Kerala Cinema
‘അമ്മ’യുടെ തലപ്പത്ത് വനിതകൾ; സന്തോഷമെന്ന് ഉഷ ഹസീന
താരസംഘടനയായ 'അമ്മ'യുടെ പ്രസിഡന്റായി ശ്വേതാ മേനോൻ തിരഞ്ഞെടുക്കപ്പെട്ടു. ജനറൽ സെക്രട്ടറിയായി കുക്കു പരമേശ്വരനും വൈസ് പ്രസിഡന്റായി ലക്ഷ്മി പ്രിയയും ട്രഷററായി ഉണ്ണി ശിവപാലും സ്ഥാനമേറ്റു. വനിതകൾ നേതൃനിരയിലേക്ക് വന്നതിൽ സന്തോഷമുണ്ടെന്ന് നടി ഉഷ ഹസീന പ്രതികരിച്ചു. താൻ ഉന്നയിച്ച ആരോപണങ്ങളിൽ ഉറച്ചുനിൽക്കുന്നുവെന്നും അവർ കൂട്ടിച്ചേർത്തു.
ഫിലിം ചേംബർ ജനറൽ സെക്രട്ടറി സ്ഥാനത്തു നിന്നും സജി നന്ത്യാട്ട് രാജി വെച്ചു
ഫിലിം ചേംബർ ജനറൽ സെക്രട്ടറി സ്ഥാനത്തുനിന്നും നിർമാതാവ് സജി നന്ത്യാട്ട് രാജി വെച്ചു. സംഘടനയിലെ ചില അംഗങ്ങളുമായുള്ള അഭിപ്രായ വ്യത്യാസമാണ് രാജിക്ക് കാരണം. പ്രസിഡന്റ് സ്ഥാനത്തേക്ക് മത്സരിക്കുന്നത് തടയാൻ ചിലർ തനിക്കെതിരെ വ്യാജ പരാതി നൽകിയെന്നും അദ്ദേഹം ആരോപിച്ചു.
സിനിമാ നയം മൂന്ന് മാസത്തിനുള്ളിൽ; മന്ത്രി സജി ചെറിയാൻ്റെ പ്രഖ്യാപനം
സിനിമാ നയം മൂന്ന് മാസത്തിനുള്ളിൽ രൂപീകരിക്കുമെന്ന് മന്ത്രി സജി ചെറിയാൻ. ഇതിനായി കോൺക്ലേവിൽ ഉയർന്ന നിർദ്ദേശങ്ങൾ വെബ്സൈറ്റിൽ പ്രസിദ്ധീകരിക്കും. പൊതുജനങ്ങൾക്ക് അഭിപ്രായങ്ങൾ അറിയിക്കാൻ 15 ദിവസം നൽകുമെന്നും മന്ത്രി അറിയിച്ചു.
സംസ്ഥാന ചലച്ചിത്ര നയരൂപീകരണത്തിനായുള്ള സിനിമാ കോൺക്ലേവ് സമാപിച്ചു
സംസ്ഥാന ചലച്ചിത്ര നയരൂപീകരണത്തിനായുള്ള സിനിമാ കോൺക്ലേവ് സമാപിച്ചു. രണ്ടു ദിവസങ്ങളിലായി തിരുവനന്തപുരത്ത് നടന്ന കോൺക്ലേവിൽ 600-ഓളം പ്രതിനിധികൾ പങ്കെടുത്തു. 98 വർഷം പിന്നിടുന്ന മലയാള സിനിമയുടെ വളർച്ചയ്ക്ക് ഉതകുന്ന നിർദ്ദേശങ്ങൾ പരിഗണിച്ച് പുതിയ നയം രൂപീകരിക്കും എന്ന് മന്ത്രി സജി ചെറിയാൻ പറഞ്ഞു.
സാമൂഹിക പുരോഗതിക്ക് സിനിമയുടെ പങ്ക് വലുതെന്ന് മുഖ്യമന്ത്രി പിണറായി വിജയൻ
കേരളത്തിൻ്റെ സാമൂഹിക പുരോഗതിക്ക് സിനിമ വലിയ പങ്ക് വഹിച്ചെന്ന് മുഖ്യമന്ത്രി പിണറായി വിജയൻ അഭിപ്രായപ്പെട്ടു. സിനിമയുടെ വളർച്ചയ്ക്കും വികസനത്തിനുമായി ചലച്ചിത്ര നയം രൂപീകരിക്കും. ദേശീയ അവാർഡ് നേടിയവരെ മുഖ്യമന്ത്രി അഭിനന്ദിച്ചു.
ദേശീയ ചലച്ചിത്ര പുരസ്കാരങ്ങൾ: അവാർഡ് നേടിയവരെ അഭിനന്ദിച്ച് മമ്മൂട്ടി
71-ാമത് ദേശീയ ചലച്ചിത്ര പുരസ്കാരങ്ങൾ പ്രഖ്യാപിച്ചു. മികച്ച നടനായി ഷാരൂഖ് ഖാനും വിക്രാന്ത് മാസിയും പുരസ്കാരങ്ങൾ പങ്കിട്ടു. റാണി മുഖർജിയാണ് മികച്ച നടി.
