Kerala Education
പാഠപുസ്തക പരിഷ്കരണത്തിലെ പ്രതിസന്ധി; അധ്യാപകരുടെ വേതനം കുടിശ്ശികയായി തുടരുന്നു
സംസ്ഥാനത്തെ സ്കൂളുകളിലെ പാഠപുസ്തക പരിഷ്കരണവുമായി ബന്ധപ്പെട്ട് പ്രവർത്തിച്ച അധ്യാപകർക്കും വിഷയ വിദഗ്ധർക്കും വിദ്യാഭ്യാസ വകുപ്പ് ഇതുവരെ വേതനം നൽകിയിട്ടില്ല. ഒന്നര വർഷം മുൻപ് വരെയുള്ള വേതനവും മറ്റ് ആനുകൂല്യങ്ങളും കുടിശ്ശികയായിരിക്കുകയാണ്. തങ്ങൾക്ക് നീതി ലഭിക്കാത്തതിൽ പ്രതിഷേധിച്ച് അക്കാദമിക് വിദഗ്ദ്ധർ പ്രത്യക്ഷ സമരത്തിലേക്ക് കടക്കാനൊരുങ്ങുകയാണ്.
എയ്ഡഡ് സ്കൂളുകളിലെ ഒഴിവുകൾ റിപ്പോർട്ട് ചെയ്തില്ലെങ്കിൽ നടപടി: മന്ത്രി വി. ശിവൻകുട്ടി
എയ്ഡഡ് സ്കൂളുകളിലെ ഭിന്നശേഷി നിയമനത്തിൽ മാനേജ്മെന്റുകൾക്ക് മുന്നറിയിപ്പുമായി വിദ്യാഭ്യാസ മന്ത്രി വി. ശിവൻകുട്ടി. ഒഴിവുകൾ റിപ്പോർട്ട് ചെയ്യാത്തവർക്കെതിരെ നടപടിയെടുക്കുമെന്നും മന്ത്രി അറിയിച്ചു. രാഷ്ട്രീയ പ്രേരിത സമരങ്ങൾക്കെതിരെയും മന്ത്രി ശക്തമായ പ്രതികരണം നടത്തി.
മാസ്റ്റർ ഓഫ് ഹോസ്പിറ്റൽ അഡ്മിനിസ്ട്രേഷൻ: ഒന്നാം ഘട്ട അലോട്ട്മെന്റ് പ്രസിദ്ധീകരിച്ചു
2025 അധ്യയന വർഷത്തിലെ മാസ്റ്റർ ഓഫ് ഹോസ്പിറ്റൽ അഡ്മിനിസ്ട്രേഷൻ പ്രവേശനത്തിനുള്ള ഒന്നാം ഘട്ട അലോട്ട്മെന്റ് LBS സെൻ്റർ പ്രസിദ്ധീകരിച്ചു. അലോട്ട്മെന്റ് ലഭിച്ചവർ ഒക്ടോബർ 4-ന് മുൻപ് ഫീസ് അടച്ച് അഡ്മിഷൻ ഉറപ്പാക്കണം. രണ്ടാം ഘട്ട അലോട്ട്മെൻ്റിനായുള്ള ഓപ്ഷൻ പുനഃക്രമീകരണം ഒക്ടോബർ 4 വൈകുന്നേരം 4 മണി വരെ നടത്താം.
എയ്ഡഡ് സ്കൂൾ നിയമനങ്ങളിൽ മാനേജ്മെൻ്റുകൾ കോടതിയെ സമീപിക്കണം: മന്ത്രി വി. ശിവൻകുട്ടി
എയ്ഡഡ് സ്കൂൾ നിയമന വിഷയത്തിൽ മാനേജ്മെൻ്റുകൾക്ക് മന്ത്രി വി. ശിവൻകുട്ടിയുടെ നിർദ്ദേശം. നിയമനങ്ങളുമായി ബന്ധപ്പെട്ട ആവശ്യങ്ങൾക്ക് മാനേജ്മെൻ്റുകൾ തന്നെ കോടതിയെ സമീപിക്കണം. സർക്കാർ ഈ വിഷയത്തിൽ എല്ലാ കക്ഷികളുമായി ചർച്ചയ്ക്ക് തയ്യാറാണെന്നും മന്ത്രി അറിയിച്ചു.
