INDIA
ഇന്ത്യയ്ക്കെതിരെ 130 ആണവായുധങ്ങളുമായി പാകിസ്ഥാൻ; യുദ്ധഭീഷണി മുഴക്കി മന്ത്രി
ഇന്ത്യയെ ലക്ഷ്യം വച്ചുകൊണ്ട് 130 ആണവായുധങ്ങളും മിസൈലുകളും പാകിസ്ഥാൻ സൂക്ഷിച്ചിട്ടുണ്ടെന്ന് പാക് മന്ത്രി ഹനീഫ് അബ്ബാസി. സിന്ധു നദീജല കരാർ ലംഘിച്ച് ഇന്ത്യ പാകിസ്ഥാനിലെ ജലവിതരണം തടസ്സപ്പെടുത്തിയാൽ പൂർണ തോതിലുള്ള യുദ്ധത്തിന് തയ്യാറാകണമെന്നും മുന്നറിയിപ്പ്. ഇന്ത്യൻ വിമാനങ്ങൾക്ക് വ്യോമാതിർത്തി അടച്ചിട്ടതിനെത്തുടർന്ന് ഇന്ത്യൻ വിമാന കമ്പനികൾക്ക് വലിയ നഷ്ടമുണ്ടാകുമെന്നും അദ്ദേഹം പറഞ്ഞു.
പഹൽഗാം ആക്രമണം: ഇന്ത്യയ്ക്ക് പിന്തുണയുമായി എഫ്ബിഐ
പഹൽഗാം ഭീകരാക്രമണത്തിൽ ഇന്ത്യയ്ക്ക് പൂർണ്ണ പിന്തുണ പ്രഖ്യാപിച്ച് എഫ്ബിഐ ഡയറക്ടർ കാഷ് പട്ടേൽ. ഭീകരതയ്ക്കെതിരായ പോരാട്ടത്തിൽ ഇന്ത്യയ്ക്കൊപ്പം ഉറച്ചുനിൽക്കുമെന്ന് അദ്ദേഹം ഉറപ്പുനൽകി. ഈ ഭീകരാക്രമണം ലോകം ഭീകരതയിൽ നിന്ന് നേരിടുന്ന ഭീഷണിയുടെ ഓർമ്മപ്പെടുത്തലാണെന്നും അദ്ദേഹം പറഞ്ഞു.
പാക് പൗരന്മാരുടെ വിസ കാലാവധി അവസാനിക്കുന്നു; തിരിച്ചയക്കാൻ നിർദേശം
ഇന്ത്യയിലെ പാകിസ്ഥാൻ പൗരന്മാരുടെ വിസ കാലാവധി ഇന്ന് അവസാനിക്കും. രാജ്യത്ത് തങ്ങുന്ന പാകിസ്ഥാൻ പൗരന്മാരെ എത്രയും വേഗം തിരികെ അയക്കാൻ സംസ്ഥാനങ്ങൾക്ക് നിർദ്ദേശം. പഹൽഗാം ഭീകരാക്രമണത്തിന് പിന്നാലെയാണ് നടപടി.
സാംസങ് ഗാലക്സി എം56 ഫൈവ് ജി ഇന്ത്യയിൽ; വില 27,999 രൂപ മുതൽ
ഇന്ത്യയിലെ ഏറ്റവും സ്ലിം ആയ ഫോണെന്ന വിശേഷണവുമായി സാംസങ് ഗാലക്സി എം56 ഫൈവ് ജി. 7.2 എംഎം കനം മാത്രമുള്ള ഫോണിൽ 6.7 ഇഞ്ച് സൂപ്പർ അമോലെഡ് ഡിസ്പ്ലേ, എക്സിനോസ് 1480 പ്രോസസർ, ട്രിപ്പിൾ റിയർ ക്യാമറ എന്നിവയുണ്ട്. 27,999 രൂപ മുതലാണ് വില.
പാകിസ്ഥാൻ പൗരന്മാർക്ക് രാജ്യം വിടാൻ നോട്ടീസ്
പഹൽഗാം ഭീകരാക്രമണത്തിന്റെ പശ്ചാത്തലത്തിൽ കോഴിക്കോട് താമസിക്കുന്ന നാല് പാകിസ്ഥാൻ പൗരന്മാർക്ക് രാജ്യം വിടാൻ പോലീസ് നോട്ടീസ് നൽകി. ലോങ്ങ് ടേം വിസയുള്ള നാല് പേർക്കാണ് നോട്ടീസ്. കേന്ദ്ര സർക്കാരിന്റെ നിർദ്ദേശപ്രകാരമാണ് നടപടി.
ഇന്ത്യൻ കാർ വിപണിയിലേക്ക് ലീപ്മോട്ടോർ
ജീപ്പിന്റെയും സിട്രണിന്റെയും മാതൃകമ്പനിയായ സ്റ്റെല്ലാന്റിസിന്റെ സബ്-ബ്രാൻഡാണ് ലീപ്മോട്ടോർ. ഇന്ത്യൻ വിപണിയിലേക്ക് ലീപ്മോട്ടോർ കടന്നുവരുന്നു. T03, B10, C10, C10 റീവ് എന്നിങ്ങനെ നാല് ഇലക്ട്രിക് കാറുകളാണ് ലീപ്മോട്ടറിനുള്ളത്.
