Kerala Finance Minister
ജിഎസ്ടി പഠനമില്ലാതെ നടപ്പാക്കി; സംസ്ഥാനങ്ങൾക്ക് വരുമാന നഷ്ടം ഉണ്ടാകുമെന്ന് മന്ത്രി കെ.എൻ. ബാലഗോപാൽ
ജിഎസ്ടി പരിഷ്കരണം വേണ്ടത്ര പഠനമില്ലാതെ നടപ്പാക്കിയെന്നും ഇത് സംസ്ഥാനങ്ങൾക്ക് വലിയ വരുമാന നഷ്ടം ഉണ്ടാക്കുമെന്നും മന്ത്രി കെ.എൻ. ബാലഗോപാൽ കുറ്റപ്പെടുത്തി. നികുതി ഇളവുകൾ കുറയുന്നത് നല്ല കാര്യമാണെങ്കിലും ഇതിന്റെ ഗുണം സാധാരണ ജനങ്ങളിലേക്ക് എത്തുന്നെന്ന് ഉറപ്പാക്കണമെന്നും മന്ത്രി അഭിപ്രായപ്പെട്ടു. സംസ്ഥാനത്ത് ലോട്ടറി വില കൂട്ടേണ്ടതില്ലെന്നും കേരള ലോട്ടറി മികച്ച രീതിയിൽ മുന്നോട്ട് പോകുമെന്നും മന്ത്രി ട്വന്റിഫോറിനോട് പറഞ്ഞു.
ജിഎസ്ടി പരിഷ്കരണം: ഉപഭോക്താക്കൾക്ക് പ്രയോജനം ലഭിക്കുന്നില്ലെന്ന് മന്ത്രി ബാലഗോപാൽ
ജിഎസ്ടി നവീകരണത്തിനുള്ള കേന്ദ്രത്തിന്റെ പരിഷ്കരണ ശിപാർശ മന്ത്രിതല സമിതി അംഗീകരിച്ചതിൽ ധനമന്ത്രി കെ എൻ ബാലഗോപാൽ പ്രതികരിച്ചു. നികുതി കുറയ്ക്കുമ്പോൾ ഉപഭോക്താക്കൾക്ക് അതിന്റെ പ്രയോജനം ലഭിക്കാതെ കമ്പനികൾ ലാഭം കൊയ്യുന്നത് സംസ്ഥാനത്തിന് വലിയ നഷ്ടം വരുത്തുമെന്നും മന്ത്രി അഭിപ്രായപ്പെട്ടു. നിർണായകമായ ജിഎസ്ടി മീറ്റിംഗ് സെപ്റ്റംബർ അവസാനം ഉണ്ടാകുമെന്നും അദ്ദേഹം കൂട്ടിച്ചേർത്തു.
ജിഎസ്ടി ഇളവ് പ്രഖ്യാപനം ആശങ്കയുണ്ടാക്കുന്നു: കെ എൻ ബാലഗോപാൽ
പ്രധാനമന്ത്രിയുടെ ജിഎസ്ടി ഇളവ് പ്രഖ്യാപനം ആശങ്കയുണ്ടാക്കുന്നെന്ന് ധനമന്ത്രി കെ എൻ ബാലഗോപാൽ പറഞ്ഞു. സംസ്ഥാനങ്ങളുടെ വരുമാന മാർഗ്ഗമാണ് ജിഎസ്ടി എന്നും ജിഎസ്ടി കൗൺസിൽ ഈ വിഷയത്തിൽ തീരുമാനമെടുക്കണമെന്നും അദ്ദേഹം കൂട്ടിച്ചേർത്തു. വിശദമായ ചർച്ചയ്ക്ക് ശേഷം മാത്രം തീരുമാനം നടപ്പിലാക്കണമെന്നും അദ്ദേഹം ആവശ്യപ്പെട്ടു.