Hemachandran Case
ഹേമചന്ദ്രൻ കൊലക്കേസിൽ ഒരാൾ കൂടി അറസ്റ്റിൽ; ഇത് അഞ്ചാമത്തെ പ്രതി
സുൽത്താൻ ബത്തേരിയിൽ ഹേമചന്ദ്രൻ കൊലക്കേസിൽ അഞ്ചാമത്തെ പ്രതി അറസ്റ്റിലായി. വയനാട് സ്വദേശി വെൽബിൻ മാത്യുവിനെയാണ് പോലീസ് അറസ്റ്റ് ചെയ്തത്. ഇയാൾ ഹേമചന്ദ്രനെ തട്ടിക്കൊണ്ടുപോയ ശേഷം പണമിടപാട് കരാറിൽ ഒപ്പിട്ടിരുന്നു.
ഹേമചന്ദ്രൻ വധക്കേസ്: നൗഷാദിനെ വയനാട്ടിലും ചേരമ്പാടിയിലും എത്തിച്ച് തെളിവെടുപ്പ്
ഹേമചന്ദ്രൻ വധക്കേസിലെ മുഖ്യപ്രതി നൗഷാദിനെ വയനാട്ടിലും ചേരമ്പാടിയിലും എത്തിച്ച് പൊലീസ് തെളിവെടുപ്പ് നടത്തുന്നു. റിയൽ എസ്റ്റേറ്റ് ഇടനിലക്കാരനായ ഹേമചന്ദ്രനെ തട്ടിക്കൊണ്ടുപോയി കൊലപ്പെടുത്തി കുഴിച്ചുമൂടിയെന്നാണ് കേസ്. നൗഷാദിന്റെ മൊഴികളിലെ വൈരുദ്ധ്യമാണ് സംശയത്തിനിടയാക്കിയത്.
ഹേമചന്ദ്രൻ കൊലക്കേസ്: മുഖ്യപ്രതി നൗഷാദ് കൊച്ചിയിലിറങ്ങില്ല, അന്വേഷണം ബെംഗളൂരുവിലേക്ക്
ഹേമചന്ദ്രൻ കൊലക്കേസിലെ മുഖ്യപ്രതി നൗഷാദ് കൊച്ചിയിൽ വിമാനമിറങ്ങില്ല. സൗദിയിൽ നിന്നും മസ്കറ്റിൽ ഇറങ്ങിയ ശേഷം നൗഷാദ് വിമാനം മാറി കയറിയതായി വിവരം. ഐ.ബി ഉദ്യോഗസ്ഥർ നൽകിയ വിവരത്തിന്റെ അടിസ്ഥാനത്തിൽ കേരള പൊലീസ് ബെംഗളൂരിലേക്ക് പുറപ്പെടും. ഹേമചന്ദ്രൻ തൂങ്ങിമരിച്ചതാണെന്നാണ് നൗഷാദ് അവകാശപ്പെട്ടത് എന്നാൽ പോസ്റ്റുമോർട്ടം റിപ്പോർട്ടിൽ മർദ്ദനമേറ്റാണ് മരണം എന്ന് പറയുന്നു.
ഹേമചന്ദ്രൻ കൊലക്കേസ്: മുഖ്യപ്രതി നൗഷാദ് ഇന്ന് കേരളത്തിലെത്തും
വയനാട് സുൽത്താൻ ബത്തേരി സ്വദേശി ഹേമചന്ദ്രന്റെ മരണത്തിലെ മുഖ്യപ്രതി നൗഷാദ് ഇന്ന് കേരളത്തിലെത്തും. വിസ കാലാവധി ഇന്ന് കഴിയുന്നതിനാൽ നെടുമ്പാശ്ശേരി വിമാനത്താവളത്തിൽ വെച്ച് ഇയാളെ കസ്റ്റഡിയിലെടുക്കാൻ സാധ്യതയുണ്ട്. അറസ്റ്റിലായ മറ്റു പ്രതികളിൽ നിന്ന് ലഭിച്ച വിവരങ്ങളും നൗഷാദിൽ നിന്ന് ചോദിച്ചറിയും.
ഹേമചന്ദ്രൻ ആത്മഹത്യ ചെയ്തതല്ല, കൊലപാതകം; നൗഷാദിന്റെ വാദം തള്ളി പോലീസ്
സുൽത്താൻ ബത്തേരി സ്വദേശി ഹേമചന്ദ്രൻ ആത്മഹത്യ ചെയ്തതാണെന്ന നൗഷാദിന്റെ വാദം പോലീസ് തള്ളി. നൗഷാദിന്റെ നേതൃത്വത്തിൽ കൊലപാതകം നടത്തിയതാണെന്ന് പോലീസ് സ്ഥിരീകരിച്ചു. കേസിൽ രണ്ട് സ്ത്രീകളെ പ്രതി ചേർക്കാൻ സാധ്യതയുണ്ട്.
ഹേമചന്ദ്രന്റേത് കൊലപാതകമല്ല, ആത്മഹത്യ; സൗദിയിൽ നിന്ന് കീഴടങ്ങാമെന്ന് പ്രതി നൗഷാദ്
സുൽത്താൻ ബത്തേരി സ്വദേശി ഹേമചന്ദ്രന്റെ മരണത്തിൽ പ്രതി നൗഷാദിന്റെ ഫേസ്ബുക്ക് പോസ്റ്റ് പുറത്ത്. ഹേമചന്ദ്രന്റേത് കൊലപാതകമല്ലെന്നും ആത്മഹത്യയാണെന്നും നൗഷാദ് പറയുന്നു. സൗദി അറേബ്യയിൽ നിന്ന് തിരിച്ചെത്തി പോലീസിൽ കീഴടങ്ങുമെന്നും നൗഷാദ് അറിയിച്ചു.