INDIA
വിൻഡീസിനെ തകർത്ത് ഇന്ത്യ; പരമ്പര തൂത്തുവാരി
വെസ്റ്റിൻഡീസിനെതിരായ രണ്ടാം ക്രിക്കറ്റ് ടെസ്റ്റിൽ ഇന്ത്യയ്ക്ക് 7 വിക്കറ്റിന്റെ തകർപ്പൻ ജയം. കരീബിയൻസ് ഉയർത്തിയ 121 റൺസ് വിജയലക്ഷ്യം മൂന്ന് വിക്കറ്റ് നഷ്ടത്തിൽ ഇന്ത്യ മറികടന്നു. ഇതോടെ രണ്ട് മത്സരങ്ങളടങ്ങിയ പരമ്പര 2-0ത്തിന് ഇന്ത്യ സ്വന്തമാക്കി.
വിൻഡീസിനെതിരെ ഇന്ത്യക്ക് ജയം ഉറപ്പിക്കാൻ 58 റൺസ് കൂടി മതി
വെസ്റ്റ് ഇൻഡീസിനെതിരായ രണ്ടാം ടെസ്റ്റിൽ ഇന്ത്യ വിജയത്തിലേക്ക് അടുക്കുന്നു. ഒമ്പത് വിക്കറ്റുകൾ ശേഷിക്കെ, 58 റൺസ് കൂടി നേടിയാൽ ഇന്ത്യക്ക് വിജയം കൈവരിക്കാനാകും. മത്സരത്തിന്റെ നാലാം ദിനം അവസാനിക്കുമ്പോൾ, ഒരു വിക്കറ്റ് നഷ്ടത്തിൽ 63 റൺസ് എന്ന നിലയിലാണ് ഇന്ത്യയുടെ രണ്ടാം ഇന്നിംഗ്സ്.
വനിതാ മാധ്യമപ്രവർത്തകർക്ക് ക്ഷണം: അമീർ ഖാൻ മുത്തഖി വീണ്ടും വാർത്താസമ്മേളനം വിളിച്ചു
അഫ്ഗാൻ വിദേശകാര്യ മന്ത്രി അമീർ ഖാൻ മുത്തഖി വീണ്ടും വാർത്താസമ്മേളനം വിളിച്ചു. വനിതാ മാധ്യമപ്രവർത്തകരെ ഒഴിവാക്കിയതിനെത്തുടർന്ന് ഉണ്ടായ പ്രതിഷേധങ്ങളെ തുടർന്നാണ് അദ്ദേഹം വീണ്ടും വാർത്താസമ്മേളനം വിളിക്കാൻ തീരുമാനിച്ചത്. ഇത്തവണത്തെ വാർത്താസമ്മേളനത്തിൽ വനിതാ മാധ്യമപ്രവർത്തകർക്കും ക്ഷണമുണ്ട്. പ്രതിഷേധങ്ങൾക്കൊടുവിലാണ് മുത്തഖി വീണ്ടും വാർത്താസമ്മേളനം വിളിച്ചത്.
വെസ്റ്റ് ഇൻഡീസിനെതിരെ ഇന്ത്യക്ക് മികച്ച തുടക്കം; ആദ്യ ദിനം 318 റൺസ്
വെസ്റ്റ് ഇൻഡീസിനെതിരായ രണ്ടാം ടെസ്റ്റിൽ ടോസ് നേടിയ ഇന്ത്യ ബാറ്റിംഗ് തിരഞ്ഞെടുക്കുകയും മികച്ച തുടക്കം കുറിക്കുകയും ചെയ്തു. ആദ്യ ദിനം അവസാനിക്കുമ്പോൾ 2 വിക്കറ്റ് നഷ്ടത്തിൽ 318 റൺസാണ് ഇന്ത്യ നേടിയത്. യശസ്വി ജയ്സ്വാൾ 173 റൺസുമായി ക്രീസിൽ തുടരുന്നു.
