IPL
ഐപിഎല്ലിൽ ലക്നൗവിനെ തകർത്ത് ആർസിബി; ഒന്നാം ക്വാളിഫയറിൽ പഞ്ചാബിനെ നേരിടും
ഐപിഎല്ലിലെ അവസാന ലീഗ് മത്സരത്തിൽ ലക്നൗ സൂപ്പർ ജയന്റ്സിനെതിരെ റോയൽ ചലഞ്ചേഴ്സ് ബാംഗ്ലൂർ മിന്നുന്ന വിജയം നേടി. പോയിന്റ് ടേബിളിൽ രണ്ടാം സ്ഥാനമുറപ്പിച്ച് ആർ സി ബി ഒന്നാം ക്വാളിഫയറിന് യോഗ്യത നേടി. ഒന്നാം ക്വാളിഫയറിൽ ആർ സി ബി, പഞ്ചാബ് കിങ്സിനെ നേരിടും.
ഐപിഎല്ലിൽ ബാംഗ്ലൂരിനെ തകർത്ത് ഹൈദരാബാദിന് വിജയം
ഐപിഎല്ലിൽ റോയൽ ചലഞ്ചേഴ്സ് ബാംഗ്ലൂരിനെതിരെ സൺറൈസേഴ്സ് ഹൈദരാബാദിന് 42 റൺസിന്റെ വിജയം. ആദ്യം ബാറ്റ് ചെയ്ത ഹൈദരാബാദ് 231 റൺസ് നേടി. മറുപടി ബാറ്റിംഗിനിറങ്ങിയ ബാംഗ്ലൂർ 189 റൺസിന് പുറത്തായി.
ഐപിഎല്ലിൽ നിർണായക നീക്കം; ന്യൂസിലൻഡ് താരം ടിം സീഫെർട്ടിനെ ടീമിലെത്തിച്ച് ആർസിബി
റോയൽ ചലഞ്ചേഴ്സ് ബാംഗ്ലൂർ (ആർ സി ബി) പ്ലേ ഓഫ് മത്സരങ്ങൾക്കായി ന്യൂസിലൻഡ് വിക്കറ്റ് കീപ്പർ ടിം സീഫെർട്ടിനെ ടീമിലെത്തിച്ചു. ഇംഗ്ലണ്ടിന്റെ ജേക്കബ് ബെഥെലിന് പകരക്കാരനായാണ് താരത്തെ ടീമിലെത്തിക്കുന്നത്. നിലവിൽ പാകിസ്ഥാനിൽ പി.എസ്.എല്ലിൽ കറാച്ചി കിംഗ്സിനുവേണ്ടി കളിക്കുകയാണ് ടിം സീഫെർട്ട്. അദ്ദേഹത്തെ മെയ് 24 മുതൽ ടീമിൽ ഉൾപ്പെടുത്താൻ കഴിയുമെന്നാണ് ആർ സി ബി പ്രതീക്ഷിക്കുന്നത്.
ഐപിഎൽ ഫൈനൽ കൊൽക്കത്തയിൽ നിന്ന് അഹമ്മദാബാദിലേക്ക് മാറ്റി; എലിമിനേറ്റർ, ക്വാളിഫയർ മത്സരങ്ങൾക്കും മാറ്റം
ഐപിഎൽ ഫൈനൽ കൊൽക്കത്തയിലെ ഈഡൻ ഗാർഡൻസിൽ നിന്ന് അഹമ്മദാബാദിലെ നരേന്ദ്ര മോദി സ്റ്റേഡിയത്തിലേക്ക് മാറ്റി. മെയ് 29-ന് നടക്കേണ്ട ഒന്നാം ക്വാളിഫയറും മെയ് 30-ന് നടക്കേണ്ട എലിമിനേറ്റർ മത്സരവും ഹൈദരാബാദിൽ നിന്ന് മാറ്റി പഞ്ചാബിലെ മുല്ലൻപുർ സ്റ്റേഡിയത്തിൽ വെച്ച് നടത്തും. ബംഗളൂരുവിൽ മഴ തുടരുന്ന സാഹചര്യത്തിൽ ബംഗളൂരുവും ഹൈദരാബാദും തമ്മിൽ മെയ് 27-ന് നടക്കാനിരുന്ന മത്സരം ലഖ്നൗവിലേക്ക് മാറ്റി.
