Kerala Cricket
കേരള ക്രിക്കറ്റ് ലീഗിൽ തൃശ്ശൂർ ടൈറ്റൻസിന് വീണ്ടും ജയം; കൊച്ചി ബ്ലൂ ടൈഗേഴ്സിനും വിജയം
കേരള ക്രിക്കറ്റ് ലീഗിൽ തൃശ്ശൂർ ടൈറ്റൻസിന് തുടർച്ചയായ രണ്ടാം വിജയം. കാലിക്കറ്റ് ഗ്ലോബ് സ്റ്റാർസിനെതിരെ 9 റൺസിനാണ് വിജയം നേടിയത്. മത്സരത്തിൽ അഹമ്മദ് ഇമ്രാന്റെ സെഞ്ച്വറിയാണ് തൃശ്ശൂരിന് വിജയം നൽകിയത്. കൊച്ചി ബ്ലൂ ടൈഗേഴ്സും ഇന്ന് വിജയം നേടി, ആലപ്പി റിപ്പിൾസിനെ 34 റൺസിനാണ് കൊച്ചി തോൽപ്പിച്ചത്.
കേരള ക്രിക്കറ്റ് ലീഗ്: കൊച്ചിക്ക് തകർപ്പൻ ജയം
കേരള ക്രിക്കറ്റ് ലീഗ് സീസൺ 2ൽ കൊച്ചി ബ്ലൂ ടൈഗേഴ്സിന് വിജയം.ആലപ്പി റിപ്പിൾസിനെ 34 റൺസിനാണ് കൊച്ചി തോൽപ്പിച്ചത്.കൊച്ചിക്കുവേണ്ടി മുഹമ്മദ് ആഷിഖ് നാല് വിക്കറ്റ് വീഴ്ത്തി മികച്ച പ്രകടനം കാഴ്ചവെച്ചു.
കെ.സി.എൽ സീസൺ-2: രോഹൻ കുന്നുമ്മലിന്റെ അർധസെഞ്ചുറി പ്രകടനത്തിനിടയിലും കാലിക്കറ്റിന് തോൽവി
കെ.സി.എൽ സീസൺ-2ൽ ഏരീസ് കൊല്ലം സെയിലേഴ്സ്, കാലിക്കറ്റ് ഗ്ലോബ് സ്റ്റാർസിനെ ഒരു വിക്കറ്റിന് പരാജയപ്പെടുത്തി. രോഹൻ കുന്നുമ്മൽ 22 പന്തിൽ 54 റൺസെടുത്തു. കഴിഞ്ഞ സീസണിൽ 11 മത്സരങ്ങളിൽ നിന്ന് 371 റൺസാണ് രോഹൻ നേടിയത്.
കേരള ക്രിക്കറ്റ് ലീഗ്: ഉദ്ഘാടന മത്സരത്തിൽ കൊല്ലം സെയിലേഴ്സ് ജയം നേടി
കേരള ക്രിക്കറ്റ് ലീഗിന്റെ രണ്ടാം സീസണിലെ ആദ്യ മത്സരത്തിൽ ഏരീസ് കൊല്ലം സെയിലേഴ്സ്, കാലിക്കറ്റ് ഗ്ലോബ് സ്റ്റാർസിനെ ഒരു വിക്കറ്റിന് തോൽപ്പിച്ചു. അവസാന ഓവറിൽ 2 സിക്സറുകൾ നേടിയ ബിജു നാരായണനാണ് കൊല്ലത്തിന് വിജയം സമ്മാനിച്ചത്. ഷറഫുദ്ദീനാണ് കളിയിലെ താരം.
