Kerala Education
സെന്റ് റീത്താസ് സ്കൂൾ ഹിജാബ് വിവാദം: മന്ത്രി കാര്യങ്ങൾ പഠിക്കാതെയാണ് പറയുന്നതെന്ന് പ്രിൻസിപ്പൽ
പള്ളുരുത്തി സെന്റ് റീത്താസ് സ്കൂളിലെ ഹിജാബ് വിവാദത്തിൽ സ്കൂൾ അധികൃതരും പിടിഎയും പ്രതികരണവുമായി രംഗത്ത്. സ്കൂൾ യൂണിഫോം ധരിച്ച് കുട്ടിക്ക് പഠനം തുടരാമെന്ന് പിടിഎ പ്രസിഡന്റ് അറിയിച്ചു. വിദ്യാഭ്യാസ മന്ത്രി കാര്യങ്ങൾ പഠിക്കാതെയാണ് പ്രതികരിക്കുന്നതെന്ന് സ്കൂൾ പ്രിൻസിപ്പൽ കുറ്റപ്പെടുത്തി.
ഹിജാബ് വിവാദം: വിദ്യാഭ്യാസ മന്ത്രിക്കെതിരെ സ്കൂൾ പി.ടി.എ പ്രസിഡന്റ്
എറണാകുളം പള്ളുരുത്തി സ്കൂളിലെ ഹിജാബ് വിവാദത്തിൽ വിദ്യാഭ്യാസ മന്ത്രി വി. ശിവൻകുട്ടിക്കെതിരെ സ്കൂൾ പി.ടി.എ പ്രസിഡന്റ് രംഗത്ത്. സ്കൂൾ യൂണിഫോം ധരിച്ച് കുട്ടിക്ക് പഠനം തുടരാമെന്ന് പി.ടി.എ പ്രസിഡന്റ് ജോഷി കൈതവളപ്പിൽ പറഞ്ഞു. കുട്ടിയുടെ അവകാശത്തിന് മുകളിലാണ് സ്കൂളിന്റെ അവകാശമെന്നും അദ്ദേഹം അഭിപ്രായപ്പെട്ടു.
ഹിജാബ് വിവാദം: പള്ളുരുത്തി സെന്റ് റീത്താസ് സ്കൂളിനെതിരെ മന്ത്രി വി. ശിവൻകുട്ടി
ഹിജാബ് ധരിച്ചെത്തിയ എട്ടാം ക്ലാസ് വിദ്യാർത്ഥിനിയെ ക്ലാസിന് പുറത്തുനിർത്തിയ സംഭവത്തിൽ എറണാകുളം പള്ളുരുത്തി സെന്റ് റീത്താസ് സ്കൂളിനെതിരെ വിദ്യാഭ്യാസ മന്ത്രി വി. ശിവൻകുട്ടി രംഗത്ത്. സ്കൂൾ മാനേജ്മെൻ്റിന് ഗുരുതരമായ വീഴ്ച സംഭവിച്ചുവെന്നും മന്ത്രി അറിയിച്ചു. മതേതര മൂല്യങ്ങൾ ഉയർത്തിപ്പിടിക്കുന്ന കേരളത്തിൽ ഇങ്ങനെയൊരു ദുരനുഭവം ഒരു വിദ്യാർത്ഥിക്കും ഉണ്ടാകാൻ പാടില്ലെന്നും അദ്ദേഹം കൂട്ടിച്ചേർത്തു
ഭിന്നശേഷി അധ്യാപക നിയമനത്തിൽ അയഞ്ഞ് സർക്കാർ; ഹിജാബ് വിലക്കിൽ പ്രതികരണവുമായി മന്ത്രി വി. ശിവൻകുട്ടി
എയ്ഡഡ് സ്കൂളുകളിലെ ഭിന്നശേഷി അധ്യാപക നിയമനത്തിൽ സംസ്ഥാന സർക്കാർ നിലപാട് മയപ്പെടുത്തുന്നു. എല്ലാ മാനേജ്മെന്റുകൾക്കും സുപ്രീംകോടതി വിധി ബാധകമാക്കാൻ നിയമനടപടി സ്വീകരിക്കുമെന്നും മന്ത്രി അറിയിച്ചു. ഇതിനോടനുബന്ധിച്ച് എറണാകുളം പള്ളുരുത്തിയിലെ സെൻ്റ് റീത്താസ് സ്കൂളിൽ ഹിജാബ് ധരിക്കുന്നതിന് വിലക്കേർപ്പെടുത്തിയ സംഭവത്തിലും മന്ത്രി പ്രതികരിച്ചു.
