാർട്ട് ക്രിയേഷൻസ് എന്നിവരെ ഒഴിവാക്കിയാണ് പുതിയ കേസ്. സ്വർണ്ണക്കൊള്ളയ്ക്ക് പിന്നിലെ ഗൂഢാലോചന അന്വേഷിക്കാൻ ഹൈക്കോടതി പ്രത്യേക അന്വേഷണ സംഘത്തിന് നിർദ്ദേശം നൽകി.
ശബരിമല സ്വർണക്കൊള്ള: ഹൈക്കോടതിയിൽ റിപ്പോർട്ട് സമർപ്പിച്ച് SIT; കൂടുതൽ അറസ്റ്റിന് സാധ്യത
ശബരിമല സ്വർണക്കൊള്ള കേസിൽ പ്രത്യേക അന്വേഷണ സംഘം ഹൈക്കോടതിയിൽ റിപ്പോർട്ട് സമർപ്പിച്ചു. ഉണ്ണികൃഷ്ണൻ പോറ്റിയുടെ സുഹൃത്ത് അനന്തസുബ്രഹ്മണ്യത്തെ ചോദ്യം ചെയ്ത ശേഷം വിട്ടയച്ചു. അന്വേഷണം പൂർത്തിയാക്കാൻ ആറാഴ്ചയാണ് SIT-ക്ക് നൽകിയിട്ടുള്ള സമയം.
സാമ്പത്തിക ക്രമക്കേട്: തിരുവിതാംകൂർ ദേവസ്വം ബോർഡിനെതിരെ ഹൈക്കോടതിയുടെ വിമർശനം
തിരുവിതാംകൂർ ദേവസ്വം ബോർഡിന്റെ സാമ്പത്തിക ദുർവ്യയത്തെ ഹൈക്കോടതി വിമർശിച്ചു. 2014-15 വർഷത്തിലെ കണക്കുകൾ ഇതുവരെ ക്രമീകരിക്കാൻ കഴിഞ്ഞിട്ടില്ലെന്നും, ഏഴ് ലക്ഷം രൂപയുടെ വൗച്ചറുകൾ കണ്ടെത്താനായിട്ടില്ലെന്നും കോടതി ചൂണ്ടിക്കാട്ടി. അക്കൗണ്ടുകൾ ഡിജിറ്റലൈസ് ചെയ്യാനും, ഓഡിറ്റ് ഡയറക്ടർ ഹാജരാകാനും കോടതി ഉത്തരവിട്ടു.
ശിരോവസ്ത്രം: സെന്റ് റീത്താസ് സ്കൂളിന് ഹൈക്കോടതിയിൽ തിരിച്ചടി; ടി.സി നൽകുമെന്ന് രക്ഷിതാക്കൾ
എറണാകുളം പള്ളുരുത്തി സെന്റ് റീത്താസ് പബ്ലിക് സ്കൂളിൽ ശിരോവസ്ത്രം ധരിച്ചെത്തിയ വിദ്യാർത്ഥിനിയെ പ്രവേശിപ്പിക്കണമെന്ന ഉത്തരവ് സ്റ്റേ ചെയ്യാൻ ഹൈക്കോടതി വിസമ്മതിച്ചു. ഇതിനെത്തുടർന്ന് കുട്ടിയെ മറ്റൊരു സ്കൂളിൽ ചേർക്കുമെന്ന് രക്ഷിതാക്കൾ അറിയിച്ചു. സ്കൂൾ മാനേജ്മെന്റിനെതിരെ രൂക്ഷ വിമർശനവുമായി വിദ്യാഭ്യാസ മന്ത്രി വി. ശിവൻകുട്ടി രംഗത്തെത്തി.
