Jammu Kashmir
ജമ്മു കശ്മീരിലെ കിഷ്ത്വാറിൽ മിന്നൽ പ്രളയം; 45 മരണം സ്ഥിരീകരിച്ചു
ജമ്മു കശ്മീരിലെ കിഷ്ത്വാറിൽ മിന്നൽ പ്രളയത്തിൽ കാണാതായവർക്കായുള്ള തിരച്ചിൽ തുടരുന്നു. 200-ൽ അധികം പേരെ കണ്ടെത്താനുണ്ടെന്നാണ് പ്രാഥമിക റിപ്പോർട്ടുകൾ. ഇതുവരെ 45 പേരുടെ മരണം സ്ഥിരീകരിച്ചിട്ടുണ്ട്, ഇതിൽ രണ്ട് സിഐഎസ്എഫ് ജവാന്മാരും ഉൾപ്പെടുന്നു.
കിഷ്ത്വാറിൽ മേഘവിസ്ഫോടനം: മരണസംഖ്യ 40 ആയി ഉയർന്നു
ജമ്മു കശ്മീരിലെ കിഷ്ത്വാറിൽ മേഘവിസ്ഫോടനത്തിൽ 40 പേർ മരിച്ചു. രണ്ട് സിഐഎസ്എഫ് ജവാന്മാരും മരിച്ചവരിൽ ഉൾപ്പെടുന്നു. രക്ഷാപ്രവർത്തനം പുരോഗമിക്കുന്നു, വ്യോമമാർഗ്ഗമുള്ള രക്ഷാപ്രവർത്തനത്തിന് തടസ്സമുണ്ട്.
അരുന്ധതി റോയിയുടെ പുസ്തകങ്ങൾ അടക്കം 25 എണ്ണത്തിന് ജമ്മു കശ്മീരിൽ നിരോധനം
ജമ്മു കശ്മീരിൽ അരുന്ധതി റോയിയുടെ പുസ്തകങ്ങൾ ഉൾപ്പെടെ 25 പുസ്തകങ്ങൾക്ക് സർക്കാർ നിരോധനം ഏർപ്പെടുത്തി. രാജ്യത്തിന്റെ അഖണ്ഡതയ്ക്ക് എതിരായ പരാമർശങ്ങൾ പുസ്തകങ്ങളിൽ ഉണ്ട് എന്ന് കണ്ടെത്തിയതിനെ തുടർന്നാണ് നടപടി. ജമ്മു കശ്മീർ ആഭ്യന്തര വകുപ്പാണ് ഇതിനുള്ള ഉത്തരവ് പുറത്തിറക്കിയത്.
ജമ്മു കശ്മീരിൽ സിആർപിഎഫ് ബസ് അപകടം; മൂന്ന് ജവാന്മാർക്ക് ദാരുണാന്ത്യം
ജമ്മു കശ്മീരിൽ സിആർപിഎഫ് ജവാൻമാർ സഞ്ചരിച്ച ബസ് കൊക്കയിലേക്ക് മറിഞ്ഞുണ്ടായ അപകടത്തിൽ മൂന്ന് ജവാന്മാർ മരിച്ചു. ഉധംപൂരിന് സമീപം രാവിലെ 10:30 ഓടെയാണ് സംഭവം നടന്നത്. അപകടത്തിൽ പരുക്കേറ്റ പതിനഞ്ചോളം ജവാന്മാരെ ആശുപത്രിയിൽ പ്രവേശിപ്പിച്ചു.
ജമ്മു കാശ്മീരിൽ വെടിനിർത്തൽ ലംഘിച്ച് പാകിസ്താൻ; ഇന്ത്യൻ സൈന്യം ശക്തമായി തിരിച്ചടിച്ചു
ജമ്മു കാശ്മീരിലെ പൂഞ്ചിൽ പാകിസ്താൻ വെടിനിർത്തൽ ലംഘിച്ചു. ഓപ്പറേഷൻ സിന്ദൂറിന് ശേഷം ഇതാദ്യമായാണ് പാകിസ്താന്റെ ഭാഗത്തുനിന്ന് ഇത്തരമൊരു പ്രകോപനമുണ്ടാകുന്നത്. ഇന്ത്യൻ സൈന്യം ശക്തമായി തിരിച്ചടി നൽകി.
ജമ്മു കശ്മീർ മുൻ ഗവർണർ സത്യപാൽ മാലിക് അന്തരിച്ചു
ജമ്മു കശ്മീർ മുൻ ലഫ്റ്റനന്റ് ഗവർണർ സത്യപാൽ മാലിക് (79) അന്തരിച്ചു. ദീർഘനാളായി അസുഖബാധിതനായി ചികിത്സയിലായിരുന്ന അദ്ദേഹം ഡൽഹി ആർ.എം.എൽ ആശുപത്രിയിലായിരുന്നു അന്ത്യശ്വാസം വലിച്ചത്. 2018 ഓഗസ്റ്റ് മുതൽ 2019 ഒക്ടോബർ വരെ ജമ്മു കശ്മീർ സംസ്ഥാനത്തിന്റെ ഗവർണറായി സേവനമനുഷ്ഠിച്ചു.
