Government Jobs
റെയിൽവേയിൽ ജൂനിയർ എഞ്ചിനീയറാകാൻ അവസരം; ഉടൻ അപേക്ഷിക്കൂ!
റെയിൽവേ റിക്രൂട്ട്മെന്റ് ബോർഡ് ജൂനിയർ എഞ്ചിനീയർ തസ്തികകളിലേക്ക് അപേക്ഷ ക്ഷണിച്ചു. 2569 ഒഴിവുകളിലേക്ക് ഇപ്പോൾ അപേക്ഷിക്കാം. തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് 35,400 രൂപ അടിസ്ഥാന ശമ്പളം ലഭിക്കും.
നാഷണൽ ഹൈവേ അതോറിറ്റിയിൽ അവസരം; അപേക്ഷിക്കേണ്ട അവസാന തീയതി ഡിസംബർ 15
നാഷണൽ ഹൈവേ അതോറിറ്റിയിൽ വിവിധ തസ്തികകളിലേക്ക് അപേക്ഷകൾ ക്ഷണിക്കുന്നു. ഡെപ്യൂട്ടി മാനേജർ, അക്കൗണ്ടന്റ്, സ്റ്റെനോഗ്രാഫർ തുടങ്ങിയ തസ്തികകളിലേക്ക് ഹൈവേ അതോറിറ്റി ഓഫ് ഇന്ത്യയുടെ ഔദ്യോഗിക വെബ്സൈറ്റ് വഴി അപേക്ഷിക്കാവുന്നതാണ്. ഡിസംബർ 15 ആണ് അപേക്ഷിക്കാനുള്ള അവസാന തീയതി.
ശുചിത്വ മിഷനിൽ ടെക്നിക്കൽ അസിസ്റ്റന്റ് നിയമനം: ഉടൻ അപേക്ഷിക്കൂ!
തദ്ദേശ സ്വയംഭരണ വകുപ്പിന് കീഴിലുള്ള ശുചിത്വ മിഷനിൽ ടെക്നിക്കൽ അസിസ്റ്റന്റിനെ നിയമിക്കുന്നു. ബി ടെക്കും ഓട്ടോ കാഡ് അല്ലെങ്കിൽ ക്യൂ.ജി.ഐ.എസ് എന്നിവയിലുള്ള പ്രവർത്തി പരിചയവും ഉള്ളവർക്ക് അപേക്ഷിക്കാം. താല്പര്യമുള്ള ഉദ്യോഗാർത്ഥികൾക്ക് നവംബർ 3ന് രാവിലെ 9.45ന് തിരുവനന്തപുരം പബ്ലിക് ഓഫീസിലുള്ള സ്റ്റേറ്റ് ശുചിത്വ മിഷൻ ഓഫീസിൽ നേരിട്ട് ഹാജരാകാം.
വനിതാ വികസന കോർപ്പറേഷനിൽ ഫിനാൻസ് ഓഫീസർ നിയമനം
കേരള സ്റ്റേറ്റ് വുമൺ ഡെവലപ്മെന്റ് കോർപ്പറേഷനിൽ ഫിനാൻസ് ഓഫീസർ തസ്തികയിലേക്ക് നിയമനം നടത്തുന്നു. ഓപ്പൺ വിഭാഗത്തിനായി സംവരണം ചെയ്തിരിക്കുന്ന ഒരു ഒഴിവാണ് നിലവിലുള്ളത്. യോഗ്യരായ ഉദ്യോഗാർത്ഥികൾ ഒക്ടോബർ 30-നകം ബന്ധപ്പെട്ട രേഖകളുമായി എംപ്ലോയ്മെന്റ് എക്സ്ചേഞ്ചിൽ നേരിട്ട് ഹാജരാകേണ്ടതാണ്.
