Karnataka
ധർമസ്ഥല കേസ്: പ്രത്യേക അന്വേഷണ സംഘം രൂപീകരിക്കാൻ തയ്യാറെന്ന് സിദ്ധരാമയ്യ
ധർമസ്ഥല വെളിപ്പെടുത്തലുകളിൽ പ്രത്യേക അന്വേഷണ സംഘം രൂപീകരിക്കാൻ തയ്യാറാണെന്ന് മുഖ്യമന്ത്രി സിദ്ധരാമയ്യ അറിയിച്ചു. പൊലീസ് അന്വേഷണ റിപ്പോർട്ട് ലഭിച്ച ശേഷം തുടർനടപടികൾ സ്വീകരിക്കുമെന്നും അദ്ദേഹം കൂട്ടിച്ചേർത്തു. സുപ്രീം കോടതി മുൻ ജഡ്ജി ജസ്റ്റിസ് ഗോപാല ഗൗഡയുടെ നേതൃത്വത്തിൽ SIT അന്വേഷണം ആവശ്യപ്പെട്ട് സിദ്ധരാമയ്യയെ കണ്ടിരുന്നു.
കര്ണാടകയിലെ കൊടുംവനത്തില് എട്ട് വര്ഷം ഒളിച്ച് താമസിച്ച് റഷ്യന് വനിതയും കുട്ടികളും
കർണാടകയിലെ കൊടുംവനത്തിൽ എട്ട് വർഷത്തോളം പുറംലോകവുമായി ബന്ധമില്ലാതെ കഴിഞ്ഞ റഷ്യൻ വനിതയെയും കുട്ടികളെയും അധികൃതർ കണ്ടെത്തി. റഷ്യൻ പൗരയായ നിന കുട്ടീന, ആറ് വയസ്സുള്ള പ്രേമ, നാല് വയസ്സുള്ള അമ എന്നിവരെയാണ് പോലീസ് ഒരു ഗുഹയിൽ നിന്ന് കണ്ടെത്തിയത്. ഇവരെ റഷ്യയിലേക്ക് തിരിച്ചയക്കാനുള്ള ശ്രമങ്ങൾ നടക്കുന്നുണ്ട്.
ധർമസ്ഥലത്ത് നൂറോളം സ്ത്രീകളെ കുഴിച്ചുമൂടിയെന്ന് വെളിപ്പെടുത്തൽ; മുൻ ശുചീകരണ തൊഴിലാളി കോടതിയിൽ മൊഴി നൽകി
കർണാടകയിലെ ധർമസ്ഥലയിൽ പീഡനത്തിനിരയായ നൂറോളം സ്ത്രീകളെ കുഴിച്ചുമൂടിയെന്ന് മുൻ ശുചീകരണ തൊഴിലാളി വെളിപ്പെടുത്തി. ബെൽതങ്കാടി മജിസ്ട്രേറ്റ് കോടതിയിൽ ഇയാൾ മൊഴി നൽകി. മൃതദേഹങ്ങൾ കുഴിച്ചിട്ട സ്ഥലങ്ങൾ കാട്ടിത്തരാമെന്നും ഇയാൾ അറിയിച്ചു.
ബലാത്സംഗത്തിനിരയായ 100ൽ അധികം പേരെ കുഴിച്ചുമൂടി; ഞെട്ടിക്കുന്ന വെളിപ്പെടുത്തലുമായി കർണാടകയിലെ മുൻ ശുചീകരണ തൊഴിലാളി
കർണാടകയിൽ 100ൽ അധികം ബലാത്സംഗത്തിനിരയായവരുടെ മൃതദേഹങ്ങൾ കുഴിച്ചുമൂടിയെന്ന് മുൻ ശുചീകരണ തൊഴിലാളിയുടെ വെളിപ്പെടുത്തൽ. 1998 മുതൽ 2014 വരെ ഭീഷണിക്ക് വഴങ്ങി കുഴിച്ചുമൂടിയെന്നാണ് വെളിപ്പെടുത്തൽ. കുറ്റബോധം കാരണം ഉറങ്ങാൻ പോലും സാധിക്കുന്നില്ലെന്നും കത്തിൽ പറയുന്നു.
