Idukki Dam
ഇടുക്കി ഡാമിൽ ബ്ലൂ അലർട്ട്; വിവിധ ഡാമുകളിൽ റെഡ് അലർട്ട്
സംസ്ഥാനത്ത് കനത്ത മഴ തുടരുന്ന പശ്ചാത്തലത്തിൽ ഇടുക്കി ഡാമിൽ ബ്ലൂ അലർട്ട് പ്രഖ്യാപിച്ചു. ജലനിരപ്പ് 2372.88 അടി ആയതോടെയാണ് അലർട്ട് പുറപ്പെടുവിച്ചത്. സംസ്ഥാനത്ത് വിവിധ ഡാമുകളിൽ റെഡ് അലർട്ടും പ്രഖ്യാപിച്ചിട്ടുണ്ട്.
ഇടുക്കി പൊന്മുടി ഡാമിന്റെ ഷട്ടർ തുറന്നു; തീരദേശവാസികൾക്ക് ജാഗ്രതാ നിർദ്ദേശം
ഇടുക്കി പൊന്മുടി ഡാമിന്റെ ഒരു ഷട്ടർ 20 സെൻ്റീമീറ്റർ വരെ ഉയർത്തി. ഡാമിലെ ജലനിരപ്പ് ഉയർന്നതിനെ തുടർന്നാണ് ഈ നടപടി സ്വീകരിച്ചത്. പന്നിയാർ പുഴയുടെ തീരത്ത് താമസിക്കുന്നവർ ജാഗ്രത പാലിക്കണമെന്ന് ജില്ലാ കളക്ടർ നിർദ്ദേശം നൽകിയിട്ടുണ്ട്. കഴിഞ്ഞ 24 മണിക്കൂറിനിടെ ദേവികുളം താലൂക്കിൽ ശക്തമായ മഴ പെയ്തതിനെ തുടർന്ന് ഡാമിലേക്കുള്ള ജലത്തിന്റെ അളവ് വർധിച്ചു.
ഇടുക്കി ഡാം വ്യൂ പോയിന്റിൽ യാത്രാവിലക്ക്; കാരണം സുരക്ഷാ പ്രശ്നങ്ങൾ
സമൂഹമാധ്യമങ്ങളിൽ വൈറലായ ഇടുക്കി ഡാം വ്യൂ പോയിന്റിലേക്ക് സഞ്ചാരികൾക്ക് വിലക്ക് ഏർപ്പെടുത്തി. സുരക്ഷാ ക്രമീകരണങ്ങൾ ഇല്ലാത്തതിനാലാണ് വനം വകുപ്പിന്റെ ഈ നടപടി. ആളുകൾ പ്രവേശിക്കുന്നത് തടയാൻ മുളകെട്ടി വഴി അടച്ചിട്ടുണ്ട്.
മധ്യകേരളത്തിൽ കനത്ത മഴ; വ്യാപക നാശനഷ്ടം, ജാഗ്രതാ നിർദ്ദേശം
മധ്യകേരളത്തിൽ കനത്ത മഴയെ തുടർന്ന് വ്യാപക നാശനഷ്ടം. ഇടുക്കി കല്ലാർകുട്ടി ഡാമിന്റെ ഷട്ടറുകൾ തുറന്നു. ആളുകൾ ജാഗ്രത പാലിക്കണമെന്ന് അധികൃതർ അറിയിച്ചു.
കല്ലാർകുട്ടി ഡാം തുറക്കാൻ അനുമതി; തീരദേശവാസികൾക്ക് ജാഗ്രതാ നിർദ്ദേശം
ഇടുക്കി കല്ലാർകുട്ടി ഡാമിന്റെ ഷട്ടറുകൾ തുറക്കാൻ അനുമതി നൽകി. വൃഷ്ടിപ്രദേശത്ത് മഴ ശക്തമായി തുടരുന്ന സാഹചര്യത്തിലാണ് ജില്ലാ ഭരണകൂടം ഈ തീരുമാനമെടുത്തത്. മുതിരപ്പുഴയാറിന്റെയും പെരിയാറിന്റെയും തീരപ്രദേശങ്ങളിലുള്ളവർ ജാഗ്രത പാലിക്കണമെന്ന് അധികൃതർ അറിയിച്ചു. രാത്രിയാത്രകൾ ഒഴിവാക്കണമെന്നും ദുരന്ത സാധ്യതയുള്ളവർ ക്യാമ്പുകളിലേക്ക് മാറണമെന്നും മന്ത്രി കെ രാജൻ നിർദ്ദേശം നൽകി.