എയ്ഡഡ് സ്കൂൾ നിയമനം: ചർച്ചയ്ക്ക് തയ്യാറെന്ന് സർക്കാർ
എയ്ഡഡ് സ്കൂളുകളിലെ ഭിന്നശേഷി നിയമനത്തിൽ മാനേജ്മെന്റുകളുമായി ചർച്ചയ്ക്ക് തയ്യാറാണെന്ന് സർക്കാർ അറിയിച്ചു. അനാവശ്യ സമരങ്ങളിൽ നിന്ന് മാനേജ്മെന്റുകൾ പിന്മാറണമെന്നും മന്ത്രി വി. ശിവൻകുട്ടി ആവശ്യപ്പെട്ടു. വിഷയത്തിന് രാഷ്ട്രീയ നിറം നൽകാനുള്ള ശ്രമം വിലപ്പോവില്ലെന്നും മന്ത്രി കൂട്ടിച്ചേർത്തു.
ആറാമട എൽ.പി. സ്കൂളിൽ പുതിയ ബഹുനില മന്ദിരം ഉദ്ഘാടനം ചെയ്തു: മന്ത്രി വി. ശിവൻകുട്ടി നിർവഹിച്ചു
നേമം നിയോജക മണ്ഡലത്തിലെ ആറാമട എൽ.പി. സ്കൂളിൽ പുതിയ ബഹുനില മന്ദിരവും വർണ്ണകൂടാരവും ഉദ്ഘാടനം ചെയ്തു. പൊതു വിദ്യാഭ്യാസ വകുപ്പിന്റെ പദ്ധതി വിഹിതത്തിൽ നിന്നും ഒരു കോടി രൂപയും എം.എൽ.എ.യുടെ ആസ്തി വികസന ഫണ്ടിൽ നിന്നും 90 ലക്ഷം രൂപയും ചെലവഴിച്ചാണ് പുതിയ മന്ദിരം നിർമ്മിച്ചത്. പ്രീ പ്രൈമറി വിദ്യാഭ്യാസം അന്താരാഷ്ട്ര നിലവാരത്തിലേക്ക് ഉയർത്തുന്നതിന്റെ ഭാഗമായി സ്റ്റാർസ് പദ്ധതിയിൽ ഉൾപ്പെടുത്തിയാണ് വർണ്ണക്കൂടാരം നടപ്പിലാക്കുന്നത്.
സൗജന്യ യൂണിഫോം എല്ലാവര്ക്കും ഉറപ്പാക്കും; അധ്യാപകര്ക്ക് ജോലി നഷ്ടപ്പെടില്ലെന്നും മന്ത്രി വി ശിവന്കുട്ടി
പൊതുവിദ്യാലയങ്ങളിലെ വിദ്യാർത്ഥികളുടെ ആധാർ അടിസ്ഥാനത്തിലുള്ള തസ്തിക നിർണയത്തിലെ പ്രതിസന്ധി പരിഹരിക്കുമെന്നും എല്ലാ വിദ്യാർത്ഥികൾക്കും സൗജന്യ യൂണിഫോം ഉറപ്പാക്കുമെന്നും വിദ്യാഭ്യാസമന്ത്രി വി. ശിവൻകുട്ടി നിയമസഭയിൽ അറിയിച്ചു. ഒരു അധ്യാപകനും ജോലി നഷ്ടപ്പെടാൻ പാടില്ലെന്നും മന്ത്രി വ്യക്തമാക്കി. എല്ലാ വിദ്യാർത്ഥികൾക്കും സൗജന്യ യൂണിഫോം നൽകുമെന്നും മന്ത്രി സഭയിൽ ഉറപ്പ് നൽകി.
വി. ശിവൻകുട്ടിക്കെതിരെ സിറോ മലബാർ സഭ; പ്രസ്താവന ദുരുദ്ദേശപരമെന്ന് ആരോപണം
ഭിന്നശേഷിക്കാരായ ആളുകളുടെ നിയമനത്തിൽ ക്രൈസ്തവ മാനേജ്മെന്റുകൾ തടസ്സം നിൽക്കുന്നു എന്ന വിദ്യാഭ്യാസമന്ത്രി വി. ശിവൻകുട്ടിയുടെ പ്രസ്താവനക്കെതിരെ സിറോ മലബാർ സഭ രംഗത്ത്. മന്ത്രിയുടെ പ്രസ്താവന ദുരുദ്ദേശപരവും തെറ്റിദ്ധാരണാജനകവുമാണെന്ന് സഭ ആരോപിച്ചു. ഈ വിഷയത്തിൽ പ്രതികരിക്കവെ, വകുപ്പുമായി ബന്ധപ്പെട്ട പ്രശ്നങ്ങളിൽ കോടതിയെ സമീപിക്കാമെന്ന മന്ത്രിയുടെ ധിക്കാരപരമായ മറുപടി ലഭിച്ചതായും സിറോ മലബാർ സഭ കുറ്റപ്പെടുത്തി.
