Jammu Kashmir
ജമ്മു കശ്മീരിൽ സൈനികൻ വീരമൃത്യു; രണ്ട് ഭീകരരെ വധിച്ചു
ജമ്മു കശ്മീരിലെ കിഷ്ത്വാറിൽ സുരക്ഷാസേനയും ഭീകരരും തമ്മിൽ നടന്ന ഏറ്റുമുട്ടലിൽ ഒരു സൈനികൻ വീരമൃത്യു വരിച്ചു. രണ്ട് ഭീകരരെ സൈന്യം വധിച്ചു. സിംഗ്പോരയിലെ ഛത്രൂ മേഖലയിലാണ് ഏറ്റുമുട്ടൽ നടന്നത്.
ജമ്മു കശ്മീരിൽ ഏറ്റുമുട്ടൽ: രണ്ട് ഭീകരവാദികൾ കൊല്ലപ്പെട്ടു
ജമ്മു കശ്മീരിലെ കിഷ്ത്വാറിൽ സുരക്ഷാസേന നടത്തിയ ഏറ്റുമുട്ടലിൽ രണ്ട് ഭീകരവാദികൾ കൊല്ലപ്പെട്ടു. സിംഗ്പോരയിലെ ഛത്രൂ മേഖലയിൽ നടന്ന ഏറ്റുമുട്ടലിനെ തുടർന്ന് സുരക്ഷാസേന തിരച്ചിൽ ശക്തമാക്കി. കഴിഞ്ഞ 8 ദിവസത്തിനിടെ മൂന്ന് ഏറ്റുമുട്ടലുകളിലായി 8 ഭീകരവാദികളെ സുരക്ഷാസേന വധിച്ചു.
പാക് ഷെല്ലാക്രമണത്തിൽ തകർന്ന പള്ളി നന്നാക്കി ഇന്ത്യൻ സൈന്യം
പാക് ഷെല്ലാക്രമണത്തിൽ തകർന്ന ജമ്മു കശ്മീരിലെ പള്ളി ഇന്ത്യൻ സൈന്യം പുനർനിർമ്മിച്ചു. പള്ളിയുടെ മേൽക്കൂര നന്നാക്കുകയും, സോളാർ പാനലുകൾ സ്ഥാപിക്കുകയും ചെയ്തു. സൈന്യത്തിന്റെ ഈ ഉദ്യമത്തിന് നിരവധിപേർ നന്ദി അറിയിച്ചു.
ജമ്മു കശ്മീരിൽ കുഴിബോംബ് സ്ഫോടനം; സൈനികന് പരിക്ക്
ജമ്മു കശ്മീരിലെ പൂഞ്ച് ജില്ലയിൽ നിയന്ത്രണ രേഖയ്ക്ക് സമീപം കുഴിബോംബ് സ്ഫോടനത്തിൽ സൈനികന് പരുക്കേറ്റു. ദിഗ്വാർ സെക്ടറിലെ ഫോർവേഡ് ഏരിയയിൽ സൈന്യം പട്രോളിംഗ് നടത്തുന്നതിനിടെയായിരുന്നു അപകടം. പരുക്കേറ്റ സൈനികനെ ഉടൻ തന്നെ ആശുപത്രിയിലേക്ക് മാറ്റി.
ജമ്മു കശ്മീരിൽ 48 മണിക്കൂറിനുള്ളിൽ ആറ് ഭീകരരെ വധിച്ച് സൈന്യം
ജമ്മു കശ്മീരിൽ 48 മണിക്കൂറിനുള്ളിൽ ആറ് ഭീകരരെ വധിച്ചതായി സുരക്ഷാ സേന അറിയിച്ചു. ത്രാലിലും ഷോപ്പിയാനിലുമായിരുന്നു ഓപ്പറേഷനുകൾ നടന്നത്, ദുർഘട സാഹചര്യങ്ങളെ അതിജീവിച്ചാണ് സൈന്യം ദൗത്യം പൂർത്തിയാക്കിയത്. കശ്മീരിൽ ഭീകരപ്രവർത്തനങ്ങൾ അവസാനിപ്പിക്കാൻ ശക്തമായ നടപടികൾ തുടരുമെന്ന് സേനാ വിഭാഗങ്ങൾ അറിയിച്ചു.
ജമ്മു കശ്മീരിൽ മൂന്ന് ഭീകരരെ വധിച്ച് സൈന്യം
ജമ്മു കശ്മീരിലെ പുൽവാമ ജില്ലയിൽ സുരക്ഷാ സേനയും ഭീകരരും തമ്മിൽ നടന്ന ഏറ്റുമുട്ടലിൽ മൂന്ന് ഭീകരരെ വധിച്ചു. ജെയ്ഷെ മുഹമ്മദ് ഭീകരരായ ആസിഫ് ഷെയ്ഖ്, അമീർ നാസിർ വാനി, യാവർ അഹമ്മദ് ഭട്ട് എന്നിവരാണ് കൊല്ലപ്പെട്ടത്. ഓപ്പറേഷൻ സിന്ദൂരിന് ശേഷമുള്ള സ്ഥിതിഗതികള് വിലയിരുത്താന് പ്രതിരോധമന്ത്രി രാജ്നാഥ് സിങ് ജമ്മു കശ്മീരിലെത്തി.
