Kerala Education
സ്കൂളുകളിൽ കുട്ടികൾക്കെതിരായ അതിക്രമം; ഒമ്പത് അധ്യാപകരെ പിരിച്ചുവിട്ടെന്ന് മന്ത്രി, കുണ്ടംകുഴിയിൽ പ്രധാനാധ്യാപകനെതിരെ കേസ്
കുട്ടികൾക്കെതിരായ അതിക്രമങ്ങളിൽ ഒമ്പത് അധ്യാപകരെ പിരിച്ചുവിട്ടെന്ന് മന്ത്രി വി.ശിവൻകുട്ടി അറിയിച്ചു. കുണ്ടംകുഴി ഗവ. ഹയർസെക്കൻഡറി സ്കൂളിലെ പ്രധാനാധ്യാപകന്റെ മർദനത്തിൽ വിദ്യാർഥിയുടെ കർണപുടം തകർന്ന സംഭവത്തിൽ പൊലീസ് കേസെടുത്തു. അസംബ്ലിക്കിടെ കാൽകൊണ്ട് ചരൽ നീക്കിയതിനാണ് മർദിച്ചതെന്നാണ് വിദ്യാർഥിയുടെ പരാതി.
ഹയർ സെക്കൻഡറി അധ്യാപക നിയമന ഉത്തരവിൽ തിരുത്തൽ; നിർദ്ദേശവുമായി മന്ത്രി വി. ശിവൻകുട്ടി
ഹയർ സെക്കൻഡറി പ്രിൻസിപ്പൽമാരുടെയും അധ്യാപകരുടെയും ജോലി സംബന്ധിച്ച പുതിയ ഉദ്യോഗസ്ഥ ഉത്തരവിൽ തിരുത്തൽ വരുത്താൻ മന്ത്രി വി. ശിവൻകുട്ടി നിർദ്ദേശം നൽകി. 2025 ആഗസ്റ്റ് 14-ന് ഇറങ്ങിയ പൊതുവിദ്യാഭ്യാസ വകുപ്പിന്റെ ഉത്തരവിൽ ക്ലാറിക്കൽ ജോലി കൂടി ചെയ്യേണ്ടിവരുന്നതുമായി ബന്ധപ്പെട്ട് അധ്യാപകർ പരാതി ഉന്നയിച്ചിരുന്നു. ഈ സാഹചര്യത്തിലാണ് മന്ത്രിയുടെ ഇടപെടൽ.
നാലാം ക്ലാസ് പാഠപുസ്തകത്തിലെ പിഴവ്: രചയിതാക്കളെ ഡീബാർ ചെയ്യും; മന്ത്രിയുടെ നിർദ്ദേശം
നാലാം ക്ലാസ്സിലെ പരിഷ്കരിച്ച പരിസര പഠനം ടീച്ചർ ടെക്സ്റ്റിൽ പിഴവുകൾ സംഭവിച്ചതിനെ തുടർന്ന് വിദ്യാഭ്യാസ വകുപ്പ് നടപടി സ്വീകരിക്കുന്നു. പാഠപുസ്തക രചനാസമിതി അംഗങ്ങളെ അക്കാദമിക പ്രവർത്തനങ്ങളിൽ നിന്ന് ഡീബാർ ചെയ്യാൻ എസ്.സി.ഇ.ആർ.ടിക്ക് മന്ത്രി വി. ശിവൻകുട്ടി നിർദ്ദേശം നൽകി. സുഭാഷ് ചന്ദ്ര ബോസിനെക്കുറിച്ചുള്ള വിവരണത്തിൽ പിഴവുകൾ സംഭവിച്ചതാണ് ഇതിന് കാരണം.
ക്ലർക്കിന്റെ ജോലി ഇനി പ്രിൻസിപ്പൽമാർ ചെയ്യേണ്ടതില്ല; വിവാദ ഉത്തരവ് തിരുത്തി വിദ്യാഭ്യാസ വകുപ്പ്
ക്ലർക്കിന്റെ ജോലികൾ കൂടി പ്രിൻസിപ്പൽമാർ ചെയ്യണമെന്ന വിവാദ ഉത്തരവ് വിദ്യാഭ്യാസ വകുപ്പ് തിരുത്തി. സാമ്പത്തിക പ്രതിസന്ധി കാരണം പുതിയ തസ്തികകൾ അനുവദിക്കാൻ കഴിയില്ലെന്നായിരുന്നു പഴയ ഉത്തരവിലെ കാരണം. ഇതിനെതിരെ അധ്യാപക സംഘടനകളിൽ നിന്ന് വലിയ വിമർശനങ്ങൾ ഉയർന്നിരുന്നു. പുതിയ ഉത്തരവ് പ്രകാരം ലൈബ്രറിയുടെ ചുമതല കുറഞ്ഞ ജോലിഭാരമുള്ള ഒരു അധ്യാപകന് നൽകിയാൽ മതി.