കസ്റ്റംസ് പിടിച്ച ദുൽഖറിന്റെ ലാൻഡ് റോവർ ഡിഫൻഡർ വിട്ടുനൽകും; ഹൈക്കോടതിയുടെ നിർദ്ദേശങ്ങൾ ഇങ്ങനെ
ഓപ്പറേഷൻ നംഖോറിൻ്റെ ഭാഗമായി കസ്റ്റംസ് പിടിച്ചെടുത്ത ദുൽഖർ സൽമാന്റെ ലാൻഡ് റോവർ ഡിഫൻഡർ വാഹനം വിട്ടുനൽകാൻ ഹൈക്കോടതി ഉത്തരവിട്ടു. വാഹനത്തിന്റെ മൂല്യത്തിന് തുല്യമായ തുക ബാങ്ക് ഗ്യാരൻ്റിയായി നൽകാൻ ദുൽഖർ സമ്മതിച്ചതിനെ തുടർന്നാണ് ഹൈക്കോടതിയുടെ ഈ ഇടപെടൽ. എന്നാൽ വാഹനം കേരളത്തിന് പുറത്ത് കൊണ്ടുപോകരുതെന്ന് കോടതി നിർദ്ദേശിച്ചിട്ടുണ്ട്.
ഹാൽ സിനിമ: സിനിമ നേരിട്ട് കാണാമെന്ന് ഹൈക്കോടതി
ഹാൽ സിനിമയുമായി ബന്ധപ്പെട്ട വിവാദങ്ങൾക്കിടെ സിനിമ നേരിട്ട് കാണാമെന്ന് ഹൈക്കോടതി അറിയിച്ചു. സിനിമ കാണണമെന്ന ആവശ്യം സിംഗിൾ ബെഞ്ച് അധ്യക്ഷൻ ജസ്റ്റിസ് വി.ജി. അരുൺ അംഗീകരിച്ചു. ഹർജി ഹൈക്കോടതി ചൊവ്വാഴ്ച വീണ്ടും പരിഗണിക്കും.
പാലിയേക്കരയിൽ ടോൾ പിരിവിന് അനുമതി: ഹൈക്കോടതിയുടെ നിർണ്ണായക വിധി
പാലിയേക്കരയിൽ ടോൾ പിരിവ് പുനരാരംഭിക്കാൻ ഹൈക്കോടതി അനുമതി നൽകി. 71 ദിവസത്തെ വിലക്കിന് ശേഷമാണ് കോടതിയുടെ ഈ ഉത്തരവ്. ഗതാഗതക്കുരുക്ക് കണക്കിലെടുത്ത് ടോൾ നിരക്ക് കുറയ്ക്കണമെന്ന് കോടതി നിർദ്ദേശിച്ചെങ്കിലും നിരക്ക് കുറയ്ക്കാൻ സാധിക്കില്ലെന്ന നിലപാടാണ് കേന്ദ്രസർക്കാർ സ്വീകരിച്ചിരിക്കുന്നത്.
പ്ലാസ്റ്റിക് കുപ്പി: ഡ്രൈവറെ മാറ്റിയ മന്ത്രിയുടെ നടപടി ഹൈക്കോടതി റദ്ദാക്കി
ബസ്സിൽ പ്ലാസ്റ്റിക് കുപ്പി സൂക്ഷിച്ചതിന് ഡ്രൈവറെ സ്ഥലം മാറ്റിയ സംഭവത്തിൽ ഗതാഗത മന്ത്രിക്കും കെഎസ്ആർടിസിക്കും ഹൈക്കോടതിയുടെ വലിയ തിരിച്ചടി. മന്ത്രി കെ.ബി.ഗണേഷ് കുമാറിൻ്റെ ഇടപെടലിനെ തുടർന്ന് ഡ്രൈവർ ജയ്മോൻ ജോസഫിനെ സ്ഥലം മാറ്റിയത് ഹൈക്കോടതി റദ്ദാക്കി. മതിയായ കാരണം ഇല്ലാതെയാണ് സ്ഥലം മാറ്റം എന്ന് നിരീക്ഷിച്ചാണ് കോടതിയുടെ ഈ നടപടി.