ജമ്മു കശ്മീരിൽ ഏറ്റുമുട്ടൽ; രണ്ട് ഭീകരരെ വധിച്ചു
ജമ്മു കശ്മീരിലെ അവന്തിപോരയിൽ സുരക്ഷാ സേനയും ഭീകരരും തമ്മിൽ നടന്ന ഏറ്റുമുട്ടലിൽ രണ്ട് ഭീകരരെ വധിച്ചു. കഴിഞ്ഞ 48 മണിക്കൂറിനുള്ളിൽ കശ്മീരിൽ നടക്കുന്ന രണ്ടാമത്തെ ഏറ്റുമുട്ടലാണിത്. പ്രതിരോധ മന്ത്രി രാജ്നാഥ് സിംഗ് ഇന്ന് ജമ്മു കശ്മീർ സന്ദർശിക്കാനിരിക്കെയാണ് ഈ സംഭവം.
രാജ്നാഥ് സിംഗിന്റെ ജമ്മു കശ്മീർ സന്ദർശനം മാറ്റിവെച്ചു; പാക് അനുകൂല അക്കൗണ്ടുകൾക്കെതിരെ നടപടിയുമായി കേന്ദ്രം
പ്രതിരോധ മന്ത്രി രാജ്നാഥ് സിംഗിന്റെ ജമ്മു കശ്മീർ സന്ദർശനം മാറ്റിവെച്ചു. ഔദ്യോഗിക തിരക്കുകൾ കാരണമാണ് സന്ദർശനം മാറ്റിവെച്ചത്. പാകിസ്താൻ ഭീകരവാദം അവസാനിപ്പിക്കുന്നത് വരെ സിന്ധു നദീജല കരാർ മരവിപ്പിച്ച നടപടിയിൽ നിന്ന് പിന്നോട്ട് പോകില്ലെന്ന് ഇന്ത്യ അറിയിച്ചു.
ഷോപ്പിയാനിൽ മൂന്ന് ഭീകരരെ വധിച്ച് സൈന്യം; ജമ്മു കശ്മീരിൽ സുരക്ഷ ശക്തമാക്കി
ജമ്മു കശ്മീരിലെ ഷോപ്പിയാനിൽ സുരക്ഷാസേനയും ഭീകരരും തമ്മിൽ നടന്ന ഏറ്റുമുട്ടലിൽ മൂന്ന് ഭീകരരെ സൈന്യം വധിച്ചു. കൊല്ലപ്പെട്ടവരിൽ ഒരാൾ ജമ്മു കശ്മീർ സ്വദേശിയാണ്. പഹൽഗാം ഭീകരാക്രമണത്തിന് പിന്നിൽ പ്രവർത്തിച്ചവരെന്ന് കരുതുന്ന മൂന്ന് ഭീകരർക്കായി ലുക്ക് ഔട്ട് നോട്ടീസ് പുറത്തിറക്കിയിരുന്നു.
ജമ്മു കശ്മീരിൽ ഏറ്റുമുട്ടൽ; ഒരു ഭീകരനെ വധിച്ച് സൈന്യം
ജമ്മു കശ്മീരിലെ ഷോപ്പിയാനിൽ സുരക്ഷാസേനയും ഭീകരരും തമ്മിൽ ഏറ്റുമുട്ടി. ഏറ്റുമുട്ടലിൽ ഒരു ഭീകരനെ സൈന്യം വധിച്ചു. ലഷ്കർ ഇ തൊയ്ബ ഭീകരനാണ് കൊല്ലപ്പെട്ടതെന്ന് ജമ്മു കാശ്മീർ പൊലീസ് സ്ഥിരീകരിച്ചു. വനമേഖലയിൽ മൂന്ന് ഭീകരർ ഒളിച്ചിരിക്കുന്നുണ്ടെന്ന വിവരത്തെ തുടർന്ന് സുരക്ഷാസേന തിരച്ചിൽ ശക്തമാക്കി.
ഇന്ത്യാ-പാക് അതിർത്തി ശാന്തം; ജമ്മു കശ്മീരിലും രാജസ്ഥാനിലും സ്കൂളുകൾ തുറന്നു
ഇന്ത്യാ-പാക് അതിർത്തിയിലെ സംഘർഷാവസ്ഥയ്ക്ക് അയവ് വന്നതോടെ സ്ഥിതിഗതികൾ ശാന്തമാകുന്നു. ജമ്മു കശ്മീരിലെ അതിർത്തി ജില്ലകൾ ഒഴികെയുള്ള വിദ്യാഭ്യാസ സ്ഥാപനങ്ങൾ ഇന്ന് തുറന്നു. പ്രധാനമന്ത്രി നരേന്ദ്രമോദി ഓപ്പറേഷൻ സിന്ദൂറിൻ്റെ വിജയം രാജ്യത്തെ സ്ത്രീകൾക്ക് സമർപ്പിച്ചു.
ജമ്മു കശ്മീർ, പഞ്ചാബ് അതിർത്തികളിൽ ജാഗ്രത; വെടിനിർത്തൽ താൽക്കാലികമെന്ന് പ്രധാനമന്ത്രി
ജമ്മു കശ്മീർ, പഞ്ചാബ് അതിർത്തികളിൽ ഡ്രോൺ സാന്നിധ്യം റിപ്പോർട്ട് ചെയ്തതിനെ തുടർന്ന് ജാഗ്രത ശക്തമാക്കി. വെടിനിർത്തൽ താൽക്കാലികമാണെന്നും പാക് സമീപനം വിലയിരുത്തി തുടർനടപടി സ്വീകരിക്കുമെന്നും പ്രധാനമന്ത്രി നരേന്ദ്രമോദി അറിയിച്ചു. അതിർത്തിയിലെ സൈനിക സാന്നിധ്യം കുറയ്ക്കാൻ ഇന്ത്യയും പാകിസ്താനും തമ്മിൽ ധാരണയായി.