Human Rights
കൊലപാതക ഭീഷണി; 20 വർഷം ഇരുട്ടുമുറിയിൽ, ഒടുവിൽ കാഴ്ചയും നഷ്ട്ടമായി
ഛത്തീസ്ഗഡിലെ ലിസ എന്ന പെൺകുട്ടിക്ക് കൊലപാതക ഭീഷണിയെ തുടർന്ന് 20 വർഷം ഇരുട്ടുമുറിയിൽ കഴിയേണ്ടിവന്നു. സാമൂഹിക ക്ഷേമവകുപ്പ് ഉദ്യോഗസ്ഥർ എത്തി രക്ഷപെടുത്തിയപ്പോൾ അവൾക്ക് കാഴ്ചശക്തി നഷ്ടപ്പെട്ടിരുന്നു. ഇപ്പോൾ ഘരൗണ്ട ആശ്രമത്തിലെ പരിചരണത്തിൽ അവൾ ജീവിതത്തിലേക്ക് തിരിച്ചുവരികയാണ്.
വേണുവിന്റെ മരണം: ദേശീയ മനുഷ്യാവകാശ കമ്മീഷൻ കേസ് രജിസ്റ്റർ ചെയ്തു
തിരുവനന്തപുരം മെഡിക്കൽ കോളേജിൽ കൊല്ലം സ്വദേശി വേണു മരിച്ച സംഭവത്തിൽ ദേശീയ മനുഷ്യാവകാശ കമ്മീഷൻ കേസ് രജിസ്റ്റർ ചെയ്തു. യൂത്ത് കോൺഗ്രസ് സംസ്ഥാന വൈസ് പ്രസിഡന്റ് വിഷ്ണു സുനിൽ പന്തളത്തിന്റെ പരാതിയിലാണ് നടപടി. വേണുവിന് ചികിത്സ നിഷേധിച്ചതാണ് മരണകാരണമെന്നാണ് പരാതിയിൽ പറയുന്നത്.
മെഡിക്കൽ കോളേജ് ഒ.പി. ബഹിഷ്കരണം; മനുഷ്യാവകാശ കമ്മീഷൻ റിപ്പോർട്ട് തേടി
മെഡിക്കൽ കോളേജുകളിൽ ഒ.പി. ബഹിഷ്കരിക്കാനുള്ള ഡോക്ടർമാരുടെ തീരുമാനത്തിനെതിരെ മനുഷ്യാവകാശ കമ്മീഷൻ രംഗത്ത്. ആരോഗ്യവകുപ്പ് അഡീഷണൽ ചീഫ് സെക്രട്ടറിയിൽ നിന്നും റിപ്പോർട്ട് തേടി. രണ്ടാഴ്ചക്കകം റിപ്പോർട്ട് സമർപ്പിക്കാൻ മനുഷ്യാവകാശ കമ്മീഷൻ ചെയർപേഴ്സൺ ജസ്റ്റിസ് അലക്സാണ്ടർ തോമസ് നിർദ്ദേശം നൽകി.
വർക്കല എസ്.ഐയുടെ മർദ്ദനം: നിർമ്മാണ തൊഴിലാളിക്ക് ഒരു ലക്ഷം രൂപ നഷ്ടപരിഹാരം നൽകാൻ മനുഷ്യാവകാശ കമ്മീഷൻ ഉത്തരവ്
വർക്കലയിൽ നിർമ്മാണ തൊഴിലാളിയെ എസ്.ഐ മർദിച്ച സംഭവത്തിൽ മനുഷ്യാവകാശ കമ്മീഷൻ ഇടപെട്ടു. മർദനമേറ്റ സുരേഷിന് ഒരു ലക്ഷം രൂപ നഷ്ടപരിഹാരം നൽകാൻ ഉത്തരവിട്ടു. പിഴ തുക എസ്.ഐയിൽ നിന്ന് ഈടാക്കാനും, വീഴ്ച വരുത്തിയാൽ 8% പലിശ നൽകാനും നിർദ്ദേശമുണ്ട്.
