Kerala Coast
കേരള തീരത്ത് കപ്പലപകടം; അന്വേഷണത്തിന് പ്രത്യേക സംഘം, ഹൈക്കോടതിയിൽ അഡ്മിറാലിറ്റി സ്യൂട്ട്
കേരള തീരത്ത് കപ്പലപകടങ്ങൾ വർധിക്കുന്ന സാഹചര്യത്തിൽ സർക്കാർ നിർണായക നടപടികളുമായി മുന്നോട്ട്. അപകടങ്ങൾ അന്വേഷിക്കുന്നതിനായി ഐ.ജി.യുടെ നേതൃത്വത്തിൽ പ്രത്യേക സംഘം രൂപീകരിച്ചു. അപകടം സംഭവിച്ച ജില്ലകളിലെ കളക്ടർമാർ ഹൈക്കോടതിയിൽ അഡ്മിറാലിറ്റി സ്യൂട്ട് ഫയൽ ചെയ്യും.
എം.എസ്.സി എൽസ-3 കപ്പലപകടം: 5.97 കോടി രൂപ കെട്ടിവെച്ച് മെഡിറ്ററേനിയൻ ഷിപ്പിങ് കമ്പനി
കേരള തീരത്ത് തകർന്ന എം.എസ്.സി എൽസ-3 കപ്പലുമായി ബന്ധപ്പെട്ട് മെഡിറ്ററേനിയൻ ഷിപ്പിങ് കമ്പനി ഹൈക്കോടതിയിൽ 5.97 കോടി രൂപ കെട്ടിവെച്ചു. കപ്പലപകടത്തിൽ നഷ്ടം സംഭവിച്ച കശുവണ്ടി ഇറക്കുമതിക്കാർ നൽകിയ ഹർജിയിലാണ് ഈ നടപടി. തുക ഒരു വർഷത്തേക്ക് ദേശസാത്കൃത ബാങ്കിൽ നിക്ഷേപം നടത്താനാണ് ഹൈക്കോടതി രജിസ്ട്രിക്ക് സിംഗിൾ ബെഞ്ച് നൽകിയിട്ടുള്ള നിർദ്ദേശം.
വാൻഹായി കപ്പലപകടം: കണ്ടെയ്നറുകൾ കേരള തീരത്ത് അടുക്കാൻ സാധ്യത
പുറംകടലിൽ തീപിടിച്ച സിംഗപ്പൂർ കപ്പലായ ‘വാൻഹായി’യിൽ നിന്നുള്ള കണ്ടെയ്നറുകൾ കേരള തീരത്ത് അടിഞ്ഞേക്കാൻ സാധ്യത. കപ്പലിൽ നിന്നുള്ളതെന്ന് സംശയിക്കുന്ന വസ്തുക്കളിൽ സ്പർശിക്കരുതെന്ന് കോസ്റ്റ് ഗാർഡ് നിർദ്ദേശം നൽകി. കേരളതീരത്തെ കപ്പൽ അപകടങ്ങളിൽ ഹൈക്കോടതി ഇടപെട്ട് അമിക്കസ് ക്യൂറിയെ നിയമിച്ചു.
അഴീക്കൽ തീരത്ത് അപകടം: കപ്പലിലെ കണ്ടെയ്നറുകൾ കേരള തീരത്ത് അടിയാൻ സാധ്യത, ജാഗ്രതാ നിർദ്ദേശം
അഴീക്കൽ തുറമുഖത്തിന് സമീപം തീപിടിച്ച വാൻ ഹായ് 503 ചരക്ക് കപ്പലിലെ കണ്ടെയ്നറുകൾ കേരള തീരത്ത് അടിഞ്ഞേക്കാമെന്ന് മുന്നറിയിപ്പ്. ജൂൺ 16, 18 തീയതികളിൽ എറണാകുളം, ആലപ്പുഴ, കൊല്ലം ജില്ലകളുടെ തീരങ്ങളിൽ കണ്ടെയ്നറുകൾ എത്താൻ സാധ്യതയുണ്ട്. കണ്ടെയ്നറുകൾ കണ്ടെത്തിയാൽ ഉടൻ തന്നെ 112ൽ വിളിച്ച് വിവരം അറിയിക്കുക.
അറബിക്കടലിലെ കപ്പൽ ദുരന്തം: രക്ഷപ്പെടുത്തിയ 18 പേരെ മംഗളൂരുവിൽ എത്തിച്ചു, ആറ് പേർക്ക് പരിക്ക്
അറബിക്കടലിൽ ചരക്കുകപ്പലിലുണ്ടായ തീപിടിത്തത്തെ തുടർന്ന് രക്ഷപ്പെടുത്തിയ 18 ജീവനക്കാരെ മംഗളൂരുവിൽ എത്തിച്ചു. ഇവരിൽ ആറ് പേർക്ക് പരിക്കേറ്റു. അപകടത്തെ തുടർന്ന് കേരളത്തിലെ ചില തീരങ്ങളിൽ മത്സ്യബന്ധനം നിർത്തിവച്ചു.
