Kerala Government
ആഗോള അയ്യപ്പ സംഗമം: സർക്കാരിനെ വിമർശിച്ച് സമസ്ത മുഖപത്രം
ആഗോള അയ്യപ്പ സംഗമവുമായി ബന്ധപ്പെട്ട് സംസ്ഥാന സർക്കാരിനെതിരെ സമസ്ത മുഖപത്രം രംഗത്ത്. എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശൻ മുസ്ലിം സമുദായത്തിനെതിരെ വിഷം ചീറ്റുന്ന വ്യക്തിയാണെന്ന് മുഖപ്രസ്സംഗത്തിൽ വിമർശനമുണ്ട്. രാഷ്ട്രീയ നേട്ടങ്ങൾക്കായി സർക്കാർ മത സമുദായ സംഘടനകളെ ഉപയോഗിക്കുന്നുവെന്നും വിമർശനമുണ്ട്.
ജയിലുകളെ ക്രിയാത്മകമാക്കാൻ സർക്കാർ ശ്രമിക്കുന്നു: മുഖ്യമന്ത്രി പിണറായി വിജയൻ
ജയിലുകളെ ക്രിയാത്മകമായി മാറ്റാനുള്ള ശ്രമത്തിലാണ് സർക്കാരെന്ന് മുഖ്യമന്ത്രി പിണറായി വിജയൻ. ജയിൽ ഉദ്യോഗസ്ഥരുടെ പാസിംഗ് ഔട്ട് പരേഡിൽ സംസാരിക്കുകയായിരുന്നു അദ്ദേഹം. ജയിൽ ജീവനക്കാരുടെ പ്രശ്നങ്ങളിൽ സർക്കാർ ആത്മാർത്ഥമായ സമീപനമാണ് സ്വീകരിക്കുന്നതെന്നും മുഖ്യമന്ത്രി കൂട്ടിച്ചേർത്തു.
വികസന സദസ്സുകൾക്ക് ഇന്ന് തുടക്കം; രാഷ്ട്രീയ പ്രചാരണമെന്ന് പ്രതിപക്ഷം
സംസ്ഥാന സർക്കാരിന്റെ വികസന സദസ്സുകൾക്ക് ഇന്ന് തുടക്കമാകും. തിരുവനന്തപുരം നിശാഗന്ധി ഓഡിറ്റോറിയത്തിൽ മുഖ്യമന്ത്രി പിണറായി വിജയൻ സംസ്ഥാനതല ഉദ്ഘാടനം നിർവഹിക്കും. തിരഞ്ഞെടുപ്പ് മുന്നിൽ കണ്ടുള്ള രാഷ്ട്രീയ പ്രചാരണമാണെന്ന് ആരോപിച്ച് പ്രതിപക്ഷം പരിപാടി ബഹിഷ്കരിക്കും.
പട്ടിക വിഭാഗത്തിലെ 17 വിദ്യാർത്ഥികൾക്ക് പൈലറ്റ് ലൈസൻസ്: സർക്കാർ സഹായം
സംസ്ഥാന സർക്കാർ പട്ടിക വിഭാഗത്തിൽപ്പെട്ട 17 വിദ്യാർത്ഥികളെ പൈലറ്റുമാരാക്കി. രണ്ട് എൽഡിഎഫ് സർക്കാരുകളുടെ കാലത്ത് ഈ വിദ്യാർത്ഥികൾക്ക് ഏവിയേഷൻ കോഴ്സ് പഠിക്കുന്നതിന് ആവശ്യമായ സഹായം നൽകി. ഇതിനായി വലിയ തുക സർക്കാർ ചെലവഴിച്ചു.
ബി. അശോകിന്റെ സ്ഥാനമാറ്റം: ഹൈക്കോടതിയിൽ അപ്പീലുമായി സർക്കാർ
കൃഷി വകുപ്പ് പ്രിൻസിപ്പൽ സെക്രട്ടറി ബി. അശോകിനെ മാറ്റിയതിനെതിരെ സർക്കാർ ഹൈക്കോടതിയിൽ അപ്പീൽ നൽകി. അഡ്മിനിസ്ട്രേറ്റീവ് ട്രൈബ്യൂണലിന്റെ സ്റ്റേ ഉത്തരവിനെ ചോദ്യം ചെയ്താണ് സർക്കാരിന്റെ നടപടി. കേസ് ഹൈക്കോടതി തിങ്കളാഴ്ച പരിഗണിക്കും.
ജനങ്ങളുമായി കൂടുതൽ അടുത്ത് മുഖ്യമന്ത്രി; ‘സി.എം. വിത്ത് മി’ പദ്ധതിക്ക് തുടക്കം
'മുഖ്യമന്ത്രി എന്നോടൊപ്പം' എന്ന പേരിൽ പുതിയ സംരംഭം ആരംഭിക്കാൻ മന്ത്രിസഭാ യോഗം തീരുമാനിച്ചു. ഇതിലൂടെ സുതാര്യമായ ഒരു ജനസമ്പർക്ക സംവിധാനം ഉറപ്പാക്കുകയും അതുവഴി ഭരണത്തിൽ ജനങ്ങളുടെ പങ്കാളിത്തവും സുതാര്യതയും വർദ്ധിപ്പിക്കുകയും ചെയ്യും. ദുരിതാശ്വാസ പ്രവർത്തനങ്ങൾ ഏകോപിപ്പിച്ച് അടിയന്തര ഘട്ടങ്ങളിൽ വിവരങ്ങളും സേവനങ്ങളും ഉറപ്പാക്കുന്നതിലൂടെ സർക്കാർ സഹായം വേഗത്തിൽ ലഭ്യമാക്കും.