സംസ്ഥാനത്ത് ഓണപ്പരീക്ഷയ്ക്ക് ഇന്ന് തുടക്കം; ചോദ്യപേപ്പർ തുറക്കുന്നത് പരീക്ഷയ്ക്ക് അരമണിക്കൂർ മുൻപ് മാത്രം
സംസ്ഥാനത്തെ പൊതുവിദ്യാലയങ്ങളിൽ ഓണപ്പരീക്ഷകൾക്ക് ഇന്ന് തുടക്കമാകും. യുപി, ഹൈസ്കൂൾ, ഹയർ സെക്കൻഡറി വിദ്യാർത്ഥികൾക്കാണ് ഇന്ന് മുതൽ പരീക്ഷകൾ ആരംഭിക്കുന്നത്. ചോദ്യപേപ്പറുകൾ ചോരാതിരിക്കാൻ വിദ്യാഭ്യാസ വകുപ്പ് പ്രത്യേക മാർഗ്ഗരേഖ പുറത്തിറക്കിയിട്ടുണ്ട്.
പ്രിൻസിപ്പൽമാർ ഇനി ക്ലാർക്കുമാരായും ജോലി ചെയ്യേണ്ടി വരും; പുതിയ ഉത്തരവുമായി വിദ്യാഭ്യാസ വകുപ്പ്
സാമ്പത്തിക പ്രതിസന്ധി കണക്കിലെടുത്ത് ഹയർ സെക്കൻഡറി സ്കൂളുകളിൽ പുതിയ തസ്തികകൾ അനുവദിക്കാനാവില്ലെന്ന് വിദ്യാഭ്യാസ വകുപ്പ്. ഇതിന്റെ ഭാഗമായി പ്രിൻസിപ്പൽമാർ ക്ലാർക്കുമാരുടെ ജോലി കൂടി ചെയ്യേണ്ടിവരുമെന്ന് പുതിയ ഉത്തരവിൽ പറയുന്നു. ഈ ഉത്തരവിനെതിരെ അധ്യാപക സംഘടനകൾ രംഗത്ത് വന്നിട്ടുണ്ട്.
ആര്യനാട് ഗവൺമെൻ്റ് സ്കൂളിൽ പുതിയ കെട്ടിടം; മികച്ച സൗകര്യങ്ങൾ ഒരുക്കുമെന്ന് മന്ത്രി വി.ശിവൻകുട്ടി
തിരുവനന്തപുരം ആര്യനാട് ഗവൺമെൻ്റ് വൊക്കേഷണൽ ഹയർ സെക്കൻഡറി സ്കൂളിൽ പുതിയ കെട്ടിടം ഉദ്ഘാടനം ചെയ്തു. കിഫ്ബി-കില ഫണ്ടിൽ നിന്നും 3.90 കോടി രൂപ ചെലവഴിച്ചാണ് കെട്ടിടം നിർമ്മിച്ചത്. വിദ്യാർത്ഥികൾക്ക് മികച്ച സൗകര്യങ്ങൾ ഒരുക്കുമെന്നും, ആധുനിക രീതിയിലുള്ള ക്ലാസ് മുറികൾ ഉണ്ടാകുമെന്നും മന്ത്രി വി.ശിവൻകുട്ടി പറഞ്ഞു.
ഓണപ്പരീക്ഷ: പൊതുവിദ്യാലയങ്ങളിൽ സബ്ജക്ട് മിനിമം; പിന്തുണ ക്ലാസുകളുമായി വിദ്യാഭ്യാസ വകുപ്പ്
പൊതുവിദ്യാലയങ്ങളിൽ ഓണപ്പരീക്ഷയ്ക്ക് സബ്ജക്ട് മിനിമം സമ്പ്രദായം നടപ്പാക്കുന്നു. അഞ്ച് മുതൽ ഒമ്പത് വരെയുള്ള ക്ലാസുകളിലാണ് മിനിമം മാർക്ക് സമ്പ്രദായം നടപ്പാക്കുന്നത്. മിനിമം മാർക്ക് നേടാൻ കഴിയാത്ത വിദ്യാർത്ഥികൾക്ക് അതത് വിഷയങ്ങളിൽ സ്കൂളുകളിൽ പഠന പിന്തുണ ക്ലാസുകൾ നൽകും.