വൈഭവ് സൂര്യവംശി പത്താം ക്ലാസ് തോറ്റെന്ന വാർത്ത വ്യാജം; സത്യാവസ്ഥ ഇതാണ്
14 വയസ്സിൽ ഐപിഎല്ലിൽ പ്രവേശിച്ച വൈഭവ് സൂര്യവംശിയെക്കുറിച്ചുള്ള പുതിയ വിവരങ്ങളാണ് ഇപ്പോൾ പുറത്തുവരുന്നത്. താരം പത്താം ക്ലാസ് പരീക്ഷ എഴുതിയിട്ടില്ലെന്നും എട്ടാം ക്ലാസ്സിലാണ് പഠിക്കുന്നതെന്നും റിപ്പോർട്ടുകൾ സൂചിപ്പിക്കുന്നു. മെയ് 17ന് ആരംഭിക്കുന്ന മത്സരങ്ങളിൽ രാജസ്ഥാൻ റോയൽസിനായി കളിക്കാനുള്ള തയ്യാറെടുപ്പിലാണ് വൈഭവ് ഇപ്പോൾ.
ഐപിഎൽ ക്രിക്കറ്റ് നാളെ പുനരാരംഭിക്കും; ബാംഗ്ലൂർ ചിന്നസ്വാമി സ്റ്റേഡിയത്തിൽ കൊൽക്കത്തക്കെതിരെ റോയൽ ചലഞ്ചേഴ്സ്
ഇന്ത്യ-പാക് സംഘർഷത്തെ തുടർന്ന് നിർത്തിവെച്ച ഐപിഎൽ ക്രിക്കറ്റ് മത്സരങ്ങൾ നാളെ പുനരാരംഭിക്കും. റോയൽ ചലഞ്ചേഴ്സ് ബാംഗ്ലൂരും കൊൽക്കത്ത നൈറ്റ് റൈഡേഴ്സും തമ്മിലാണ് ആദ്യ മത്സരം. ജൂൺ മൂന്നിനാണ് ഈ വർഷത്തെ ഐപിഎൽ ചാമ്പ്യൻ ആരാണെന്ന് അറിയാൻ സാധിക്കുക.
ഐ.പി.എൽ മത്സരങ്ങൾ പുനരാരംഭിക്കും; ഡൽഹി – പഞ്ചാബ് മത്സരം വീണ്ടും നടത്തും
വെടിനിർത്തൽ ധാരണയായതിനെ തുടർന്ന് ഐ.പി.എൽ മത്സരങ്ങൾ പുനരാരംഭിക്കാൻ ബി.സി.സി.ഐ തീരുമാനിച്ചു. ഇന്ത്യ-പാക് സംഘർഷം മൂലം ഉപേക്ഷിച്ച പഞ്ചാബ് ഡൽഹി മത്സരം വീണ്ടും നടത്തും. മേയ് 15 അല്ലെങ്കിൽ 16 തീയതികളിൽ മത്സരങ്ങൾ പുനരാരംഭിക്കാനാണ് സാധ്യത.
ഐപിഎൽ പുനരാരംഭം: ബിസിസിഐയുടെ നിർണ്ണായക ചർച്ച ഉടൻ
അതിർത്തിയിൽ വെടിനിർത്തൽ പ്രഖ്യാപിച്ച സാഹചര്യത്തിൽ ഐപിഎൽ പുനരാരംഭിക്കുന്നതിനെക്കുറിച്ച് ബിസിസിഐ ചർച്ചകൾ നടത്തും. ബിസിസിഐ വൈസ് പ്രസിഡന്റ് രാജീവ് ശുക്ലയാണ് ഇക്കാര്യം അറിയിച്ചത്. ഞായറാഴ്ച നടക്കുന്ന ചർച്ചയിൽ അന്തിമ തീരുമാനമുണ്ടാകും.
