Higher Education
ശ്രീനാരായണ ഓപ്പൺ സർവ്വകലാശാല വിദ്യാർത്ഥികൾക്ക് കേരള സർവ്വകലാശാലയിൽ പ്രവേശനം നിഷേധിച്ചു
ശ്രീനാരായണ ഓപ്പൺ സർവ്വകലാശാലയിൽ പഠിച്ച വിദ്യാർത്ഥികൾക്ക് കേരള സർവ്വകലാശാലയിൽ തുടർപഠനത്തിന് അനുമതി നിഷേധിച്ചു. നിരവധി വിദ്യാർത്ഥികളുടെ അപേക്ഷകൾ സർവ്വകലാശാല നിരസിച്ചു. തുടർന്ന് ശ്രീനാരായണ യൂണിവേഴ്സിറ്റി വൈസ് ചാൻസിലർ, കേരള സർവ്വകലാശാല വൈസ് ചാൻസിലർക്ക് കത്തയച്ചു.
സർവകലാശാല പ്രതിസന്ധിയിൽ സി.പി.ഐ.എം ഇടപെടൽ; ഗവർണറുമായി ചർച്ചക്ക് സാധ്യത
സംസ്ഥാനത്തെ സർവകലാശാലകളിലെ പ്രതിസന്ധി പരിഹരിക്കുന്നതിന് സി.പി.ഐ.എം അടിയന്തരമായി ഇടപെടുന്നു. ഉന്നത വിദ്യാഭ്യാസരംഗത്തെ പ്രശ്നങ്ങൾ സർക്കാരിന് പ്രതികൂലമായി ബാധിക്കുമെന്ന വിലയിരുത്തലിന്റെ അടിസ്ഥാനത്തിലാണ് ഈ നീക്കം. പ്രശ്നപരിഹാരത്തിനായി ഗവർണറുമായി ചർച്ച നടത്താനും നിയമനടപടികൾ സ്വീകരിക്കാനും പാർട്ടി ആലോചിക്കുന്നു.
കേരള സർവകലാശാലയിൽ ഭരണ പ്രതിസന്ധി തുടരുന്നു
കേരള സർവകലാശാലയിൽ ഭരണപരമായ പ്രതിസന്ധി രൂക്ഷമാകുന്നു. രജിസ്ട്രാറുടെ ചുമതലയിൽ നിന്ന് ഒഴിവാക്കണമെന്ന അപേക്ഷയിൽ ഇന്ന് തീരുമാനമുണ്ടാകും. സിൻഡിക്കേറ്റ് സസ്പെൻഷൻ റദ്ദാക്കിയ രജിസ്ട്രാർ കെ എസ് അനിൽകുമാർ അയക്കുന്ന ഫയലുകൾ വിസി തിരിച്ചയക്കുകയാണ്.
സർക്കാർ-ഗവർണർ പോര് ഉന്നതവിദ്യാഭ്യാസരംഗം തകർത്തു; വി.ഡി. സതീശൻ
ഉന്നത വിദ്യാഭ്യാസ മേഖലയെ സർക്കാർ തകർത്തുവെന്ന് വി.ഡി. സതീശൻ ആരോപിച്ചു. സർവ്വകലാശാലകളെ രാഷ്ട്രീയ നാടക വേദിയാക്കരുതെന്നും കുട്ടികളുടെ ഭാവി മറന്നുള്ള രാഷ്ട്രീയം അവസാനിപ്പിക്കണമെന്നും പ്രതിപക്ഷ നേതാവ് ആവശ്യപ്പെട്ടു. നിലവിലെ സംഭവവികാസങ്ങൾ വിദ്യാർത്ഥികളെയും രക്ഷിതാക്കളെയും ഒരുപോലെ ആശങ്കയിലാഴ്ത്തുകയാണെന്നും അദ്ദേഹം കൂട്ടിച്ചേർത്തു.