വിഭജന ഭീതി ദിനാചരണം: മന്ത്രിയുടെ നിർദേശം കൈമാറിയ ഉദ്യോഗസ്ഥന് കാരണം കാണിക്കൽ നോട്ടീസ്
വിഭജന ഭീതി ദിനാചരണം വേണ്ടെന്ന് കോളേജുകൾക്ക് നിർദ്ദേശം നൽകിയ ഉദ്യോഗസ്ഥർക്കെതിരെ നടപടിയെടുക്കാൻ സാങ്കേതിക സർവകലാശാല വിസി ഒരുങ്ങുന്നു. ഉന്നത വിദ്യാഭ്യാസ മന്ത്രിയുടെ നിർദ്ദേശം കോളേജുകൾക്ക് കൈമാറിയ സംഭവത്തിൽ ഡീൻ-അക്കാഡമിക്സിനോട് താൽക്കാലിക വിസി വിശദീകരണം തേടി. അഞ്ചു ദിവസത്തിനകം ഇതിന് മറുപടി നൽകണമെന്നും ആവശ്യപ്പെട്ടിട്ടുണ്ട്.
തൃക്കാക്കര പബ്ലിക് സ്കൂളിൽ വിദ്യാർത്ഥിക്ക് ദുരനുഭവം; വെയിലത്ത് ഓടിച്ച ശേഷം ഇരുട്ടുമുറിയിൽ ഇരുത്തിയെന്ന് പരാതി
തൃക്കാക്കര കൊച്ചിൻ പബ്ലിക് സ്കൂളിൽ വിദ്യാർത്ഥിക്കെതിരെ പ്രതികാര നടപടിയുണ്ടായതായി പരാതി. സ്കൂളിൽ എത്താൻ വൈകിയതിന് കുട്ടിയെ വെയിലത്ത് ഓടിച്ച ശേഷം ഇരുട്ടുമുറിയിൽ ഇരുത്തിയെന്നാണ് ആരോപണം. പ്രിൻസിപ്പലിനെ സസ്പെൻഡ് ചെയ്യണമെന്ന ആവശ്യവുമായി രക്ഷിതാക്കൾ രംഗത്തെത്തി.
വി.എച്ച്.എസ്.ഇ നാഷണൽ സർവീസ് സ്കീം പുരസ്കാരങ്ങൾ പ്രഖ്യാപിച്ചു
2024-25 വർഷത്തെ നാഷണൽ സർവീസ് സ്കീമിന്റെ സംസ്ഥാന, ജില്ലാതല പുരസ്കാരങ്ങൾ പൊതുവിദ്യാഭ്യാസ വകുപ്പ് പ്രഖ്യാപിച്ചു. വിദ്യാർത്ഥികൾ, വിദ്യാലയങ്ങൾ, സാമൂഹ്യ ക്ഷേമ പ്രവർത്തനങ്ങൾ എന്നിവയിൽ മികവ് പുലർത്തിയവരെയാണ് പുരസ്കാരത്തിനായി തെരഞ്ഞെടുത്തത്. സെപ്റ്റംബർ പകുതിയോടെ തിരുവനന്തപുരത്ത് നടക്കുന്ന ചടങ്ങിൽ മന്ത്രി പുരസ്കാരങ്ങൾ വിതരണം ചെയ്യും.
സ്കൂളുകൾ മാനേജ്മെൻ്റ് തർക്കത്തിൽ അടച്ചിടാൻ അനുവദിക്കില്ലെന്ന് മന്ത്രി വി. ശിവൻകുട്ടി
സംസ്ഥാനത്തെ ഒരു സ്കൂളും മാനേജ്മെൻ്റ് തർക്കങ്ങളുടെ പേരിൽ അടച്ചിടാൻ അനുവദിക്കില്ലെന്ന് മന്ത്രി വി. ശിവൻകുട്ടി അറിയിച്ചു. വിദ്യാർത്ഥികളുടെ അധ്യയനം മുടക്കുന്ന ഒരു നടപടിയും അംഗീകരിക്കില്ല. ഇത്തരം സാഹചര്യങ്ങളിൽ കർശനമായ നടപടികൾ സ്വീകരിക്കുമെന്നും മന്ത്രി വ്യക്തമാക്കി.