കെസിഎൽ സീസൺ 2: ടീമുകളുടെ വിജയം ബാറ്റർമാരുടെ പ്രകടനത്തെ ആശ്രയിച്ചിരിക്കും, പ്രവചനാതീത മത്സരങ്ങളെന്ന് ക്യാപ്റ്റന്മാർ
കെസിഎൽ സീസൺ 2-ൽ ടീമുകളുടെ വിജയം ബാറ്റർമാരുടെ പ്രകടനത്തെ ആശ്രയിച്ചിരിക്കുമെന്ന് ക്യാപ്റ്റന്മാർ അഭിപ്രായപ്പെട്ടു. എല്ലാ ടീമുകളും ശക്തരായതിനാൽ മത്സരങ്ങൾ പ്രവചനാതീതമായിരിക്കും. കെസിഎൽ ഇന്ത്യൻ ടീമിലേക്കുള്ള വാതിൽ തുറക്കുമെന്നും താരങ്ങൾ കണക്കുകൂട്ടുന്നു.
കെസിഎൽ: കൊച്ചി ബ്ലൂ ടൈഗേഴ്സ് ജേഴ്സിയും വെബ്സൈറ്റും പ്രകാശനം ചെയ്തു
കേരള ക്രിക്കറ്റ് ലീഗിന് ആവേശം പകർന്ന് കൊച്ചി ബ്ലൂ ടൈഗേഴ്സ് ടീം ഔദ്യോഗിക ജേഴ്സിയും വെബ്സൈറ്റും പ്രകാശനം ചെയ്തു. ടീമിന്റെ ഔദ്യോഗിക വെബ്സൈറ്റിന്റെ ഉദ്ഘാടനം ഇന്ത്യൻ ക്രിക്കറ്റ് താരം സഞ്ജു സാംസൺ നിർവഹിച്ചു. സഞ്ജുവിന്റെ സാന്നിധ്യം കെ.സി.എല്ലിന്റെ പ്രചാരം വർധിപ്പിക്കുമെന്നും സാംസൺ സഹോദരങ്ങളുടെ കൂട്ടുകെട്ട് ടീമിന് വലിയ മുതൽക്കൂട്ടാകുമെന്നും പരിശീലകൻ റൈഫി വിൻസന്റ് ഗോമസ് കൂട്ടിച്ചേർത്തു.
അദാനി ട്രിവാൻഡ്രം റോയൽസ് ജേഴ്സി പ്രകാശനം ചെയ്തു
കേരള ക്രിക്കറ്റ് ലീഗിന് മുന്നോടിയായി അദാനി ട്രിവാൻഡ്രം റോയൽസ് ടീമിൻ്റെ ഔദ്യോഗിക ജേഴ്സി പ്രകാശനം ചെയ്തു. തിരുവനന്തപുരത്ത് നടന്ന ചടങ്ങിൽ ടീം ഉടമയും സിനിമാ സംവിധായകനുമായ പ്രിയദർശൻ ഉൾപ്പെടെയുള്ള പ്രമുഖർ പങ്കെടുത്തു. ടീമിന്റെ തത്വങ്ങളും ലക്ഷ്യങ്ങളും പ്രതിഫലിക്കുന്ന തരത്തിലാണ് ജേഴ്സിയുടെ നിറങ്ങൾ തിരഞ്ഞെടുത്തിരിക്കുന്നത്.
കേരള ക്രിക്കറ്റ് ലീഗിന് ഇനി ദിവസങ്ങൾ മാത്രം; ട്രിവാൻഡ്രം റോയൽസ് ജേഴ്സി പുറത്തിറക്കി
കേരള ക്രിക്കറ്റ് ലീഗിന് ഇനി ഏതാനും ദിവസങ്ങൾ മാത്രം. ഈ മാസം 21-ന് രണ്ടാം സീസൺ ആരംഭിക്കും. ട്രിവാൻഡ്രം റോയൽസ് പുതിയ ജേഴ്സി പുറത്തിറക്കി. ലഹരിക്കെതിരായ പോരാട്ടം എന്ന ആശയം ഉയർത്തിപ്പിടിക്കുന്നതിൻ്റെ ഭാഗമായി പച്ച നിറത്തിലുള്ള ജേഴ്സിയും പുറത്തിറക്കിയിട്ടുണ്ട്.
