Hotel Raid
പാലക്കാട് ഹോട്ടല് റെയ്ഡ്: വൃത്തികെട്ട ഗൂഢാലോചനയെന്ന് ഷാഫി പറമ്പില്
പാലക്കാട് ഹോട്ടലില് പൊലീസ് നടത്തിയ പരിശോധന സ്വാഭാവികമല്ലെന്ന് ഷാഫി പറമ്പില് ആരോപിച്ചു. പോലീസിനെ ഉപയോഗിച്ച് വൃത്തികെട്ട ഗൂഢാലോചന നടന്നുവെന്നും പരിശോധന തിരക്കഥയുടെ ഭാഗമാണെന്നും അദ്ദേഹം കുറ്റപ്പെടുത്തി. സ്ത്രീകളുള്ള മുറിയിലേക്ക് മുന്നറിയിപ്പില്ലാതെ കയറിയതിനെതിരെ നിയമപരമായി നേരിടുമെന്നും ഷാഫി വ്യക്തമാക്കി.
പാലക്കാട് ഹോട്ടൽ റെയ്ഡ്: സിപിഐഎം-ബിജെപി ഗൂഢാലോചനയെന്ന് വി.ഡി. സതീശൻ
പാലക്കാട് ഹോട്ടൽ റെയ്ഡിനെ കുറിച്ച് രൂക്ഷ വിമർശനവുമായി പ്രതിപക്ഷ നേതാവ് വി.ഡി. സതീശൻ രംഗത്തെത്തി. സിപിഐഎം-ബിജെപി നേതാക്കളുടെ അറിവോടെയാണ് റെയ്ഡ് നടന്നതെന്ന് അദ്ദേഹം ആരോപിച്ചു. കൊടകര കുഴൽപ്പണ കേസിലെ ജാള്യത മറയ്ക്കാനും വനിതാ നേതാക്കളെ അപമാനിക്കാനുമാണ് റെയ്ഡ് നടത്തിയതെന്നും സതീശൻ കുറ്റപ്പെടുത്തി.
പാലക്കാട് ഹോട്ടൽ റെയ്ഡ്: സ്വാഭാവിക നടപടിയെന്ന് പി കെ ശ്രീമതി; സംഘർഷാവസ്ഥ നിലനിൽക്കുന്നു
പാലക്കാട് കെപിഎം ഹോട്ടലിൽ കോൺഗ്രസ് പ്രവർത്തകരുടെ മുറികളിൽ പൊലീസ് നടത്തിയ റെയ്ഡ് സ്വാഭാവികമാണെന്ന് സിപിഐഎം നേതാവ് പി കെ ശ്രീമതി പ്രതികരിച്ചു. റെയ്ഡിനെ തുടർന്ന് രാഷ്ട്രീയ സംഘർഷം ഉടലെടുത്തു. പരിശോധനയിൽ ഒന്നും കണ്ടെത്തിയില്ലെന്ന് പൊലീസ് വ്യക്തമാക്കി.
പാലക്കാട് ഹോട്ടൽ റെയ്ഡ്: കോൺഗ്രസിനെതിരെ ആരോപണവുമായി ബിജെപി നേതാക്കൾ
പാലക്കാട് ഹോട്ടലിൽ നടന്ന റെയ്ഡിനെ കുറിച്ച് ബിജെപി നേതാക്കൾ പ്രതികരിച്ചു. കോടികണക്കിന് കള്ളപ്പണം കൊണ്ടുവന്നിട്ട് പൊലീസുകാരെ പരിശോധന നടത്താൻ അനുവദിച്ചില്ലെന്ന് ബിജെപി നേതാക്കൾ ആരോപിച്ചു. തെരഞ്ഞെടുപ്പ് കമ്മീഷന് സംഭവത്തിൽ പരാതി നൽകി കഴിഞ്ഞെന്ന് സി കൃഷ്ണകുമാർ പറഞ്ഞു.