എസ്എടിയിൽ യുവതി മരിച്ച സംഭവം: വിദഗ്ധ റിപ്പോർട്ട് തള്ളി, മനുഷ്യാവകാശ കമ്മീഷനെ സമീപിക്കാനൊരുങ്ങി കുടുംബം
തിരുവനന്തപുരം എസ്.എ.ടി ആശുപത്രിയിൽ പ്രസവ ശസ്ത്രക്രിയയെ തുടർന്ന് യുവതി മരിച്ച സംഭവത്തിൽ ആശുപത്രിക്ക് പിഴവില്ലെന്ന വിദഗ്ധ സമിതിയുടെ കണ്ടെത്തൽ കുടുംബം തള്ളി. എസ്.എ.ടി ആശുപത്രിയിൽ നിന്നാണ് അണുബാധ ഉണ്ടായതെന്ന നിലപാടിൽ ഉറച്ചുനിൽക്കുന്ന ബന്ധുക്കൾ ദേശീയ മനുഷ്യാവകാശ കമ്മീഷന് പരാതി നൽകും. ആശുപത്രി എല്ലാ മാനദണ്ഡങ്ങളും പാലിച്ചിട്ടുണ്ടെന്നും അണുബാധക്ക് കാരണം സ്റ്റെഫൈലോകോക്കസ് ബാക്ടീരിയ ആണെന്നുമാണ് വിദഗ്ധസമിതിയുടെ കണ്ടെത്തൽ.
ഡൽഹിയിൽ മലയാളി വിദ്യാർത്ഥികൾക്ക് മർദ്ദനം; ദേശീയ മനുഷ്യാവകാശ കമ്മീഷന് പരാതി നൽകി
ഡൽഹിയിൽ മലയാളി വിദ്യാർത്ഥികൾക്ക് പൊലീസിന്റെയും ആൾക്കൂട്ടത്തിൻ്റെയും മർദ്ദനമേറ്റ സംഭവത്തിൽ വിദ്യാർത്ഥികൾ ദേശീയ മനുഷ്യാവകാശ കമ്മീഷന് പരാതി നൽകി. സാക്കിർ ഹുസൈൻ കോളജിലെ വിദ്യാർത്ഥികളായ സുദിനും അശ്വന്തിനുമാണ് മർദ്ദനമേറ്റത്. കുറ്റക്കാരായ പൊലീസുകാർക്കെതിരെ നടപടി വേണമെന്നാണ് വിദ്യാർത്ഥികളുടെ ആവശ്യം.
ഖൈബർ പഖ്തുൺഖ്വ വ്യോമാക്രമണം; സ്വതന്ത്ര അന്വേഷണം വേണമെന്ന് പാക് മനുഷ്യാവകാശ കമ്മീഷൻ
ഖൈബർ പഖ്തുൺഖ്വയിലെ ടിരാ താഴ്വരയിൽ നടന്ന വ്യോമാക്രമണത്തിൽ പാകിസ്താൻ മനുഷ്യാവകാശ കമ്മീഷൻ പ്രതിഷേധം രേഖപ്പെടുത്തി. മരണത്തിന് ഉത്തരവാദികളായവരെ നിയമത്തിന് മുന്നിൽ കൊണ്ടുവരണം അതിനായി സ്വതന്ത്ര അന്വേഷണം വേണമെന്ന് മനുഷ്യാവകാശ കമ്മീഷൻ ആവശ്യപ്പെട്ടു. രാജ്യത്തെ പൗരന്മാർക്ക് ജീവിക്കാനുള്ള അവകാശത്തിന് അർഹതയുണ്ടെന്നും കമ്മീഷൻ കൂട്ടിച്ചേർത്തു.
പോലീസ് മർദനം: കെ.പി.സി.സി അംഗത്തിന് നീതി, മനുഷ്യാവകാശ കമ്മീഷൻ ഉത്തരവ്
മലപ്പുറത്ത് പോലീസ് മർദനത്തിന് ഇരയായ കെ.പി.സി.സി അംഗം അഡ്വ. ശിവരാമന് അഞ്ച് വർഷത്തെ നിയമ പോരാട്ടത്തിനൊടുവിൽ നീതി ലഭിച്ചു. സിവിൽ പോലീസ് ഓഫീസർ ഹരിലാലിനെതിരെ അച്ചടക്ക നടപടി സ്വീകരിക്കാൻ മനുഷ്യാവകാശ കമ്മീഷൻ ഉത്തരവിട്ടു. 2020 സെപ്റ്റംബറിൽ ബസ് സ്റ്റാൻഡിൽ വെച്ച് പോലീസ് മർദിച്ചതിനെ തുടർന്ന് ശിവരാമൻ മനുഷ്യാവകാശ കമ്മീഷനെ സമീപിച്ചിരുന്നു.
