KC Venugopal
രാഹുൽ വിഷയത്തിൽ പ്രതികരണവുമായി കെ.സി. വേണുഗോപാൽ
രാഹുൽ മാങ്കൂട്ടത്തിൽ വിഷയത്തിൽ എഐസിസി ജനറൽ സെക്രട്ടറി കെ സി വേണുഗോപാൽ എംപി പ്രതികരിച്ചു. നിയമം അതിന്റെ വഴിക്ക് നീങ്ങട്ടെയെന്നും കോൺഗ്രസിന്റെ നിലപാട് നേരത്തെ വ്യക്തമാക്കിയതാണെന്നും അദ്ദേഹം പറഞ്ഞു. ഏതൊരു വ്യക്തിക്കും നിയമപരമായി മുന്നോട്ട് പോകാൻ അവകാശമുണ്ടെന്നും രാഹുൽ ഇപ്പോൾ പാർട്ടിക്ക് പുറത്താണെന്നും കെ സി വേണുഗോപാൽ അഭിപ്രായപ്പെട്ടു.
ദേശീയപാത തകർച്ച; NHAI-ക്കെതിരെ കെ.സി. വേണുഗോപാൽ
കൊല്ലം കൊട്ടിയത്ത് നിർമ്മാണത്തിലിരുന്ന ദേശീയപാത തകർന്ന സംഭവത്തിൽ NHAI-ക്കെതിരെ കെ.സി. വേണുഗോപാൽ എം.പി. രംഗത്ത്. അപകടത്തിന് കാരണം NHAI-യുടെ അനാസ്ഥയാണെന്നും രൂപകല്പനയിൽ പിഴവുണ്ടെന്നും അദ്ദേഹം ആരോപിച്ചു. വിഷയത്തിൽ പാർലമെന്റിൽ ഉന്നയിക്കുമെന്നും ആക്ഷൻ ടേക്കൺ റിപ്പോർട്ട് ആവശ്യപ്പെടുമെന്നും അദ്ദേഹം അറിയിച്ചു.
രാഹുൽ വിഷയത്തിൽ കോൺഗ്രസ് ഒളിച്ചോടിയിട്ടില്ല; നിലപാട് വ്യക്തമാക്കി കെ സി വേണുഗോപാൽ
രാഹുൽ മാങ്കൂട്ടത്തിൽ വിഷയത്തിൽ കോൺഗ്രസ് ഒളിച്ചോടിയിട്ടില്ലെന്ന് കെ സി വേണുഗോപാൽ പറഞ്ഞു. ഈ വിഷയത്തിൽ കോൺഗ്രസിൽ രണ്ടഭിപ്രായമില്ലെന്നും അദ്ദേഹം കൂട്ടിച്ചേർത്തു. കേരളത്തിലെ സർക്കാരിനെ ജനങ്ങൾ മടുത്തിരിക്കുകയാണെന്നും ഇത് തിരഞ്ഞെടുപ്പിൽ പ്രതിഫലിക്കുമെന്നും അദ്ദേഹം പറഞ്ഞു.
രാഹുൽ മാങ്കൂട്ടത്തിൽ കേസ്: നിയമനടപടികളെ സ്വാഗതം ചെയ്ത് കെ.സി. വേണുഗോപാൽ
രാഹുൽ മാങ്കൂട്ടത്തിൽ എംഎൽഎക്കെതിരായ കേസിൽ നിയമനടപടികളെ സ്വാഗതം ചെയ്ത് എഐസിസി ജനറൽ സെക്രട്ടറി കെ.സി. വേണുഗോപാൽ. പാർട്ടിയിൽ നിന്നും സസ്പെൻഡ് ചെയ്ത ഒരാൾ പാർട്ടി പരിപാടികളിൽ പങ്കെടുക്കാൻ പാടില്ലെന്നും അദ്ദേഹം വ്യക്തമാക്കി. ആരോപണം ഉയർന്നതിനെ തുടർന്ന് യൂത്ത് കോൺഗ്രസ് അധ്യക്ഷ സ്ഥാനത്തുനിന്ന് രാഹുലിനെ നീക്കുകയും ചെയ്തുവെന്നും അദ്ദേഹം കൂട്ടിച്ചേർത്തു.
