Kerala crime
പത്തനാപുരത്ത് പോക്സോ കേസ് പ്രതി അറസ്റ്റിൽ; എഴുകോണിൽ മോഷണക്കേസ് പ്രതിയും പിടിയിൽ
പത്തനാപുരത്ത് കടയിൽ സാധനം വാങ്ങാനെത്തിയ പെൺകുട്ടിയോട് ലൈംഗികാതിക്രമം നടത്തിയ പോക്സോ കേസ് പ്രതി അറസ്റ്റിലായി. പുത്തൻപുര സ്വദേശി ഷെരീഫ് (50) ആണ് പിടിയിലായത്. അതേസമയം എഴുകോണിൽ നിരവധി മോഷണക്കേസുകളിലെ പ്രതിയായ പാരിപ്പള്ളി സ്വദേശി ഗിരീഷിനെയും പോലീസ് അറസ്റ്റ് ചെയ്തു.
ചെറുമകന്റെ കുത്തേറ്റു അപ്പൂപ്പൻ മരിച്ചു; സംഭവം തിരുവനന്തപുരത്ത്
തിരുവനന്തപുരം ജില്ലയിലെ പാലോട് എന്ന സ്ഥലത്ത് ചെറുമകൻ അപ്പൂപ്പനെ കുത്തിക്കൊലപ്പെടുത്തി. ഇടിഞ്ഞാർ സ്വദേശി രാജേന്ദ്രൻ കാണി (58) ആണ് കൊല്ലപ്പെട്ടത്. സംഭവത്തിൽ ചെറുമകൻ സന്ദീപിനെ പാലോട് പോലീസ് കസ്റ്റഡിയിലെടുത്തു.
പത്തനംതിട്ടയിൽ ഹണിട്രാപ്പ്: യുവാക്കളെ കെട്ടിത്തൂക്കി മർദിച്ച് ദമ്പതികൾ
പത്തനംതിട്ട ചരൽക്കുന്നിൽ യുവാക്കളെ ഹണിട്രാപ്പിൽ കുടുക്കി ക്രൂരമായി മർദിച്ച കേസിൽ ദമ്പതികൾ അറസ്റ്റിൽ. ആലപ്പുഴ, റാന്നി സ്വദേശികളെ കെട്ടിത്തൂക്കി മർദിച്ചെന്നാണ് എഫ്ഐആറിൽ പറയുന്നത്. ദമ്പതികളായ ജയേഷ്, രശ്മി എന്നിവരെയാണ് പോലീസ് അറസ്റ്റ് ചെയ്തത്.
രാഹുൽ മാങ്കൂട്ടത്തിലിനെതിരായ കേസ്: അന്വേഷണം വേഗത്തിലാക്കി ക്രൈംബ്രാഞ്ച്
രാഹുൽ മാങ്കൂട്ടത്തിലിനെതിരായ ലൈംഗികാരോപണ കേസിൽ ക്രൈംബ്രാഞ്ച് അന്വേഷണം ശക്തമാക്കി. നിയമസഭാ സമ്മേളനത്തിന് മുന്നോടിയായി അന്വേഷണം വേഗത്തിലാക്കാനാണ് ശ്രമം. റിനിയെ പരാതിക്കാരിയാക്കുന്നതിനുള്ള നിയമസാധ്യതയും ക്രൈംബ്രാഞ്ച് തേടുന്നു.
വർക്കലയിൽ എംഡിഎംഎ പിടികൂടി; പെരുമ്പാവൂരിൽ ആഡംബര കാറിൽ കഞ്ചാവ് കടത്തിയ രണ്ട് ഇതര സംസ്ഥാനക്കാർ പിടിയിൽ
വർക്കലയിൽ വില്പനക്കായി എത്തിച്ച 48 ഗ്രാം എംഡിഎംഎ പിടികൂടി ഒരാൾ അറസ്റ്റിൽ. ഡാൻസാഫും പൊലീസും സംയുക്തമായി നടത്തിയ പരിശോധനയിലാണ് ഇയാൾ പിടിയിലായത്. പെരുമ്പാവൂരിൽ ആഡംബര കാറിൽ കടത്തുകയായിരുന്ന 8 കിലോ കഞ്ചാവുമായി രണ്ട് ഇതര സംസ്ഥാന തൊഴിലാളികൾ പിടിയിലായി.
പേരൂർക്കട വ്യാജ മാലമോഷണ കേസ് കെട്ടിച്ചമച്ചതെന്ന് ക്രൈംബ്രാഞ്ച് റിപ്പോർട്ട്
പേരൂർക്കടയിലെ വ്യാജ മാലമോഷണ കേസിൽ ക്രൈംബ്രാഞ്ച് അന്വേഷണ റിപ്പോർട്ട് പുറത്ത്. മാല മോഷണം പോയതല്ലെന്നും കേസ് കെട്ടിച്ചമച്ചതാണെന്നും കണ്ടെത്തൽ. പരാതിക്കാരിയുടെ വീട്ടിൽ നിന്ന് തന്നെയാണ് മാല കണ്ടെത്തിയത്.
