Health News
സംസ്ഥാനത്ത് വീണ്ടും അമീബിക് മസ്തിഷ്ക ജ്വര മരണം; ഈ മാസം റിപ്പോർട്ട് ചെയ്തത് മൂന്ന് മരണങ്ങൾ
തിരുവനന്തപുരം ആറ്റിങ്ങൽ സ്വദേശിയായ 57 വയസ്സുകാരൻ അമീബിക് മസ്തിഷ്ക ജ്വരം ബാധിച്ച് മരിച്ചു. ഈ മാസത്തിൽ മാത്രം മൂന്ന് മരണങ്ങൾ റിപ്പോർട്ട് ചെയ്തു. സംസ്ഥാനത്ത് ഈ വർഷം 160 കേസുകൾ റിപ്പോർട്ട് ചെയ്യപ്പെട്ടിട്ടുണ്ട്, 36 മരണങ്ങളും സ്ഥിരീകരിച്ചു. കെട്ടിക്കിടക്കുന്ന വെള്ളത്തിൽ കുളിക്കുന്നതും നീന്തുന്നതും ഒഴിവാക്കാൻ ശ്രദ്ധിക്കുക.
താമരശ്ശേരി താലൂക്ക് ആശുപത്രിയിൽ ഡോക്ടർക്ക് വെട്ടേറ്റ സംഭവം; അന്വേഷണത്തിന് ഉത്തരവിട്ട് ഡിഎംഒ
കോഴിക്കോട് താമരശ്ശേരി താലൂക്ക് ആശുപത്രിയിൽ ഡോക്ടർക്ക് വെട്ടേറ്റ സംഭവത്തിൽ ഡിഎംഒ കെ. രാജാറാം അന്വേഷണത്തിന് ഉത്തരവിട്ടു. ആരോഗ്യപ്രവർത്തകർക്കെതിരായ ആക്രമണങ്ങളെ അംഗീകരിക്കാനാവില്ലെന്നും, സംഭവത്തിൽ ശക്തമായ നിയമനടപടി സ്വീകരിക്കുമെന്നും ആരോഗ്യമന്ത്രി വീണാ ജോർജ് പ്രതികരിച്ചു. സംഭവത്തിൽ പ്രതിഷേധിച്ച് നാളെ മുതൽ ജില്ലയിലെ ഡോക്ടർമാർ പണിമുടക്ക് നടത്തും.
താമരശ്ശേരിയിൽ ഡോക്ടർക്ക് വെട്ടേറ്റ സംഭവം: മതിയായ ചികിത്സ കിട്ടിയില്ലെന്നാരോപിച്ച് ആക്രമണം
താമരശ്ശേരി താലൂക്ക് ആശുപത്രിയിൽ മതിയായ ചികിത്സ ലഭിച്ചില്ലെന്ന് ആരോപിച്ച് ഡോക്ടറെ ആക്രമിച്ചു. ബുധനാഴ്ച ഉച്ചയോടെയാണ് സനൂപ് എന്നയാൾ ഡോക്ടറെ ആക്രമിച്ചത്. സംഭവത്തിൽ ആരോഗ്യ മന്ത്രി വീണ ജോർജ്ജ് ശക്തമായ അപലപിച്ചു.
വിഷാംശം കണ്ടെത്തി; കോൾഡ്രിഫ് കഫ് സിറപ്പിന് മധ്യപ്രദേശിൽ നിരോധനം, ഡോക്ടർ കസ്റ്റഡിയിൽ
മധ്യപ്രദേശിൽ കോൾഡ്രിഫ് കഫ് സിറപ്പിന്റെ വിൽപന നിരോധിച്ചു. സിറപ്പിൽ വിഷാംശമുണ്ടെന്ന് കണ്ടെത്തിയതിനെ തുടർന്നാണ് നടപടി. മരുന്ന് നിർദേശിച്ച ഡോക്ടറെ കസ്റ്റഡിയിലെടുത്തു. സിറപ്പിന്റെ സാമ്പിളുകളിൽ 48.6 ശതമാനം ഡൈത്തിലീൻ ഗ്ലൈക്കോൾ എന്ന വിഷാംശം അടങ്ങിയതായി കണ്ടെത്തുകയായിരുന്നു.