കെഎസ്എഫ്ഡിസി ചെയർമാനായി കെ. മധു ചുമതലയേറ്റു
സംവിധായകൻ കെ. മധു കേരള സംസ്ഥാന ചലച്ചിത്ര വികസന കോർപ്പറേഷൻ ചെയർമാനായി ചുമതലയേറ്റു. വലിയ ഉത്തരവാദിത്വമുണ്ടെന്നും, സർക്കാരുമായി ആലോചിച്ച് ചുമതലകൾ കൃത്യമായി നിർവഹിക്കുമെന്നും അദ്ദേഹം പറഞ്ഞു. ചിത്രാഞ്ജലി സ്റ്റുഡിയോയുടെ വികസനത്തിന് മുൻഗണന നൽകുമെന്നും കെ. മധു കൂട്ടിച്ചേർത്തു.
അമ്മയിൽ താരപ്പോര്: പ്രസിഡന്റ് സ്ഥാനത്തേക്ക് ജഗദീഷ് അടക്കം 6 പേർ, വിമർശനവുമായി സംഘടനയിലെ അംഗങ്ങൾ
താരസംഘടനയായ അമ്മയുടെ തിരഞ്ഞെടുപ്പ് പോരാട്ടം കടുക്കുന്നു. പ്രസിഡന്റ് സ്ഥാനത്തേക്ക് ജഗദീഷ് അടക്കം 6 പേരാണ് മത്സര രംഗത്തുള്ളത്. ആരോപണ വിധേയർക്കെതിരെ സംഘടനയിലെ അംഗങ്ങൾ വിമർശനവുമായി രംഗത്ത് എത്തിയിട്ടുണ്ട്.
ജാനകി സിനിമാ വിവാദം: സെൻസർ ബോർഡ് നിലപാടിനെതിരെ സിനിമാ സംഘടനകൾ
ജാനകി v/s സ്റ്റേറ്റ് ഓഫ് കേരള സിനിമാ വിവാദത്തിൽ സെൻസർ ബോർഡിന്റെ നിലപാടിനെതിരെ സിനിമാ സംഘടനകൾ രംഗത്ത്. അണിയറ പ്രവർത്തകർ ഹൈക്കോടതിയിൽ വഴങ്ങിയെങ്കിലും പ്രതിഷേധം തുടരുമെന്ന് പ്രൊഡ്യൂസേഴ്സ് അസോസിയേഷൻ അറിയിച്ചു. ആവിഷ്കാര സ്വാതന്ത്ര്യത്തിന്മേലുള്ള കടന്നുകയറ്റം അംഗീകരിക്കാനാവില്ലെന്ന് ഫെഫ്കയും പ്രൊഡ്യൂസേഴ്സ് അസോസിയേഷനും വ്യക്തമാക്കി.
ജാനകി VS സ്റ്റേറ്റ് ഓഫ് കേരള: സെൻസർ ബോർഡ് നടപടിക്കെതിരെ ഫെഫ്ക സമരം പ്രഖ്യാപിച്ചു
ജാനകി VS സ്റ്റേറ്റ് ഓഫ് കേരള എന്ന സിനിമക്ക് സെൻസർ സർട്ടിഫിക്കറ്റ് തടഞ്ഞുവെച്ച സംഭവത്തിൽ പ്രതികരണവുമായി ഫെഫ്ക. സെൻസർ ബോർഡ് ഓഫീസിനു മുന്നിൽ തിങ്കളാഴ്ച ഒരു ദിവസം നീണ്ടു നിൽക്കുന്ന സമരം നടത്തും. സിനിമയുടെ പേര് മാറ്റുന്നതുമായി ബന്ധപ്പെട്ട് ഉടലെടുത്ത വിവാദത്തിൽ പ്രതിഷേധം കടുപ്പിക്കാനൊരുങ്ങുകയാണ് ചലച്ചിത്ര സംഘടനകൾ.
അമ്മയുടെ വാർഷിക ജനറൽ ബോഡി യോഗം ഇന്ന് കൊച്ചിയിൽ; മോഹൻലാൽ പ്രസിഡന്റായി തുടരാൻ സാധ്യത
താരസംഘടനയായ എ.എം.എം.എയുടെ വാർഷിക ജനറൽ ബോഡി യോഗം ഇന്ന് കൊച്ചിയിൽ നടക്കും. മോഹൻലാൽ തന്നെ പ്രസിഡന്റായി തുടരാനാണ് സാധ്യത. സിനിമാ സെറ്റുകളിലെ ലഹരി ഉപയോഗം നിയന്ത്രിക്കുന്നതുമായി ബന്ധപ്പെട്ട് പ്രൊഡ്യൂസേഴ്സ് അസോസിയേഷൻ നൽകിയ കത്തും യോഗത്തിൽ ചർച്ചയാകും.
അമ്മയുടെ വാർഷിക ജനറൽ ബോഡി യോഗം നാളെ കൊച്ചിയിൽ
അമ്മയുടെ വാർഷിക ജനറൽ ബോഡി യോഗം നാളെ കൊച്ചിയിൽ നടക്കും. മോഹൻലാൽ പ്രസിഡന്റായി തുടരാനാണ് സാധ്യത. സിനിമാ സെറ്റുകളിലെ ലഹരി ഉപയോഗം നിയന്ത്രിക്കണമെന്ന പ്രൊഡ്യൂസേഴ്സ് അസോസിയേഷന്റെ കത്തും ചർച്ചയാകും.