Kerala Health
ആരോഗ്യമേഖലയെ തകർക്കാൻ കള്ളപ്രചരണം അനുവദിക്കില്ലെന്ന് മന്ത്രി വീണാ ജോർജ്
ആരോഗ്യമേഖലയെ തകർക്കാൻ കള്ളപ്രചരണങ്ങൾ അനുവദിക്കില്ലെന്ന് മന്ത്രി വീണാ ജോർജ് പറഞ്ഞു. മാധ്യമങ്ങൾക്ക് നിക്ഷിപ്ത താൽപര്യങ്ങളുണ്ട്. സർക്കാർ ആശുപത്രികളിൽ ചികിത്സ തേടുന്നവരുടെ എണ്ണം കൂടിയിട്ടുണ്ട്
മെഡിക്കൽ കോളേജിൽ ഉപകരണം കാണാതായ സംഭവം: ആരോഗ്യമന്ത്രിയുടെ ആരോപണം തള്ളി ഡോ.ഹാരിസ്
തിരുവനന്തപുരം മെഡിക്കൽ കോളേജിൽ നിന്ന് ഉപകരണം കാണാതായ സംഭവത്തിൽ ഡോ.ഹാരിസിനെതിരെ ആരോഗ്യമന്ത്രി വീണാ ജോർജ് ആരോപണം ഉന്നയിച്ചു. എന്നാൽ, ആരോഗ്യമന്ത്രിയുടെ ആരോപണങ്ങളെ ഡോ. ഹാരിസ് തള്ളി. പരിചയക്കുറവ് മൂലം മാറ്റിവെച്ചതാണെന്നും എല്ലാ അന്വേഷണവും സ്വാഗതം ചെയ്യുന്നതായും അദ്ദേഹം പറഞ്ഞു.
സംസ്ഥാനത്തെ മുലപ്പാൽ ബാങ്കുകൾ വൻ വിജയമെന്ന് മന്ത്രി വീണാ ജോർജ്
സംസ്ഥാനത്ത് സ്ഥാപിച്ച മുലപ്പാൽ ബാങ്കുകൾ വൻ വിജയമാണെന്ന് ആരോഗ്യ വകുപ്പ് മന്ത്രി വീണാ ജോർജ് പറഞ്ഞു. ഇതുവരെ 17,307 കുഞ്ഞുങ്ങൾക്ക് മുലപ്പാൽ നൽകി. കൂടുതൽ ആശുപത്രികളിൽ മുലപ്പാൽ ബാങ്കുകൾ സ്ഥാപിക്കുമെന്നും മന്ത്രി അറിയിച്ചു.
മെഡിക്കൽ കോളേജിൽ ഉപകരണ ക്ഷാമം; ഡോക്ടർ ഹാരിസ് ഹസ്സന്റെ കത്ത് പുറത്ത്
തിരുവനന്തപുരം മെഡിക്കൽ കോളേജിൽ ശസ്ത്രക്രിയാ ഉപകരണങ്ങളുടെ ക്ഷാമം അറിയിച്ചില്ലെന്ന ആരോഗ്യവകുപ്പിന്റെ വാദം തെറ്റാണെന്ന് തെളിയുന്നു. ഡോക്ടർ ഹാരിസ് ഹസ്സൻ ഉപകരണങ്ങൾ ആവശ്യപ്പെട്ട് സൂപ്രണ്ടിന് അയച്ച കത്ത് പുറത്തുവന്നു. കത്തിൽ, ഉപകരണങ്ങളുടെ ദൗർലഭ്യം ചൂണ്ടിക്കാട്ടി മാർച്ച്, ജൂൺ മാസങ്ങളിൽ കത്തുകൾ നൽകിയിരുന്നു എന്ന് പറയുന്നു.
