India-Pakistan
നിയന്ത്രണ രേഖയിൽ പാകിസ്ഥാന്റെ വെടിവയ്പ്പ് തുടരുന്നു; 12 ദിവസമായി വെടിനിർത്തൽ ലംഘനം
പന്ത്രണ്ടാം ദിവസവും നിയന്ത്രണ രേഖയിൽ പാകിസ്ഥാൻ വെടിവയ്പ്പ് തുടരുന്നു. ഇന്ത്യൻ പോസ്റ്റുകൾക്ക് നേരെയാണ് വെടിവയ്പ്പ് നടന്നത്. ഉചിതമായ തിരിച്ചടി നൽകിയതായി ഇന്ത്യൻ സൈന്യം അറിയിച്ചു.
പാക് പ്രചാരണം പൊളിഞ്ഞു; ഇന്ത്യൻ സൈനിക ഉദ്യോഗസ്ഥർക്ക് സ്ഥാനക്കയറ്റം
പാകിസ്താന്റെ വ്യാജ പ്രചാരണങ്ങൾക്ക് ഇന്ത്യ മറുപടി നൽകി. ഇന്ത്യൻ സൈനിക ഉദ്യോഗസ്ഥരെ യുദ്ധത്തിന് മടി കാണിച്ചതിന് പുറത്താക്കിയെന്ന പാകിസ്താന്റെ വാദം ഇന്ത്യ തള്ളിക്കളഞ്ഞു. ചില ഉദ്യോഗസ്ഥർക്ക് സ്ഥാനക്കയറ്റവും മറ്റുള്ളവർ വിരമിച്ചവരുമാണെന്ന് ഇന്ത്യ വ്യക്തമാക്കി.
നിയന്ത്രണ രേഖയിൽ വെടിവെപ്പ്: ഇന്ത്യ ശക്തമായി തിരിച്ചടിച്ചു
നിയന്ത്രണ രേഖയിൽ പാകിസ്താൻ വെടിവെപ്പ് തുടരുന്നു. ഇന്ത്യ ശക്തമായി തിരിച്ചടിച്ചതായി റിപ്പോർട്ട്. ഇന്ത്യൻ വ്യോമാതിർത്തിയിൽ പാകിസ്താൻ വിമാനങ്ങൾക്ക് വിലക്ക്.
പ്രധാനമന്ത്രിയുടെ വസതിയിൽ ഉന്നതതല സുരക്ഷാ യോഗം
പഹൽഗാം ഭീകരാക്രമണത്തിന്റെ പശ്ചാത്തലത്തിൽ പ്രധാനമന്ത്രിയുടെ വസതിയിൽ ഉന്നതതല സുരക്ഷാ യോഗം ചേർന്നു. വിദേശകാര്യ മന്ത്രി എസ്. ജയശങ്കർ, ദേശീയ സുരക്ഷാ ഉപദേഷ്ടാവ് അജിത് ഡോവൽ, കരസേനാ മേധാവി എന്നിവർ യോഗത്തിൽ പങ്കെടുത്തു. പാകിസ്താനെതിരെ കടുത്ത നടപടികൾ സ്വീകരിക്കാൻ യോഗത്തിൽ തീരുമാനിച്ചു.
പഹൽഗാം ആക്രമണം: കേന്ദ്ര മന്ത്രിസഭ ഇന്ന് നിർണായക യോഗം ചേരും
പഹൽഗാം ഭീകരാക്രമണത്തിന് പിന്നാലെ ഇന്ന് കേന്ദ്ര മന്ത്രിസഭാ സമിതിയുടെ നിർണായക യോഗം ചേരും. സുരക്ഷാ കാര്യങ്ങൾ വിലയിരുത്തുന്നതിനും പാകിസ്താനെതിരായ തുടർനടപടികൾ ചർച്ച ചെയ്യുന്നതിനുമാണ് യോഗം. രാവിലെ 11 മണിക്ക് പ്രധാനമന്ത്രിയുടെ അധ്യക്ഷതയിലാണ് യോഗം.
പാകിസ്താൻ തെമ്മാടി രാഷ്ട്രം; പഹൽഗാം ആക്രമണത്തിൽ ഐക്യരാഷ്ട്രസഭയിൽ ഇന്ത്യയുടെ രൂക്ഷ വിമർശനം
പഹൽഗാം ഭീകരാക്രമണത്തിൽ പാകിസ്താനെതിരെ ഐക്യരാഷ്ട്രസഭയിൽ ഇന്ത്യ രൂക്ഷ വിമർശനം ഉന്നയിച്ചു. ഭീകരതയെ പിന്തുണയ്ക്കുന്ന തെമ്മാടി രാഷ്ട്രമാണ് പാകിസ്താൻ എന്ന് ഇന്ത്യയുടെ സ്ഥിരം പ്രതിനിധി യോജ്ന പട്ടേൽ കുറ്റപ്പെടുത്തി. ഭീകരവാദത്തിന് പാകിസ്താൻ വളവും വെള്ളവും നൽകുന്നുവെന്നും അവർ ആരോപിച്ചു.
