Kerala Cricket
രഞ്ജി ട്രോഫി: പഞ്ചാബിനെതിരെ കേരളത്തിന് മേൽക്കൈ, ഹർണൂറിന് സെഞ്ച്വറി
രഞ്ജി ട്രോഫി ക്രിക്കറ്റിൽ പഞ്ചാബിനെതിരെ കേരളം മികച്ച പ്രകടനം കാഴ്ചവെക്കുന്നു. ഒന്നാം ദിവസത്തെ കളി അവസാനിക്കുമ്പോൾ പഞ്ചാബ് ആറ് വിക്കറ്റ് നഷ്ടത്തിൽ 240 റൺസ് നേടി. ഹർണൂർ സിങ്ങിന്റെ സെഞ്ച്വറിയാണ് പഞ്ചാബിനെ തകർച്ചയിൽ നിന്ന് രക്ഷിച്ചത്. കേരളത്തിന് വേണ്ടി ബേസിലും അങ്കിത് ശർമ്മയും രണ്ട് വിക്കറ്റുകൾ വീതം വീഴ്ത്തി.
രഞ്ജി ട്രോഫി: മഹാരാഷ്ട്രക്കെതിരെ കേരളം 219 റൺസിന് പുറത്ത്, രണ്ടാം ഇന്നിങ്സിൽ മഹാരാഷ്ട്രയ്ക്ക് മികച്ച തുടക്കം
രഞ്ജി ട്രോഫി ക്രിക്കറ്റിൽ മഹാരാഷ്ട്രയ്ക്കെതിരെ ഒന്നാം ഇന്നിങ്സിൽ കേരളം 219 റൺസിന് പുറത്തായി. സഞ്ജു സാംസൺ 54 റൺസ് നേടി. രണ്ടാം ഇന്നിങ്സിൽ മഹാരാഷ്ട്ര വിക്കറ്റ് നഷ്ടമില്ലാതെ 51 റൺസെടുത്തു.
സീനിയർ വനിതാ ട്വൻ്റി 20 ടൂർണ്ണമെൻ്റിൽ ഗുജറാത്തിനെ തകർത്ത് കേരളം
ദേശീയ സീനിയർ വനിതാ ട്വൻ്റി 20 ടൂർണ്ണമെൻ്റിൽ ഗുജറാത്തിനെ തോൽപ്പിച്ച് കേരളം നാല് വിക്കറ്റിന് വിജയം നേടി. ആദ്യം ബാറ്റ് ചെയ്ത ഗുജറാത്ത് 20 ഓവറിൽ ഒൻപത് വിക്കറ്റ് നഷ്ടത്തിൽ 100 റൺസെടുത്തു. മറുപടി ബാറ്റിങ്ങിന് ഇറങ്ങിയ കേരളം 16.4 ഓവറിൽ ആറ് വിക്കറ്റ് നഷ്ടത്തിൽ ലക്ഷ്യത്തിലെത്തി.
രഞ്ജി ട്രോഫി: കേരളം-മഹാരാഷ്ട്ര മത്സരം രണ്ടാം ദിവസത്തിലേക്ക്; ഗംഭീര തുടക്കമിട്ട് കേരളം
രഞ്ജി ട്രോഫി ക്രിക്കറ്റിൽ മഹാരാഷ്ട്രയ്ക്കെതിരായ കേരളത്തിന്റെ മത്സരം രണ്ടാം ദിവസത്തിലേക്ക്. ആദ്യ ദിനം പേസർമാർ തിളങ്ങിയപ്പോൾ, കഷ്ടിച്ച് രക്ഷപെട്ട് മഹാരാഷ്ട്ര. 7 വിക്കറ്റ് നഷ്ടത്തിൽ 179 റൺസാണ് മഹാരാഷ്ട്രയുടെ ഇന്നലത്തെ സമ്പാദ്യം.
രഞ്ജി ട്രോഫി: മഹാരാഷ്ട്രയ്ക്കെതിരെ കേരളത്തിന് ഗംഭീര തുടക്കം
രഞ്ജി ട്രോഫി സീസണിലെ ആദ്യ മത്സരത്തിൽ കേരളത്തിന് ഗംഭീര തുടക്കം. തിരുവനന്തപുരത്ത് നടക്കുന്ന മത്സരത്തിൽ മഹാരാഷ്ട്രയ്ക്കെതിരെ മികച്ച പ്രകടനമാണ് കേരളം കാഴ്ചവെക്കുന്നത്. കളി തുടങ്ങി 17 ഓവറുകൾ പിന്നിട്ടപ്പോൾ 5 വിക്കറ്റ് നഷ്ടത്തിൽ 48 റൺസാണ് മഹാരാഷ്ട്ര നേടിയത്.
സീനിയര് വനിതാ ട്വന്റി 20 ചാമ്പ്യന്ഷിപ്പ്: ബിഹാറിനെതിരെ കേരളത്തിന് തകർപ്പൻ ജയം
സീനിയര് വനിതാ ട്വന്റി 20 ചാമ്പ്യന്ഷിപ്പില് ബിഹാറിനെതിരെ കേരളത്തിന് മികച്ച വിജയം. എസ്. ആശയുടെ മികച്ച ബോളിംഗാണ് കേരളത്തിന് വിജയം നേടിക്കൊടുത്തത്. ആദ്യം ബാറ്റ് ചെയ്ത കേരളം 20 ഓവറില് ആറ് വിക്കറ്റ് നഷ്ടത്തില് 124 റണ്സെടുത്തു.
