Kannur News
കണ്ണൂരിൽ ഷോക്കേറ്റ് അഞ്ചുവയസ്സുകാരൻ മരിച്ചു
കണ്ണൂർ മട്ടന്നൂരിൽ അഞ്ചുവയസ്സുകാരൻ ഷോക്കേറ്റ് മരിച്ചു. വീട്ടുവരാന്തയിലെ മിനിയേച്ചർ ലൈറ്റിന്റെ വയറിൽ നിന്നാണ് ഷോക്കേറ്റത്. ആരോഗ്യനില ഗുരുതരമായതിനെ തുടർന്ന് കൂത്തുപറമ്പിലെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
മന്ത്രി എ.കെ. ശശീന്ദ്രന്റെ സഹോദരിപുത്രിയുടെ മരണം കൊലപാതകമെന്ന് നിഗമനം
കണ്ണൂരിൽ മന്ത്രി എ.കെ. ശശീന്ദ്രന്റെ സഹോദരിപുത്രി എ.കെ. ശ്രീലേഖയുടെ മരണം കൊലപാതകമാണെന്ന നിഗമനത്തിൽ പോലീസ്. ഭർത്താവ് പ്രേമരാജൻ തലയ്ക്കടിച്ച് വീഴ്ത്തിയ ശേഷം തീ കൊളുത്തി ആത്മഹത്യ ചെയ്തെന്നാണ് പോലീസ് സംശയിക്കുന്നത്. മകൻ വിദേശത്തുനിന്ന് എത്തുന്നതിന് തൊട്ടുമുൻപാണ് ദമ്പതികളെ മരിച്ച നിലയിൽ കണ്ടെത്തിയത്.
ഉളിയില് ഖദീജ കൊലക്കേസ്: പ്രതികളായ സഹോദരങ്ങള്ക്ക് ജീവപര്യന്തം ശിക്ഷ
കണ്ണൂര് ഉളിയില് സഹോദരിയെ കൊലപ്പെടുത്തിയ കേസില് പ്രതികളായ സഹോദരങ്ങള്ക്ക് ജീവപര്യന്തം ശിക്ഷ. തലശ്ശേരി അഡീഷണല് സെഷന്സ് കോടതിയാണ് ശിക്ഷ വിധിച്ചത്. 2012 ഡിസംബര് 12നാണ് 28കാരിയായ ഖദീജ കൊല്ലപ്പെട്ടത്. കോഴിക്കോട് കോടമ്പുഴ സ്വദേശി ഷാഹുല് ഹമീദിനെ വിവാഹം കഴിക്കാന് തീരുമാനിച്ചതിലുള്ള വിരോധമാണ് കൊലപാതകത്തിലേക്ക് നയിച്ചത്.
ഉളിയൽ ഖദീജ വധക്കേസ്: സഹോദരങ്ങൾക്ക് ജീവപര്യന്തം തടവ്
ഉളിയൽ ഖദീജ വധക്കേസിൽ പ്രതികളായ സഹോദരങ്ങൾക്ക് ജീവപര്യന്തം തടവ്. തലശ്ശേരി അഡീഷണൽ സെഷൻസ് കോടതിയാണ് വിധി പ്രസ്താവിച്ചത്. രണ്ടാം വിവാഹം കഴിക്കുന്നതിലുള്ള വിരോധം മൂലം സഹോദരിയെ കുത്തിക്കൊലപ്പെടുത്തിയതിനാണ് ശിക്ഷ.
കെ. നൈനേഷിന്റെ മരണം: അന്വേഷണം ആവശ്യപ്പെട്ട് സി.പി.ഐ.എം
സ്വർണ്ണ തൊഴിലാളി യൂണിയൻ പാനൂർ ഏരിയ പ്രസിഡന്റും കേരള ബാങ്ക് പെരിങ്ങത്തൂർ ശാഖയിലെ അപ്രൈസറുമായ കെ. നൈനേഷിനെ എടക്കാട് റെയിൽവേ ട്രാക്കിൽ മരിച്ച നിലയിൽ കണ്ടെത്തി. നൈനേഷിനെതിരെ ഒരു വ്യക്തി പോലീസിൽ പരാതി നൽകിയതിന് പിന്നാലെയാണ് കാണാതായത്. സംഭവത്തിൽ സി.പി.ഐ.എം മേനപ്രം ലോക്കൽ കമ്മിറ്റി സമഗ്രമായ അന്വേഷണം ആവശ്യപ്പെട്ടു.
കണ്ണൂരിൽ ഭാര്യയെ ഭീഷണിപ്പെടുത്തുന്നതിനിടെ യുവാവ് കഴുത്തിൽ കയർ മുറുകി മരിച്ചു
കണ്ണൂരിൽ ഭാര്യയുമായുണ്ടായ തർക്കത്തെ തുടർന്ന് ആത്മഹത്യാ ഭീഷണി മുഴക്കിയ യുവാവ് മരിച്ചു. തായെതെരു സ്വദേശി സിയാദാണ് മരിച്ചത്. കയർ കഴുത്തിൽ കുരുങ്ങിയതിനെ തുടർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ധീരജിനെ കുത്തിയ കത്തി അറബിക്കടലിൽ തള്ളിയിട്ടില്ല; യൂത്ത് കോൺഗ്രസ് മുദ്രാവാക്യത്തിനെതിരെ ധീരജിന്റെ പിതാവ്
കണ്ണൂരിൽ യൂത്ത് കോൺഗ്രസ് പ്രവർത്തകരുടെ പ്രകോപന മുദ്രാവാക്യത്തിനെതിരെ ധീരജിന്റെ പിതാവ് രാജേന്ദ്രൻ രംഗത്ത്. മലപ്പറ്റത്ത് യൂത്ത് കോൺഗ്രസ് നടത്തിയ പദയാത്രയ്ക്കിടെയായിരുന്നു സംഭവം. സംഭവത്തിൽ സി.പി.ഐ.എമ്മും പോഷക സംഘടനകളും പ്രതിഷേധം ശക്തമാക്കിയിട്ടുണ്ട്.