രജിസ്ട്രാർക്കെതിരെ വി.സിക്ക് നടപടിയെടുക്കാൻ അധികാരമില്ലെന്ന് മന്ത്രി ആർ.ബിന്ദു
രജിസ്ട്രാർക്കെതിരെ അച്ചടക്ക നടപടി സ്വീകരിക്കാൻ വി.സിക്ക് അധികാരമില്ലെന്ന് മന്ത്രി ആർ.ബിന്ദു പറഞ്ഞു. സിൻഡിക്കറ്റിനാണ് തീരുമാനമെടുക്കാൻ അധികാരമെന്നും മന്ത്രി വ്യക്തമാക്കി. കാവി പതാക പിടിച്ച ആർഎസ്എസിൻ്റെ ഭാരതാംബയെ ഭാരതത്തിൻ്റെ പൊതുബോധത്തിൽ പ്രതിഷ്ഠിക്കാൻ ശ്രമം നടക്കുന്നുവെന്നും മന്ത്രി ആരോപിച്ചു.
കണ്ണൂർ സർവകലാശാലയിൽ ഫിസിക്കൽ സയൻസ് പ്രോഗ്രാം; +2 കഴിഞ്ഞവർക്ക് അവസരം
കണ്ണൂർ സർവകലാശാലയുടെ പയ്യന്നൂർ കാമ്പസ്സിൽ +2 സയൻസ് യോഗ്യതയുള്ള വിദ്യാർത്ഥികൾക്കായി 5 വർഷത്തെ ഇന്റഗ്രേറ്റഡ് ഫിസിക്കൽ സയൻസ് പ്രോഗ്രാം ആരംഭിക്കുന്നു. ഫിസിക്സ്, കെമിസ്ട്രി വിഷയങ്ങളിൽ ബിരുദവും ബിരുദാനന്തര ബിരുദവും നേടാൻ ഈ കോഴ്സിലൂടെ സാധിക്കും. താല്പര്യമുള്ള വിദ്യാർത്ഥികൾക്ക് admission.kannuruniversity.ac.in/ എന്ന വെബ്സൈറ്റ് വഴി അപേക്ഷിക്കാം.
പ്ലസ് ടു കഴിഞ്ഞോ? ഉപരിപഠനത്തിന് വഴികാട്ടിയായി ‘ഫോക്കസ് പോയിന്റ് ടു പോയിന്റ് സീറോ’
പന്ത്രണ്ടാം ക്ലാസ് കഴിഞ്ഞ വിദ്യാർത്ഥികൾക്ക് ഉപരിപഠനത്തിനുള്ള സാധ്യതകൾ പരിചയപ്പെടുത്തുന്നതിനായി പൊതുവിദ്യാഭ്യാസ വകുപ്പ് ഹയർ സെക്കൻഡറി വിഭാഗം കരിയർ ഗൈഡൻസ് ആൻഡ് അഡോളസെന്റ് കൗൺസിലിംഗ് സെൽ "ഫോക്കസ് പോയിന്റ് ടു പോയിന്റ് സീറോ" എന്ന കരിയർ ഗൈഡൻസ് പ്രോഗ്രാം സംഘടിപ്പിക്കുന്നു. ഇന്ത്യയിലെ വിവിധ കോഴ്സുകൾ, പ്രവേശന പരീക്ഷകൾ, സ്കോളർഷിപ്പുകൾ, വിദേശ പഠന സാധ്യതകൾ എന്നിവയെക്കുറിച്ച് ഈ പ്രോഗ്രാം വിശദമായി പ്രതിപാദിക്കുന്നു. 2025 മെയ് 26-ന് സംസ്ഥാനത്തെ എല്ലാ ഹയർ സെക്കൻഡറി സ്കൂളുകളിലും ഓറിയന്റേഷൻ പ്രോഗ്രാം നടക്കും.
