Kerala Football
അമൂൽ സൂപ്പർ ലീഗ്: മലപ്പുറത്തെ തകർത്ത് കാലിക്കറ്റ് എഫ്സി സെമിയിൽ
അമൂൽ സംഘടിപ്പിക്കുന്ന സ്പോർട്സ് ഡോട്ട് കോം സൂപ്പർ ലീഗ് കേരളയിൽ കാലിക്കറ്റ് എഫ്സി സെമി ഫൈനലിൽ. മലപ്പുറം എഫ്സിക്കെതിരെ ഒന്നിനെതിരെ മൂന്ന് ഗോളുകൾക്ക് വിജയിച്ചു. മത്സരത്തിൽ മലപ്പുറത്തിന്റെ ഗനി അഹമ്മദ് നിഗം ചുവപ്പ് കാർഡ് വാങ്ങി പുറത്തായി.
മെസ്സിയുടെ കേരളത്തിലേക്കുള്ള വരവ് വൈകുന്നത് അംഗീകാരക്കുറവ് മൂലം; വിമർശകർക്ക് മറുപടിയുമായി സിബി ഗോപാലകൃഷ്ണൻ
മെസ്സിയും അർജന്റീന ടീമിന്റെ കേരളത്തിലേക്കുള്ള വരവ് മാറ്റിവെച്ചതുമായി ബന്ധപ്പെട്ട് സോഷ്യൽ മീഡിയയിൽ വൈറലായിരിക്കുകയാണ് സെന്റ് ലൂസിയ ക്രിക്കറ്റ് അസോസിയേഷൻ ട്രഷറർ സിബി ഗോപാലകൃഷ്ണന്റെ ഫേസ്ബുക്ക് പോസ്റ്റ്. ഫിഫയുടെ അംഗീകാരം ലഭിക്കാത്തതിനെ തുടർന്നാണ് മെസ്സിയുടെയും സംഘത്തിൻ്റെയും നവംബറിലെ കേരള സന്ദർശനം മാറ്റിവെച്ചത്. കായിക മന്ത്രിയുടെയും സംഘാടകരുടെയും ശ്രമങ്ങളെ അഭിനന്ദിച്ചുകൊണ്ടുള്ള അദ്ദേഹത്തിൻ്റെ പോസ്റ്റ് ശ്രദ്ധേയമാകുന്നു.
ദേശീയ സ്കൂൾ ഫുട്ബോൾ: ജേതാക്കളായ കേരള ടീമിന് വിമാന ടിക്കറ്റ് ബുക്ക് ചെയ്ത് നൽകി മന്ത്രി വി. ശിവൻകുട്ടി
69-ാമത് ദേശീയ സ്കൂൾ ഫുട്ബോൾ ടൂർണമെന്റിൽ സീനിയർ വിഭാഗത്തിൽ കേരളം കിരീടം നേടി. മേഘാലയയെ തോൽപ്പിച്ചാണ് കേരളം ചാമ്പ്യൻമാരായത്. വിജയത്തിന് പിന്നാലെ ടീമിന്റെ യാത്രാ പ്രശ്നങ്ങൾ അറിഞ്ഞ മന്ത്രി വി. ശിവൻകുട്ടി ഇടപെട്ട് വിമാന ടിക്കറ്റ് ബുക്ക് ചെയ്യാൻ ഒഡെപെക്കിന് നിർദ്ദേശം നൽകി.
തിരുവനന്തപുരം കൊമ്പൻസിന്റെ ആദ്യ ഹോം മാച്ചിന് ടിക്കറ്റ് നിരക്കിൽ വമ്പൻ ഇളവ്!
തിരുവനന്തപുരം കൊമ്പൻസ് അവരുടെ ആദ്യ ഹോം മാച്ചിന് ടിക്കറ്റ് നിരക്കിൽ വലിയ ഇളവ് പ്രഖ്യാപിച്ചു. കണ്ണൂരുമായി നടക്കുന്ന മത്സരത്തിന്റെ ടിക്കറ്റ് നിരക്കിലാണ് 201 രൂപയുടെ ഇളവ് നൽകുന്നത്. 300 രൂപയുടെ ടിക്കറ്റ് 99 രൂപയ്ക്ക് തലസ്ഥാനത്തെ ഫുട്ബോൾ പ്രേമികൾക്ക് ലഭിക്കും.