അഴീക്കൽ തീപിടിച്ച കപ്പലിലെ കണ്ടെയ്നറുകൾ തീരത്തടിയാൻ സാധ്യത; മത്സ്യബന്ധത്തിനു വിലക്ക്
അഴീക്കൽ പുറംകടലിൽ തീപിടിച്ച കപ്പലിലെ കണ്ടെയ്നറുകൾ കോഴിക്കോട്, കൊച്ചി തീരങ്ങളിൽ അടിഞ്ഞേക്കാമെന്ന് മുന്നറിയിപ്പ്. കപ്പലിൽ നിന്നുള്ള എണ്ണ ചോർന്ന് തീരത്തേക്ക് വ്യാപിക്കാനും സാധ്യതയുണ്ട്. ഇതിന്റെ ഭാഗമായി ബേപ്പൂർ, കൊച്ചി, തൃശൂർ തീരങ്ങളിൽ മത്സ്യബന്ധം വിലക്കിയിട്ടുണ്ട്.
ബേപ്പൂർ-അഴീക്കൽ തുറമുഖങ്ങൾക്ക് സമീപം ചരക്ക് കപ്പലിന് തീപിടിച്ചു; 20 കണ്ടെയ്നറുകൾ കടലിൽ
ബേപ്പൂർ-അഴീക്കൽ തുറമുഖങ്ങൾക്ക് സമീപം കൊളംബോയിൽ നിന്ന് മുംബൈയിലേക്ക് പോവുകയായിരുന്ന ചരക്ക് കപ്പലിന് തീപിടിച്ചു. 20 കണ്ടെയ്നറുകൾ കടലിൽ പതിച്ചു. 22 ജീവനക്കാരാണ് കപ്പലിലുള്ളത്.
കേരള തീരത്ത് കപ്പലപകടം: സിഎംഎഫ്ആർഐ പഠനം തുടങ്ങി
കേരള തീരത്ത് കപ്പലപകടത്തെ തുടർന്ന് സിഎംഎഫ്ആർഐ പഠനം ആരംഭിച്ചു. അപകടം മൂലം കടൽ പരിസ്ഥിതിയിൽ ഉണ്ടാകുന്ന മാറ്റങ്ങൾ പഠനത്തിന്റെ ലക്ഷ്യമാണ്. വിവിധ ജില്ലകളിലെ തീരങ്ങളിൽ നിന്നുള്ള സാമ്പിളുകൾ ശേഖരിച്ച് പരിശോധിക്കും.
കൊല്ലം, ആലപ്പുഴ തീരങ്ങളിൽ കണ്ടെയ്നറുകൾ; പരിശോധനയ്ക്ക് കേന്ദ്രസംഘം
കൊച്ചി തീരത്ത് തകർന്ന ലൈബീരിയൻ കപ്പലിലെ കണ്ടെയ്നറുകൾ കൊല്ലം, ആലപ്പുഴ തീരങ്ങളിൽ അടിഞ്ഞു. ഇതുവരെ പത്തിലധികം കണ്ടെയ്നറുകളും വലിയ പെട്ടികളും കണ്ടെത്തി. കണ്ടെയ്നറുകൾക്ക് സമീപത്തേക്ക് പൊതുജനങ്ങൾ പോകരുതെന്ന് അധികൃതർ അറിയിച്ചു.
അറബിക്കടലിൽ കപ്പൽ മുങ്ങി: കൂടുതൽ കണ്ടെയ്നറുകൾ കേരള തീരത്ത്, ജാഗ്രതാ നിർദ്ദേശം
കൊച്ചി തീരത്ത് കപ്പൽ മുങ്ങിയതിനെ തുടർന്ന് കൂടുതൽ കണ്ടെയ്നറുകൾ കേരള തീരത്ത് അടിഞ്ഞു. കൊല്ലത്തും ആലപ്പുഴയിലുമായി കണ്ടെയ്നറുകൾ കണ്ടെത്തി. കണ്ടെയ്നറുകൾക്ക് സമീപം പോകരുതെന്ന് ദുരന്ത നിവാരണ അതോറിറ്റി മുന്നറിയിപ്പ് നൽകി.
കൊല്ലം ചവറയിൽ കൂടുതൽ കണ്ടെയ്നറുകൾ തീരത്തടിഞ്ഞു; ജാഗ്രതാ നിർദ്ദേശം
കൊല്ലം ചവറയിൽ കൂടുതൽ കണ്ടെയ്നറുകൾ തീരത്തടിഞ്ഞു. കോസ്റ്റൽ പോലീസ് നിരീക്ഷണം ശക്തമാക്കിയിട്ടുണ്ട്. കണ്ടെയ്നറുകൾക്ക് സമീപം താമസിക്കുന്നവരോട് മാറിത്താമസിക്കാൻ നിർദ്ദേശം നൽകി. ഉച്ചയ്ക്ക് മുൻപ് കണ്ടെയ്നറുകൾ നീക്കം ചെയ്യും.
വിഴിഞ്ഞത്ത് നിന്ന് പോയ കപ്പൽ അപകടത്തിൽ; തീരദേശത്ത് ജാഗ്രതാ നിർദ്ദേശം
വിഴിഞ്ഞം തുറമുഖത്ത് നിന്ന് പോയ എം.എസ്.സി എൽസ 3 കപ്പൽ കൊച്ചിയിൽ നിന്ന് 38 നോട്ടിക്കൽ മൈൽ അകലെ അപകടത്തിൽപ്പെട്ടു. കപ്പൽ പകുതിയോളം ചരിഞ്ഞതിനെ തുടർന്ന് കടലിൽ കാർഗോ വീണതിനാൽ തീരദേശത്ത് ജാഗ്രതാ നിർദേശം പുറപ്പെടുവിച്ചു. 24 ജീവനക്കാരിൽ 9 പേരെ രക്ഷപ്പെടുത്തി, ബാക്കിയുള്ളവർക്കായി രക്ഷാപ്രവർത്തനം തുടരുന്നു.