നിലമ്പൂരിലെ ആദിവാസി കുടുംബത്തിന്റെ ദുരിതത്തിൽ മനുഷ്യാവകാശ കമ്മീഷൻ ഇടപെടുന്നു
മലപ്പുറം നിലമ്പൂരില് 21 അംഗ ആദിവാസി കുടുംബം സ്ഥലപരിമിതിയുള്ള വീട്ടില് കഴിയുന്നതിനെക്കുറിച്ച് ട്വന്റിഫോര് റിപ്പോര്ട്ട് ചെയ്തതിനെത്തുടര്ന്ന് മനുഷ്യാവകാശ കമ്മീഷന് വിഷയത്തില് ഇടപെട്ടു. അടിയന്തരമായി ഇടപെടണമെന്ന് ജില്ലാ കളക്ടറോട് കമ്മീഷന് ആവശ്യപ്പെട്ടു. 15 ദിവസത്തിനുള്ളില് ഐടിഡിപി പ്രൊജക്ട് ഓഫിസര് റിപ്പോര്ട്ട് സമര്പ്പിക്കണമെന്നും കമ്മീഷന് അറിയിച്ചു.
മുഖംമൂടി വിവാദം: ഷാജഹാനെതിരെ മനുഷ്യാവകാശ കമ്മീഷന് പരാതി
കെ.എസ്.യു പ്രവർത്തകരെ മുഖംമൂടി ധരിപ്പിച്ച് കോടതിയിൽ ഹാജരാക്കിയ സംഭവത്തിൽ മനുഷ്യാവകാശ കമ്മീഷന് പരാതി. എസ്എച്ച്ഒ ഷാജഹാനെതിരെ നടപടി ആവശ്യപ്പെട്ട് കെ.എസ്.യു ജില്ലാ ജനറൽ സെക്രട്ടറി അഡ്വ. നിഹാൽ റഹ്മാനാണ് പരാതി നൽകിയത്. ദേശീയ മനുഷ്യാവകാശ കമ്മീഷനും സംസ്ഥാന മനുഷ്യാവകാശ കമ്മീഷനുമാണ് പരാതി നൽകിയിട്ടുള്ളത്.
പേരൂർക്കട മോഷണക്കേസ്: ഒരു കോടി രൂപ നഷ്ടപരിഹാരം ആവശ്യപ്പെട്ട് ബിന്ദു
പേരൂർക്കടയിലെ വ്യാജ മാല മോഷണക്കേസിൽ ഒരു കോടി രൂപ നഷ്ടപരിഹാരം ആവശ്യപ്പെട്ട് ആർ. ബിന്ദു മനുഷ്യാവകാശ കമ്മീഷനെ സമീപിച്ചു. കമ്മീഷൻ സിറ്റിംഗിലാണ് ബിന്ദു ഈ ആവശ്യം ഉന്നയിച്ചത്. ഒപ്പം, സർക്കാർ ജോലി നൽകണമെന്നും ബിന്ദു പരാതിയിൽ ആവശ്യപ്പെട്ടിട്ടുണ്ട്.
കുന്നംകുളം കസ്റ്റഡി മർദ്ദനം: മനുഷ്യാവകാശ കമ്മീഷൻ കേസെടുത്തു
കുന്നംകുളം പൊലീസ് സ്റ്റേഷനിൽ യൂത്ത് കോൺഗ്രസ് നേതാവിനെ മർദിച്ച സംഭവത്തിൽ മനുഷ്യാവകാശ കമ്മീഷൻ കേസെടുത്തു. സുഹൃത്തിനെ അസഭ്യം പറഞ്ഞത് ചോദ്യം ചെയ്തതിനാണ് സുജിത്തിനെ പൊലീസ് മർദിച്ചത്. കോടതിയുടെ ഇടപെടലിനെ തുടർന്ന് ദൃശ്യങ്ങൾ പുറത്തുവന്നതോടെയാണ് സംഭവം പുറംലോകം അറിഞ്ഞത്.