Kerala High Court
കൈക്കൂലിക്കേസിൽ ഇഡി അസിസ്റ്റന്റ് ഡയറക്ടർക്ക് ഹൈക്കോടതിയുടെ സംരക്ഷണം
കൈക്കൂലിക്കേസിൽ ഇ.ഡി. അസിസ്റ്റന്റ് ഡയറക്ടർ ശേഖർ കുമാറിൻ്റെ അറസ്റ്റ് ഹൈക്കോടതി തടഞ്ഞു. ശേഖർ കുമാറിൻ്റെ മുൻകൂർ ജാമ്യാപേക്ഷയിൽ വിജിലൻസിന് കോടതി നോട്ടീസ് അയച്ചു. കേസ് വീണ്ടും പരിഗണിക്കുന്നതുവരെ അറസ്റ്റ് ഉണ്ടാകില്ല.
പി.വി അൻവറിനെതിരായ കേസിൽ ഹൈക്കോടതി ഇടപെടൽ; ആദായ നികുതി വകുപ്പിനോട് വിശദീകരണം തേടി
പി.വി. അൻവറിനെതിരായ അനധികൃത സ്വത്ത് സമ്പാദന കേസിൽ ഹൈക്കോടതി ഇടപെട്ടു. ഇതുമായി ബന്ധപ്പെട്ട് ആദായനികുതി വകുപ്പ് പ്രിൻസിപ്പൽ കമ്മീഷണറോട് വിശദീകരണം തേടി. കോടതി അലക്ഷ്യ ഹർജിയിലാണ് ഹൈക്കോടതിയുടെ ഈ നടപടി. ഇതുവരെ നടത്തിയ അന്വേഷണങ്ങൾ വിശദീകരിക്കാൻ ചീഫ് ജസ്റ്റിസ് ഉൾപ്പെട്ട ഡിവിഷൻ ബെഞ്ച് ഉത്തരവിട്ടു.
സിസ തോമസിന് ആശ്വാസം; പെൻഷൻ രണ്ടാഴ്ചയ്ക്കകം നൽകാൻ ഹൈക്കോടതി ഉത്തരവ്
ഡിജിറ്റൽ സർവകലാശാല വിസി ആയിരുന്ന സിസ തോമസിന് പെൻഷൻ ആനുകൂല്യങ്ങൾ നൽകാത്തതിനെതിരെ ഹൈക്കോടതിയുടെ വിമർശനം. പെൻഷൻ ഉൾപ്പെടെയുള്ള ആനുകൂല്യങ്ങൾ രണ്ടാഴ്ചയ്ക്കകം നൽകാൻ കോടതി ഉത്തരവിട്ടു. സിസ തോമസിനെതിരായ സർക്കാരിന്റെ ഹർജി സുപ്രീം കോടതി നേരത്തെ തള്ളിയിരുന്നു.
ഐ.ബി ഉദ്യോഗസ്ഥയുടെ മരണം: സുകാന്ത് സുരേഷിന് മുൻകൂർ ജാമ്യമില്ല
തിരുവനന്തപുരത്ത് ഐ.ബി. ഉദ്യോഗസ്ഥയുടെ മരണവുമായി ബന്ധപ്പെട്ട് പ്രതി സുകാന്ത് സുരേഷിന്റെ മുൻകൂർ ജാമ്യാപേക്ഷ ഹൈക്കോടതി തള്ളി. സുകാന്തിന് ഒരേ സമയം പല സ്ത്രീകളുമായി ബന്ധമുണ്ടായിരുന്നുവെന്ന് കോടതി നിരീക്ഷിച്ചു. ആത്മഹത്യക്ക് പ്രേരിപ്പിച്ചതിന് വാട്സ്ആപ്പ് ചാറ്റുകൾ തെളിവായി കോടതി പരിഗണിച്ചു.
ദേശീയപാത തകർന്ന സംഭവം; എൻഎച്ച്എഐക്കെതിരെ ഹൈക്കോടതിയുടെ വിമർശനം
സംസ്ഥാനത്ത് ദേശീയപാത തകർന്ന സംഭവത്തിൽ എൻഎച്ച്എഐക്കെതിരെ ഹൈക്കോടതി വിമർശനവുമായി രംഗത്ത്. റോഡ് നിർമ്മാണത്തിലെ വീഴ്ചകൾ ചൂണ്ടിക്കാട്ടി കോടതി അതൃപ്തി അറിയിച്ചു. കേളത്തിലെ ജനങ്ങളുടെ ആശങ്ക പരിഹരിക്കണമെന്നും സംഭവത്തിൽ വിശദമായ റിപ്പോർട്ട് നൽകണമെന്നും എൻഎച്ച്എഐയ്ക്ക് ഹൈക്കോടതി നിർദ്ദേശം നൽകി.
മാസപ്പടിക്കേസിലെ SFIO റിപ്പോർട്ടിൽ തുടര്നടപടിക്ക് ഹൈക്കോടതിയുടെ സ്റ്റേ
മാസപ്പടി കേസിൽ എസ്എഫ്ഐഒ റിപ്പോർട്ടിന്മേലുള്ള തുടർനടപടികൾക്ക് ഹൈക്കോടതിയുടെ വിലക്ക് നാലു മാസത്തേക്ക് കൂടി നീട്ടി. സിഎംആർഎൽ സമർപ്പിച്ച ഹർജിയിലാണ് കോടതിയുടെ ഈ തീരുമാനം. കേസിൽ കൂടുതൽ വാദം കേൾക്കേണ്ടതുണ്ടെന്ന് ബോധ്യപ്പെട്ടതിനെ തുടർന്നാണ് ഹൈക്കോടതി സ്റ്റേ നീട്ടിയത്.
