idukki
വാഹനമില്ലാത്തതിനാൽ ആദിവാസി സ്ത്രീയെ 5 കിലോമീറ്റർ ചുമന്നുപോയി
ഇടുക്കി വട്ടവടയിൽ വാഹന സൗകര്യമില്ലാത്തതിനാൽ ആദിവാസി സ്ത്രീയെ 5 കിലോമീറ്ററിലധികം ദൂരം ചുമന്ന് ആശുപത്രിയിലെത്തിച്ചു. വട്ടവടയേയും കാന്തല്ലൂരുമായി ബന്ധിപ്പിക്കുന്ന പാതക്ക് വനംവകുപ്പ് തടസ്സം നിൽക്കുന്നതാണ് ഇതിന് കാരണമെന്ന് നാട്ടുകാർ പറയുന്നു. 14 കിലോമീറ്റർ പാത നിർമ്മിച്ചാൽ വത്സപ്പെട്ടിക്കുടിയിലെ ആളുകൾക്ക് ഉപകാരപ്രദമാകും.
ഇടുക്കി വാഗമൺ റോഡിൽ കൊക്കയിൽ വീണ് വിനോദസഞ്ചാരി മരിച്ചു
ഇടുക്കി വാഗമൺ റോഡിൽ വിനോദസഞ്ചാരി കൊക്കയിൽ വീണു മരിച്ചു. എറണാകുളം സ്വദേശി തോബിയാസാണ് മരിച്ചത്. സുഹൃത്തുക്കൾ വിവരമറിയിച്ചതിനെ തുടർന്ന് ഫയർഫോഴ്സ് എത്തി മൃതദേഹം പുറത്തെടുത്തു.
ഇടുക്കി പീരുമേട്ടില് ആദിവാസി സ്ത്രീ മരിച്ചത് കാട്ടാന ആക്രമണത്തില്; പോലീസ് റിപ്പോര്ട്ട് ഉടന് കോടതിയില്
ഇടുക്കി പീരുമേട്ടില് വനത്തിനുള്ളില് ആദിവാസി സ്ത്രീ സീത മരിച്ച സംഭവം കാട്ടാനയുടെ ആക്രമണത്തില് തന്നെയാണെന്ന് പോലീസ്. പോസ്റ്റ്മോര്ട്ടം റിപ്പോര്ട്ടിലെ വിവരങ്ങള് ലഭിച്ച ശേഷം നടത്തിയ തുടരന്വേഷണത്തിലാണ് പോലീസ് ഈ നിഗമനത്തിലെത്തിയത്. സംഭവത്തില് വിശദമായ റിപ്പോര്ട്ട് രണ്ടാഴ്ചയ്ക്കകം പീരുമേട് കോടതിയില് സമര്പ്പിക്കും.
ഇടുക്കി ശാന്തന്പാറയില് ഏലം കൃഷിയുടെ മറവില് വന് മരംകൊള്ള; കേസ്
ഇടുക്കി ശാന്തന്പാറയില് സിഎച്ച്ആര് ഭൂമിയില് വന് മരംകൊള്ള. ഏലം പുനര്കൃഷിയുടെ മറവില് 150-ലധികം മരങ്ങള് മുറിച്ചു കടത്തി. സംഭവത്തില് വനംവകുപ്പ് കേസെടുത്ത് അന്വേഷണം ആരംഭിച്ചു. മതികെട്ടാന് ചോല ദേശീയ ഉദ്യാനത്തോട് ചേര്ന്ന് കിടക്കുന്ന പ്രദേശത്താണ് മരംകൊള്ള നടന്നത്.
ഇടുക്കിയിൽ വിദ്യാർത്ഥികൾക്ക് നേരെ പെപ്പർ സ്പ്രേ ആക്രമണം; എട്ടുപേർക്ക് പരിക്ക്
ഇടുക്കി ബൈസൺവാലി ഗവൺമെൻ്റ് ഹയർ സെക്കൻഡറി സ്കൂളിൽ വിദ്യാർത്ഥികൾക്ക് നേരെ പെപ്പർ സ്പ്രേ ആക്രമണം. സ്കൂളിലെ വിദ്യാർത്ഥിയും സഹപാഠിയുടെ രക്ഷിതാക്കളും തമ്മിലുണ്ടായ സംഘർഷത്തിനിടെയാണ് ആക്രമണമുണ്ടായത്. പരിക്കേറ്റ എട്ട് വിദ്യാർത്ഥികൾ ചികിത്സയിലാണ്.
ഉപ്പുതറ ലൈഫ് മിഷൻ പദ്ധതിയിൽ ക്രമക്കേട്; വീടുകൾ പൂർത്തിയാക്കാതെ തുക തട്ടി
ഇടുക്കി ഉപ്പുതറയിലെ ലൈഫ് ഭവന പദ്ധതിയിൽ വീടുകൾ പൂർത്തിയാക്കാതെ കരാറുകാരൻ തുക തട്ടിയെടുത്തതായി പരാതി. കണ്ണംപടി, വാക്കത്തി എന്നിവിടങ്ങളിലെ ആദിവാസികളാണ് വഞ്ചിക്കപ്പെട്ടത്. 96 വീടുകളിൽ 27 എണ്ണത്തിൻ്റെയും പണി പൂർത്തിയാക്കാതെ മുഴുവൻ തുകയും കരാറുകാർ കൈപ്പറ്റി.