സുരക്ഷ കണക്കിലെടുത്ത് ഐപിഎൽ നിർത്തിവെച്ച് ബിസിസിഐ
രാജ്യസുരക്ഷ കണക്കിലെടുത്ത് ഐപിഎൽ താൽക്കാലികമായി നിർത്തിവയ്ക്കാൻ ബിസിസിഐ തീരുമാനിച്ചു. കളിക്കാരുടെയും ടീം ഉടമകളുടെയും സുരക്ഷ ഉറപ്പാക്കുക എന്നതാണ് പ്രധാന ലക്ഷ്യം. ഈ വിഷയത്തിൽ ബിസിസിഐ അതീവ ഗൗരവത്തോടെയാണ് കാര്യങ്ങൾ കൈകാര്യം ചെയ്യുന്നത്.
അതിർത്തിയിലെ സംഘർഷം: ഐപിഎൽ മത്സരങ്ങൾ അനിശ്ചിതമായി നിർത്തിവെച്ചു
അതിർത്തിയിലെ സംഘർഷാവസ്ഥയെ തുടർന്ന് ഐപിഎൽ മത്സരങ്ങൾ അനിശ്ചിതമായി നിർത്തിവെക്കാൻ ബിസിസിഐ തീരുമാനിച്ചു. സുരക്ഷാ കാരണങ്ങളാൽ മത്സരങ്ങൾ നടത്താൻ സാധിക്കാത്ത സാഹചര്യമാണുള്ളതെന്ന് ബിസിസിഐ അറിയിച്ചു. ജമ്മുവിൽ ഷെല്ലാക്രമണത്തെ തുടർന്ന് 100 ഓളം കുടുംബങ്ങളെ മാറ്റിപ്പാർപ്പിച്ചു.
അതിർത്തിയിലെ സംഘർഷം: ഐപിഎൽ മത്സരങ്ങൾ ഉപേക്ഷിക്കുമോ? ബിസിസിഐയുടെ തീരുമാനം ഉടൻ
അതിർത്തിയിലെ സംഘർഷങ്ങളുടെ പശ്ചാത്തലത്തിൽ ഐപിഎൽ മത്സരങ്ങൾ ഉപേക്ഷിക്കുമോയെന്ന് ക്രിക്കറ്റ് ലോകം ഉറ്റുനോക്കുന്നു. സുരക്ഷാ കാരണങ്ങളാൽ ധരംശാലയിലെ മത്സരം ഉപേക്ഷിച്ചിരുന്നു. ബിസിസിഐയുടെ തീരുമാനം ഉടൻ ഉണ്ടാകും.
സുരക്ഷാ ഭീഷണിയെ തുടർന്ന് ധരംശാലയിലെ ഐപിഎൽ മത്സരം ഉപേക്ഷിച്ചു; വേദി മാറ്റാൻ തീരുമാനം
ജമ്മുവിൽ പാക് പ്രകോപനമുണ്ടായതിനെ തുടർന്ന് ധരംശാലയിൽ നടക്കാനിരുന്ന ഐപിഎൽ മത്സരം ഉപേക്ഷിച്ചു. മെയ് 11-ന് നടക്കാനിരുന്ന പഞ്ചാബ് കിംഗ്സ് - മുംബൈ ഇന്ത്യൻസ് മത്സരം അഹമ്മദാബാദിലേക്ക് മാറ്റി. രാജ്യത്ത് ഓപ്പറേഷൻ സിന്ദൂരിന് പിന്നാലെ ജാഗ്രതാ നിർദ്ദേശം നൽകിയതാണ് വേദി മാറ്റാനുള്ള കാരണം.