KC Venugopal
ജഗദീപ് ധൻകറിൻ്റെ രാജി അസാധാരണമെന്ന് കെ.സി. വേണുഗോപാൽ
ഉപരാഷ്ട്രപതി ജഗദീപ് ധൻകറിൻ്റെ രാജിയിൽ പ്രതികരണവുമായി കെ.സി. വേണുഗോപാൽ. കാലാവധിക്ക് മുൻപ് ഉപരാഷ്ട്രപതി രാജിവെക്കുന്നത് ആദ്യമായിട്ടാണെന്ന് അദ്ദേഹം പറഞ്ഞു. ആരോഗ്യപരമായ കാരണങ്ങളാണ് രാജിക്ക് പിന്നിലെന്നാണ് സൂചന.
തേവലക്കരയിലെ മിഥുന്റെ മരണം ഒറ്റപ്പെട്ട സംഭവം അല്ല; സ്കൂളുകളിൽ സുരക്ഷാ ഓഡിറ്റ് നടത്തണമെന്ന് വേണുഗോപാൽ
തേവലക്കരയിലെ മിഥുന്റെ മരണം കേരളത്തിൽ ഒറ്റപ്പെട്ട സംഭവം അല്ലെന്നും, വൈദ്യുതി അപകടങ്ങൾ ആവർത്തിക്കുന്നത് ആശങ്കാജനകമാണെന്നും കെ.സി. വേണുഗോപാൽ പറഞ്ഞു. സ്കൂളുകളിൽ സുരക്ഷാ ഓഡിറ്റ് നടത്തണമെന്ന് രാഹുൽ ഗാന്ധി നേരത്തെ പറഞ്ഞിരുന്നു. കുറ്റക്കാരെ സംരക്ഷിക്കുന്ന നിലപാട് തിരുത്തണമെന്നും അദ്ദേഹം ആവശ്യപ്പെട്ടു.
നിമിഷ പ്രിയയുടെ മോചനം; പ്രധാനമന്ത്രിക്ക് കത്തയച്ച് കെ സി വേണുഗോപാൽ
യെമനിൽ വധശിക്ഷയ്ക്ക് വിധിക്കപ്പെട്ട് ജയിലിൽ കഴിയുന്ന മലയാളി നഴ്സ് നിമിഷ പ്രിയയുടെ മോചനത്തിനായി കെ സി വേണുഗോപാൽ പ്രധാനമന്ത്രിക്ക് കത്തയച്ചു. വധശിക്ഷ തടയാൻ പ്രധാനമന്ത്രിയുടെ ഇടപെടൽ തേടി. ദിയാ ധനം സ്വീകരിക്കുന്നതിനുള്ള ശ്രമങ്ങൾ തുടരുകയാണ്.
നിലമ്പൂർ വിജയം: കെ.സി. വേണുഗോപാലിനെ പ്രശംസിച്ച് എ.പി. അനിൽകുമാർ
നിലമ്പൂർ ഉപതിരഞ്ഞെടുപ്പിൽ യു.ഡി.എഫ് സ്ഥാനാർത്ഥി വിജയിച്ചതിന് പിന്നാലെ കെ.സി. വേണുഗോപാലിനെ പ്രശംസിച്ച് എ.പി. അനിൽകുമാർ എം.എൽ.എ. തിരഞ്ഞെടുപ്പ് പ്രവർത്തനങ്ങളിൽ കെ.സി. വേണുഗോപാലിന്റെ ഇടപെടൽ നിർണായകമായിരുന്നുവെന്ന് അദ്ദേഹം പറഞ്ഞു. പിണറായി വിജയനെതിരായ പോരാട്ടം പി.വി. അൻവർ ദുർബലപ്പെടുത്തിയെന്നും അനിൽകുമാർ കൂട്ടിച്ചേർത്തു.