തെരഞ്ഞെടുപ്പ് കമ്മീഷൻ വിശ്വാസമില്ലാത്ത ഏജൻസിയായി മാറിയെന്ന് കെ.സി. വേണുഗോപാൽ
ബിഹാർ തെരഞ്ഞെടുപ്പ് ഫലം വിശ്വസിക്കാൻ സാധിക്കാത്ത ഏജൻസിയായി തെരഞ്ഞെടുപ്പ് കമ്മീഷൻ മാറിയെന്ന് കെ.സി. വേണുഗോപാൽ ആരോപിച്ചു. അരൂർ ഉയരപ്പാത അപകടത്തിൽ സുരക്ഷാ വീഴ്ചകൾ ചൂണ്ടിക്കാട്ടി കരാർ കമ്പനിയെ ബ്ലാക്ക് ലിസ്റ്റ് ചെയ്യണമെന്നും അദ്ദേഹം ആവശ്യപ്പെട്ടു. നിർമ്മാണ കാലയളവിൽ 40-ൽ അധികം ആളുകൾ മരിച്ചെന്നും ഓരോ മരണത്തിന് ശേഷവും അപകടങ്ങൾ ഒഴിവാക്കാൻ സർക്കാർ എന്ത് ചെയ്തു എന്ന് വിശദീകരിക്കണമെന്നും അദ്ദേഹം ആവശ്യപ്പെട്ടു.
ബിഹാറിലെ തിരഞ്ഞെടുപ്പ് ഫലം അവിശ്വസനീയമെന്ന് കെ സി വേണുഗോപാൽ
ബിഹാറിലെ തിരഞ്ഞെടുപ്പ് ഫലം വിശ്വസിക്കാൻ സാധിക്കാത്തതാണെന്ന് എഐസിസി ജനറൽ സെക്രട്ടറി കെ സി വേണുഗോപാൽ പറഞ്ഞു. തിരഞ്ഞെടുപ്പിലെ പരാജയം പരിശോധിക്കും. ഇതിന്റെ ഭാഗമായി കോൺഗ്രസ് ഘടകകക്ഷികളുമായും തേജസ്വി യാദവുമായും ചർച്ചകൾ നടത്തിയിട്ടുണ്ട്.
ചെങ്കോട്ടയിലെ സുരക്ഷാ വീഴ്ച; അമിത് ഷാ രാജി വെക്കണം; കെ.സി. വേണുഗോപാൽ
ചെങ്കോട്ടയിലെ സുരക്ഷാ വീഴ്ചയുടെ ധാർമ്മിക ഉത്തരവാദിത്തം ഏറ്റെടുത്ത് അമിത് ഷാ രാജി വെക്കണമെന്ന് കെ.സി. വേണുഗോപാൽ എംപി ആവശ്യപ്പെട്ടു. രാജ്യസുരക്ഷയിൽ കേന്ദ്രസർക്കാർ പരാജയപ്പെട്ടുവെന്നും അദ്ദേഹം കുറ്റപ്പെടുത്തി. ദേശീയപാത നിർമ്മാണത്തിലെ അപാകതകൾക്കെതിരെയും കെ.സി. വേണുഗോപാൽ വിമർശനമുന്നയിച്ചു.
അരൂർ – തുറവൂർ ഗർഡർ അപകടം; കേന്ദ്ര-സംസ്ഥാന സർക്കാരുകൾ ജാഗ്രത പാലിക്കണമെന്ന് കെ.സി. വേണുഗോപാൽ
അരൂർ - തുറവൂർ ഉയരപ്പാത നിർമ്മാണത്തിനിടെ ഗർഡർ തകർന്ന് അപകടമുണ്ടായ സംഭവം വേദനാജനകമാണെന്ന് കെ.സി. വേണുഗോപാൽ പറഞ്ഞു. അപകടം ഏത് സമയത്തും സംഭവിക്കാമെന്ന ഭയം നിലനിന്നിരുന്നുവെന്നും അദ്ദേഹം കൂട്ടിച്ചേർത്തു. കേന്ദ്ര-സംസ്ഥാന സർക്കാരുകൾ അടിയന്തരമായി ഇടപെടണമെന്നും അദ്ദേഹം ആവശ്യപ്പെട്ടു.
ഡൽഹി സ്ഫോടനം: അമിത് ഷാ രാജി വെക്കണം; കെ.സി. വേണുഗോപാൽ
ഡൽഹിയിലെ സ്ഫോടനത്തിന്റെ ധാർമ്മിക ഉത്തരവാദിത്വം ഏറ്റെടുത്ത് അമിത് ഷാ രാജി വെക്കണമെന്ന് കെ.സി. വേണുഗോപാൽ ആവശ്യപ്പെട്ടു. ശബരിമല സ്വർണ്ണക്കൊള്ളയിൽ സർക്കാരിനെതിരെയും അദ്ദേഹം വിമർശനമുന്നയിച്ചു. സ്വർണ്ണമല്ല, വിശ്വാസമാണ് കട്ടുമുടിച്ചതെന്നും വേണുഗോപാൽ കൂട്ടിച്ചേർത്തു.