മഞ്ചേശ്വരം കോഴക്കേസിൽ കെ. സുരേന്ദ്രന് ഹൈക്കോടതി നോട്ടീസ്
മഞ്ചേശ്വരം തിരഞ്ഞെടുപ്പ് കോഴക്കേസിൽ കെ. സുരേന്ദ്രനെ കുറ്റവിമുക്തനാക്കിയതിനെതിരെ സർക്കാർ നൽകിയ അപ്പീലിൽ ഹൈക്കോടതി നോട്ടീസ് അയച്ചു. ബിഎസ്പി സ്ഥാനാർത്ഥിക്ക് സ്ഥാനാർത്ഥിത്വം പിൻവലിക്കാൻ കോഴ നൽകിയെന്നാണ് കേസ്. ഹർജി ഈ മാസം 30-ന് വീണ്ടും പരിഗണിക്കും.
CRZ നിയമലംഘനം: കണ്ണൂരിലെ കണ്ടൽക്കാടുകൾ നശിപ്പിച്ചതിൽ ഹൈക്കോടതിയുടെ വിമർശനം
കണ്ണൂരിലെ കണ്ടൽക്കാടുകൾ നശിപ്പിച്ച സംഭവത്തിൽ ഹൈക്കോടതിയുടെ വിമർശനം. സി.ആർ.ഇസഡ് മേഖലയിൽ കൃത്യമായ നിയന്ത്രണങ്ങൾ പാലിക്കണമെന്ന് കോടതി നിർദ്ദേശിച്ചു. കണ്ടൽക്കാടുകൾ സംരക്ഷിക്കാൻ അധികൃതർ നടപടി സ്വീകരിച്ചില്ലെന്നും വിമർശനമുണ്ട്.
വായ്പ എഴുതി തള്ളാത്ത കേന്ദ്ര നിലപാട്; രൂക്ഷ വിമർശനവുമായി ഹൈക്കോടതി
മുണ്ടക്കൈ-ചൂരൽമല ഉരുൾപൊട്ടൽ ദുരന്തബാധിതരുടെ വായ്പ എഴുതി തള്ളില്ലെന്ന കേന്ദ്ര നിലപാടിൽ ഹൈക്കോടതി വിമർശനം ഉന്നയിച്ചു. കേന്ദ്രത്തിന്റെ നിലപാട് അംഗീകരിക്കാൻ കഴിയില്ലെന്നും കോടതി വ്യക്തമാക്കി. കേന്ദ്രസർക്കാർ പരിധിയിലുള്ള ബാങ്കുകളുടെ വിവരങ്ങൾ കൈമാറാൻ കോടതി നിർദ്ദേശിച്ചു.
മുണ്ടക്കൈ-ചുരൽമല ദുരന്തം: വായ്പ എഴുതിത്തള്ളുന്ന കേസ് ഹൈക്കോടതി ഇന്ന് വീണ്ടും പരിഗണിക്കും
മുണ്ടക്കൈ-ചുരൽമല ഉരുൾപൊട്ടൽ ദുരന്തവുമായി ബന്ധപ്പെട്ട് ഹൈക്കോടതി സ്വമേധയാ എടുത്ത കേസ് ഇന്ന് വീണ്ടും പരിഗണിക്കും. ദുരന്തബാധിതരുടെ വായ്പ എഴുതിത്തള്ളുന്നതുമായി ബന്ധപ്പെട്ട് കേന്ദ്രത്തോട് നിലപാട് അറിയിക്കാൻ ഹൈക്കോടതി നിർദ്ദേശിച്ചിട്ടുണ്ട്. കേന്ദ്രം സഹായിക്കുന്നില്ലെങ്കിൽ സംസ്ഥാന സർക്കാർ ഇടപെടൽ നടത്തുമെന്ന് റവന്യൂ മന്ത്രി അറിയിച്ചു.