വ്യാജ വാർത്തകൾ പ്രചരിപ്പിച്ചാൽ ഏഴ് വർഷം തടവ്; കർണാടക സർക്കാരിന്റെ പുതിയ നിയമം
സോഷ്യൽ മീഡിയയിൽ വ്യാജ വാർത്തകൾ പ്രചരിപ്പിക്കുന്നവർക്ക് കർശന ശിക്ഷ നൽകുന്ന നിയമ നിർമ്മാണവുമായി കർണാടക സർക്കാർ. വ്യാജ പ്രചാരണം നടത്തുന്നവർക്ക് ഏഴ് വർഷം വരെ തടവും 10 ലക്ഷം രൂപ വരെ പിഴയും ലഭിക്കും. നിയമത്തിലെ വ്യവസ്ഥകൾ അനുസരിച്ച് കേസുകൾ കൈകാര്യം ചെയ്യാൻ പ്രത്യേക കോടതികൾ സ്ഥാപിക്കും. നിയമം നടപ്പാക്കുന്നതിന് മുമ്പ് വിശദമായ ചർച്ചകൾ നടത്തുമെന്ന് സർക്കാർ അറിയിച്ചു.
ഗർഭിണിയായ ഭാര്യയെ കൊലപ്പെടുത്തി ഭർത്താവ് ജീവനൊടുക്കി
കർണാടകയിലെ ബഡഗുണ്ടി ഗ്രാമത്തിൽ ഗർഭിണിയായ ഭാര്യയെ ഭർത്താവ് കൊലപ്പെടുത്തി ആത്മഹത്യ ചെയ്തു. തിമ്മപ്പ മുല്യ എന്നയാളാണ് ഭാര്യ ജയന്തിയെ കൊലപ്പെടുത്തിയ ശേഷം ജീവനൊടുക്കിയത്. സംഭവത്തിൽ പോലീസ് അന്വേഷണം ആരംഭിച്ചു.
ഭിന്നശേഷിക്കാരിയായ ദളിത് സ്ത്രീയെ പീഡിപ്പിച്ച പ്രതിയെ വെടിവെച്ച് വീഴ്ത്തി പോലീസ്
കർണാടകയിലെ ഉത്തര കന്നഡ ജില്ലയിൽ 60 വയസ്സുള്ള ഭിന്നശേഷിക്കാരിയായ ദളിത് സ്ത്രീയെ 23 കാരൻ ലൈംഗികമായി പീഡിപ്പിച്ചു. സംഭവത്തിൽ പ്രതിയായ ഫൈറോസ് യാസിൻ യറഗട്ടി എന്നയാളെ പോലീസ് പിടികൂടി. ഇയാളെ പിടികൂടാൻ ശ്രമിക്കുന്നതിനിടെ ഉദ്യോഗസ്ഥരെ ആക്രമിച്ചതിനെ തുടർന്ന് പോലീസ് വെടിവെക്കുകയായിരുന്നു.
ചിന്നസ്വാമി സ്റ്റേഡിയം ദുരന്തം: മകന്റെ ശവകുടീരം കെട്ടിപ്പിടിച്ച് അച്ഛന്റെ കണ്ണീർ
ബെംഗളൂരു ചിന്നസ്വാമി സ്റ്റേഡിയത്തിൽ ആർസിബി വിജയാഘോഷത്തിനിടെയുണ്ടായ തിക്കിലും തിരക്കിലും മരിച്ച 21 വയസ്സുകാരൻ ഭൂമിക് ലക്ഷ്മണിന്റെ പിതാവ് ബി.ടി. ലക്ഷ്മണിന്റെ വീഡിയോ വൈറലാകുന്നു. മകന്റെ ശവകുടീരം കെട്ടിപ്പിടിച്ച് അദ്ദേഹം കരയുന്ന കാഴ്ച ഏവരെയും ദുഃഖത്തിലാഴ്ത്തി. "എന്റെ മകന് സംഭവിച്ചത് ആർക്കും സംഭവിക്കരുത്," എന്ന് അദ്ദേഹം വേദനയോടെ പറയുന്നു.