വന്ദേഭാരത് ഉദ്ഘാടനത്തിൽ ഗണഗീതം പാടിയ സംഭവം; പൊതുമേഖലയെ കാവിവത്കരിക്കാനുള്ള നീക്കമെന്ന് കെ.സി. വേണുഗോപാൽ
എറണാകുളം-ബെംഗളൂരു വന്ദേഭാരത് ഉദ്ഘാടന ചടങ്ങിൽ വിദ്യാർത്ഥികളെ ആർഎസ്എസ് ഗണഗീതം പാടിപ്പിച്ചത് രാജ്യത്തെ പൊതുസംവിധാനത്തെ കാവിവത്കരിക്കാനുള്ള നീക്കത്തിൻ്റെ ഭാഗമാണെന്ന് കെ സി വേണുഗോപാൽ എംപി. മോദി ഭരണകൂടം സർക്കാർ സംവിധാനങ്ങളെ സംഘിവത്കരിക്കുകയാണെന്നും ഇത് ദേശീയ സങ്കൽപ്പങ്ങളെ അപമാനിക്കുന്നതിന് തുല്യമാണെന്നും അദ്ദേഹം കൂട്ടിച്ചേർത്തു. കുട്ടികളുടെ തലച്ചോറിലേക്ക് വർഗീയത കുത്തിവയ്ക്കുന്നതിനെതിരെ ശക്തമായ പ്രതിഷേധം ഉയർത്തണമെന്നും വേണുഗോപാൽ ആവശ്യപ്പെട്ടു.
തിരഞ്ഞെടുപ്പ് അട്ടിമറിക്കാൻ എസ്.ഐ.ആർ; ആരോപണവുമായി കെ.സി. വേണുഗോപാൽ
ജനാധിപത്യപരമായി നടക്കുന്ന തിരഞ്ഞെടുപ്പുകൾ അട്ടിമറിക്കാൻ എസ്.ഐ.ആറിലൂടെ തിരഞ്ഞെടുപ്പ് കമ്മീഷൻ ശ്രമിക്കുന്നുവെന്ന് എഐസിസി ജനറൽ സെക്രട്ടറി കെ.സി. വേണുഗോപാൽ എംപി. രാഷ്ട്രീയ പാർട്ടികളുമായി ചർച്ചകൾ നടത്താതെ ഏകപക്ഷീയമായി എസ്.ഐ.ആർ നടപ്പാക്കുന്നതിന് പിന്നിൽ ഗൂഢലക്ഷ്യങ്ങളുണ്ടെന്നും അദ്ദേഹം ആരോപിച്ചു. ബിജെപിയുടെ രാഷ്ട്രീയ താൽപ്പര്യം സംരക്ഷിക്കാൻ തിരഞ്ഞെടുപ്പ് കമ്മീഷൻ ശ്രമിക്കുന്നത് ജനാധിപത്യത്തിന് തന്നെ ഭീഷണിയാണെന്നും കെ.സി. വേണുഗോപാൽ കുറ്റപ്പെടുത്തി.
യൂത്ത് കോൺഗ്രസ് സംസ്ഥാന കമ്മറ്റിയിൽ തർക്കം; കേരള കോൺഗ്രസ് നേതാക്കളെ ഡൽഹിക്ക് വിളിപ്പിച്ച് ഹൈക്കമാൻഡ്
യൂത്ത് കോൺഗ്രസ് സംസ്ഥാന കമ്മിറ്റിയിൽ വർക്കിംഗ് പ്രസിഡന്റിനെ നിയമിച്ചതിനെതിരെ എ ഗ്രൂപ്പ് രംഗത്തെത്തി. കേരള കോൺഗ്രസ് നേതൃത്വത്തിലെ തർക്കം രൂക്ഷമായതിനെ തുടർന്ന് പ്രശ്നപരിഹാരത്തിനായി ഹൈക്കമാൻഡ് മുതിർന്ന നേതാക്കളെ ഡൽഹിയിലേക്ക് വിളിപ്പിച്ചു. കെസി വേണുഗോപാലിന്റെ കേരളത്തിലെ അനാവശ്യ ഇടപെടലിൽ മുതിർന്ന നേതാക്കൾക്കെല്ലാം അതൃപ്തിയുണ്ട്.