പൊതുവിദ്യാഭ്യാസ രംഗത്ത് സമഗ്ര മാറ്റങ്ങളുമായി ‘വിഷൻ 2031’ സെമിനാർ: മുഖ്യമന്ത്രി പിണറായി വിജയൻ ഉദ്ഘാടനം ചെയ്തു
'വിഷൻ 2031' സെമിനാറിലൂടെ പൊതുവിദ്യാഭ്യാസ രംഗത്ത് വലിയ മാറ്റങ്ങൾ കൊണ്ടുവരാൻ ലക്ഷ്യമിടുന്നു എന്ന് മുഖ്യമന്ത്രി പിണറായി വിജയൻ. 5,000 കോടിയോളം രൂപയുടെ അടിസ്ഥാന സൗകര്യ വികസന പദ്ധതികളാണ് വിദ്യാലയങ്ങളിൽ നടപ്പാക്കുന്നത്. കേരളത്തെ ഒരു വിജ്ഞാന സമൂഹമായി മാറ്റുകയാണ് ലക്ഷ്യമെന്നും മുഖ്യമന്ത്രി കൂട്ടിച്ചേർത്തു.
ഒരു ലക്ഷം കാമ്പസ് പ്ലേസ്മെൻ്റുകൾ: മന്ത്രി ആർ. ബിന്ദു പദ്ധതി ഉദ്ഘാടനം ചെയ്തു
2025-26 അധ്യയന വർഷത്തിൽ പഠനം പൂർത്തിയാക്കുന്ന ഒരു ലക്ഷം വിദ്യാർത്ഥികൾക്ക് കാമ്പസ് പ്ലേസ്മെൻ്റ് നൽകുന്നതിനുള്ള പദ്ധതിക്ക് തൃശ്ശൂരിൽ തുടക്കമായി. ഉന്നത വിദ്യാഭ്യാസ വകുപ്പ് മന്ത്രി ആർ. ബിന്ദുവാണ് പദ്ധതി ഉദ്ഘാടനം ചെയ്തത്. കെ-ഡിസ്ക് ഇതിനോടകം രണ്ട് ലക്ഷം തൊഴിലുകൾ സമാഹരിച്ചു കഴിഞ്ഞു.
ഭിന്നശേഷി നിയമനത്തിൽ ക്രൈസ്തവ മാനേജ്മെൻ്റുകളുടെ ആശങ്ക പരിഹരിക്കും: മന്ത്രി വി. ശിവൻകുട്ടി
ഭിന്നശേഷി അധ്യാപക നിയമനവുമായി ബന്ധപ്പെട്ട് വിദ്യാഭ്യാസമന്ത്രി വി ശിവൻകുട്ടി ചങ്ങനാശേരി ആർച്ച് ബിഷപ്പുമായി കൂടിക്കാഴ്ച നടത്തി. ക്രൈസ്തവ മാനേജ്മെൻ്റുകളുടെ ആശങ്ക പരിഹരിക്കാൻ സർക്കാർ പ്രതിജ്ഞാബദ്ധമാണെന്ന് മന്ത്രി ഉറപ്പ് നൽകി. ഈ വിഷയത്തിൽ ഈ മാസം 13-ന് നടക്കുന്ന ചർച്ചയിൽ ഒരു അന്തിമ തീരുമാനത്തിലെത്താൻ സാധിക്കുമെന്നും മന്ത്രി പ്രത്യാശ പ്രകടിപ്പിച്ചു.
ഐസിടി അക്കാദമി ഓഫ് കേരളയുടെ തൊഴിലധിഷ്ഠിത കോഴ്സുകളിലേക്ക് അപേക്ഷിക്കാം
കേരള സര്ക്കാരിന്റെ പിന്തുണയോടെ ടെക്നോപാര്ക്ക് ആസ്ഥാനമായി പ്രവര്ത്തിക്കുന്ന ഐസിടി അക്കാദമി ഓഫ് കേരള തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു. സര്ട്ടിഫൈഡ് സ്പെഷ്യലിസ്റ്റ് ഇന് ഫുള് സ്റ്റാക്ക് ഡെവലപ്മെന്റ് , ഡേറ്റ സയന്സ് & അനലിറ്റിക്സ്, ആര്ട്ടിഫിഷ്യല് ഇന്റലിജന്സ് & മെഷീന് ലേണിംഗ്, സൈബര് സെക്യൂരിറ്റി അനലിസ്റ്റ് എന്നീ കോഴ്സുകളിലേക്കാണ് അപേക്ഷകള് ക്ഷണിച്ചിരിക്കുന്നത്. 2025 ഒക്ടോബർ 15 വരെ അപേക്ഷിക്കാവുന്നതാണ്.
