INDIA
പാക് പ്രകോപനം: 27 വിമാനത്താവളങ്ങളുടെ പ്രവർത്തനം നിർത്തിവെച്ചു; 400-ൽ അധികം വിമാന സർവീസുകൾ റദ്ദാക്കി
പാകിസ്താൻ ഭീകരവാദികളുടെ കേന്ദ്രങ്ങൾ തകർത്ത ഓപ്പറേഷന് സിന്ദൂറിന് പിന്നാലെ രാജ്യത്ത് അതീവ ജാഗ്രത. 27 വിമാനത്താവളങ്ങളുടെ പ്രവർത്തനം നിർത്തിവെച്ചു, 400-ൽ അധികം വിമാന സർവീസുകൾ റദ്ദാക്കി. സുരക്ഷ ശക്തമാക്കുന്നതിൻ്റെ ഭാഗമായി അമൃത്സർ വിമാനത്താവളം അനിശ്ചിതകാലത്തേക്ക് അടച്ചു.
ഇന്ത്യയും പാകിസ്താനും സംയമനം പാലിക്കണമെന്ന് യുക്രൈൻ; സഹായം വാഗ്ദാനം ചെയ്ത് ട്രംപ്
ഇന്ത്യയും പാകിസ്താനും സംയമനം പാലിക്കണമെന്ന് യുക്രൈൻ വിദേശകാര്യ മന്ത്രാലയം ആവശ്യപ്പെട്ടു. നയതന്ത്ര ചർച്ചകൾ തുടരാൻ യുക്രൈൻ അഭ്യർത്ഥിച്ചു. സംഘർഷം അവസാനിപ്പിക്കാൻ എന്ത് സഹായവും ചെയ്യാമെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ് പ്രതികരിച്ചു.
ഇന്ത്യയും പാകിസ്താനും സുരക്ഷാ ഉപദേഷ്ടാക്കൾ ചർച്ച നടത്തിയെന്ന് പാക് വാദം; സ്ഥിരീകരിക്കാതെ ഇന്ത്യ
ഇന്ത്യയുടെയും പാകിസ്താന്റെയും സുരക്ഷാ ഉപദേഷ്ടാക്കൾ തമ്മിൽ കൂടിക്കാഴ്ച നടത്തിയെന്ന് പാകിസ്താന്റെ അവകാശവാദം. പാക് സുരക്ഷാ ഉപദേഷ്ടാവ് അസിം മാലിക്, അജിത് ഡോവലുമായി സംസാരിച്ചെന്നാണ് പാകിസ്താന്റെ വാദം. എന്നാൽ, ഇക്കാര്യത്തിൽ ഇന്ത്യ ഔദ്യോഗികമായി പ്രതികരിച്ചിട്ടില്ല.
ഇറാൻ വിദേശകാര്യ മന്ത്രി ഇന്ത്യയിൽ; നിർണായക കൂടിക്കാഴ്ചകൾ ഇന്ന്
ഇറാൻ വിദേശകാര്യ മന്ത്രി ഡോ. അബ്ബാസ് അറാഗ്ചി ഇന്ത്യയിലെത്തി. രണ്ട് ദിവസത്തെ ഔദ്യോഗിക സന്ദർശനത്തിനാണ് അദ്ദേഹം എത്തിയത്. ഇന്ത്യ-പാക്കിസ്ഥാൻ സംഘർഷങ്ങൾക്കിടെയാണ് സന്ദർശനം നടത്തുന്നത്.
സിബിഐ ഡയറക്ടർ പ്രവീൺ സൂദിന്റെ കാലാവധി നീട്ടി
സിബിഐ ഡയറക്ടർ പ്രവീൺ സൂദിന്റെ കാലാവധി നീട്ടി. പുതിയ ഡയറക്ടറെ നിയമിക്കുന്ന കാര്യത്തിൽ സമവായം ആകാത്തതിനെ തുടർന്നാണ് നിലവിലെ ഡയറക്ടർക്ക് തന്നെ നിയമനം നീട്ടി നൽകിയത്. പ്രധാനമന്ത്രിയും പ്രതിപക്ഷ നേതാവും സുപ്രീം കോടതി ചീഫ് ജസ്റ്റിസും അടങ്ങിയ സമിതിക്ക് പുതിയ ഡയറക്ടറെ തിരഞ്ഞെടുക്കുന്നതിൽ തീരുമാനത്തിലെത്താൻ സാധിക്കാത്തതാണ് കാരണം.
ഇന്ത്യയുടെ തിരിച്ചടിയിൽ ലോകരാജ്യങ്ങളുടെ പ്രതികരണം
പഹൽഗാം ഭീകരാക്രമണത്തിന് ഇന്ത്യ നൽകിയ തിരിച്ചടിയെക്കുറിച്ച് ലോകരാജ്യങ്ങൾ പ്രതികരിക്കുന്നു. യുഎസ് പ്രസിഡന്റ് ഡൊണാൾഡ് ട്രംപിന്റെ പ്രതികരണവും, ഐക്യരാഷ്ട്രസഭ സെക്രട്ടറി ജനറലിന്റെ അഭ്യർത്ഥനയും ചൈനയുടെ ആശങ്കയുമെല്ലാം ഇതിൽ ഉൾപ്പെടുന്നു. മേഖലയിൽ സമാധാനം പുനഃസ്ഥാപിക്കാൻ ലക്ഷ്യമിട്ടുള്ള നയതന്ത്ര ശ്രമങ്ങൾ തുടരുകയാണ്.
