Kerala crime
തിരൂരിൽ എംഡിഎംഎയുമായി 18കാരൻ പിടിയിൽ
മലപ്പുറം തിരൂരിൽ 10 ഗ്രാം എംഡിഎംഎയുമായി പതിനെട്ടുകാരൻ പിടിയിലായി. എക്സൈസ് കമ്മീഷണറുടെ ഉത്തരമേഖല സ്ക്വാഡിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് അറസ്റ്റ് നടന്നത്. മയക്കുമരുന്ന് കടത്താൻ ഉപയോഗിച്ച ബൈക്കും കസ്റ്റഡിയിലെടുത്തു.
തൃശ്ശൂരിൽ സ്കൂളിൽ കയറി അദ്ധ്യാപകനെ മർദ്ദിച്ച രക്ഷിതാവ് അറസ്റ്റിൽ
തൃശ്ശൂരിൽ സ്കൂളിൽ കയറി അദ്ധ്യാപകനെ മർദ്ദിച്ച കേസിൽ രക്ഷിതാവിനെ പോലീസ് അറസ്റ്റ് ചെയ്തു. ശ്രീനാരായണപുരം പോഴങ്കാവ് സ്വദേശി ചെന്നറ വീട്ടിൽ ധനേഷ് (40) ആണ് അറസ്റ്റിലായത്. പോഴങ്കാവ് സെന്റ് ജോർജ് മിക്സഡ് എൽ.പി സ്കൂളിലെ അധ്യാപകൻ തയ്യിൽ ഭരത് കൃഷ്ണയെയാണ് ധനേഷ് മർദ്ദിച്ചത്.
മൂവാറ്റുപുഴയിൽ വൻ കഞ്ചാവ് വേട്ട; അസം സ്വദേശി പിടിയിൽ
മൂവാറ്റുപുഴ പെഴക്കാപ്പിള്ളിയിൽ അഞ്ചര കിലോയിലധികം കഞ്ചാവുമായി അസം സ്വദേശി പിടിയിലായി. എക്സൈസ് നടത്തിയ പരിശോധനയിലാണ് ഇതര സംസ്ഥാന തൊഴിലാളികൾ താമസിക്കുന്ന കെട്ടിടത്തിൽ നിന്നും കഞ്ചാവ് കണ്ടെത്തിയത്. മൂവാറ്റുപുഴ എക്സൈസ് സർക്കിൾ ഇൻസ്പെക്ടർ ജി കൃഷ്ണകുമാറിൻ്റെ നേതൃത്വത്തിലുള്ള സംഘമാണ് കഞ്ചാവ് വേട്ട നടത്തിയത്.
തിരുവല്ല കവിത കൊലക്കേസ്: പ്രതിക്ക് ജീവപര്യന്തം തടവും അഞ്ച് ലക്ഷം രൂപ പിഴയും
തിരുവല്ല കവിത കൊലക്കേസിൽ പ്രതി അജിൻ റെജി മാത്യുവിന് ജീവപര്യന്തം തടവ് ശിക്ഷ വിധിച്ചു. പത്തനംതിട്ട ജില്ലാ സെഷൻസ് കോടതിയാണ് വിധി പ്രസ്താവിച്ചത്. പ്രണയം നിരസിച്ചതിനെ തുടർന്നാണ് പ്രതി കവിതയെ കൊലപ്പെടുത്തിയത്.
മദ്യം നൽകി പെൺകുട്ടിയെ പീഡിപ്പിച്ച കേസിൽ രണ്ടാനച്ഛനും അമ്മയ്ക്കും 180 വർഷം തടവ്
മലപ്പുറത്ത് മദ്യം നൽകി 11 വയസ്സുകാരിയെ പീഡിപ്പിച്ച രണ്ടാനച്ഛനും അമ്മയ്ക്കും 180 വർഷം കഠിന തടവ് ശിക്ഷ വിധിച്ചു. മഞ്ചേരി ഫാസ്റ്റ് ട്രാക്ക് കോടതിയുടേതാണ് വിധി. പ്രതികൾക്ക് 11,75,000 രൂപ പിഴയും ചുമത്തിയിട്ടുണ്ട്.
മംഗലപുരത്ത് യുവാവിനെ വെട്ടിക്കൊലപ്പെടുത്താൻ ശ്രമിച്ച കേസിൽ പ്രതി പിടിയിൽ
മംഗലപുരത്ത് വീടിന് മുന്നിൽ പടക്കം പൊട്ടിച്ചതിനെച്ചൊല്ലിയുള്ള തർക്കത്തിനിടെ യുവാവിന് വെട്ടേറ്റ കേസിൽ പ്രതി അറസ്റ്റിലായി. മംഗലപുരം സ്വദേശി അൻസറിനെയാണ് പോലീസ് പിടികൂടിയത്. ദീപാവലി ദിവസം ബിജു എന്നയാൾക്കാണ് വെട്ടേറ്റത്.