പഹൽഗാം ആക്രമണം: നിഷ്പക്ഷ അന്വേഷണത്തോട് സഹകരിക്കുമെന്ന് പാകിസ്ഥാൻ
പഹൽഗാം ആക്രമണത്തിൽ നിഷ്പക്ഷ അന്വേഷണത്തോട് സഹകരിക്കുമെന്ന് പാകിസ്ഥാൻ പ്രധാനമന്ത്രി ഷഹബാസ് ഷരീഫ്. ആക്രമണത്തിൽ പാകിസ്ഥാന് പങ്കില്ലെന്നും അദ്ദേഹം അവകാശപ്പെട്ടു. എന്നാൽ, ഇന്ത്യയ്ക്കെതിരെ യുദ്ധഭീഷണി മുഴക്കി ബിലാവൽ ഭൂട്ടോ രംഗത്ത്.
ഇന്ത്യക്കെതിരെ പാകിസ്ഥാൻ സെനറ്റിന്റെ പ്രമേയം
പഹൽഗാം ആക്രമണത്തിൽ ഇന്ത്യ ഉന്നയിച്ച ആരോപണങ്ങൾ അടിസ്ഥാനരഹിതമാണെന്ന് പാകിസ്ഥാൻ സെനറ്റ് പ്രമേയം പാസാക്കി. ഏതെങ്കിലും തരത്തിലുള്ള ആക്രമണ ശ്രമങ്ങളെ ശക്തമായി തിരിച്ചടിക്കുമെന്ന് പാകിസ്ഥാൻ മുന്നറിയിപ്പ് നൽകി. കശ്മീരി ജനതയ്ക്ക് പാകിസ്ഥാന്റെ പൂർണ്ണ പിന്തുണ പ്രമേയത്തിലൂടെ ആവർത്തിച്ചു.
സിന്ധു നദീജല കരാർ മരവിപ്പിച്ചതായി ഇന്ത്യ പാകിസ്ഥാനെ അറിയിച്ചു
പാകിസ്ഥാനുമായുള്ള സിന്ധു നദീജല കരാർ മരവിപ്പിച്ചതായി ഇന്ത്യ ഔദ്യോഗികമായി അറിയിച്ചു. പഹൽഗാമിലെ ഭീകരാക്രമണത്തിന് പിന്നാലെയാണ് ഈ നടപടി. ഈ തീരുമാനം അംഗീകരിക്കാനാവില്ലെന്ന് പാകിസ്ഥാൻ പ്രതികരിച്ചു.
പിഎസ്എൽ സംപ്രേഷണം ഇന്ത്യയിൽ വിലക്ക്; ഫാൻകോഡ് നടപടി പഹൽഗാം ഭീകരാക്രമണത്തിന് പിന്നാലെ
പാകിസ്ഥാൻ സൂപ്പർ ലീഗ് മത്സരങ്ങളുടെ സംപ്രേഷണം ഇന്ത്യയിൽ വിലക്കി. പഹൽഗാം ഭീകരാക്രമണത്തെ തുടർന്നാണ് ഫാൻകോഡ് നടപടി സ്വീകരിച്ചത്. പ്ലാറ്റ്ഫോമിൽ നിന്ന് പിഎസ്എല്ലിന്റെ എല്ലാ ഉള്ളടക്കങ്ങളും നീക്കം ചെയ്തു.
പാകിസ്താനെതിരെ കടുത്ത നടപടിയുമായി ഇന്ത്യ; ലോകരാജ്യങ്ങളെ വിവരമറിയിച്ചു
പഹൽഗാം ഭീകരാക്രമണത്തിന് പിന്നാലെ പാകിസ്താനെതിരെ കടുത്ത നടപടികളുമായി ഇന്ത്യ. വിവിധ രാജ്യങ്ങളുടെ സ്ഥാനപതികളെ വിദേശകാര്യ മന്ത്രാലയം വിവരമറിയിച്ചു. പാകിസ്താൻ പൗരന്മാർക്ക് വിസ നൽകുന്നത് നിർത്തിവച്ചു.
ഇന്ത്യക്കാർക്ക് 48 മണിക്കൂർ; വാഗ അതിർത്തി അടച്ച് പാകിസ്താൻ
ഇന്ത്യയുമായുള്ള നയതന്ത്ര ബന്ധം വഷളായതിനെ തുടർന്ന് പാകിസ്താൻ വാഗ അതിർത്തി അടച്ചു. 48 മണിക്കൂറിനുള്ളിൽ ഇന്ത്യക്കാർ പാകിസ്താൻ വിടണമെന്ന് നിർദേശം. ഇന്ത്യൻ വിമാനങ്ങൾക്കുള്ള വ്യോമപാതയും പാകിസ്താൻ അടച്ചു.