Kerala Government
നെല്ല് സംഭരണം എളുപ്പമാക്കാൻ ധാരണയായി; നഷ്ടം പരിഹരിക്കാൻ സർക്കാർ
നെല്ല് സംഭരണം കൂടുതൽ എളുപ്പമാക്കുന്നതിന് സർക്കാരും മില്ലുടമകളും തമ്മിൽ ധാരണയിലെത്തി. 2022-23 സംഭരണ വർഷത്തിൽ നെല്ല് സംസ്കരണ മില്ലുടമകൾക്ക് 63.37 കോടി രൂപ അനുവദിക്കാൻ മന്ത്രിസഭ തീരുമാനിച്ചു. നെല്ല് കടത്തുന്നതുമായി ബന്ധപ്പെട്ട ട്രാൻസ്പോർട്ടേഷൻ ചാർജ്ജ് കേന്ദ്രം അനുവദിക്കുന്നതിനനുസരിച്ച് മില്ലുടമകൾക്ക് നൽകുമെന്നും മുഖ്യമന്ത്രി അറിയിച്ചു.
പി.എം. ശ്രീ ധാരണാപത്രത്തിൽ നിന്ന് സംസ്ഥാന സർക്കാർ പിന്മാറണമെന്ന് ആനി രാജ
പി.എം. ശ്രീ ധാരണാപത്രത്തിൽ നിന്ന് സംസ്ഥാന സർക്കാർ പിന്മാറണമെന്ന് സി.പി.ഐ ദേശീയ സെക്രട്ടറിയേറ്റ് അംഗം ആനി രാജ ആവശ്യപ്പെട്ടു. പി.എം. ശ്രീ രാജ്യത്തെ ഫെഡറൽ - മതേതര തത്വങ്ങൾക്ക് എതിരാണെന്നും പദ്ധതി ഹിന്ദുത്വ രാഷ്ട്രവാദത്തിന് ഉപയോഗിക്കുന്നുവെന്നും അവർ ആരോപിച്ചു. സി.പി.ഐയുടെ നിലപാട് തുറന്നുപറയാൻ ധൈര്യമുള്ള പാർട്ടിയാണെന്നും ആനി രാജ കൂട്ടിച്ചേർത്തു.
പി.എം ശ്രീ: നിയമോപദേശം മറികടന്ന് ധാരണാപത്രം ഒപ്പിട്ട് സംസ്ഥാന സർക്കാർ
പി.എം ശ്രീ പദ്ധതി നടപ്പാക്കുന്നതിന് മുൻപ് നയപരമായ തീരുമാനം വേണമെന്ന് നിയമ വകുപ്പ് നിർദ്ദേശിച്ചിരുന്നു. എന്നാൽ ഇത് മറികടന്ന് സംസ്ഥാന സർക്കാർ ധാരണാപത്രം ഒപ്പിട്ടു. എൽഡിഎഫിൽ ചർച്ച ചെയ്ത ശേഷം മന്ത്രിസഭായോഗം തീരുമാനമെടുക്കണമെന്നായിരുന്നു നിയമവകുപ്പിന്റെ നിർദ്ദേശം.
പി.എം. ശ്രീ പദ്ധതി: സർക്കാരിനെതിരെ വിമർശനവുമായി സി.പി.ഐ
പി.എം. ശ്രീ പദ്ധതിയിൽ സംസ്ഥാന സർക്കാർ ഒപ്പിട്ടതിനെതിരെ സി.പി.ഐ നേതാക്കൾ രംഗത്ത് വന്നു. ഇത് മുന്നണി മര്യാദയുടെ ലംഘനമാണെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം പ്രതികരിച്ചു. ബി.ജെ.പിയുടെയും ആർ.എസ്.എസിൻ്റെയും പക്ഷത്ത് തല വെച്ച് കൊടുക്കരുതെന്ന് കെ.ഇ. ഇസ്മയിലും വിമർശിച്ചു.
പി.എം. ശ്രീ പദ്ധതി: സര്ക്കാരിനെതിരെ എഐഎസ്എഫ്
സിപിഐയുടെ എതിർപ്പ് മറികടന്ന് പി.എം. ശ്രീ പദ്ധതിയിൽ ഒപ്പിട്ട സർക്കാർ നടപടിക്കെതിരെ എ.ഐ.എസ്.എഫ് രംഗത്ത്. സർക്കാരിന്റെ ഈ നടപടി വിദ്യാർത്ഥികളോടുള്ള വഞ്ചനയാണെന്നും പൊതുസമൂഹത്തോടുള്ള വെല്ലുവിളിയാണെന്നും എ.ഐ.എസ്.എഫ് സംസ്ഥാന എക്സിക്യൂട്ടീവ് കുറ്റപ്പെടുത്തി. ഇടതുപക്ഷത്തിന്റെ പ്രഖ്യാപിത നയങ്ങളെ അട്ടിമറിക്കുന്ന വിദ്യാഭ്യാസ മന്ത്രിയുടെ നിലപാട് പ്രതിഷേധാർഹമാണെന്നും എ.ഐ.എസ്.എഫ് പ്രസ്താവനയിൽ അറിയിച്ചു.
സംഘപരിവാറിന് കീഴടങ്ങുന്നത് പ്രതിഷേധാർഹം; സർക്കാർ നിലപാടിനെതിരെ കെ.എസ്.യു
കേരള സർക്കാർ സംഘപരിവാറിന് മുന്നിൽ കീഴടങ്ങുന്നത് പ്രതിഷേധാർഹമാണെന്ന് കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യർ പറഞ്ഞു. പി.എം ശ്രീ പദ്ധതി നടപ്പാക്കുന്നതിലൂടെ സംസ്ഥാന സർക്കാർ കേന്ദ്രത്തിന്റെ ബ്രാൻഡിംഗിന് വഴങ്ങുകയാണെന്നും അദ്ദേഹം കുറ്റപ്പെടുത്തി. ഈ വിഷയത്തിൽ എസ്.എഫ്.ഐയുടെ നിലപാട് വ്യക്തമാക്കണമെന്നും അദ്ദേഹം ആവശ്യപ്പെട്ടു.
