Karnataka News
കർണാടകയിൽ റോട്ട് വീലർ നായ്ക്കളുടെ ആക്രമണത്തിൽ യുവതിക്ക് ദാരുണാന്ത്യം
കർണാടകയിലെ ദാവൺഗെരെ ജില്ലയിൽ റോട്ട് വീലർ നായ്ക്കളുടെ ആക്രമണത്തിൽ 38 വയസ്സുള്ള യുവതി മരിച്ചു. മല്ലഷെട്ടിഹള്ളി സ്വദേശി അനിതയാണ് മരിച്ചത്. സംഭവത്തിൽ പൊലീസ് അന്വേഷണം ആരംഭിച്ചു.
തദ്ദേശ തിരഞ്ഞെടുപ്പിന് അവധി നൽകണമെന്ന് ഡി കെ ശിവകുമാർ; ഐടി കമ്പനികൾക്ക് കത്തയച്ചു
തദ്ദേശ സ്വയംഭരണ തിരഞ്ഞെടുപ്പിൽ വോട്ട് ചെയ്യുന്നതിനായി ശമ്പളത്തോടുകൂടി മൂന്ന് ദിവസം അവധി നൽകണമെന്ന് കർണാടക ഉപമുഖ്യമന്ത്രി ഡി.കെ. ശിവകുമാർ അഭ്യർഥിച്ചു. ഇതിനോടനുബന്ധിച്ച് ബെംഗളൂരുവിലെ ഐടി കമ്പനികൾ ഉൾപ്പെടെയുള്ള സ്വകാര്യ സ്ഥാപനങ്ങൾക്ക് ഉപമുഖ്യമന്ത്രിയുടെ ഓഫീസ് കത്തയച്ചിട്ടുണ്ട്. ഡിസംബർ 9, 11 തീയതികളിലായി രണ്ട് ഘട്ടങ്ങളിലായാണ് തിരഞ്ഞെടുപ്പ് നടക്കുന്നത്.
കർണാടകയിൽ സിനിമാ ടിക്കറ്റിനും വിനോദ ചാനലിനും വില കൂടും; 2% സെസ് ഏർപ്പെടുത്തി
കർണാടകയിൽ സിനിമാ ടിക്കറ്റുകൾക്കും വിനോദ ചാനലുകളുടെ വരിസംഖ്യക്കും മേൽ രണ്ടു ശതമാനം സെസ് ഏർപ്പെടുത്താൻ സർക്കാർ തീരുമാനം. സിനിമ, സാംസ്കാരിക പ്രവർത്തകരുടെ ക്ഷേമനിധിയിലേക്ക് പണം കണ്ടെത്തുന്നതിനായാണ് ഈ അധിക നികുതി. പുതിയ സെസ്സ് നിലവിൽ വരുന്നതോടെ മൾട്ടിപ്ലക്സുകൾ ഉൾപ്പെടെ സംസ്ഥാനത്തെ എല്ലാ തിയേറ്ററുകളിലെയും ടിക്കറ്റ് നിരക്കിൽ വർധന ഉണ്ടാകും.
ഗോമാംസം കടത്തിയെന്ന് ആരോപിച്ച് കർണാടകയിൽ ലോറിക്ക് തീയിട്ടു; 5 പേർ കസ്റ്റഡിയിൽ
കർണാടകയിലെ ബെലഗാവിയിൽ ഗോമാംസം കടത്തിയെന്ന് ആരോപിച്ച് ലോറിക്ക് തീയിട്ടു. സംഭവത്തിൽ ആറ് പേർക്കെതിരെ കേസെടുക്കുകയും അഞ്ച് പേരെ കസ്റ്റഡിയിലെടുക്കുകയും ചെയ്തു. റായ്ബാഗിൽ നിന്ന് ഹൈദരാബാദിലേക്ക് ഏഴ് ക്വിന്റൽ ബീഫുമായി പോവുകയായിരുന്നു ലോറി.