ആറ്റിങ്ങൽ ഗവ. ഐ.ടി.ഐയിൽ ജൂനിയർ ഇൻസ്ട്രക്ടർ നിയമനം: ഒക്ടോബർ 23-ന് അഭിമുഖം
തിരുവനന്തപുരം ആറ്റിങ്ങൽ ഗവൺമെൻ്റ് ഐ.ടി.ഐയിൽ റെഫ്രിജറേറ്റർ & എ.സി. ടെക്നീഷ്യൻ ട്രേഡിൽ ജൂനിയർ ഇൻസ്ട്രക്ടർ തസ്തികയിലേക്ക് എസ്.സി. വിഭാഗത്തിനായി ഒക്ടോബർ 23-ന് അഭിമുഖം നടത്തുന്നു. ബന്ധപ്പെട്ട വിഷയങ്ങളിൽ എഞ്ചിനീയറിംഗ് ഡിഗ്രിയോ ഡിപ്ലോമയോ അല്ലെങ്കിൽ എൻ.ടി.സിയും ഒരു വർഷത്തെ പ്രവർത്തിപരിചയവും അല്ലെങ്കിൽ എൻ.എ.സിയും മൂന്നു വർഷത്തെ പ്രവൃത്തിപരിചയവുമുള്ള എസ്.സി. വിഭാഗത്തിലുള്ളവർക്ക് പങ്കെടുക്കാം. കൂടുതൽ വിവരങ്ങൾക്കായി 0470 2622391 എന്ന നമ്പറിൽ ബന്ധപ്പെടാവുന്നതാണ്.
K-ഡിസ്ക് വിജ്ഞാന കേരളം പ്രോഗ്രാം: സീനിയർ പ്രോഗ്രാം മാനേജർ തസ്തികയിലേക്ക് അപേക്ഷിക്കാം
കേരള ഡെവലപ്മെന്റ് ആൻഡ് ഇന്നൊവേഷൻ സ്ട്രാറ്റജിക് കൗൺസിൽ (K-DISC) വിജ്ഞാന കേരളം പ്രോഗ്രാമിന് കീഴിൽ സീനിയർ പ്രോഗ്രാം മാനേജർ ഗ്രേഡ് II, സീനിയർ പ്രോഗ്രാം മാനേജർ ഗ്രേഡ് I എന്നീ തസ്തികകളിലേക്ക് അപേക്ഷകൾ ക്ഷണിക്കുന്നു. കരാർ അടിസ്ഥാനത്തിലുള്ള ഈ നിയമനത്തിന് 45 വയസ്സാണ് പ്രായപരിധി. അപേക്ഷിക്കേണ്ട അവസാന തീയതി ഒക്ടോബർ 21 ആണ്.
വനിതാ ശിശു സെല്ലിൽ ഫാമിലി കൗൺസിലർ നിയമനം: അപേക്ഷ ക്ഷണിച്ചു
സംസ്ഥാന വനിതാ ശിശു സെല്ലിൽ ജെൻഡർ അവയർനസ്സ് സ്റ്റേറ്റ് പ്ലാൻ സ്കീം പ്രകാരം വനിതാ ഫാമിലി കൗൺസിലർമാരെ നിയമിക്കുന്നു. സൈക്കോളജിയിൽ ബിരുദാനന്തര ബിരുദവും കൗൺസിലിംഗിൽ പ്രവർത്തി പരിചയവും ഉള്ളവർക്ക് അപേക്ഷിക്കാം. തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് പ്രതിമാസം 17,000 രൂപ പ്രതിഫലം ലഭിക്കും. 2024 മെയ് 27 ആണ് അപേക്ഷിക്കേണ്ട അവസാന തീയതി.
കഴക്കൂട്ടം ഗവൺമെൻ്റ് വനിതാ ഐ.ടി.ഐയിൽ താൽക്കാലിക ഇൻസ്ട്രക്ടർ നിയമനം
കഴക്കൂട്ടം ഗവൺമെൻ്റ് വനിതാ ഐ.ടി.ഐയിൽ താൽക്കാലിക ഇൻസ്ട്രക്ടർമാരുടെ ഒഴിവുകളിലേക്ക് അപേക്ഷകൾ ക്ഷണിക്കുന്നു. ഒക്ടോബർ 14-ന് രാവിലെ 11-ന് പ്രിൻസിപ്പാൾ മുൻപാകെ കൂടിക്കാഴ്ചയ്ക്ക് ഹാജരാകുക. കൂടുതൽ വിവരങ്ങൾക്കായി 0471 2418317 എന്ന നമ്പറിൽ ബന്ധപ്പെടാവുന്നതാണ്.