പി.എം ശ്രീ പദ്ധതിയുമായി കേരളം; എതിർപ്പ് തള്ളി സർക്കാർ തീരുമാനം
പിഎം ശ്രീ പദ്ധതി സംസ്ഥാനത്ത് നടപ്പാക്കാൻ സർക്കാർ തീരുമാനിച്ചു. സിപിഐയുടെ എതിർപ്പ് തള്ളിയാണ് തീരുമാനം. പദ്ധതിക്കായി 1476 കോടി രൂപയുടെ വിഹിതം ലഭിക്കും.
ഹിജാബ് വിവാദം: സർക്കാർ വിദ്യാർത്ഥിയെ സംരക്ഷിക്കുന്നതിൽ പരാജയപ്പെട്ടെന്ന് കുഞ്ഞാലിക്കുട്ടി
പള്ളുരുത്തി സെന്റ് റീത്താസ് പബ്ലിക് സ്കൂളിലെ ഹിജാബ് വിവാദത്തിൽ സർക്കാർ വിദ്യാർത്ഥിയെ സംരക്ഷിക്കുന്നതിൽ പരാജയപ്പെട്ടെന്ന് പി.കെ. കുഞ്ഞാലിക്കുട്ടി. ഇത് വലിയ അസഹിഷ്ണുതയുടെ ഉദാഹരണമാണെന്നും കേരളത്തിന് അപമാനകരമാണെന്നും അദ്ദേഹം കൂട്ടിച്ചേർത്തു. ശിരോവസ്ത്രത്തിന്റെ പേരില് വിദ്യാഭ്യാസം മുടങ്ങിയത് അംഗീകരിക്കാന് കഴിയില്ലെന്നും അദ്ദേഹം പറഞ്ഞു.
എൻഡോസൾഫാൻ ദുരിതബാധിതരെ സർക്കാർ അവഗണിക്കുന്നതായി ആരോപണം
എൻഡോസൾഫാൻ ദുരിതബാധിതരെ സർക്കാർ അവഗണിക്കുന്നതായി എൻ.എ. നെല്ലിക്കുന്ന് എം.എൽ.എ. ആരോപിച്ചു. ചികിത്സ നൽകിയ മംഗലാപുരത്തെ ആശുപത്രികൾക്ക് സംസ്ഥാന സർക്കാർ പണം നൽകിയില്ല. 1,031 പേരെ കൂടി ലിസ്റ്റിൽ ഉൾപ്പെടുത്താമെന്ന മുഖ്യമന്ത്രിയുടെ പ്രഖ്യാപനവും നടപ്പായില്ലെന്ന് എൻഡോസൾഫാൻ സമരസമിതി അറിയിച്ചു.
തദ്ദേശസ്ഥാപനങ്ങളിലെ ടൈപ്പിസ്റ്റ് തസ്തികകള് വെട്ടിച്ചുരുക്കി; 60 തസ്തികകള് ഇല്ലാതാക്കി
തദ്ദേശ സ്വയംഭരണ സ്ഥാപനങ്ങളിലെ ടൈപ്പിസ്റ്റ് തസ്തികകള് സര്ക്കാര് വെട്ടിച്ചുരുക്കി. 145 ടൈപ്പിസ്റ്റ് തസ്തികകളില് 60 എണ്ണം തദ്ദേശ സ്വയംഭരണ വകുപ്പ് ഇല്ലാതാക്കി. കോര്പ്പറേഷനുകളിലെ 28 തസ്തികകളും നഗരസഭകളിലെ 32 തസ്തികകളുമാണ് വെട്ടിക്കുറച്ചത്.
സംസ്ഥാനത്ത് ജനാഭിപ്രായം അറിയാൻ സർക്കാർ സർവേ
സംസ്ഥാനത്ത് ജനാഭിപ്രായം അറിയാനായി സർക്കാർ സിറ്റിസൺ റെസ്പോൺസ് പ്രോഗ്രാം എന്ന പേരിൽ സർവേ നടത്തുന്നു. 2026 ജനുവരി 1 മുതൽ ഫെബ്രുവരി 28 വരെയാണ് സർവേ. വികസനക്ഷേമ പരിപാടികൾ സംബന്ധിച്ച അഭിപ്രായം ആരാഞ്ഞ് ക്ഷേമപരിപാടികൾ കൂടുതൽ കാര്യക്ഷമമാക്കുകയാണ് ലക്ഷ്യം.
ശബരിമലയിലെ മോഷണവും അഴിമതിയും സിപിഐഎമ്മിന് ശരി: രാജീവ് ചന്ദ്രശേഖർ
രാജീവ് ചന്ദ്രശേഖർ കേരള സർക്കാരിനെതിരെ രൂക്ഷ വിമർശനവുമായി രംഗത്ത്. ശബരിമലയുടെ പവിത്രത തകർക്കാൻ ശ്രമിച്ചെന്നും പ്രതിഷേധിച്ച അയ്യപ്പഭക്തരെ അറസ്റ്റ് ചെയ്തെന്നും ആരോപിച്ചു. അഴിമതിയിൽ സി.പി.ഐ.എമ്മും കോൺഗ്രസും മത്സരിക്കുകയാണെന്നും അദ്ദേഹം പ്രസ്താവനയിൽ പറഞ്ഞു.