അഫ്ഗാനിസ്ഥാനെ ദുരുപയോഗം ചെയ്യാൻ ആരെയും അനുവദിക്കില്ല; പാകിസ്താന് മുന്നറിയിപ്പുമായി അഫ്ഗാൻ വിദേശകാര്യ മന്ത്രി
അഫ്ഗാനിസ്ഥാനെ ദുരുപയോഗം ചെയ്യാൻ ആരെയും അനുവദിക്കില്ലെന്ന് പാകിസ്താന് മുന്നറിയിപ്പ് നൽകി അഫ്ഗാൻ വിദേശകാര്യ മന്ത്രി ആമിർ ഖാൻ മുത്തഖി. ഇന്ത്യയുമായി അടുക്കാനുള്ള അഫ്ഗാൻ വിദേശകാര്യമന്ത്രിയുടെ സന്ദർശനത്തിനിടെയാണ് പാകിസ്താനെതിരെ ഇത്തരമൊരു പ്രസ്താവന നടത്തിയത്. ഡൽഹിയിൽ വിദേശകാര്യ മന്ത്രി എസ് ജയശങ്കറുമായി കൂടിക്കാഴ്ച നടത്തിയ ശേഷമാണ് മുത്തഖിയുടെ ഈ പ്രതികരണം.
അഫ്ഗാൻ വിദേശകാര്യ മന്ത്രി ഇന്ത്യയിൽ; ഉഭയകക്ഷി ബന്ധം ശക്തിപ്പെടുത്താൻ ചർച്ചകൾക്ക് സാധ്യത
അഫ്ഗാൻ വിദേശകാര്യ മന്ത്രി മൗലവി ആമിർ ഖാൻ മുത്തഖി ഇന്ത്യയിലെത്തി. ഉഭയകക്ഷി ബന്ധം ശക്തിപ്പെടുത്തുന്നതുമായി ബന്ധപ്പെട്ട ചർച്ചകളിൽ അദ്ദേഹം പങ്കെടുക്കും. 2021-ൽ താലിബാൻ അധികാരത്തിൽ തിരിച്ചെത്തിയ ശേഷം ഒരു ഉന്നത താലിബാൻ നേതാവ് ഇന്ത്യ സന്ദർശിക്കുന്നത് ഇതാദ്യമാണ്.
ഇന്ത്യ-ബ്രിട്ടൺ ബന്ധത്തിൽ പുതിയ അധ്യായമെന്ന് പ്രധാനമന്ത്രി നരേന്ദ്രമോദി
ഇന്ത്യയും ബ്രിട്ടനുമായുള്ള ബന്ധത്തിൽ പുതിയ അധ്യായം തുറന്നുവെന്ന് പ്രധാനമന്ത്രി നരേന്ദ്ര മോദി. ഇരു രാജ്യങ്ങൾക്കും സ്വതന്ത്ര വ്യാപാര കരാർ ഗുണകരമാണെന്നും ഗസ്സയിലെയും യുക്രൈനിലെയും സംഘർഷങ്ങൾ ചർച്ചാവിഷയമായെന്നും മോദി- സ്റ്റാമർ സംയുക്ത പ്രസ്താവനയിൽ അറിയിച്ചു. ഇന്ത്യയുടെ സാമ്പത്തിക വളർച്ചയെ ബ്രിട്ടീഷ് പ്രധാനമന്ത്രി പ്രശംസിച്ചു.
ഇന്ത്യ-ബ്രിട്ടൻ വ്യാപാര ചർച്ചകൾ ഇന്ന് മുംബൈയിൽ
ഇന്ത്യയും ബ്രിട്ടനും തമ്മിലുള്ള വ്യാപാര കരാർ ചർച്ചകൾ ഇന്ന് മുംബൈയിൽ നടക്കും. ബ്രിട്ടീഷ് പ്രധാനമന്ത്രി കെയർ സ്റ്റാർമറും ഇന്ത്യൻ പ്രധാനമന്ത്രി നരേന്ദ്ര മോദിയും രാജ്ഭവനിൽ വെച്ച് കൂടിക്കാഴ്ച നടത്തും. സാമ്പത്തിക സഹകരണം ശക്തിപ്പെടുത്തുന്നതിനുള്ള നടപടികൾ ചർച്ച ചെയ്യും.