ബിഹാറിൽ മഹാസഖ്യം അധികാരത്തിൽ വന്നാൽ ഓരോ കുടുംബത്തിനും സർക്കാർ ജോലി: തേജസ്വി യാദവ്
ബിഹാറിൽ മഹാസഖ്യം അധികാരത്തിൽ വന്നാൽ സംസ്ഥാനത്തെ ഓരോ കുടുംബത്തിലെ ഒരംഗത്തിനെങ്കിലും സർക്കാർ ജോലി ഉറപ്പാക്കാൻ പുതിയ നിയമം കൊണ്ടുവരുമെന്ന് ആർജെഡി നേതാവ് തേജസ്വി യാദവ്. സർക്കാർ രൂപീകരിച്ച് 20 ദിവസത്തിനുള്ളിൽ നിയമം കൊണ്ടുവരുമെന്നും അദ്ദേഹം പറഞ്ഞു. എൻഡിഎ സർക്കാർ തൊഴിലില്ലായ്മയെ അവഗണിച്ചുവെന്നും തേജസ്വി യാദവ് കുറ്റപ്പെടുത്തി.
വിമുക്തഭടൻമാർക്ക് സർക്കാർ സ്ഥാപനങ്ങളിൽ ജോലി നേടാൻ അവസരം; അപേക്ഷിക്കേണ്ട അവസാന തീയതി ഡിസംബർ 10
2026 ജനുവരി മുതൽ ഡിസംബർ വരെ കേരളത്തിലെ കേന്ദ്ര/സംസ്ഥാന സർക്കാർ സ്ഥാപനങ്ങളിലും പൊതുമേഖലാ സ്ഥാപനങ്ങളിലും ഉണ്ടാകാൻ ഇടയുള്ള സുരക്ഷാ ജീവനക്കാരുടെ ഒഴിവുകളിലേക്ക് അപേക്ഷ ക്ഷണിക്കുന്നു. കെക്സ്കോണിൽ രജിസ്റ്റർ ചെയ്തിട്ടുള്ള വിമുക്തഭടന്മാർക്കും അവരുടെ ആശ്രിതർക്കും ഈ അവസരം പ്രയോജനപ്പെടുത്താം. ഓൺലൈൻ അപേക്ഷകൾ ഒക്ടോബർ 20 മുതൽ ഡിസംബർ 10 വരെ സ്വീകരിക്കുന്നതാണ്.
ഇന്ത്യൻ കോസ്റ്റ് ഗാർഡിൽ വിവിധ ഒഴിവുകൾ; 2025 നവംബർ 11 വരെ അപേക്ഷിക്കാം
ഇന്ത്യൻ കോസ്റ്റ് ഗാർഡിൽ സ്റ്റോർ കീപ്പർ, എഞ്ചിൻ ഡ്രൈവർ, ഡ്രാഫ്റ്റ്സ്മാൻ തുടങ്ങി വിവിധ തസ്തികകളിലേക്ക് അപേക്ഷകൾ ക്ഷണിക്കുന്നു. താല്പര്യമുള്ള ഉദ്യോഗാർത്ഥികൾക്ക് 2025 നവംബർ 11 വരെ ഓഫ്ലൈനായി അപേക്ഷിക്കാം. തിരഞ്ഞെടുക്കപ്പെടുന്നവർക്ക് പ്രതിമാസം 18,000 രൂപ മുതൽ 81,100 രൂപ വരെ ശമ്പളം ലഭിക്കും.
കേരള സംസ്ഥാന റിമോട്ട് സെൻസിംഗ് ആൻഡ് എൻവയോൺമെന്റ് സെന്ററിൽ അവസരങ്ങൾ
കേരള സംസ്ഥാന റിമോട്ട് സെൻസിംഗ് ആൻഡ് എൻവയോൺമെന്റ് സെന്റർ വിവിധ പ്രോജക്ടുകളിലേക്ക് കരാർ നിയമനം നടത്തുന്നു. പ്രോജക്ട് സയന്റിസ്റ്റ്, പ്രോഗ്രാമർ, സിസ്റ്റം മാനേജർ തുടങ്ങിയ തസ്തികകളിലാണ് നിയമനം. അപേക്ഷകൾ ഒക്ടോബർ 8-ന് മുമ്പ് ഓൺലൈനായി സമർപ്പിക്കണം.