ഭിന്നശേഷി അധ്യാപക നിയമനം: തർക്കം പരിഹരിക്കാൻ മുഖ്യമന്ത്രിയുടെ നേതൃത്വത്തിൽ ചർച്ച
എയ്ഡഡ് സ്കൂളുകളിലെ ഭിന്നശേഷി അധ്യാപക നിയമനവുമായി ബന്ധപ്പെട്ട തർക്കം ഒത്തുതീർപ്പിലേക്ക്. മുഖ്യമന്ത്രിയുടെ നേതൃത്വത്തിൽ മാനേജ്മെന്റുകളുമായി ചർച്ച നടത്താൻ വിദ്യാഭ്യാസ മന്ത്രി തീരുമാനിച്ചു. കെസിബിസി അധ്യക്ഷൻ മേജർ ആർച്ച് ബിഷപ്പ് ബസേലിയോസ് ക്ലീമിസ് കാതോലിക്കാ ബാവാ വിദ്യാഭ്യാസ മന്ത്രി വി. ശിവൻകുട്ടിയുമായി കൂടിക്കാഴ്ച നടത്തി.
വിഷൻ 2031: കേരളത്തിലെ സ്കൂൾ വിദ്യാഭ്യാസം മെച്ചപ്പെടുത്താൻ സെമിനാർ
സംസ്ഥാന രൂപീകരണത്തിൻ്റെ 75-ാം വാർഷികത്തിൽ കേരളത്തിലെ സ്കൂൾ വിദ്യാഭ്യാസം എങ്ങനെയായിരിക്കണം എന്നതിനെക്കുറിച്ചുള്ള കാഴ്ചപ്പാട് രൂപീകരിക്കുന്നതിനായി പൊതുവിദ്യാഭ്യാസ വകുപ്പ് ‘വിഷൻ 2031’ സെമിനാർ സംഘടിപ്പിക്കുന്നു. ഒക്ടോബർ 13-ന് തിരുവനന്തപുരം ടാഗോർ തിയേറ്ററിൽ രാവിലെ 10 മണിക്ക് നടക്കുന്ന പരിപാടി മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. വിദ്യാഭ്യാസ വിദഗ്ധർ, അധ്യാപകർ, വിദ്യാർത്ഥി പ്രതിനിധികൾ, പൊതുജനങ്ങൾ എന്നിവരുടെ അഭിപ്രായങ്ങൾ ക്രോഡീകരിച്ച് ഭാവി കേരളത്തിനായുള്ള വിദ്യാഭ്യാസ നയരേഖയ്ക്ക് രൂപം നൽകുകയാണ് സെമിനാറിൻ്റെ പ്രധാന ഉദ്ദേശം.
കുമ്പള മൈം വിവാദം: ഇന്ന് ഡിഡിഇ റിപ്പോർട്ട് സമർപ്പിക്കും
കാസർഗോഡ് കുമ്പള ഗവ. ഹയർ സെക്കൻഡറി സ്കൂളിലെ മൈം വിവാദത്തിൽ ഇന്ന് ഡിഡിഇ പൊതുവിദ്യാഭ്യാസ ഡയറക്ടർക്ക് റിപ്പോർട്ട് സമർപ്പിക്കാൻ സാധ്യത. കർട്ടൻ താഴ്ത്തിയ അധ്യാപകർ സംഘപരിവാർ അനുകൂല ട്രേഡ് യൂണിയൻ സംഘടനയിൽപ്പെട്ടവരാണെന്നുള്ള വിവരങ്ങൾ പുറത്തുവരുന്നു. നിർത്തിവെച്ച കലോത്സവം തിങ്കളാഴ്ച പുനരാരംഭിക്കും
പലസ്തീൻ അനുകൂല മൈം തടഞ്ഞ സംഭവം; കർശന നടപടിയുമായി വിദ്യാഭ്യാസ മന്ത്രി
പലസ്തീൻ ഐക്യദാർഢ്യം പ്രഖ്യാപിച്ചുള്ള മൈമിന്റെ പേരിൽ കാസർഗോഡ് കുമ്പള ഗവൺമെൻ്റ് ഹയർ സെക്കൻഡറി സ്കൂളിലെ കലോത്സവം നിർത്തിവെച്ചതിൽ വിദ്യാഭ്യാസ മന്ത്രി വി. ശിവൻകുട്ടി ഇടപെടുന്നു. സംഭവത്തിൽ അടിയന്തര റിപ്പോർട്ട് നൽകാൻ പൊതുവിദ്യാഭ്യാസ ഡയറക്ടർക്ക് മന്ത്രി നിർദ്ദേശം നൽകി. പലസ്തീനിലെ കുട്ടികൾക്ക് ഐക്യദാർഢ്യം പ്രഖ്യാപിച്ചുള്ള പരിപാടി അവതരിപ്പിക്കാൻ അനുവദിക്കുമെന്നും മന്ത്രി അറിയിച്ചു.