കേന്ദ്രാവിഷ്കൃത പദ്ധതികൾക്ക് സംസ്ഥാനം പേരുമാറ്റം വരുത്തുന്നെന്ന് ഉണ്ണിത്താൻ
കേന്ദ്രാവിഷ്കൃത പദ്ധതികൾക്ക് സംസ്ഥാന സർക്കാർ പേരുമാറ്റം വരുത്തുന്നുവെന്ന് രാജ്മോഹൻ ഉണ്ണിത്താൻ എംപി ആരോപിച്ചു. കേന്ദ്രസർക്കാരിന്റെ "സ്വസ്ഥ നാരി ശാശക്ത് പരിവാർ അഭിയാൻ" എന്ന പദ്ധതി സംസ്ഥാനം പേരുമാറ്റി നടപ്പിലാക്കുകയാണെന്നാണ് ആരോപണം. കാസർഗോഡ് ചെറുവത്തൂരിൽ സ്ത്രീ ക്ലിനിക്കുകളുടെ ജില്ലാതല ഉദ്ഘാടനമെന്ന പേരിലാണ് ഇത് നടന്നതെന്നും അദ്ദേഹം പറഞ്ഞു.
കൃഷി വകുപ്പ് പ്രിൻസിപ്പൽ സെക്രട്ടറി ബി. അശോകിനെ വീണ്ടും മാറ്റി
കൃഷി വകുപ്പ് പ്രിൻസിപ്പൽ സെക്രട്ടറി സ്ഥാനത്തുനിന്ന് ഡോ. ബി. അശോകിനെ വീണ്ടും മാറ്റി സംസ്ഥാന സർക്കാർ. പേഴ്സണൽ ആൻഡ് അഡ്മിനിസ്ട്രേറ്റീവ് റീഫോംസ് വകുപ്പ് പ്രിൻസിപ്പൽ സെക്രട്ടറിയായാണ് പുതിയ നിയമനം. സെപ്റ്റംബർ 17 മുതൽ ഇത് നിലവിൽ വരുമെന്നാണ് ഉത്തരവിൽ പറയുന്നത്.
ഓണക്കാലത്ത് ചെലവുകൾ വർധിച്ചതോടെ സർക്കാർ വീണ്ടും വായ്പയെടുക്കുന്നു; 4,000 കോടി രൂപയുടെ കടപ്പത്രം പുറത്തിറക്കും
ഓണക്കാലത്തെ ചെലവുകൾ വർധിച്ച സാഹചര്യത്തിൽ സർക്കാർ വീണ്ടും വായ്പയെടുക്കുന്നു. 4,000 കോടി രൂപയുടെ കടപ്പത്രമാണ് സർക്കാർ പുറത്തിറക്കുന്നത്. ജീവനക്കാർക്ക് ബോണസ് നൽകുന്നതുൾപ്പെടെയുള്ള അധിക ചെലവുകൾ കണക്കിലെടുത്താണ് തീരുമാനം.
തദ്ദേശ തെരഞ്ഞെടുപ്പിന് മുന്നോടിയായി വികസന സദസ്സുകളുമായി സർക്കാർ
തദ്ദേശ സ്വയംഭരണ തിരഞ്ഞെടുപ്പിന് മുന്നോടിയായി സംസ്ഥാന സർക്കാർ വികസന സദസ്സുകൾ സംഘടിപ്പിക്കുന്നു. സംസ്ഥാനത്തെ എല്ലാ തദ്ദേശ സ്ഥാപനങ്ങളിലും വികസന സദസ്സുകൾ നടത്താനാണ് നിർദ്ദേശം. അടുത്ത മാസം 20-ന് മുഖ്യമന്ത്രി സംസ്ഥാനതല ഉദ്ഘാടനം നിർവഹിക്കും.
സർക്കാർ ജീവനക്കാർക്കെതിരായ അച്ചടക്ക നടപടികൾ വൈകില്ല; പുതിയ സർക്കുലർ പുറത്തിറക്കി
സർക്കാർ ജീവനക്കാർക്കെതിരായ അച്ചടക്ക നടപടികൾ വൈകരുതെന്ന് സർക്കാർ. ഭരണ വകുപ്പ് എല്ലാ വകുപ്പുകൾക്കും സർക്കുലർ അയച്ചു. എല്ലാ മാസവും യോഗം ചേർന്ന് കേസുകളുടെ പുരോഗതി വിലയിരുത്തണം.
പട്ടികജാതി വിദ്യാർത്ഥികൾക്ക് പഠനമുറിക്ക് ധനസഹായം: അപേക്ഷിക്കേണ്ട അവസാന തീയതി ഓഗസ്റ്റ് 30
പട്ടികജാതി വിദ്യാർത്ഥികൾക്ക് പഠനമുറി നിർമ്മിക്കുന്നതിന് സർക്കാർ 2 ലക്ഷം രൂപ വരെ ധനസഹായം നൽകുന്നു. അഞ്ചാം ക്ലാസ് മുതൽ പന്ത്രണ്ടാം ക്ലാസ് വരെയുള്ള വിദ്യാർത്ഥികൾക്ക് ഈ ആനുകൂല്യം ലഭിക്കും. വാർഷിക വരുമാനം ഒരു ലക്ഷം രൂപയിൽ താഴെയുള്ള പട്ടികജാതി കുടുംബങ്ങളിലെ വിദ്യാർത്ഥികൾക്കാണ് അർഹത. അപേക്ഷകൾ സമർപ്പിക്കേണ്ട അവസാന തീയതി ഓഗസ്റ്റ് 30 ആണ്.