സൂപ്പർ ലീഗ് കേരള രണ്ടാം സീസൺ ഒക്ടോബർ 2-ന് കോഴിക്കോട് ആരംഭിക്കും
സൂപ്പർ ലീഗ് കേരളയുടെ രണ്ടാം സീസൺ ഒക്ടോബർ 2-ന് കോഴിക്കോട് ആരംഭിക്കും. ഉദ്ഘാടന മത്സരത്തിൽ നിലവിലെ ജേതാക്കളായ കാലിക്കറ്റ് എഫ് സി, ഫോഴ്സ കൊച്ചിയെ നേരിടും. 6 ടീമുകൾ പങ്കെടുക്കുന്ന രണ്ടര മാസത്തോളം നീളുന്ന സൂപ്പർ ലീഗിൻ്റെ ഫൈനൽ ഡിസംബർ 14 ന് നടക്കും.
സുബ്രതോ കപ്പ്: കേരളത്തിന് കിരീടം; ഫാറൂഖ് സ്കൂൾ ടീമിന് ഉജ്ജ്വല സ്വീകരണം
സുബ്രതോ കപ്പ് ഫുട്ബോൾ ടൂർണമെന്റിൽ കിരീടം നേടിയ ഫാറൂഖ് ഹയർ സെക്കൻഡറി സ്കൂൾ ടീമിന് കോഴിക്കോട് വിമാനത്താവളത്തിൽ ഉജ്ജ്വല സ്വീകരണം നൽകി. ഡൽഹിയിൽ നടന്ന ഫൈനലിൽ ഉത്തരാഖണ്ഡ് അമിനിറ്റി പബ്ലിക് സ്കൂളിനെ 2-0ന് പരാജയപ്പെടുത്തിയാണ് ടീം കിരീടം നേടിയത്. സുബ്രതോ കപ്പ് ജൂനിയർ വിഭാഗത്തിൽ കേരളം ആദ്യമായി നേടുന്ന കിരീടമാണിത്.
മെസ്സിയും അർജന്റീന ടീമും; ഒരുക്കങ്ങൾ വിലയിരുത്തി ടീം മാനേജർ മടങ്ങി
ലയണൽ മെസ്സിയും അർജന്റീന ടീമും കേരളത്തിൽ വരുന്നതുമായി ബന്ധപ്പെട്ടുള്ള ഒരുക്കങ്ങൾ വിലയിരുത്തുന്നതിനായി കൊച്ചിയിൽ എത്തിയ അർജന്റീന ടീം മാനേജർ ഹെക്ടർ ഡാനിയൽ കബ്രേര ഇന്ന് അർജന്റീനയിലേക്ക് തിരികെ പോകും. കളിക്കാർക്ക് താമസിക്കാനുള്ള സൗകര്യങ്ങൾ, സുരക്ഷാ ക്രമീകരണങ്ങൾ, സ്റ്റേഡിയം എന്നിവയെല്ലാം തൃപ്തികരമാണെന്ന് അദ്ദേഹം അഭിപ്രായപ്പെട്ടു. മുഖ്യമന്ത്രി പിണറായി വിജയൻ വരും ദിവസങ്ങളിൽ മത്സരത്തിന്റെ തീയതിയും എതിർ ടീം ആരെന്നുള്ള കാര്യവും പ്രഖ്യാപിക്കും.
അർജന്റീന ടീം കൊച്ചിയിലെത്തുന്നതിനുള്ള സൗകര്യങ്ങൾ വിലയിരുത്താൻ മാനേജർ ഹെക്ടർ ഡാനിയൽ കബ്രേര കൊച്ചിയിലെത്തി
അർജന്റീന ഫുട്ബോൾ ടീം മാനേജർ ഹെക്ടർ ഡാനിയൽ കബ്രേര കൊച്ചിയിലെത്തി. അർജന്റീന ടീമിന് കൊച്ചിയിൽ കളിക്കുന്നതിനുള്ള സൗകര്യങ്ങൾ വിലയിരുത്താനാണ് അദ്ദേഹം എത്തിയത്. നവംബർ 15-ന് അർജന്റീന ടീം കൊച്ചിയിൽ എത്തുമെന്നാണ് പ്രതീക്ഷിക്കുന്നത്.