വിനു മങ്കാദ് ട്രോഫി: ബിഹാറിനെ തകർത്ത് കേരളത്തിന് ഉജ്ജ്വല വിജയം
വിനു മങ്കാദ് ട്രോഫിയിൽ കേരളം ബിഹാറിനെ ഒമ്പത് വിക്കറ്റിന് തകർത്തു. ആദ്യം ബാറ്റ് ചെയ്ത ബിഹാർ 113 റൺസിന് ഓൾ ഔട്ടായി. മഴയെ തുടർന്ന് കേരളത്തിന്റെ വിജയലക്ഷ്യം 93 റൺസായി നിശ്ചയിച്ചു, കേരളം 17.3 ഓവറിൽ ലക്ഷ്യം കണ്ടു.
ദേശീയ സീനിയർ വനിതാ ട്വൻ്റി 20: കേരളത്തിന് തോൽവി
ദേശീയ സീനിയർ വനിതാ ട്വൻ്റി 20 ചാമ്പ്യൻഷിപ്പിൽ കേരളത്തിന് തോൽവി. ഉത്തർപ്രദേശിനെതിരെ നടന്ന മത്സരത്തിൽ 19 റൺസിനാണ് കേരളം പരാജയപ്പെട്ടത്. ആദ്യം ബാറ്റ് ചെയ്ത ഉത്തർപ്രദേശ് 20 ഓവറിൽ 107 റൺസ് എടുത്തു. മറുപടി ബാറ്റിംഗിൽ കേരളം 88 റൺസിന് ഓൾ ഔട്ടായി.
കെസിഎ ജൂനിയർ ക്രിക്കറ്റ്: ലിറ്റിൽ മാസ്റ്റേഴ്സിനും തൃപ്പൂണിത്തുറയ്ക്കും മികച്ച സ്കോർ
കെസിഎ ജൂനിയർ ക്ലബ് ചാമ്പ്യൻഷിപ്പിൽ ലിറ്റിൽ മാസ്റ്റേഴ്സ് ക്രിക്കറ്റ് ക്ലബ് വിന്റേജ് ക്രിക്കറ്റ് ക്ലബ്ബിനെതിരെ 283 റൺസ് നേടി. തൃപ്പൂണിത്തുറ ക്രിക്കറ്റ് ക്ലബ്ബ് സസെക്സ് ക്രിക്കറ്റ് ക്ലബ്ബിനെതിരെ 237 റൺസ് നേടി. ആത്രേയ ക്രിക്കറ്റ് ക്ലബ്ബിനെതിരെ ആർഎസ്സി എസ്ജി ക്രിക്കറ്റ് സ്കൂൾ 206 റൺസ് നേടി ഓൾ ഔട്ടായി.
വിമൻസ് പ്രീമിയർ ലീഗ്: ജയേഷ് ജോർജ് ചെയർമാൻ
കേരള ക്രിക്കറ്റ് അസോസിയേഷൻ പ്രസിഡന്റ് ജയേഷ് ജോർജിനെ വിമൻസ് പ്രീമിയർ ലീഗിന്റെ പുതിയ ചെയർമാനായി തിരഞ്ഞെടുത്തു. മുംബൈയിൽ ചേർന്ന ബിസിസിഐ വാർഷിക പൊതുയോഗമാണ് ജയേഷിനെ ഐകകണ്ഠേന തിരഞ്ഞെടുത്തത്. ഈ നിയമനത്തിലൂടെ ഡബ്ല്യുപിഎല്ലിന്റെ പ്രഥമ ചെയർമാൻ എന്ന നേട്ടം ജയേഷ് ജോർജ് സ്വന്തമാക്കി.
ഒമാൻ ചെയർമാൻ ഇലവനെതിരെ കേരളത്തിന് വിജയം; ട്വൻ്റി 20 പരമ്പര സ്വന്തമാക്കി
ഒമാൻ ചെയർമാൻ ഇലവനുമായുള്ള ട്വൻ്റി 20 പരമ്പര കേരളം സ്വന്തമാക്കി. മൂന്നാമത്തെ മത്സരത്തിൽ ഒമാൻ ടീമിനെ 43 റൺസിന് തോൽപ്പിച്ചു. ആദ്യ മത്സരത്തിൽ കേരളം തോറ്റെങ്കിലും പിന്നീട് തുടർച്ചയായി രണ്ട് മത്സരങ്ങൾ വിജയിച്ച് പരമ്പര സ്വന്തമാക്കി.
കെസിഎ അണ്ടർ 23: കാർത്തിക്കിന് ട്രിപ്പിൾ സെഞ്ച്വറി
കെസിഎ അണ്ടർ 23 ഇൻ്റർ സോൺ മത്സരത്തിൽ ദക്ഷിണ മേഖലയുടെ പി. കാർത്തിക് ട്രിപ്പിൾ സെഞ്ച്വറി നേടി. തലശ്ശേരി കോണോർവയൽ സ്റ്റേഡിയത്തിൽ നടന്ന മത്സരത്തിൽ മധ്യമേഖലയ്ക്കെതിരെയായിരുന്നു താരത്തിന്റെ പ്രകടനം. 517 പന്തുകൾ നേരിട്ട് 304 റൺസാണ് താരം നേടിയത്.