ധർമ്മസ്ഥല വ്യാജ വെളിപ്പെടുത്തൽ കേസ്: യൂട്യൂബർ മനാഫിനെ ചോദ്യം ചെയ്യുന്നത് പൂർത്തിയായി
ധർമ്മസ്ഥല വ്യാജ വെളിപ്പെടുത്തൽ കേസിൽ യൂട്യൂബർ മനാഫിനെ പ്രത്യേക അന്വേഷണ സംഘം (എസ്ഐടി) ചോദ്യം ചെയ്യുന്നത് പൂർത്തിയാക്കി. ആവശ്യമുണ്ടെങ്കിൽ വീണ്ടും വിളിക്കാമെന്ന് അറിയിച്ച് അദ്ദേഹത്തെ വിട്ടയച്ചു. ഈ കേസിൽ മറ്റൊരു യൂട്യൂബറായ അഭിഷേകിന്റെ ചോദ്യം ചെയ്യലും പൂർത്തിയായിട്ടുണ്ട്.
ധർമ്മസ്ഥലം കേസ്: മനാഫിനെ ചോദ്യം ചെയ്യാൻ പ്രത്യേക അന്വേഷണ സംഘം
ധർമ്മസ്ഥല ക്ഷേത്ര പരിസരത്ത് പെൺകുട്ടികളുടെ മൃതദേഹം മറവുചെയ്തെന്ന ശുചീകരണ തൊഴിലാളിയുടെ വെളിപ്പെടുത്തലിന് പിന്നിൽ ഗൂഢാലോചനയുണ്ടെന്ന സംശയത്തിൽ ലോറിയുടമയും വ്ളോഗറുമായ മനാഫിനെ പ്രത്യേക അന്വേഷണ സംഘം ചോദ്യം ചെയ്യും. തിങ്കളാഴ്ച ചോദ്യം ചെയ്യലിന് ഹാജരാകാൻ മനാഫിന് നോട്ടീസ് നൽകി. തെളിവുകൾ ഉണ്ടെങ്കിൽ ഹാജരാക്കണമെന്ന് അന്വേഷണസംഘം ആവശ്യപ്പെട്ടിട്ടുണ്ട്.
കര്ണാടകയില് ഒമ്പതാം ക്ലാസുകാരി സ്കൂള് ശുചിമുറിയില് പ്രസവിച്ചു; അധ്യാപകർക്കെതിരെ കേസ്
കർണാടകയിലെ യാദ്ഗിറിൽ ഒമ്പതാം ക്ലാസുകാരി സ്കൂൾ ശുചിമുറിയിൽ പ്രസവിച്ചു. സംഭവത്തിൽ അലംഭാവം കാണിച്ച അധ്യാപകർക്കെതിരെ കേസ് എടുത്തിട്ടുണ്ട്. കർണാടക ബാലാവകാശ കമ്മീഷൻ സംഭവത്തിൽ അന്വേഷണത്തിന് ഉത്തരവിട്ടു.
ധർമ്മസ്ഥല കൂട്ട ശവസംസ്കാര കേസ്: ഗൂഢാലോചന എൻഐഎ അന്വേഷിക്കണമെന്ന് ബിജെപി
ധർമ്മസ്ഥലയിലെ മുൻ ശുചീകരണ തൊഴിലാളിയുടെ വെളിപ്പെടുത്തലിന് പിന്നിലെ ഗൂഢാലോചന എൻഐഎ അന്വേഷിക്കണമെന്ന് ബിജെപി ആവശ്യപ്പെട്ടു. ഗൂഢാലോചന നടത്തിയവരെയും ഫണ്ട് നൽകിയവരെയും കണ്ടെത്താൻ എൻഐഎ അന്വേഷണം വേണമെന്ന് പ്രതിപക്ഷ നേതാവ് ആർ. അശോക ആവശ്യപ്പെട്ടു. ചിന്നയ്യയുടെ വെളിപ്പെടുത്തലിനെ തുടർന്ന് കർണാടക സർക്കാർ പ്രത്യേക അന്വേഷണ സംഘത്തെ നിയോഗിച്ച് അന്വേഷണം ആരംഭിച്ചിട്ടുണ്ട്.