ജമ്മു കശ്മീരിൽ ഓപ്പറേഷൻ അഖാൽ മൂന്നാം ദിവസവും തുടരുന്നു; മൂന്ന് ഭീകരരെ വധിച്ചു
ജമ്മു കശ്മീരിൽ ഓപ്പറേഷൻ അഖാൽ മൂന്നാം ദിവസവും തുടരുന്നു. കുൽഗാമിലെ അഖാലിൽ ഏഴ് ഭീകരവാദികൾ ഒളിച്ചിരിക്കുന്നുണ്ടെന്ന രഹസ്യവിവരത്തെ തുടർന്ന് സുരക്ഷാസേന വെള്ളിയാഴ്ച വൈകിട്ട് തെരച്ചിൽ ആരംഭിച്ചു. കഴിഞ്ഞദിവസം നടന്ന ഏറ്റുമുട്ടലിൽ മൂന്ന് പ്രാദേശിക ഭീകരരെ സുരക്ഷാസേന വധിച്ചു.
ജമ്മു കശ്മീരിൽ രണ്ട് ലഷ്കർ ഭീകരരെ വധിച്ച് സൈന്യം; ഒരാൾ അറസ്റ്റിൽ
ജമ്മു കശ്മീരിൽ നിയന്ത്രണ രേഖയിൽ നുഴഞ്ഞുകയറാൻ ശ്രമിച്ച രണ്ട് ലഷ്കർ ഭീകരരെ സൈന്യം വധിച്ചു. പൂഞ്ചിൽ സംശയാസ്പദമായ സാഹചര്യത്തിൽ കണ്ട ചിലരെക്കുറിച്ചുള്ള രഹസ്യവിവരത്തെത്തുടർന്ന് നടത്തിയ തിരച്ചിലിനിടെയാണ് ഭീകരരെ കണ്ടെത്തിയത്. ഓപ്പറേഷൻ ശിവശക്തിയുടെ ഭാഗമായി സൈന്യം തിരച്ചിൽ തുടരുകയാണ്.
പഹൽഗാം ഭീകരാക്രമണത്തിന്റെ സൂത്രധാരനെ വധിച്ചു; ഓപ്പറേഷൻ മഹാദേവ് വിജയം
ജമ്മു കശ്മീരിൽ സുരക്ഷാ സേന നടത്തിയ ഓപ്പറേഷനിൽ പഹൽഗാം ഭീകരാക്രമണത്തിന്റെ മുഖ്യ സൂത്രധാരനെ വധിച്ചു. കൊല്ലപ്പെട്ടവരിൽ ഒരാൾ സുലൈമാൻ എന്ന മൂസ ഫൗജിയാണെന്ന് തിരിച്ചറിഞ്ഞിട്ടുണ്ട്. ഓപ്പറേഷൻ മഹാദേവിന്റെ ഭാഗമായി സൈന്യം നടത്തിയ ഈ നീക്കത്തിൽ മൂന്ന് ഭീകരരെയാണ് വധിച്ചത്.
ജമ്മു കശ്മീരിൽ ഏറ്റുമുട്ടൽ: 3 ഭീകരരെ വധിച്ച് സൈന്യം
ജമ്മു കശ്മീരിലെ ശ്രീനഗറിനടുത്ത് ലിഡ്വാസിൽ സുരക്ഷാ സേനയും ഭീകരരും തമ്മിൽ നടന്ന ഏറ്റുമുട്ടലിൽ മൂന്ന് ഭീകരർ കൊല്ലപ്പെട്ടു. ലഷ്കർ ഇ തോയ്ബ ഭീകരരാണ് കൊല്ലപ്പെട്ടതെന്ന് സൈന്യം അറിയിച്ചു. "ഓപ്പറേഷൻ മഹാദേവ് "എന്ന ദൗത്യത്തിനിടെയാണ് ഭീകരരെ സൈന്യം വധിച്ചത്.
പഹൽഗാമിലെ സുരക്ഷാ വീഴ്ചയുടെ ഉത്തരവാദിത്തം ഏറ്റെടുത്ത് ഗവർണർ; ആക്രമണം നടത്തിയത് പാകിസ്താനെന്ന് മനോജ് സിൻഹ
പഹൽഗാമിലെ സുരക്ഷാ വീഴ്ചയുടെ ഉത്തരവാദിത്തം ഏറ്റെടുക്കുന്നതായി ജമ്മു കശ്മീർ ലഫ്റ്റനന്റ് ഗവർണർ മനോജ് സിൻഹ അറിയിച്ചു. വിനോദസഞ്ചാരികളെ ഭീകരർ ലക്ഷ്യമിടില്ലെന്ന് കരുതിയിരുന്നുവെന്നും, സുരക്ഷാ ജീവനക്കാരുടെ സാന്നിധ്യം പ്രദേശത്ത് ഉണ്ടായിരുന്നില്ലെന്നും അദ്ദേഹം പറഞ്ഞു. ആക്രമണം പാകിസ്താൻ സ്പോൺസർ ചെയ്തതാണെന്നും സിൻഹ ആരോപിച്ചു.
ജമ്മു കശ്മീരിൽ നുഴഞ്ഞുകയറ്റ ശ്രമം തകർത്ത് സൈന്യം; ഭീകരവാദിയുടെ സഹായി പിടിയിൽ
ജമ്മു കശ്മീരിൽ ഭീകരവാദികളുടെ നുഴഞ്ഞുകയറ്റ ശ്രമം സുരക്ഷാസേന തകർത്തു. പാക് അധീന കശ്മീർ സ്വദേശിയായ ഭീകരവാദിയുടെ സഹായി മുഹമ്മദ് ആരിഫിനെ സൈന്യം പിടികൂടി. രജൗരിയിലെ മഞ്ചകോട്ടിൽ നിയന്ത്രണ രേഖക്ക് സമീപത്ത് നിന്നാണ് ഇയാളെ പിടികൂടിയത്.