മെസ്സിയും കൂട്ടരും കൊച്ചിയിലേക്ക്; എതിരാളികൾ ഓസ്ട്രേലിയ, ടീം മാനേജർ ഇന്ന് എത്തും
അർജൻ്റീനയുടെ ഫുട്ബോൾ ടീം കേരളത്തിൽ സൗഹൃദ മത്സരത്തിനായി എത്തുന്നു. കൊച്ചിയിൽ നടക്കുന്ന മത്സരത്തിൽ ഓസ്ട്രേലിയയാണ് എതിരാളികൾ. ടീം മാനേജർ ഡാനിയൽ പബ്രേര ഇന്ന് കൊച്ചിയിലെത്തും.
മെസ്സിപ്പട കേരളത്തിലേക്ക്: നവംബറിൽ അർജന്റീനയുടെ സൗഹൃദ മത്സരം!
അർജന്റീന ഫുട്ബോൾ അസോസിയേഷന്റെ ഔദ്യോഗിക പ്രഖ്യാപനത്തോടെ മെസ്സിയുടെ ടീം നവംബറിൽ കേരളത്തിൽ സൗഹൃദ മത്സരം കളിക്കും. നവംബർ 10 നും 18 നും ഇടയിൽ മത്സരം നടക്കുമെന്നാണ് പ്രതീക്ഷിക്കുന്നത്, എതിരാളികൾ ആരെന്ന് തീരുമാനിച്ചിട്ടില്ല. കായിക വകുപ്പ് മന്ത്രി വി അബ്ദുറഹ്മാൻ വാർത്ത സ്ഥിരീകരിച്ചു, മത്സരം തിരുവനന്തപുരം ഗ്രീൻഫീൽഡ് സ്റ്റേഡിയത്തിൽ നടത്താൻ സാധ്യത.
കാൽപന്തുകളിയിൽ പെൺകരുത്ത്: സുബ്രതോ കപ്പിൽ തിളങ്ങി കരിമ്പുഴയുടെ ഭദ്ര
പാലക്കാട് ശ്രീകൃഷ്ണപുരത്ത് നടന്ന സുബ്രതോ കപ്പിൽ കരിമ്പുഴ സ്വദേശി ഭദ്രയുടെ പ്രകടനം ശ്രദ്ധേയമാകുന്നു. 2022-23ൽ പാലക്കാട് ശ്രീകൃഷ്ണപുരത്ത് നടന്ന കേരള സ്റ്റേറ്റ് ഫുട്ബോൾ ചാമ്പ്യൻഷിപ്പിൽ പാലക്കാടിന്റെ ക്യാപ്റ്റനായി ഭദ്ര കളിച്ചു. 2024-25 ലെ 63-ാമത് സുബ്രതോ ഇന്റർനാഷണൽ ചാമ്പ്യൻഷിപ്പിൽ കേരളത്തിനുവേണ്ടി മികച്ച പ്രകടനം കാഴ്ചവെച്ചതിലൂടെ ഭദ്ര ശ്രദ്ധേയയായി.
മുൻ ഫുട്ബോൾ താരം എ. നജീമുദ്ദീൻ അന്തരിച്ചു; മുഖ്യമന്ത്രി അനുശോചിച്ചു
മുൻ ഫുട്ബോൾ താരം എ. നജീമുദ്ദീൻ 73-ാം വയസ്സിൽ അന്തരിച്ചു. കൊല്ലത്തെ സ്വകാര്യ മെഡിക്കൽ കോളേജ് ആശുപത്രിയിൽ ശ്വാസകോശ സംബന്ധമായ രോഗത്തെ തുടർന്നായിരുന്നു അന്ത്യം. അദ്ദേഹത്തിന്റെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചനം രേഖപ്പെടുത്തി.