High Court
ശബരിമലയിൽ പണം പിരിവ്: സ്വകാര്യ വ്യക്തിക്കെതിരെ കേസ് എടുക്കാൻ ഹൈക്കോടതി
ശബരിമലയിൽ അയ്യപ്പന്റെ പഞ്ചലോഹ വിഗ്രഹത്തിനായി സ്വകാര്യ വ്യക്തി നടത്തിയ പണപ്പിരിവിൽ കേസ് എടുക്കാൻ ഹൈക്കോടതി നിർദ്ദേശം. പമ്പ പൊലീസിന് കേസ് രജിസ്റ്റർ ചെയ്യാൻ അനുമതി നൽകി. തമിഴ്നാട് സ്വദേശി പണം പിരിച്ചത് എങ്ങനെ എന്നും അന്വേഷിക്കാൻ കോടതി ഉത്തരവിട്ടു.
ശബരിമല ട്രാക്ടർ യാത്ര: എഡിജിപിക്ക് വീഴ്ച പറ്റിയെന്ന് ഡിജിപി റിപ്പോർട്ട്
ശബരിമലയിലെ ട്രാക്ടർ യാത്രയിൽ എഡിജിപി എം.ആർ. അജിത് കുമാറിന് വീഴ്ച സംഭവിച്ചതായി ഡിജിപിയുടെ റിപ്പോർട്ട്. ഹൈക്കോടതി ഉത്തരവ് ലംഘിച്ച് അജിത് കുമാർ ട്രാക്ടറിൽ യാത്ര ചെയ്തെന്നാണ് കണ്ടെത്തൽ. സംഭവത്തിൽ ഹൈക്കോടതി സ്വമേധയാ കേസ് എടുത്തിട്ടുണ്ട്.
നവീൻ ബാബുവിന്റെ മരണത്തിൽ കുറ്റപത്രം റദ്ദാക്കണമെന്നാവശ്യപ്പെട്ട് പി.പി. ദിവ്യ ഹൈക്കോടതിയിലേക്ക്
എഡിഎം കെ. നവീൻ ബാബുവിന്റെ മരണവുമായി ബന്ധപ്പെട്ട് സമർപ്പിച്ച കുറ്റപത്രം റദ്ദാക്കണമെന്നാവശ്യപ്പെട്ട് പി.പി. ദിവ്യ ഹൈക്കോടതിയെ സമീപിക്കുന്നു. അഴിമതിക്കെതിരെ നിലപാട് സ്വീകരിച്ചതിൻ്റെ പേരിലാണ് താൻ ക്രൂശിക്കപ്പെട്ടതെന്നും പി.പി. ദിവ്യ ആരോപിക്കുന്നു. പി.പി. ദിവ്യ ഉന്നയിച്ച ആരോപണങ്ങളെ സാധൂകരിക്കുന്ന തെളിവുകളുണ്ടെന്ന് അവരുടെ അഭിഭാഷകൻ അഡ്വ. കെ. വിശ്വൻ വ്യക്തമാക്കി.
കീം റാങ്ക് ലിസ്റ്റ്: ഹൈക്കോടതിയിൽ സർക്കാരിന് തിരിച്ചടി; അപ്പീൽ തള്ളി
കീം പ്രവേശന പരീക്ഷാഫലം റദ്ദാക്കിയ സിംഗിൾ ബെഞ്ചിന്റെ നടപടിക്കെതിരെ സർക്കാർ നൽകിയ അപ്പീൽ ഹൈക്കോടതി ഡിവിഷൻ ബെഞ്ച് തള്ളി. സിബിഎസ്ഇ സിലബസ് വിദ്യാർത്ഥികളെ റാങ്ക് നിർണയ രീതി ബാധിക്കുമെന്ന ഹർജിയിലാണ് കോടതിയുടെ നടപടി. തുടർനടപടികൾ ആലോചിക്കുകയാണെന്ന് മന്ത്രി ആർ.ബിന്ദു അറിയിച്ചു.
കീം റാങ്ക് പട്ടിക റദ്ദാക്കിയ സിംഗിൾ ബെഞ്ച് വിധിയിലെ പരാമർശം തള്ളി ഹൈക്കോടതി ഡിവിഷൻ ബെഞ്ച്
കീം റാങ്ക് പട്ടിക റദ്ദാക്കിയ സിംഗിൾ ബെഞ്ച് വിധിയിലെ പരാമർശം ഹൈക്കോടതി ഡിവിഷൻ ബെഞ്ച് തള്ളി. കളി തുടങ്ങിയാൽ നിയമം മാറ്റാൻ കഴിയില്ലെന്നായിരുന്നു സിംഗിൾ ബെഞ്ചിന്റെ കണ്ടെത്തൽ. എന്നാൽ ഇത് അക്കാദമിക് വിഷയമായതിനാൽ സർവീസ് വിഷയമായി കണക്കാക്കാനാവില്ലെന്ന് ഡിവിഷൻ ബെഞ്ച് വ്യക്തമാക്കി. പഴയ ഫോർമുല ഉപയോഗിച്ചാൽ ആദ്യ പത്തിൽ സംസ്ഥാന സിലബസിൽ പഠിച്ച ഒരാൾ പോലും ഉണ്ടാകില്ലെന്ന് സർക്കാർ കോടതിയെ അറിയിച്ചു.