ധർമ്മസ്ഥലയിൽ നൂറിലധികം മൃതദേഹങ്ങൾ കുഴിച്ചിട്ടെന്ന വെളിപ്പെടുത്തൽ നടത്തിയ ആൾ അറസ്റ്റിൽ
ധർമ്മസ്ഥല ക്ഷേത്രത്തിൽ നൂറിലധികം മൃതദേഹങ്ങൾ കുഴിച്ചിട്ടെന്ന് വെളിപ്പെടുത്തിയ മുൻ ശുചീകരണ തൊഴിലാളിയെ അറസ്റ്റ് ചെയ്തു. ഇയാൾ വ്യാജ വെളിപ്പെടുത്തൽ നടത്തിയെന്ന് കണ്ടെത്തി. ഭീഷണിക്ക് വഴങ്ങിയാണ് മകളെ കാണാനില്ലെന്ന് പരാതി നൽകിയതെന്ന് സുജാത ഭട്ട് വെളിപ്പെടുത്തി.
ധർമസ്ഥലയിലെ പരിശോധന താത്കാലികമായി നിർത്തി; കാരണം ഇതാണ്
മുൻ ശുചീകരണ തൊഴിലാളിയുടെ വെളിപ്പെടുത്തലിന്റെ അടിസ്ഥാനത്തിൽ കർണാടക ധർമസ്ഥലയിൽ നടത്തിവരുന്ന പരിശോധന താത്കാലികമായി നിർത്തി. മണ്ണ് മാറ്റിയുള്ള പരിശോധന ഫൊറെൻസിക് റിപ്പോർട്ട് വരുന്നത് വരെ നിർത്തിവയ്ക്കുന്നതായി കർണാടക ആഭ്യന്തരമന്ത്രി ജി പരമേശ്വര നിയമസഭയിൽ പറഞ്ഞു. മലയാളി പെൺകുട്ടിയുടെ മൃതദേഹം ധർമസ്ഥലത്ത് മറവ് ചെയ്തിട്ടുണ്ടെന്നായിരുന്നു വെളിപ്പെടുത്തൽ.
പ്രിൻസിപ്പലിനെ മാറ്റാൻ കുടിവെള്ള ടാങ്കിൽ വിഷം കലക്കി; ശ്രീരാമസേന നേതാവ് അറസ്റ്റിൽ
കർണാടകയിലെ ബെലഗാവിയിൽ പ്രിൻസിപ്പലിനെ മാറ്റാൻ സ്കൂൾ കുടിവെള്ള ടാങ്കിൽ വിഷം കലക്കിയ കേസിൽ ശ്രീരാമസേന നേതാവ് അറസ്റ്റിലായി. അഞ്ചാം ക്ലാസ് വിദ്യാർത്ഥിയെ ഉപയോഗിച്ചാണ് പ്രതികൾ കൃത്യം നടത്തിയത്. സംഭവത്തിൽ നിരവധി കുട്ടികൾക്ക് ആരോഗ്യ പ്രശ്നങ്ങളുണ്ടായി.
ധർമ്മസ്ഥല വെളിപ്പെടുത്തൽ: അന്വേഷണ ഉദ്യോഗസ്ഥനെതിരെ സാക്ഷി അഭിഭാഷകൻ്റെ പരാതി
ധർമ്മസ്ഥല വെളിപ്പെടുത്തൽ കേസിൽ അന്വേഷണ സംഘത്തിലെ ഉദ്യോഗസ്ഥർക്കെതിരെ സാക്ഷി അഭിഭാഷകൻ പരാതി നൽകി. സാക്ഷിയെ ഭീഷണിപ്പെടുത്തി വ്യാജമൊഴി നൽകാൻ സമ്മർദ്ദം ചെലുത്തിയെന്നാണ് ആരോപണം. മൃതദേഹങ്ങൾ കുഴിച്ചിട്ടെന്ന് ശുചീകരണ തൊഴിലാളി വെളിപ്പെടുത്തിയ സ്ഥലങ്ങളിൽ ഇന്ന് തിരച്ചിൽ തുടരും.