ഇടുക്കിയിലെ ജീപ്പ് സവാരി 15 ദിവസത്തിനകം പുനരാരംഭിക്കും; ജില്ലാ കളക്ടർ
അപകടകരമായ രീതിയിൽ സർവീസ് നടത്തുന്നവരെ ഒഴിവാക്കുന്നതിനാണ് ജീപ്പ് സവാരി നിരോധിച്ചതെന്ന് ജില്ലാ കളക്ടർ അറിയിച്ചു. പ്രശ്നങ്ങൾ പരിഹരിച്ച ശേഷം 15 ദിവസത്തിനുള്ളിൽ ജീപ്പ് സവാരികൾ പുനരാരംഭിക്കും. കളക്ടറുടെ ഉത്തരവിനെതിരെ പ്രതിഷേധം ശക്തമാണ്.
ഇടുക്കിയിൽ ജീപ്പ് സവാരിക്ക് നിരോധനം; സുരക്ഷാ വീഴ്ചകളെ തുടർന്ന് ജില്ലാ കളക്ടറുടെ നടപടി
ഇടുക്കി ജില്ലയിൽ ജീപ്പ് സവാരികൾക്ക് ജില്ലാ കളക്ടർ നിരോധനം ഏർപ്പെടുത്തി. സുരക്ഷാ മാനദണ്ഡങ്ങൾ പാലിക്കാത്തതിനെ തുടര്ന്ന് അപകടങ്ങൾ വർധിക്കുന്ന സാഹചര്യത്തിലാണ് നടപടി. വ്യക്തികൾക്കും സ്ഥാപനങ്ങൾക്കും നിരോധനം ബാധകമാണ്. മതിയായ രേഖകളും സുരക്ഷാ സംവിധാനങ്ങളും ഉടൻ തന്നെ ഉറപ്പാക്കണമെന്നും ഉത്തരവിൽ പറയുന്നു.
ഇടുക്കി ജില്ലാ ആശുപത്രിയിൽ ലിഫ്റ്റ് തകരാർ; രോഗികൾ ദുരിതത്തിൽ
ഇടുക്കി ജില്ലാ ആശുപത്രിയിൽ ലിഫ്റ്റ് തകരാർ മൂലം ഡയാലിസിസ് രോഗികളെ അഞ്ചാം നിലയിലേക്ക് ചുമന്നു കൊണ്ടുപോകേണ്ട അവസ്ഥ. കഴിഞ്ഞ ആറ് വർഷമായി ഫിറ്റ്നസ് സർട്ടിഫിക്കറ്റ് ഇല്ലാതെയാണ് ആശുപത്രി പ്രവർത്തിക്കുന്നത്. അനാസ്ഥയിൽ പ്രതിഷേധിച്ച് യൂത്ത് ലീഗ് പ്രതിഷേധ മാർച്ച് നടത്തി.
ഇടുക്കിയിൽ മാനസിക വെല്ലുവിളി നേരിടുന്ന യുവതിയെ പീഡിപ്പിച്ച 68 കാരൻ അറസ്റ്റിൽ
ഇടുക്കി ചേലച്ചുവട് സ്വദേശിയായ 68 വയസ്സുകാരൻ മാനസിക വെല്ലുവിളി നേരിടുന്ന യുവതിയെ പീഡിപ്പിച്ച കേസിൽ അറസ്റ്റിലായി. യുവതിയുടെ മാതാപിതാക്കളുടെ പരാതിയിൽ കഞ്ഞിക്കുഴി പോലീസ് ആണ് ഇയാളെ അറസ്റ്റ് ചെയ്തത്. തൊടുപുഴ മുതലക്കോടത്തുനിന്നാണ് പ്രതിയെ പിടികൂടിയത്.
ഉപ്പുതറയിൽ ലൈഫ് മിഷൻ തട്ടിപ്പ്; അനർഹർ തട്ടിയെടുത്തത് ലക്ഷങ്ങൾ
ഇടുക്കി ഉപ്പുതറ പഞ്ചായത്തിൽ ലൈഫ് മിഷൻ പദ്ധതിയിൽ ലക്ഷങ്ങളുടെ ക്രമക്കേട് നടന്നതായി കണ്ടെത്തൽ. രാഷ്ട്രീയ സ്വാധീനവും ഉദ്യോഗസ്ഥ ബന്ധവും ഉപയോഗിച്ച് അനർഹരായ 150 പേർ വീടുകൾ തട്ടിയെടുത്തെന്നാണ് വിജിലൻസ് പറയുന്നത്. ഇതിൽ 27 പേർ സർക്കാരിൽ നിന്ന് തട്ടിയെടുത്തത് 1.14 കോടി രൂപയാണെന്ന് പ്രാഥമിക കണക്കുകൾ സൂചിപ്പിക്കുന്നു.
എറണാകുളം, ഇടുക്കി ജില്ലകളിൽ നാളെ വിദ്യാഭ്യാസ സ്ഥാപനങ്ങൾക്ക് അവധി
ശക്തമായ മഴയെത്തുടർന്ന് എറണാകുളം ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. പ്രൊഫഷണൽ കോളേജുകൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണ്. ഇടുക്കി, കണ്ണൂർ, കാസർഗോഡ്, മലപ്പുറം, വയനാട്, തൃശൂർ ജില്ലകളിലെ വിദ്യാഭ്യാസ സ്ഥാപനങ്ങൾക്കും നാളെ അവധിയുണ്ട്.