ഇന്ത്യൻ ആക്രമണം ആസന്നമെന്ന് പാകിസ്ഥാൻ പ്രതിരോധ മന്ത്രി
ഇന്ത്യൻ ആക്രമണം ആസന്നമാണെന്ന് പാകിസ്ഥാൻ പ്രതിരോധ മന്ത്രി ഖവാജ മുഹമ്മദ് ആസിഫ് പറഞ്ഞു. റോയിട്ടേഴ്സിന് നൽകിയ അഭിമുഖത്തിലാണ് അദ്ദേഹം ഇക്കാര്യം വെളിപ്പെടുത്തിയത്. ഫിസ ഇ ബദർ എന്ന പേരിൽ വ്യോമാഭ്യാസം പ്രഖ്യാപിച്ചതായും മന്ത്രി അറിയിച്ചു.
പഹൽഗാം ഭീകരാക്രമണത്തിന് പിന്നാലെ പാകിസ്താനു പിന്തുണ പ്രഖ്യാപിച്ച് ചൈന
പഹൽഗാം ഭീകരാക്രമണത്തിന് പിന്നാലെ പാകിസ്താനു പിന്തുണ പ്രഖ്യാപിച്ച് ചൈന. പാകിസ്താന്റെ പരമാധികാരവും സുരക്ഷയും സംരക്ഷിക്കാൻ സഹായിക്കുമെന്ന് ചൈനീസ് വിദേശകാര്യ മന്ത്രി പാകിസ്താൻ വിദേശകാര്യ മന്ത്രിക്കു ഉറപ്പുനൽകി. പഹൽഗാം ആക്രമണത്തിൽ നിഷ്പക്ഷമായ അന്വേഷണത്തെ പിന്തുണയ്ക്കുന്നതായും ചൈന അറിയിച്ചു.
പഹൽഗാം ആക്രമണം: സിന്ധു നദി ഉടമ്പടി ഉയർത്തിക്കാട്ടി പാകിസ്ഥാൻ ഇന്ത്യയ്ക്ക് ഭീഷണി
പഹൽഗാം ഭീകരാക്രമണത്തിന് പിന്നാലെ ഇന്ത്യയ്ക്ക് ഭീഷണിയുമായി പാകിസ്താൻ. സിന്ധു നദി പാകിസ്താന്റെതാണെന്നും വെള്ളം നൽകിയില്ലെങ്കിൽ ഇന്ത്യയുടെ രക്തം ചിന്തിക്കുമെന്നുമാണ് ബിലാവൽ ഭൂട്ടോയുടെ ഭീഷണി. ആഭ്യന്തര സുരക്ഷാ വീഴ്ച മറയ്ക്കാനാണ് ഇന്ത്യ പാകിസ്ഥാനെതിരെ വ്യാജ ആരോപണം ഉന്നയിക്കുന്നതെന്നും ബിലാവൽ കുറ്റപ്പെടുത്തി.
ഇന്ത്യ-പാക് സംഘർഷം: മധ്യസ്ഥതയുമായി ഇറാൻ
പഹൽഗാം ഭീകരാക്രമണത്തിന് പിന്നാലെ വഷളായ ഇന്ത്യ-പാക് ബന്ധത്തിൽ മധ്യസ്ഥത വഹിക്കാൻ ഇറാൻ തയ്യാറാണെന്ന് അറിയിച്ചു. ഇരു രാജ്യങ്ങളും തങ്ങളുടെ സഹോദര രാജ്യങ്ങളാണെന്നും മേഖലയിൽ സമാധാനം നിലനിർത്തേണ്ടത് പ്രധാനമാണെന്നും ഇറാൻ വിദേശകാര്യ മന്ത്രി പറഞ്ഞു. മറ്റ് അയൽക്കാരെക്കാൾ പ്രാധാന്യത്തോടെയാണ് ഇറാൻ ഇരു രാജ്യങ്ങളെയും കാണുന്നതെന്നും അദ്ദേഹം കൂട്ടിച്ചേർത്തു.
പഹൽഗാം ആക്രമണം: ഇന്ത്യൻ ഹൈക്കമ്മീഷന് മുന്നിൽ പ്രതിഷേധം
പഹൽഗാം ആക്രമണത്തിന് പിന്നാലെ ഇസ്ലാമാബാദിലെ ഇന്ത്യൻ ഹൈക്കമ്മീഷന് മുന്നിൽ പ്രതിഷേധം. ഇന്ത്യാവിരുദ്ധ മുദ്രാവാക്യങ്ങൾ മുഴക്കിയ പ്രതിഷേധക്കാരെ സുരക്ഷാസേന തടഞ്ഞു. ഡൽഹിയിലെ പാകിസ്താൻ ഹൈക്കമ്മീഷന് മുന്നിലും പ്രതിഷേധം നടന്നു.
സിന്ധുനദീജല കരാർ മരവിപ്പിക്കൽ: ഇന്ത്യയുടെ നടപടി അപക്വമെന്ന് പാകിസ്താൻ
പഹൽഗാം ഭീകരാക്രമണത്തിന് പിന്നാലെ ഇന്ത്യ സിന്ധു നദീജല കരാർ മരവിപ്പിച്ച നടപടി അപക്വമാണെന്ന് പാകിസ്താൻ. ഇന്ത്യയുടെ നടപടി ഭീരുത്വപരവും ജലയുദ്ധത്തിന് തുല്യമാണെന്നും പാകിസ്താൻ ഊർജ്ജ മന്ത്രി അവൈസ് ലെഗാരി പറഞ്ഞു. സിന്ധു നദിയിലെ ഓരോ തുള്ളി വെള്ളത്തിലും പാകിസ്ഥാന് അവകാശമുണ്ടെന്നും അത് സംരക്ഷിക്കുമെന്നും അദ്ദേഹം കൂട്ടിച്ചേർത്തു.