കെയർ സ്റ്റാർമർ ഇന്ത്യയിൽ; പ്രധാനമന്ത്രി മോദിയുമായി നാളെ കൂടിക്കാഴ്ച
ബ്രിട്ടീഷ് പ്രധാനമന്ത്രി കെയർ സ്റ്റാർമർ ഇന്ത്യയിലെത്തി. പ്രധാനമന്ത്രി നരേന്ദ്രമോദിയുമായി അദ്ദേഹം നാളെ കൂടിക്കാഴ്ച നടത്തും. ഇന്ത്യയും ബ്രിട്ടനുമായുള്ള വ്യാപാരബന്ധം മെച്ചപ്പെടുത്തുന്നതുമായി ബന്ധപ്പെട്ട ചർച്ചകളാണ് പ്രധാന അജണ്ട.
രാജ്യത്ത് ചുമ മരുന്ന് കഴിച്ച് മരിച്ചവരുടെ എണ്ണം 17 ആയി
രാജ്യത്ത് ചുമ മരുന്ന് കഴിച്ച് മരിച്ചവരുടെ എണ്ണം 17 ആയി ഉയർന്നു. മധ്യപ്രദേശിൽ 14 കുട്ടികളും രാജസ്ഥാനിൽ മൂന്ന് കുട്ടികളുമാണ് മരിച്ചത്. സംഭവത്തെ തുടർന്ന് കേന്ദ്ര ആരോഗ്യ മന്ത്രാലയം മാർഗ്ഗനിർദ്ദേശങ്ങൾ പുറത്തിറക്കി.
എൻഐആർഎഫ് റാങ്കിംഗിൽ നെഗറ്റീവ് മാർക്കിംഗ് വരുന്നു; മാനദണ്ഡങ്ങളിൽ മാറ്റം
എൻഐആർഎഫ് റാങ്കിംഗിൽ നെഗറ്റീവ് മാർക്കിംഗ് ഏർപ്പെടുത്താൻ തീരുമാനിച്ചു. പിൻവലിക്കപ്പെട്ട ഗവേഷണ പ്രബന്ധങ്ങൾക്കും, കൃത്യമായ ഉറവിടമില്ലാത്ത പ്രബന്ധങ്ങൾക്കും, കോപ്പിയടിക്കും നെഗറ്റീവ് മാർക്ക് നൽകും. റാങ്കിംഗ് രീതി കൂടുതൽ സുതാര്യമാക്കുന്നതിന്റെ ഭാഗമായാണ് പുതിയ നടപടി.
കെയർ സ്റ്റാർമർ ഇന്ത്യയിലേക്ക്; പ്രധാനമന്ത്രിയുടെ ക്ഷണം സ്വീകരിച്ച് ഒക്ടോബറിൽ സന്ദർശനം
യുകെ പ്രധാനമന്ത്രി കെയർ സ്റ്റാർമർ ഒക്ടോബർ 8, 9 തീയതികളിൽ ഇന്ത്യ സന്ദർശിക്കും. പ്രധാനമന്ത്രി നരേന്ദ്രമോദിയുടെ ക്ഷണം സ്വീകരിച്ചാണ് സ്റ്റാർമർ ഇന്ത്യയിലെത്തുന്നത്. വ്യാപാരം, നിക്ഷേപം, സാങ്കേതികവിദ്യ തുടങ്ങിയ മേഖലകളിൽ ഇരു നേതാക്കളും ചർച്ച നടത്തും.