ഗർഭാശയഗള കാൻസർ പ്രതിരോധം: പ്ലസ് വൺ, പ്ലസ് ടു വിദ്യാർത്ഥിനികൾക്ക് എച്ച്പിവി വാക്സിനേഷനുമായി കേരളം
സംസ്ഥാനത്ത് ഗർഭാശയഗള കാൻസർ പ്രതിരോധത്തിനായി പ്ലസ് വൺ, പ്ലസ് ടു വിദ്യാർത്ഥിനികൾക്ക് എച്ച്പിവി വാക്സിനേഷൻ ആരംഭിക്കുമെന്ന് ആരോഗ്യ വകുപ്പ് മന്ത്രി വീണാ ജോർജ് അറിയിച്ചു. ഒരാഴ്ചയ്ക്കകം ടെക്നിക്കൽ കമ്മിറ്റി യോഗം ചേർന്ന് വാക്സിന് സംബന്ധിച്ച് അന്തിമ തീരുമാനമെടുക്കും. ഗർഭാശയഗള കാൻസർ മുക്ത കേരളം എന്ന ലക്ഷ്യം കൈവരിക്കാനായി സംസ്ഥാനം വലിയ പ്രവർത്തനങ്ങളാണ് നടത്തി വരുന്നത്.
കൊതുക് വളരാൻ സാഹചര്യമൊരുക്കി; വീട്ടുടമയ്ക്ക് 6000 രൂപ പിഴ വിധിച്ച് കോടതി
ഡെങ്കിപ്പനി വ്യാപകമാകുന്ന സാഹചര്യത്തിൽ കൊതുക് വളരാൻ ഇടയാക്കിയതിന് പുറമേരി സ്വദേശി രാജീവന് കോടതി ശിക്ഷ വിധിച്ചു. നാദാപുരം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയാണ് 6000 രൂപ പിഴ ശിക്ഷ വിധിച്ചത്. പിഴ അടച്ചില്ലെങ്കിൽ 45 ദിവസം തടവ് ലഭിക്കും.
നിപ്പ: സംസ്ഥാനത്ത് 648 പേർ നിരീക്ഷണത്തിൽ; സ്ഥിതിഗതികൾ വിലയിരുത്തി
സംസ്ഥാനത്ത് നിപ്പ വൈറസ് ബാധയുടെ പശ്ചാത്തലത്തിൽ 648 പേരാണ് നിലവിൽ നിരീക്ഷണത്തിലുള്ളത്. മലപ്പുറത്ത് 13 പേരും പാലക്കാട് 17 പേരും ഐസൊലേഷനിൽ ചികിത്സയിലാണ്. മന്ത്രി വീണാ ജോർജിന്റെ നേതൃത്വത്തിൽ ചേർന്ന ഉന്നതതല യോഗം സംസ്ഥാനത്തെ നിപ്പ സ്ഥിതിഗതികൾ വിലയിരുത്തി.
നിപ: കേന്ദ്ര സംഘം ഇന്ന് മലപ്പുറത്ത്; 116 പേർ നിരീക്ഷണത്തിൽ
നിപ പ്രതിരോധ പ്രവർത്തനങ്ങളുടെ ഭാഗമായി കേന്ദ്ര ആരോഗ്യ കുടുംബക്ഷേമ മന്ത്രാലയം നിയോഗിച്ച പ്രത്യേക ടീം മലപ്പുറം ജില്ലയിലെ നിപ ബാധിത പ്രദേശങ്ങൾ ഇന്ന് സന്ദർശിക്കും. സംസ്ഥാനത്ത് 116 പേരാണ് നിലവിൽ ഹൈ റിസ്ക് വിഭാഗത്തിൽ നിരീക്ഷണത്തിൽ തുടരുന്നത്. വവ്വാലുകളുടെ നിരീക്ഷണത്തിനും സർവേക്കുമായി ഡോക്ടർ ദിലീപ് പാട്ടീലിന്റെ നേതൃത്വത്തിലുള്ള എട്ടംഗ സംഘവും ഇന്ന് മലപ്പുറത്ത് എത്തും.