അമീബിക് മസ്തിഷ്കജ്വരം: പഠനത്തിന് കേന്ദ്ര സംഘത്തെ അയക്കണമെന്ന് എം.കെ. രാഘവൻ
സംസ്ഥാനത്ത് അമീബിക് മസ്തിഷ്കജ്വരം തുടർച്ചയായി റിപ്പോർട്ട് ചെയ്യപ്പെടുന്ന സാഹചര്യത്തിൽ രോഗവ്യാപനത്തിന്റെ കാരണം പഠിക്കാൻ കേന്ദ്ര വിദഗ്ധ സംഘത്തെ അയക്കണമെന്ന് എം.കെ. രാഘവൻ എംപി കേന്ദ്ര ആരോഗ്യ മന്ത്രി ജെ.പി. നദ്ദയോട് ആവശ്യപ്പെട്ടു. രോഗം ആവർത്തിച്ച് റിപ്പോർട്ട് ചെയ്യുമ്പോഴും കാരണം കണ്ടെത്താൻ കേരളത്തിന് സാധിക്കുന്നില്ല. രോഗവ്യാപനത്തിന് വ്യക്തമായ കാരണം മനസ്സിലാക്കാൻ സാധിക്കാത്തത് പൊതുജനങ്ങളിൽ വലിയ ആശങ്ക ഉണ്ടാക്കിയിട്ടുണ്ട്.
കൊല്ലം ക്ലാപ്പനയിൽ രക്തസമ്മർദ്ദത്തിനുള്ള ഗുളിക വിതരണം മരവിപ്പിച്ചു
കൊല്ലം ക്ലാപ്പന പഞ്ചായത്തിലെ കുടുംബാരോഗ്യ കേന്ദ്രം വഴി വിതരണം ചെയ്ത രക്തസമ്മർദ്ദത്തിനുള്ള ഗുളികകളുടെ വിതരണം മരവിപ്പിച്ചു. മരുന്ന് കഴിച്ചവർക്ക് ശാരീരിക അസ്വസ്ഥതകൾ ഉണ്ടായതിനെ തുടർന്നാണ് നടപടി. കെഎംഎസ്സിഎല്ലിന്റെ നിർദ്ദേശ പ്രകാരമാണ് ഇപ്പോൾ വിതരണം നിർത്തിവെച്ചിരിക്കുന്നത്.
മെഡിക്കൽ കോളേജുകളിലേക്ക് നൽകിയ ഉപകരണങ്ങൾ തിരിച്ചെടുക്കുമെന്ന് വിതരണക്കാർ; രോഗികൾ ദുരിതത്തിൽ
മെഡിക്കൽ കോളേജുകളിലേക്ക് ഉപകരണങ്ങൾ വിതരണം ചെയ്തതിന്റെ കുടിശ്ശിക നൽകാത്തതിനെ തുടർന്ന് വിതരണക്കാർ ഉപകരണങ്ങൾ തിരിച്ചെടുക്കാൻ ഒരുങ്ങുന്നു. ഇതിനോടകം തന്നെ വിതരണക്കാർ മെഡിക്കൽ കോളേജുകൾക്ക് കത്ത് നൽകി കഴിഞ്ഞു. ഒക്ടോബർ 5 വരെ കുടിശ്ശിക നൽകാൻ സമയം നൽകിയിട്ടുണ്ട്.
കൊല്ലം ക്ലാപ്പനയിൽ വിതരണം ചെയ്ത രക്തസമ്മർദ്ദ ഗുളികകൾക്കെതിരെ പരാതി; വിതരണം നിർത്തിവെച്ചു
കൊല്ലം ക്ലാപ്പനയിൽ കുടുംബാരോഗ്യ കേന്ദ്രം വഴി വിതരണം ചെയ്ത രക്തസമ്മർദ്ദത്തിനുള്ള ഗുളികകൾക്കെതിരെ വ്യാപക പരാതി. ഗുളിക കഴിച്ച രോഗികൾക്ക് കടുത്ത ക്ഷീണം, അമിത ഉറക്കം, ശരീരവേദന തുടങ്ങിയ ബുദ്ധിമുട്ടുകൾ അനുഭവപ്പെട്ടതായി റിപ്പോർട്ട്. ഗുളികയുടെ ഗുണനിലവാരം ഉറപ്പുവരുത്തുന്നതിനായി കൂടുതൽ പരിശോധനകൾക്കായി ഡ്രഗ്സ് ലാബിലേക്ക് അയച്ചു.