കെസിഎൽ രണ്ടാം പതിപ്പിന് തിരുവനന്തപുരത്ത് തുടക്കം; ഭാഗ്യചിഹ്നങ്ങളെ പ്രഖ്യാപിച്ചു
കേരള ക്രിക്കറ്റ് ലീഗ് രണ്ടാം പതിപ്പിന്റെ ഭാഗ്യചിഹ്നങ്ങളെ പ്രഖ്യാപിച്ചു. തിരുവനന്തപുരം നിശാഗന്ധിയിൽ നടന്ന ചടങ്ങിൽ സംഗീതനിശയുമുണ്ടായി. ബാറ്റേന്തിയ കൊമ്പൻ ഇനി 'വീരു' എന്നും മലമുഴക്കി വേഴാമ്പൽ 'ചാരു' എന്നും അറിയപ്പെടും.
കേരള ക്രിക്കറ്റ് ലീഗ് സീസൺ 2: ടീമുകളുടെ ഔദ്യോഗിക പ്രഖ്യാപനം ഇന്ന്
കേരള ക്രിക്കറ്റ് ലീഗിന്റെ രണ്ടാം സീസണിന് മുന്നോടിയായുള്ള ടീമുകളുടെ ഔദ്യോഗിക പ്രഖ്യാപനം ഇന്ന് തിരുവനന്തപുരത്ത് നടക്കും. നിശാഗന്ധി ഓഡിറ്റോറിയത്തിൽ വൈകുന്നേരം ആറ് മണിക്കാണ് പരിപാടി ആരംഭിക്കുന്നത്. ചടങ്ങിൽ ലീഗിലെ ആറ് ടീമുകളെയും അവതരിപ്പിക്കും.
സഞ്ജുവിന്റെ ബാറ്റിംഗ് മികവിൽ കെ.സി.എ സെക്രട്ടറി ഇലവന് വിജയം
കാര്യവട്ടം ഗ്രീൻഫീൽഡിൽ നടന്ന കേരള ക്രിക്കറ്റ് ലീഗിന് മുന്നോടിയായുള്ള സൗഹൃദ ട്വന്റി-ട്വന്റി മത്സരത്തിൽ സഞ്ജു സാംസൺ നയിച്ച കെ.സി.എ സെക്രട്ടറി ഇലവൻ വിജയിച്ചു. അവസാന ഓവർ വരെ നീണ്ട മത്സരത്തിൽ സച്ചിൻ ബേബി നയിച്ച കെ.സി.എ പ്രസിഡന്റ് ഇലവനെ ഒരു വിക്കറ്റിന് തകർത്തു. വിഷ്ണു വിനോദിന്റെയും സഞ്ജുവിന്റെയും ബാറ്റിംഗ് മികവാണ് സെക്രട്ടറി ഇലവന് വിജയം നൽകിയത്.
കേരള ക്രിക്കറ്റ് ലീഗ് രണ്ടാം സീസൺ 21ന്; ഇന്ന് സഞ്ജുവും സച്ചിനും നേർക്കുനേർ
കേരള ക്രിക്കറ്റ് ലീഗിന്റെ രണ്ടാം സീസൺ ഓഗസ്റ്റ് 21ന് ആരംഭിക്കും. ടൂർണമെന്റിന് മുന്നോടിയായി ഇന്ന് കാര്യവട്ടം ഗ്രീൻഫീൽഡ് സ്റ്റേഡിയത്തിൽ സൗഹൃദ മത്സരം നടക്കും. സഞ്ജു സാംസൺ നയിക്കുന്ന കെസിഎ സെക്രട്ടറി ഇലവനും സച്ചിൻ ബേബി നയിക്കുന്ന കെസിഎ പ്രസിഡന്റ് ഇലവനും തമ്മിലാണ് മത്സരം.