ഓപ്പറേഷൻ സിന്ദൂറിന് ശേഷം പാകിസ്താൻ ഓഹരി വിപണിയിൽ ഇടിവ്; സൈന്യത്തിന് പൂർണ്ണ അധികാരം നൽകി ഷെഹ്ബാസ് ഷെരീഫ്
ഇന്ത്യയുടെ ഓപ്പറേഷൻ സിന്ദൂരിന് ശേഷം പാകിസ്താൻ ഓഹരി വിപണിയിൽ ഇടിവ് സംഭവിച്ചു. കറാച്ചി സ്റ്റോക്ക് എക്സ്ചേഞ്ച് ഏകദേശം 5.5 ശതമാനം വരെ തകർച്ച നേരിട്ടു. ഇതിനു പിന്നാലെ പാക് പ്രധാനമന്ത്രി ഷെഹ്ബാസ് ഷെരീഫ്, ഇന്ത്യയ്ക്കെതിരായ ഏത് നടപടിയ്ക്കും സൈന്യത്തിന് പൂർണ്ണ അധികാരം നൽകി..
ഇന്ത്യക്കെതിരെ നീക്കത്തിന് അനുമതി നൽകി പാക് സൈന്യം; രാജ്യത്ത് റെഡ് അലർട്ട് പ്രഖ്യാപിച്ചു
ഇന്ത്യയ്ക്കെതിരായ ഏത് നടപടിയും സ്വീകരിക്കാൻ പാക് സൈന്യത്തിന് പൂർണ്ണ അധികാരം നൽകി പാക് പ്രധാനമന്ത്രി. ഇതിന് പിന്നാലെ രാജ്യത്ത് റെഡ് അലർട്ട് പ്രഖ്യാപിച്ചു. അടിയന്തര സാഹചര്യങ്ങൾ നേരിടാൻ ആശുപത്രികൾക്ക് സർക്കാർ നിർദ്ദേശം നൽകി.
പഹൽഗാം ആക്രമണം: ഇന്ത്യയുടെ തിരിച്ചടിയിൽ തകർന്നത് ഭീകരരുടെ ഒൻപത് കേന്ദ്രങ്ങൾ
പഹൽഗാം ഭീകരാക്രമണത്തിന് ഇന്ത്യ നൽകിയ തിരിച്ചടിയിൽ ഒൻപത് ഭീകര കേന്ദ്രങ്ങൾ തകർന്നു. 24 മിസൈലുകൾ ഉപയോഗിച്ച് 25 മിനിറ്റിനുള്ളിലാണ് സൈന്യം ലക്ഷ്യം കണ്ടത്. അജ്മൽ കസബ്, ഡേവിഡ് കോൾമാൻ ഹെഡ്ലി എന്നിവരുൾപ്പെടെയുള്ളവർ പരിശീലനം നേടിയ ഭീകര കേന്ദ്രങ്ങളും തകർക്കപ്പെട്ടവയിൽ ഉൾപ്പെടുന്നു.
ഇന്ത്യ ആക്രമണം നിർത്തിയാൽ പിന്മാറാമെന്ന് പാകിസ്താൻ
ഇന്ത്യ ആക്രമണം അവസാനിപ്പിച്ചാൽ പ്രത്യാക്രമണം നടത്തില്ലെന്ന് പാകിസ്താൻ പ്രതിരോധമന്ത്രി ഖ്വാജ ആസിഫ് അറിയിച്ചു. സംഘർഷം ഒഴിവാക്കാൻ ഇന്ത്യ മുൻകൈയെടുത്ത് പിന്മാറുകയാണെങ്കിൽ പാകിസ്താനും അതിന് തയ്യാറാണെന്ന് അദ്ദേഹം വ്യക്തമാക്കി. ഇന്ത്യൻ സൈന്യം ആരെയും തടവിലാക്കിയിട്ടില്ലെന്നും പാക് പ്രതിരോധമന്ത്രി അറിയിച്ചു.
പഹൽഗാം ആക്രമണം; ഇന്ത്യയ്ക്ക് പിന്തുണയുമായി ഖത്തർ, പ്രധാനമന്ത്രി മോദി അമീറുമായി സംസാരിച്ചു
പഹൽഗാം ഭീകരാക്രമണത്തിന് പിന്നാലെ ഇന്ത്യയ്ക്ക് പിന്തുണ അറിയിച്ച് ഖത്തർ രംഗത്ത് എത്തി. ഖത്തർ അമീർ ഷെയ്ഖ് തമീം ബിൻ ഹമദ് അൽതാനിയുമായി പ്രധാനമന്ത്രി നരേന്ദ്രമോദി സംസാരിച്ചു. ഭീകരവാദത്തിനെതിരായ പ്രവർത്തനങ്ങളിൽ ഇന്ത്യക്കൊപ്പമെന്ന് ഖത്തർ അമീർ പ്രതികരിച്ചു.
സിന്ധു നദീജല കരാർ: ഇന്ത്യയുടെ ജലം ഇന്ത്യയുടെ നേട്ടത്തിനായി ഉപയോഗിക്കും – പ്രധാനമന്ത്രി മോദി
സിന്ധു നദീജല കരാർ മരവിപ്പിച്ചതിന് പിന്നാലെ പ്രധാനമന്ത്രി നരേന്ദ്ര മോദി പ്രതികരിച്ചു. ഇന്ത്യയുടെ ജലസ്രോതസ്സുകൾ രാജ്യത്തിന്റെ താൽപര്യങ്ങൾക്കനുസൃതമായി ഉപയോഗിക്കുമെന്ന് അദ്ദേഹം പറഞ്ഞു. പഹൽഗാമിലെ ഭീകരാക്രമണത്തിന്റെ പശ്ചാത്തലത്തിലാണ് കരാർ മരവിപ്പിച്ചത്.