ബെംഗളൂരു ചിന്നസ്വാമി സ്റ്റേഡിയം ദുരന്തം: പോലീസ് കമ്മീഷണർ സസ്പെൻഷനിൽ, ജുഡീഷ്യൽ അന്വേഷണം
ബെംഗളൂരു ചിന്നസ്വാമി സ്റ്റേഡിയത്തിലുണ്ടായ അപകടത്തെ തുടർന്ന് കർണാടക സർക്കാർ ഉന്നത പോലീസ് ഉദ്യോഗസ്ഥർക്കെതിരെ കൂട്ടനടപടി സ്വീകരിച്ചു. ബെംഗളൂരു സിറ്റി പോലീസ് കമ്മീഷണർ ഉൾപ്പെടെയുള്ളവരെ സസ്പെൻഡ് ചെയ്തെന്നും ആർ.സി.ബി, ഇവന്റ് മാനേജ്മെൻ്റ്, കർണാടക ക്രിക്കറ്റ് അസോസിയേഷൻ പ്രതിനിധികളെ അറസ്റ്റ് ചെയ്യുമെന്നും മുഖ്യമന്ത്രി സിദ്ധരാമയ്യ അറിയിച്ചു. സംഭവത്തിൽ ജുഡീഷ്യൽ അന്വേഷണവും പ്രഖ്യാപിച്ചിട്ടുണ്ട്.
ആർസിബി വിക്ടറി പരേഡ് ദുരന്തം; മരിച്ചവരുടെ കുടുംബത്തിന് 10 ലക്ഷം ധനസഹായം പ്രഖ്യാപിച്ച് കർണാടക സർക്കാർ
റോയൽ ചലഞ്ചേഴ്സ് ബംഗളൂരു വിക്ടറി പരേഡിനിടെയുണ്ടായ അപകടത്തിൽ മരിച്ചവരുടെ കുടുംബങ്ങൾക്ക് 10 ലക്ഷം രൂപ ധനസഹായം പ്രഖ്യാപിച്ച് കർണാടക മുഖ്യമന്ത്രി സിദ്ധരാമയ്യ. പരുക്കേറ്റവരുടെ ചികിത്സാ ചെലവ് പൂർണമായും സംസ്ഥാന സർക്കാർ ഏറ്റെടുക്കുമെന്നും അദ്ദേഹം അറിയിച്ചു. ടീമിനോടുള്ള സ്നേഹത്തിനൊപ്പം സ്വന്തം സുരക്ഷയും പരിഗണിക്കണമെന്നും മുഖ്യമന്ത്രി ആഹ്വാനം ചെയ്തു.
കർണാടകയിൽ കനറ ബാങ്കിൽ വൻ കവർച്ച; 59 കിലോ സ്വർണവും അഞ്ചര ലക്ഷം രൂപയും കവർന്നു
കർണാടകയിലെ വിജയപുര ജില്ലയിലെ കനറ ബാങ്കിന്റെ മനഗുളി ടൗൺ ബ്രാഞ്ചിൽ വൻ കവർച്ച. 59 കിലോഗ്രാം സ്വർണ്ണവും അഞ്ചര ലക്ഷം രൂപയും മോഷണം പോയി. മെയ് 23 നും 25 നും ഇടയിലാണ് കവർച്ച നടന്നത്. ബാങ്കിന്റെ പിൻവശത്തെ ജനൽ കമ്പി വളച്ച് മോഷ്ടാക്കൾ അകത്ത് കടന്നു.
ആർസിബി കപ്പ് നേടിയാൽ പൊതു അവധി നൽകണം; മുഖ്യമന്ത്രിക്ക് കത്തെഴുതി ആരാധകൻ
ഐപിഎൽ ഫൈനലിലേക്ക് ആർസിബി പ്രവേശിക്കുമ്പോൾ ബെലഗാവിയിൽ നിന്നുള്ള ഒരു ആരാധകൻ കർണാടക മുഖ്യമന്ത്രിക്ക് കത്തെഴുതിയതാണ് ശ്രദ്ധേയമാകുന്നത്. ആർസിബി കപ്പ് നേടിയാൽ അന്നേ ദിവസം പൊതു അവധിയായി പ്രഖ്യാപിക്കണമെന്നാണ് കത്തിലെ ആവശ്യം. കത്ത് ഇതിനോടകം സാമൂഹ്യ മാധ്യമങ്ങളിൽ വൈറലായിട്ടുണ്ട്.