എസ്.എസ്.എൽ.സി ജയിച്ചവർക്ക് ഉപരിപഠനത്തിന് സൗകര്യമൊരുക്കിയെന്ന് മന്ത്രി വി. ശിവൻകുട്ടി
എസ്.എസ്.എൽ.സി പരീക്ഷ പാസായ എല്ലാ വിദ്യാർത്ഥികൾക്കും ഉപരിപഠനത്തിനുള്ള സൗകര്യങ്ങൾ ഏർപ്പെടുത്തിയിട്ടുണ്ടെന്ന് വിദ്യാഭ്യാസ മന്ത്രി വി. ശിവൻകുട്ടി അറിയിച്ചു. ഈ മാസം 24-ന് പ്രവേശനത്തിനുള്ള ട്രയൽ ആരംഭിക്കും. നിയമവിരുദ്ധമായ നീക്കങ്ങൾ ഉണ്ടായാൽ കർശന നടപടികൾ സ്വീകരിക്കുമെന്നും മന്ത്രി മുന്നറിയിപ്പ് നൽകി.
എംജി സർവകലാശാലയിൽ മികവിന്റെ കേന്ദ്രം ഉദ്ഘാടനം ചെയ്തു
മഹാത്മാഗാന്ധി സർവകലാശാലയിൽ മികവിന്റെ കേന്ദ്രം ഉദ്ഘാടനം ചെയ്തു. ഉന്നത വിദ്യാഭ്യാസ പരിഷ്കരണ കമ്മീഷന്റെ ശുപാർശയുടെ അടിസ്ഥാനത്തിലാണ് കേന്ദ്രം ആരംഭിക്കുന്നത്. കിഫ്ബി ഫണ്ട് ക്രിയാത്മകമായി പ്രയോജനപ്പെടുത്തിയ സ്ഥാപനങ്ങളിലൊന്നാണ് എം ജി സർവകലാശാല.
യു.ജി.സി. കരട് റെഗുലേഷനുകൾക്കെതിരെ ദേശീയ കൺവെൻഷൻ ഇന്ന്
യു.ജി.സി. കരട് റെഗുലേഷനുകൾക്കെതിരെ ദേശീയ ഉന്നത വിദ്യാഭ്യാസ കൺവെൻഷൻ ഇന്ന് തിരുവനന്തപുരത്ത് നടക്കും. മുഖ്യമന്ത്രി പിണറായി വിജയൻ കൺവെൻഷൻ ഉദ്ഘാടനം ചെയ്യും. വിവിധ സംസ്ഥാനങ്ങളിലെ മന്ത്രിമാരും ഉദ്യോഗസ്ഥരും കൺവെൻഷനിൽ പങ്കെടുക്കും.
യു.ജി.സി. കരട് കൺവെൻഷൻ: ഗവർണറുടെ എതിർപ്പിനെ തുടർന്ന് സർക്കാർ സർക്കുലർ തിരുത്തി
ഗവർണറുടെ എതിർപ്പിനെ തുടർന്ന് യു.ജി.സി. കരട് കൺവെൻഷനുമായി ബന്ധപ്പെട്ട സർക്കുലർ സർക്കാർ തിരുത്തി. 'യു.ജി.സി. കരടിന് എതിരായ' എന്ന പരാമർശം നീക്കി 'ദേശീയ ഉന്നത വിദ്യാഭ്യാസ കൺവെൻഷൻ' എന്നാക്കി മാറ്റി. നിശ്ചിത എണ്ണം പ്രതിനിധികളെ പങ്കെടുപ്പിക്കണമെന്ന നിർദ്ദേശവും പിൻവലിച്ചു.
ഗവർണറും മന്ത്രിമാരും: സർവകലാശാല വിസി നിയമന പ്രതിസന്ധി ചർച്ച ചെയ്തു
ഗവർണർ രാജേന്ദ്ര വിശ്വനാഥ് അർലേക്കറുമായി നിയമമന്ത്രി പി. രാജീവും ഉന്നത വിദ്യാഭ്യാസ മന്ത്രി ആർ. ബിന്ദുവും കൂടിക്കാഴ്ച നടത്തി. സർവകലാശാല വിസി നിയമന പ്രതിസന്ധിയും പുതിയ ബില്ലുകളും ചർച്ച ചെയ്തു. ഗവർണറുടെ പ്രതികരണം വ്യക്തമല്ല.