ഹോമിയോ കോളേജുകളിലെ അന്തിമ അലോട്ട്മെന്റ് ലിസ്റ്റ് പ്രസിദ്ധീകരിച്ചു
കേരളത്തിലെ സർക്കാർ ഹോമിയോ കോളേജുകളിലെ 2025 വർഷത്തേക്കുള്ള ഒന്നാംഘട്ട അന്തിമ അലോട്ട്മെന്റ് ലിസ്റ്റ് പ്രസിദ്ധീകരിച്ചു. അലോട്ട്മെന്റ് ലഭിച്ച വിദ്യാർത്ഥികൾ ഒക്ടോബർ 1-ന് വൈകുന്നേരം 3 മണിക്ക് മുൻപ് കോളേജ് അധികാരികൾക്ക് മുന്നിൽ ഹാജരാകണം. കൂടുതൽ വിവരങ്ങൾക്കായി www.cee.kerala.gov.in എന്ന വെബ്സൈറ്റ് സന്ദർശിക്കുക.
ഗവർണറുടെ അധികാരം: പാഠഭാഗം തയ്യാറായി
ഗവർണറുടെ അധികാരപരിധിയെക്കുറിച്ചുള്ള പാഠഭാഗം തയ്യാറായി. പത്താം ക്ലാസ് സാമൂഹ്യശാസ്ത്രം രണ്ടാം ഭാഗത്തിലാണ് ഇത് ഉൾപ്പെടുത്തിയിരിക്കുന്നത്. ഗവർണറുടെ അധികാരം, അധികാരപരിധി, ചുമതലകൾ എന്നിവയെല്ലാം ഈ പാഠഭാഗത്ത് വ്യക്തമാക്കുന്നു.
കേരളത്തെ വാനോളം പുകഴ്ത്തി കര്ണാടക മന്ത്രി
ആരോഗ്യ-വിദ്യാഭ്യാസ രംഗങ്ങളിൽ കേരളം ഒന്നാമതാണെന്നും രാജ്യം തന്നെ കേരളത്തെ പിന്തുടരണമെന്നും കര്ണാടക റവന്യൂ മന്ത്രി കൃഷ്ണ ബൈര ഗൗഡ. കെസി വേണുഗോപാൽ എംപി ആലപ്പുഴയിൽ സംഘടിപ്പിച്ച മെറിറ്റ് അവാർഡ് വിതരണ വേദിയിലായിരുന്നു മന്ത്രിയുടെ പ്രശംസ. തിരഞ്ഞെടുപ്പുകൾ അടുത്തിരിക്കെ സംസ്ഥാന സർക്കാരിനെതിരെ വലിയ സമരങ്ങൾക്ക് പ്രതിപക്ഷം ഒരുങ്ങുകയാണ്.
ഹൈടെക് പദ്ധതി: 16,008 സ്കൂളുകളിലായി 1,35,551 ലാപ്ടോപ്പുകൾ വിതരണം ചെയ്തുവെന്ന് മന്ത്രി വി. ശിവൻകുട്ടി
പൊതുവിദ്യാഭ്യാസ വകുപ്പ് മന്ത്രി വി. ശിവൻകുട്ടി ഹൈടെക് സ്കൂൾ, ഹൈടെക് ലാബ് പദ്ധതികളുമായി ബന്ധപ്പെട്ട് സുപ്രധാന പ്രഖ്യാപനം നടത്തി. 16,008 സ്കൂളുകളിലായി 1,35,551 ലാപ്ടോപ്പുകൾ വിതരണം ചെയ്തു. കൂടാതെ, 29,000 റോബോട്ടിക് കിറ്റുകൾ സ്കൂളുകളിൽ വിന്യസിച്ചു, 5,000 കിറ്റുകൾ കൂടി വിതരണം ചെയ്യാനുള്ള നടപടികൾ നടക്കുന്നു.