Gold Theft Case
ശബരിമല സ്വർണക്കൊള്ളക്കേസിൽ എൻ. വാസുവിൻ്റെ ജാമ്യാപേക്ഷയിൽ ഇന്ന് വിധി
ശബരിമല സ്വർണക്കൊള്ളക്കേസിൽ എൻ. വാസുവിൻ്റെ ജാമ്യാപേക്ഷയിൽ കൊല്ലം വിജിലൻസ് കോടതി ഇന്ന് വിധി പറയും. സ്വർണക്കടത്തിൽ തനിക്ക് പങ്കില്ലെന്നും ഉദ്യോഗസ്ഥർ നൽകിയ ഫയൽ ദേവസ്വം ബോർഡിൻ്റെ പരിഗണനയ്ക്ക് അയക്കുക മാത്രമാണ് ചെയ്തതെന്നുമാണ് എൻ. വാസുവിൻ്റെ വാദം. അതേസമയം, തീർത്ഥാടന തിരക്ക് വർധിക്കുന്ന സാഹചര്യത്തിൽ നിലക്കലിൽ കൂടുതൽ സ്പോട്ട് ബുക്കിംഗ് അനുവദിച്ചിട്ടുണ്ട്.
ശബരിമല സ്വർണക്കൊള്ളക്കേസ്: ഉണ്ണികൃഷ്ണൻ പോറ്റിയും മുരാരി ബാബുവും റിമാൻഡിൽ
ശബരിമല സ്വർണക്കൊള്ളക്കേസിലെ പ്രധാന പ്രതികളായ ഉണ്ണികൃഷ്ണൻ പോറ്റിയെയും മുരാരി ബാബുവിനെയും റിമാൻഡ് ചെയ്തു. റാന്നി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയാണ് റിമാൻഡ് ചെയ്തത്. കേസിൽ മുൻകൂർ ജാമ്യം തേടി മുരാരി ബാബു സമർപ്പിച്ച ഹർജി 12-ാം തീയതി കോടതി പരിഗണിക്കും.
ദേവസ്വം ബോർഡ് അധ്യക്ഷനെ ഇന്ന് അറിയാം; സ്വർണ്ണമോഷണക്കേസിൽ വഴിത്തിരിവ്
ദേവസ്വം ബോർഡ് അധ്യക്ഷ സ്ഥാനത്തേക്ക് പി.എസ്. പ്രശാന്തിൻ്റെ പിൻഗാമിയെ സി.പി.ഐ.എം ഇന്ന് തീരുമാനിക്കും. മുൻ എം.പി. എ. സമ്പത്ത് ഉൾപ്പെടെയുള്ള നേതാക്കളെ ദേവസ്വം ബോർഡ് അധ്യക്ഷ സ്ഥാനത്തേക്ക് സി.പി.ഐ.എം പരിഗണിക്കുന്നുണ്ട്. ശബരിമല സ്വർണ്ണമോഷണക്കേസിൽ മുരാരി ബാബുവിനെയും സുധീഷ് കുമാറിനെയും വീണ്ടും കസ്റ്റഡിയിൽ വാങ്ങാനുള്ള എസ്.ഐ.ടി.യുടെ അപേക്ഷ ഇന്ന് കോടതി പരിഗണിക്കും.
ശബരിമല സ്വർണക്കൊള്ള: മുഖ്യപ്രതി ഉണ്ണികൃഷ്ണൻ പോറ്റി റിമാൻഡിൽ
ശബരിമല സ്വർണക്കൊള്ളക്കേസിലെ മുഖ്യപ്രതി ഉണ്ണികൃഷ്ണൻ പോറ്റിയെ കോടതി റിമാൻഡ് ചെയ്തു. തിരുവനന്തപുരം സ്പെഷ്യൽ ജയിലിലേക്ക് ഇയാളെ മാറ്റും. അന്വേഷണം രണ്ടാംഘട്ടത്തിലേക്ക് കടന്നതോടെ 2019ലെയും 25ലെയും ദേവസ്വം ബോർഡ് അംഗങ്ങളെ ചോദ്യം ചെയ്യാനാണ് എസ്ഐടി നീക്കം.
ശബരിമല സ്വർണക്കൊള്ള: രണ്ടാം പ്രതി മുരാരി ബാബുവിനെ തിരുവനന്തപുരത്ത് എത്തിച്ചു, ഇന്ന് ചോദ്യം ചെയ്യും
ശബരിമല സ്വർണക്കൊള്ളക്കേസിൽ രണ്ടാം പ്രതി മുരാരി ബാബുവിനെ തിരുവനന്തപുരത്ത് എത്തിച്ചു. ഈഞ്ചയ്ക്കൽ ക്രൈംബ്രാഞ്ച് ഓഫീസിൽ വെച്ച് എസ്ഐടി ഇയാളെ ചോദ്യം ചെയ്യും. അതേസമയം, ശബരിമലയിൽ നിർണായക രേഖകൾ നശിപ്പിച്ചെന്നും സൂചനയുണ്ട്.