കൊല്ലങ്കോട് ബീവറേജസ് മോഷണം: തിരുവോണ വിൽപനയ്ക്കുള്ള മദ്യമെന്ന് പ്രതികൾ
കൊല്ലങ്കോട് ബീവറേജസ് ഔട്ട്ലെറ്റിൽ തിരുവോണ ദിവസം നടന്ന മോഷണക്കേസിലെ പ്രതികളുടെ മൊഴി പുറത്ത്. തിരുവോണ ദിവസത്തെ വില്പനയ്ക്ക് വേണ്ടിയാണ് മോഷണം നടത്തിയതെന്ന് പ്രതികൾ സമ്മതിച്ചു. രണ്ട് പ്രതികളെ ഇതിനോടകം പിടികൂടിയിട്ടുണ്ട്.
പത്തനംതിട്ടയിൽ ഭാര്യയെ കുത്തി കൊലപ്പെടുത്തിയ ശേഷം ഭർത്താവ് ജീവനൊടുക്കി
പത്തനംതിട്ട മല്ലപ്പള്ളി ചേർത്തോട് ഭാര്യയെ കുത്തി കൊലപ്പെടുത്തിയ ശേഷം ഭർത്താവ് ജീവനൊടുക്കി. സുധ രഘുനാഥ് (61) ആണ് കൊല്ലപ്പെട്ടത്. കുടുംബ വഴക്കാണ് കൊലപാതകത്തിന് കാരണമെന്നാണ് പൊലീസിന്റെ പ്രാഥമിക നിഗമനം.
പറവൂർ ആത്മഹത്യ: പ്രതികൾക്ക് മുൻകൂർ ജാമ്യം നൽകരുത്, കോടതിയിൽ റിപ്പോർട്ട്
പറവൂരിൽ പലിശക്കാരുടെ ഭീഷണിയെ തുടർന്ന് യുവതി ആത്മഹത്യ ചെയ്ത കേസിൽ അന്വേഷണ സംഘം കോടതിയിൽ റിപ്പോർട്ട് സമർപ്പിച്ചു. പ്രതികളായ റിട്ടയേർഡ് പൊലീസ് ഉദ്യോഗസ്ഥനും ഭാര്യക്കും മുൻകൂർ ജാമ്യം നൽകരുതെന്ന് റിപ്പോർട്ടിൽ പറയുന്നു. ആശ ബെന്നി പലരിൽ നിന്നും പണം വാങ്ങിയിട്ടുണ്ടെന്നും ഈ പണം എങ്ങനെ ചെലവഴിച്ചുവെന്ന് കണ്ടെത്തണമെന്നും റിപ്പോർട്ടിൽ ആവശ്യപ്പെടുന്നു.
തിരുവനന്തപുരത്ത് 4 കിലോ കഞ്ചാവുമായി യുവതി പിടിയിൽ
തിരുവനന്തപുരത്ത് നാല് കിലോ കഞ്ചാവുമായി യുവതി പിടിയിലായി. വലിയ വേളി സ്വദേശിനി ബിന്ദുവിനെയാണ് ഡാൻസാഫ് സംഘം അറസ്റ്റ് ചെയ്തത്. വേളി ടൂറിസ്റ്റ് വില്ലേജ് വഴി ഓട്ടോറിക്ഷയിൽ കടത്താൻ ശ്രമിച്ച കഞ്ചാവാണ് പൊലീസ് പിടികൂടിയത്.
തിരുവനന്തപുരത്ത് മകന്റെ മർദ്ദനത്തിൽ അച്ഛൻ മരിച്ചു
തിരുവനന്തപുരത്ത് കുറ്റിച്ചൽ ഗ്രാമപഞ്ചായത്തിലെ ചപ്പാത്ത് വഞ്ചിക്കുഴിയിൽ മകന്റെ മർദ്ദനത്തിൽ 65 വയസ്സുകാരൻ മരിച്ചു. മദ്യപിച്ചുള്ള തർക്കത്തെ തുടർന്ന് മകൻ അച്ഛനെ മർദ്ദിക്കുകയായിരുന്നു. മകൻ നിഷാദിനെ നെയ്യാർ ഡാം പൊലീസ് കസ്റ്റഡിയിലെടുത്തു.
തിരുവനന്തപുരത്ത് മകന്റെ മർദനത്തിൽ അച്ഛൻ കൊല്ലപ്പെട്ടു
തിരുവനന്തപുരം കുറ്റിച്ചലിൽ മകന്റെ മർദനത്തിൽ അച്ഛൻ കൊല്ലപ്പെട്ടു. കുടുംബവഴക്കാണ് കൊലപാതകത്തിൽ കലാശിച്ചതെന്ന് പൊലീസ് അറിയിച്ചു. പ്രതിയായ നിഷാദിനെതിരെ കൊലക്കുറ്റം ചുമത്തുമെന്ന് പൊലീസ് വ്യക്തമാക്കി.