അമീബിക് മസ്തിഷ്ക ജ്വരം: പ്രതിരോധ പ്രവർത്തനങ്ങൾ ശക്തമാക്കി ആരോഗ്യവകുപ്പ്
സംസ്ഥാനത്ത് അമീബിക് മസ്തിഷ്ക ജ്വരം റിപ്പോർട്ട് ചെയ്തതിനെ തുടർന്ന് ആരോഗ്യവകുപ്പ് പ്രതിരോധ പ്രവർത്തനങ്ങൾ ഊർജ്ജിതമാക്കി. നിലവിൽ 26 പേർ രോഗം സ്ഥിരീകരിച്ച് ചികിത്സയിലാണ്. രോഗം വ്യാപിക്കാതിരിക്കാൻ പൊതുജനങ്ങൾ ജാഗ്രത പാലിക്കണമെന്ന് ആരോഗ്യവകുപ്പ് അറിയിച്ചു.
ലിസി ആശുപത്രിയിൽ ഹൃദയം മാറ്റിവെച്ച 13കാരിയുടെ ആരോഗ്യനില തൃപ്തികരം
എറണാകുളം ലിസി ആശുപത്രിയിൽ ഹൃദയം മാറ്റിവയ്ക്കൽ ശസ്ത്രക്രിയക്ക് വിധേയയായ 13 വയസ്സുകാരിയുടെ ആരോഗ്യനില തൃപ്തികരമാണെന്ന് ഡോക്ടർമാർ അറിയിച്ചു. കൊല്ലം സ്വദേശിനിയായ ഈ പെൺകുട്ടിക്ക് മസ്തിഷ്കമരണം സംഭവിച്ച അങ്കമാലി സ്വദേശിയായ 18 വയസ്സുകാരന്റെ ഹൃദയമാണ് മാറ്റിവെച്ചത്. നാളെ പുലർച്ചെയോടെ കുട്ടിയെ വെന്റിലേറ്ററിൽ നിന്ന് മാറ്റാൻ സാധിക്കുമെന്നും ആശുപത്രി അധികൃതർ അറിയിച്ചു.
അമീബിക് മസ്തിഷ്ക ജ്വരം: ഈ വർഷം 17 മരണം, 66 പേർക്ക് രോഗബാധ
സംസ്ഥാനത്ത് ഈ വർഷം അമീബിക് മസ്തിഷ്ക ജ്വരം ബാധിച്ച് 17 മരണങ്ങൾ സ്ഥിരീകരിച്ചു. 66 പേർക്ക് രോഗം ബാധിച്ചതായും ആരോഗ്യ വകുപ്പ് അറിയിച്ചു. കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന ഒരാൾ രോഗമുക്തി നേടി.
സംസ്ഥാനത്ത് വീണ്ടും അമീബിക് മസ്തിഷ്ക ജ്വരം; ഒരു മാസത്തിനിടെ ആറ് മരണം
സംസ്ഥാനത്ത് അമീബിക് മസ്തിഷ്ക ജ്വരം ബാധിച്ച് ഒരാൾ കൂടി മരിച്ചു. മലപ്പുറം ചേലേമ്പ്ര സ്വദേശി ഷാജിയാണ് (51) കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ മരിച്ചത്. ഇതോടെ കഴിഞ്ഞ ഒരു മാസത്തിനിടെ ഈ രോഗം ബാധിച്ച് മരിച്ചവരുടെ എണ്ണം ആറായി. നിലവിൽ 10 പേർ രോഗം സ്ഥിരീകരിച്ച് ചികിത്സയിൽ കഴിയുന്നുണ്ട്, ഇതിൽ മൂന്ന് പേർ കുട്ടികളാണ്.