തിരുവനന്തപുരത്ത് മദ്യപാനം ചോദ്യം ചെയ്ത അമ്മയെ കഴുത്തറുത്ത് കൊന്ന് മകൻ
തിരുവനന്തപുരത്ത് കല്ലിയൂരിൽ അമ്മയെ മകൻ കഴുത്തറുത്ത് കൊലപ്പെടുത്തി. കല്ലിയൂർ സ്വദേശി വിജയകുമാരിയമ്മ (76) ആണ് കൊല്ലപ്പെട്ടത്. മദ്യപാനം ചോദ്യം ചെയ്തതിലെ വൈരാഗ്യമാണ് കൊലപാതകത്തിന് പിന്നിൽ. കോസ്റ്റ് ഗാർഡിൽ നിന്ന് വിരമിച്ച ഉദ്യോഗസ്ഥനായ അജയകുമാർ (56) ആണ് പ്രതി.
ചീനിക്കുഴി കൂട്ടക്കൊലക്കേസിൽ ഇന്ന് വിധി; പ്രതി ഹമീദിന് പരമാവധി ശിക്ഷ നൽകണമെന്ന് പ്രോസിക്യൂഷൻ
ചീനിക്കുഴി കൂട്ടക്കൊലക്കേസിൽ ഇന്ന് ഇടുക്കി അഡീഷണൽ സെഷൻസ് കോടതി വിധി പറയും. സ്വത്തിന് വേണ്ടി മകനെയും കുടുംബത്തെയും ഹമീദ് ചുട്ടുകൊന്ന കേസിൽ പ്രതി കുറ്റക്കാരനാണെന്ന് കണ്ടെത്തിയിരുന്നു. രണ്ട് പിഞ്ചുകുട്ടികളെ കൊന്ന പ്രതിക്ക് പരമാവധി ശിക്ഷ നൽകണമെന്ന് പ്രോസിക്യൂഷൻ വാദിച്ചു.
തിരുവനന്തപുരത്ത് അമ്മയെ കഴുത്തറുത്ത് കൊന്ന് മകൻ; പ്രതി റിട്ടയേർഡ് കോസ്റ്റ് ഗാർഡ് ഉദ്യോഗസ്ഥൻ
തിരുവനന്തപുരം കല്ലിയൂരിൽ റിട്ടയേർഡ് പോലീസ് മിനിസ്റ്റീരിയൽ സ്റ്റാഫായ വിജയകുമാരിയെ മകൻ കഴുത്തറുത്ത് കൊലപ്പെടുത്തി. മദ്യക്കുപ്പി തറയിൽ വീണു പൊട്ടിയതിനെച്ചൊല്ലിയുണ്ടായ വഴക്കാണ് കൊലപാതകത്തിലേക്ക് നയിച്ചത്. സംഭവത്തിൽ പ്രതിയായ മകൻ അജയകുമാറിനെ പോലീസ് കസ്റ്റഡിയിലെടുത്തു.
ശബരിമല സ്വർണക്കൊള്ള: രണ്ടാം പ്രതി മുരാരി ബാബുവിനെ തിരുവനന്തപുരത്ത് എത്തിച്ചു, ഇന്ന് ചോദ്യം ചെയ്യും
ശബരിമല സ്വർണക്കൊള്ളക്കേസിൽ രണ്ടാം പ്രതി മുരാരി ബാബുവിനെ തിരുവനന്തപുരത്ത് എത്തിച്ചു. ഈഞ്ചയ്ക്കൽ ക്രൈംബ്രാഞ്ച് ഓഫീസിൽ വെച്ച് എസ്ഐടി ഇയാളെ ചോദ്യം ചെയ്യും. അതേസമയം, ശബരിമലയിൽ നിർണായക രേഖകൾ നശിപ്പിച്ചെന്നും സൂചനയുണ്ട്.
കരമനയിൽ യുവാവിനെ കുത്തിക്കൊലപ്പെടുത്തിയ കേസിൽ രണ്ട് പ്രതികൾ അറസ്റ്റിൽ
തിരുവനന്തപുരം കരമനയിലെ കരുമം ഇടഗ്രാമത്തിൽ യുവാവിനെ കുത്തിക്കൊലപ്പെടുത്തിയ കേസിൽ രണ്ട് പ്രതികൾ അറസ്റ്റിൽ. മണക്കാട് എംഎസ്കെ നഗർ സ്വദേശി അജീഷ് കുമാർ, കരുമം ഇടഗ്രാമം സ്വദേശി അജയൻ എന്ന അജിയുമാണ് അറസ്റ്റിലായത്. ഫോർട്ട് അസിസ്റ്റൻറ് പോലീസ് കമ്മീഷണർ ബിനുകുമാറിൻ്റെ നേതൃത്വത്തിലുള്ള പോലീസ് സംഘമാണ് പ്രതികളെ പിടികൂടിയത്.
ശബരിമല സ്വർണക്കൊള്ള: ഉണ്ണികൃഷ്ണൻ പോറ്റിയെയും മുരാരി ബാബുവിനെയും ഒരുമിച്ചിരുത്തി ചോദ്യം ചെയ്യും
ശബരിമല സ്വർണക്കൊള്ള കേസിൽ നിർണായക നീക്കവുമായി പ്രത്യേക അന്വേഷണ സംഘം. അറസ്റ്റിലായ ഉണ്ണികൃഷ്ണൻ പോറ്റിയെയും മുരാരി ബാബുവിനെയും ഒരുമിച്ചിരുത്തി ചോദ്യം ചെയ്യാൻ തീരുമാനിച്ചു. സ്വർണക്കൊള്ളയ്ക്ക് വഴിയൊരുക്കിയത് മുരാരി ബാബുവാണെന്നാണ് കണ്ടെത്തൽ.