കെ.സി. വേണുഗോപാലിന്റെ ഉപദേശം കേരളത്തിന് വേണ്ട; മന്ത്രി റിയാസിന്റെ മറുപടി
ആർഎസ്എസ്-സിപിഐഎം ബന്ധത്തെക്കുറിച്ചുള്ള മുഖ്യമന്ത്രിയുടെ പ്രസ്താവനയെ വിമർശിച്ച കെ.സി. വേണുഗോപാലിനെതിരെ മന്ത്രി മുഹമ്മദ് റിയാസ് രംഗത്ത്. സ്വന്തം രാജ്യസഭാ സീറ്റ് ബിജെപിക്ക് ദാനം ചെയ്ത കെ.സി. വേണുഗോപാലിന്റെ ഉപദേശം മതേതര കേരളത്തിന് ആവശ്യമില്ലെന്ന് റിയാസ് പറഞ്ഞു. അടിയന്തരാവസ്ഥയിൽ ജനസംഘവുമായുള്ള സഹകരണം പാർട്ടിക്കു ദോഷകരമാകുമെന്ന സുന്ദരയ്യയുടെ രാജി കത്തിലെ പരാമർശം ഉദ്ധരിച്ചായിരുന്നു വേണുഗോപാലിന്റെ വിമർശനം.
പിണറായി വിജയൻ ആർഎസ്എസ് പിന്തുണയോടെയാണ് നിയമസഭയിലെത്തിയത്; കെ.സി. വേണുഗോപാൽ
മുഖ്യമന്ത്രി പിണറായി വിജയന്റെ ആർഎസ്എസ് ബന്ധമില്ലെന്ന പ്രസ്താവനയെ എഐസിസി ജനറൽ സെക്രട്ടറി കെ.സി. വേണുഗോപാൽ വിമർശിച്ചു. 1977-ൽ പിണറായി വിജയൻ ആദ്യമായി നിയമസഭയിലെത്തിയത് ആർഎസ്എസ്സിന്റെ പിന്തുണയോടെയാണെന്നും അദ്ദേഹം ആരോപിച്ചു. പഴയകാല സംഭവങ്ങൾ ഓർമ്മിപ്പിച്ച് മുഖ്യമന്ത്രിയുടെ വാദങ്ങളെ അദ്ദേഹം ഖണ്ഡിച്ചു.
പെൻഷൻ വിഷയത്തിൽ സർക്കാരിനെ വിമർശിച്ച് കെ.സി. വേണുഗോപാൽ
എൽഡിഎഫ് സർക്കാരിനെതിരെ രൂക്ഷ വിമർശനവുമായി എഐസിസി ജനറൽ സെക്രട്ടറി കെ.സി. വേണുഗോപാൽ. പെൻഷൻ തുക തുച്ഛമാണെന്നും 1600 രൂപ കൊണ്ട് എന്ത് ചെയ്യാനാകുമെന്നും അദ്ദേഹം ചോദിച്ചു. ഉമ്മൻ ചാണ്ടി സർക്കാരിന്റെ കാരുണ്യ പദ്ധതികൾ ഈ സർക്കാർ ഇല്ലാതാക്കിയെന്നും അദ്ദേഹം ആരോപിച്ചു. ഈ സർക്കാർ പാവപ്പെട്ടവരുടെ സർക്കാരല്ല, മറിച്ച് അദാനിക്ക് മുന്നിൽ കാവത്ത് മറക്കുന്ന സർക്കാരാണെന്നും അദ്ദേഹം കുറ്റപ്പെടുത്തി.
ക്ഷേമ പെൻഷൻ വിഷയത്തിൽ കെ.സി. വേണുഗോപാലിനെതിരെ എം. സ്വരാജ്
ക്ഷേമ പെൻഷൻ കൈക്കൂലിയാണെന്ന കെ.സി. വേണുഗോപാലിന്റെ പ്രസ്താവനക്കെതിരെ എം. സ്വരാജ് രംഗത്ത്. കോൺഗ്രസ് സാധാരണക്കാരന് പെൻഷൻ കിട്ടുന്നത് എതിർക്കുന്നവരാണ്. മലപ്പുറം ജില്ലാ രൂപീകരണത്തിനെതിരെ ജനസംഘത്തോടൊപ്പം കോൺഗ്രസ് ജാഥ നടത്തിയെന്നും സ്വരാജ് ആരോപിച്ചു.