കീം പരീക്ഷാ ഫലം ഹൈക്കോടതി റദ്ദാക്കി; പുതിയ വഴിത്തിരിവ്
എൻജിനിയറിങ് പ്രവേശനത്തിനുള്ള കീം പരീക്ഷാ ഫലം ഹൈക്കോടതി റദ്ദാക്കി. സിബിഎസ്ഇ സിലബസിൽ പഠിക്കുന്ന പ്ലസ് ടു വിദ്യാർത്ഥിനിയുടെ ഹർജിയിലാണ് ഹൈക്കോടതി നടപടി. വെയിറ്റേജ് മാറ്റിയത് ശെരിയല്ലെന്ന് കോടതി വിലയിരുത്തി.
എംഎസ്സി കപ്പൽ അപകടം: മറ്റൊരു കപ്പൽ കൂടി കസ്റ്റഡിയിലെടുക്കാൻ ഹൈക്കോടതി ഉത്തരവ്
എംഎസ്സി എൽസ 3 കപ്പൽ അപകടത്തിൽ ഹൈക്കോടതിയുടെ നിർണായക ഇടപെടൽ. വിഴിഞ്ഞത്ത് എത്തിയ എംഎസ്സി കമ്പനിയുടെ മറ്റൊരു കപ്പൽ കസ്റ്റഡിയിലെടുക്കാൻ ഹൈക്കോടതി ഉത്തരവിട്ടു. 9531 കോടി രൂപയാണ് നഷ്ടപരിഹാരമായി സർക്കാർ ആവശ്യപ്പെട്ടിരിക്കുന്നത്.
രജിസ്ട്രാർ നിയമനം: സിസ തോമസ് ഗവർണർക്ക് റിപ്പോർട്ട് നൽകി
കേരള സർവകലാശാലയിലെ രജിസ്ട്രാർ നിയമനവുമായി ബന്ധപ്പെട്ട് വി.സി ഡോ. സിസ തോമസ് ഗവർണർക്ക് റിപ്പോർട്ട് നൽകി. രജിസ്ട്രാറുടെ സസ്പെൻഷൻ സിൻഡിക്കേറ്റ് റദ്ദാക്കിയത് നിയമവിരുദ്ധമാണെന്ന് റിപ്പോർട്ടിൽ പറയുന്നു. ഹൈക്കോടതി ഈ വിഷയത്തിൽ സിൻഡിക്കേറ്റ് അംഗത്തിനെതിരെ വിമർശനം ഉന്നയിച്ചു.
ഫോൺ ചോർത്തൽ: പി.വി. അൻവറിനെതിരെ ഹൈക്കോടതിയുടെ വിമർശനം
ഫോൺ ചോർത്തൽ വിവാദത്തിൽ പി.വി. അൻവറിനെതിരെ ഹൈക്കോടതിയുടെ രൂക്ഷ വിമർശനം. ഐ.പി.എസ് ഉദ്യോഗസ്ഥരുടെ ഫോൺ ചോർത്താൻ അൻവറിന് എന്തധികാരമെന്ന് കോടതി ചോദിച്ചു. കേസിൽ സി.ബി.ഐ അന്വേഷണം ആവശ്യപ്പെട്ടുള്ള ഹർജിയാണ് കോടതി പരിഗണിക്കുന്നത്.
കൊച്ചി കപ്പൽ ദുരന്തം: നഷ്ടപരിഹാരം ഈടാക്കാൻ ഹൈക്കോടതി
കൊച്ചി തീരത്ത് കപ്പൽ മുങ്ങിയ സംഭവത്തിൽ സംസ്ഥാന സർക്കാരിന് ഹൈക്കോടതിയുടെ നിർദ്ദേശം. മത്സ്യബന്ധനത്തിൽ ഉണ്ടായ നഷ്ടം സാമ്പത്തിക നഷ്ടമായി കണക്കാക്കണം. കപ്പൽ കമ്പനിയിൽ നിന്നും നഷ്ടപരിഹാരം ഈടാക്കണമെന്നും ഹൈക്കോടതി അറിയിച്ചു.
ഷഹബാസ് വധക്കേസ്: ആറ് പ്രതികളായ വിദ്യാർത്ഥികൾക്ക് ജാമ്യം അനുവദിച്ച് ഹൈക്കോടതി
താമരശ്ശേരി ഷഹബാസ് വധക്കേസിലെ ആറ് പ്രതികളായ വിദ്യാർത്ഥികൾക്ക് ഹൈക്കോടതി ജാമ്യം അനുവദിച്ചു. പ്രതികൾ മറ്റ് കുറ്റകൃത്യങ്ങളിൽ ഏർപ്പെടരുതെന്നും അന്വേഷണവുമായി സഹകരിക്കണമെന്നും കോടതി നിർദ്ദേശിച്ചു. ഈ ജാമ്യ വ്യവസ്ഥകളോടെയാണ് ഹൈക്കോടതി വിദ്യാർത്ഥികൾക്ക് ജാമ്യം നൽകിയിരിക്കുന്നത്.
കൊച്ചി കപ്പൽ അപകടം: സർക്കാരിനോട് വിശദാംശങ്ങൾ തേടി ഹൈക്കോടതി
കൊച്ചി കപ്പൽ അപകടത്തിൽ ഹൈക്കോടതി സർക്കാരിനോട് വിശദാംശങ്ങൾ തേടി. അപകടത്തെക്കുറിച്ചുള്ള വിവരങ്ങൾ പൊതുമധ്യത്തിൽ ലഭ്യമാണോയെന്ന് കോടതി ചോദിച്ചു. അപകടത്തിൻ്റെ വ്യാപ്തിയും ആഘാതവും സംബന്ധിച്ച വിവരങ്ങൾ ലഭ്യമാക്കണമെന്നും കോടതി നിർദേശിച്ചു.