വിജിലൻസ് കേസിൽ ഇഡി ഉദ്യോഗസ്ഥൻ ശേഖർ കുമാർ മുൻകൂർ ജാമ്യത്തിനായി ഹൈക്കോടതിയിൽ
വിജിലൻസ് കേസിൽ പ്രതിയായ ഇ.ഡി ഉദ്യോഗസ്ഥൻ ശേഖർ കുമാർ മുൻകൂർ ജാമ്യത്തിനായി ഹൈക്കോടതിയെ സമീപിച്ചു. പരാതിക്കാരൻ ഇ.ഡി കേസിലെ പ്രതിയാണെന്നും അറസ്റ്റിലായ പ്രതികളുമായി തനിക്ക് ബന്ധമില്ലെന്നും ശേഖർ കുമാർ കോടതിയിൽ പറഞ്ഞു. അതേസമയം, പരാതിക്കാരനെ അവിശ്വസിക്കുന്നില്ലെന്ന് വിജിലൻസ് എസ്.പി പി.എസ്. ശശിധരൻ ട്വൻ്റിഫോറിനോട് വ്യക്തമാക്കി.
ഐ.ബി ഉദ്യോഗസ്ഥയുടെ ആത്മഹത്യ: സുകാന്തിന്റെ അറസ്റ്റ് ഹൈക്കോടതി തടഞ്ഞു
തിരുവനന്തപുരത്ത് ഐ.ബി. ഉദ്യോഗസ്ഥ ആത്മഹത്യ ചെയ്ത കേസിൽ സുഹൃത്ത് സുകാന്ത് സുരേഷിന്റെ അറസ്റ്റ് ഹൈക്കോടതി തടഞ്ഞു. തിങ്കളാഴ്ച വരെയാണ് അറസ്റ്റ് തടഞ്ഞിരിക്കുന്നത്. സുകാന്തിന്റെ മുൻകൂർ ജാമ്യാപേക്ഷയിൽ ഹൈക്കോടതി തിങ്കളാഴ്ച വിധി പറയും.
കൊച്ചിയിലെ റോഡുകളുടെ ശോച്യാവസ്ഥയിൽ ഹൈക്കോടതിയുടെ വിമർശനം
കൊച്ചി നഗരത്തിലെ റോഡുകളുടെ ശോച്യാവസ്ഥയിൽ ഹൈക്കോടതി വിമർശനം ഉന്നയിച്ചു. റോഡുകളുടെ അറ്റകുറ്റപ്പണികൾ അടിയന്തരമായി പൂർത്തിയാക്കണമെന്ന് കോടതി നിർദ്ദേശിച്ചു. മഴക്കാലത്തെ നേരിടാൻ നഗരം സജ്ജമായിട്ടില്ലെന്നും കോടതി നിരീക്ഷിച്ചു.
ഷഹബാസ് വധക്കേസ്: വിദ്യാർത്ഥികളുടെ പരീക്ഷാഫലം തടഞ്ഞതിൽ ഹൈക്കോടതിയുടെ വിമർശനം
താമരശ്ശേരി ഷഹബാസ് വധക്കേസിൽ പ്രതികളായ വിദ്യാർത്ഥികളുടെ പരീക്ഷാഫലം തടഞ്ഞതിനെ ഹൈക്കോടതി വിമർശിച്ചു. പരീക്ഷാഫലം തടഞ്ഞുവെക്കുന്നത് കുറ്റകരമായ അനാസ്ഥയാണെന്ന് കോടതി അഭിപ്രായപ്പെട്ടു. വിദ്യാർത്ഥികളുടെ ജാമ്യാപേക്ഷ പരിഗണിക്കുന്നത് നാളത്തേക്ക് മാറ്റി.
താൽക്കാലിക വിസി നിയമനത്തിൽ സർക്കാരിന് അനുകൂല വിധി; ഗവർണർക്ക് ഹൈക്കോടതിയുടെ തിരിച്ചടി
കേരള സാങ്കേതിക സർവകലാശാല, ഡിജിറ്റൽ സർവകലാശാലകളിലെ താൽക്കാലിക വിസി നിയമനത്തിൽ ഹൈക്കോടതി സർക്കാരിന് അനുകൂലമായി വിധി പ്രസ്താവിച്ചു. സർക്കാർ നൽകുന്ന പാനൽ പരിഗണിച്ച് നിയമനം നടത്തണമെന്ന് കോടതി നിർദ്ദേശിച്ചു. നിയമന കാലാവധി ഈ മാസം അവസാനിക്കാനിരിക്കെ കോടതി ഈ വിഷയത്തിൽ ഇടപെടേണ്ടതില്ലെന്നും വ്യക്തമാക്കി.
ആറാട്ടണ്ണന് ജാമ്യം
സ്ത്രീത്വത്തെ അപമാനിച്ച കേസില് വ്ളോഗര് ആറാട്ടണ്ണന് എന്ന സന്തോഷ് വര്ക്കിക്ക് ഹൈക്കോടതി ജാമ്യം അനുവദിച്ചു. നടിമാരെ അപമാനിച്ചു എന്ന പരാതിയിലാണ് കേസെടുത്തത്. പ്രഥമദൃഷ്ട്യാ കുറ്റം നിലനിൽക്കുന്നുണ്ടെന്ന് കോടതി വ്യക്തമാക്കി.