പിണറായി വിജയനെതിരെ രൂക്ഷ വിമർശനവുമായി കെ.സി വേണുഗോപാൽ
മുഖ്യമന്ത്രി പിണറായി വിജയനെതിരെ കെ.സി വേണുഗോപാൽ രൂക്ഷ വിമർശനവുമായി രംഗത്ത്. മലപ്പുറം ജില്ലയെ സംശയനിഴലിൽ നിർത്തിയ മുഖ്യമന്ത്രിയുടെ നടപടിയെയും അദ്ദേഹം വിമർശിച്ചു. പൂരം കലക്കി ബിജെപിക്ക് അക്കൗണ്ട് തുറക്കാൻ മുഖ്യമന്ത്രി കൂട്ടുനിന്നുവെന്നും വേണുഗോപാൽ ആരോപിച്ചു.
നിലമ്പൂരിൽ രാഷ്ട്രീയ പോരാട്ടമെന്ന് കെ സി വേണുഗോപാൽ; മത്സരത്തിനില്ലെന്ന് പി.വി അൻവർ
നിലമ്പൂരിൽ നടക്കുന്നത് ഇടത് പക്ഷത്തിനെതിരെയുള്ള രാഷ്ട്രീയ പോരാട്ടമാണെന്ന് കെ.സി. വേണുഗോപാൽ പറഞ്ഞു. ആര്യാടൻ ഷൗക്കത്ത് മികച്ച ഭൂരിപക്ഷത്തിൽ വിജയിക്കുമെന്നും അദ്ദേഹം പ്രസ്താവിച്ചു. അതേസമയം, വി.ഡി. സതീശൻ നയിക്കുന്ന യുഡിഎഫിലേക്ക് താനില്ലെന്ന് പി.വി. അൻവർ അറിയിച്ചു.
അന്വറുമായി ചര്ച്ച വേണ്ട; നിലപാട് കടുപ്പിച്ച് കെ സി വേണുഗോപാൽ
പി.വി. അൻവറുമായി തൽക്കാലം ചർച്ചക്കില്ലെന്ന് കെ.സി. വേണുഗോപാൽ. പ്രതിപക്ഷ നേതാവിനെ അധിക്ഷേപിച്ച അൻവറുമായി ചർച്ച നടത്തേണ്ടതില്ലെന്നാണ് അദ്ദേഹത്തിൻ്റെ നിലപാട്. ചർച്ചയുമായി ബന്ധപ്പെട്ട കാര്യങ്ങൾ മാധ്യമസൃഷ്ടിയാണെന്നും കെ.സി. വേണുഗോപാൽ പ്രതികരിച്ചു.
അൻവറിൻ്റെ രാജി: കാര്യങ്ങൾ വിശദമായി കേട്ടില്ലെന്ന് കെ.സി. വേണുഗോപാൽ
എഐസിസി ജനറൽ സെക്രട്ടറി കെ.സി. വേണുഗോപാൽ, അൻവർ പറഞ്ഞ കാര്യങ്ങൾ വിശദമായി കേട്ടിട്ടില്ലെന്നും, വിഷയത്തിൽ സംസ്ഥാന നേതാക്കളുമായി ചർച്ച നടത്തുമെന്നും അറിയിച്ചു. അൻവറിനെ ഒറ്റപ്പെടുത്താൻ ആരും ശ്രമിച്ചിട്ടില്ലെന്നും അദ്ദേഹം വ്യക്തമാക്കി. നിലമ്പൂരിൽ യുഡിഎഫ് വിജയിക്കേണ്ടത് അത്യാവശ്യമാണെന്നും ലീഗ് അറിയിച്ചു.