സംസ്ഥാനത്ത് 498 പേർ നിരീക്ഷണത്തിൽ; പ്രതിരോധ പ്രവർത്തനങ്ങൾ ശക്തമാക്കി ആരോഗ്യവകുപ്പ്
സംസ്ഥാനത്ത് നിപ വൈറസ് ബാധ സ്ഥിരീകരിച്ച സാഹചര്യത്തിൽ ആരോഗ്യവകുപ്പ് പ്രതിരോധ പ്രവർത്തനങ്ങൾ ശക്തമാക്കി. ആകെ 498 പേരാണ് നിപ സമ്പര്ക്കപ്പട്ടികയിലുള്ളത്. പ്രതിരോധ പ്രവർത്തനങ്ങൾ സെപ്റ്റംബർ മാസം വരെ ശക്തമായി തുടരുമെന്ന് മന്ത്രി അറിയിച്ചു.
മലപ്പുറത്ത് നിപ രോഗിയുമായി സമ്പർക്കമുണ്ടായിരുന്ന സ്ത്രീ മരിച്ചു
മലപ്പുറത്ത് നിപ രോഗിയുമായി പ്രൈമറി കോൺടാക്റ്റിൽ ഉണ്ടായിരുന്ന സ്ത്രീ കോട്ടക്കലിൽ മരണപ്പെട്ടു. യുവതി മങ്കടയിൽ നിപ ബാധിച്ച് മരിച്ച പെൺകുട്ടിയുടെ കൂടെ ആശുപത്രിയിൽ ചികിത്സയിലായിരുന്നു. പരിശോധനാഫലം ലഭിച്ച ശേഷം മാത്രമേ മൃതദേഹം സംസ്കരിക്കാവൂ എന്ന് ആരോഗ്യ വകുപ്പ് അറിയിച്ചു.
ആരോഗ്യമേഖലയെ തകർക്കാൻ ശ്രമം; പ്രതിപക്ഷ നേതാവുമായി തുറന്ന ചർച്ചയ്ക്ക് തയ്യാറെന്ന് മന്ത്രി വീണാ ജോർജ്
ആരോഗ്യമേഖലയെ മനഃപൂർവം മോശമായി ചിത്രീകരിക്കുന്നുവെന്ന് ആരോഗ്യമന്ത്രി വീണാ ജോർജ്. പ്രതിപക്ഷ നേതാവ് ഇതിന് നേതൃത്വം നൽകുന്നുവെന്നും ചില മാധ്യമങ്ങൾ ഇതിന് കൂട്ടുനിൽക്കുന്നുവെന്നും മന്ത്രി കുറ്റപ്പെടുത്തി. ഈ വിഷയത്തിൽ പ്രതിപക്ഷ നേതാവുമായി തുറന്ന ചർച്ചയ്ക്ക് തയ്യാറാണെന്നും മന്ത്രി അറിയിച്ചു.
എനിക്കെതിരെയുള്ള പ്രതിഷേധം, അവരോട് തന്നെ ചോദിക്ക്: മന്ത്രി വീണാ ജോർജ്
കോട്ടയം മെഡിക്കൽ കോളജിലെ കെട്ടിടം തകർന്നുള്ള അപകടത്തിൽ തനിക്കെതിരെയുള്ള പ്രതിഷേധങ്ങളെക്കുറിച്ച് പ്രതികരിച്ച് ആരോഗ്യമന്ത്രി വീണാ ജോർജ്. പ്രതിഷേധിക്കുന്നവരുടെ കാര്യം അവരോട് തന്നെ ചോദിക്കണമെന്നാണ് മന്ത്രിയുടെ പ്രതികരണം. പാലക്കാട് ജില്ലയിൽ ആദ്യമായി നിപ റിപ്പോർട്ട് ചെയ്ത സാഹചര്യത്തിൽ പ്രതിരോധ പ്രവർത്തനങ്ങൾ ഊർജ്ജിതമാക്കുകയാണെന്നും മന്ത്രി അറിയിച്ചു.