Gold Controversy
ശബരിമല സ്വർണവിവാദം: ഉണ്ണികൃഷ്ണൻ പോറ്റിയുടെ അറസ്റ്റ് ഉടൻ
ശബരിമല സ്വർണവിവാദത്തിൽ ഉണ്ണികൃഷ്ണൻ പോറ്റിയുടെ അറസ്റ്റ് ഉടൻ. കസ്റ്റഡി വിവരം വീട്ടുകാരെ അറിയിച്ചു. തിരുവനന്തപുരം ഈഞ്ചക്കൽ ക്രൈംബ്രാഞ്ച് ഓഫീസിൽ പോറ്റിയുടെ ചോദ്യം ചെയ്യൽ തുടരുകയാണ്.
ശബരിമലയിലെ പഴയ സ്വർണ്ണപ്പാളി എവിടെപ്പോയെന്ന് അറിയില്ല; വെളിപ്പെടുത്തലുമായി ശില്പി എളവള്ളി നന്ദൻ
ശബരിമലയിലെ പഴയ സ്വർണ്ണപ്പാളി എവിടെപ്പോയെന്ന് അറിയില്ലെന്ന് പുതിയ വാതിൽ നിർമ്മിച്ച ശിൽപി എളവള്ളി നന്ദൻ പറയുന്നു. പഴയ വാതിലിൽ നിന്നും സ്വർണ്ണപ്പൂട്ട് മാത്രമാണ് എടുത്തതെന്നും ബാക്കി സ്വർണ്ണപ്പാളി എന്തുചെയ്തുവെന്ന് തനിക്കറിയില്ലെന്നും നന്ദൻ വ്യക്തമാക്കി. വിവാദങ്ങൾക്കു ശേഷം ഉണ്ണികൃഷ്ണൻ പോറ്റി വീണ്ടും വിളിച്ചെന്നും അദ്ദേഹം കൂട്ടിച്ചേർത്തു.
ശബരിമല സ്വര്ണപ്പാളി വിവാദം: അന്വേഷണത്തിന് പ്രത്യേക സംഘത്തെ നിയോഗിച്ച് സര്ക്കാര്
ശബരിമലയിലെ സ്വര്ണപ്പാളി വിവാദത്തില് അന്വേഷണത്തിന് പ്രത്യേക സംഘത്തെ നിയോഗിച്ച് സര്ക്കാര് ഉത്തരവിറക്കി. ഹൈക്കോടതിയുടെ മേല്നോട്ടത്തില് എഡിജിപി എച്ച്. വെങ്കിടേശിന്റെ നേതൃത്വത്തിലുള്ള സംഘമാണ് കേസ് അന്വേഷിക്കുക. സ്വര്ണ്ണ കവര്ച്ചയില് നാളെ ദേവസ്വം വിജിലന്സ് ഹൈക്കോടതിയില് റിപ്പോര്ട്ട് സമര്പ്പിക്കും.
ശബരിമല സ്വർണ വിവാദം: ജസ്റ്റിസ് കെ.ടി. ശങ്കരൻ നാളെ സന്നിധാനത്ത്
ശബരിമല സ്വർണ മോഷണ വിവാദത്തിൽ ഹൈക്കോടതി നിർദേശത്തെ തുടർന്ന് ജസ്റ്റിസ് കെ.ടി. ശങ്കരൻ നാളെ സന്നിധാനത്ത് എത്തും. സ്ട്രോങ് റൂമുകളിലെ വസ്തുക്കളുടെ കണക്കുകൾ കൃത്യമായി തിട്ടപ്പെടുത്തി രജിസ്റ്റർ ചെയ്ത് ഹൈക്കോടതിക്ക് സമർപ്പിക്കാൻ നേരത്തെ നിർദ്ദേശം നൽകിയിരുന്നു. ദ്വാരപാലക ശിൽപ്പത്തിൽ സ്വർണം പൂശിയ സ്മാർട്ട് ക്രിയേഷൻസിന്റെ സി.ഇ.ഒ മനോജ് ഭണ്ഡാരിയിൽ നിന്ന് ദേവസ്വം വിജിലൻസ് മൊഴിയെടുക്കുകയാണ്.
സ്വർണ വിവാദം: വി.ഡി. സതീശനെതിരെ ആഞ്ഞടിച്ച് പി.എസ്. പ്രശാന്ത്
സ്വർണ മോഷണ വിവാദത്തിൽ പ്രതികരണവുമായി തിരുവിതാംകൂർ ദേവസ്വം ബോർഡ് പ്രസിഡന്റ് പി.എസ്. പ്രശാന്ത് രംഗത്ത്. തനിക്കെതിരായ ആരോപണങ്ങൾക്ക് പിന്നിൽ ഗൂഢാലോചന നടന്നിട്ടുണ്ടെന്നും ശബരിമലയെ സുവർണാവസരമായി കണ്ടുകൊണ്ട് പ്രതിപക്ഷ നേതാവ് രാഷ്ട്രീയം കളിക്കുകയാണെന്നും അദ്ദേഹം ആരോപിച്ചു. അന്വേഷണ റിപ്പോർട്ട് വരുന്നതുവരെ പ്രതിപക്ഷം ക്ഷമയോടെ കാത്തിരിക്കണമെന്നും പി.എസ്. പ്രശാന്ത് ആവശ്യപ്പെട്ടു.
ശബരിമലയിലെ ശ്രീകോവിൽ കട്ടിള ചെമ്പെന്ന് രേഖ; സ്വർണം പൂശാൻ നൽകിയത് ഉണ്ണികൃഷ്ണൻ പോറ്റിക്ക്
ശബരിമല സ്വർണ്ണ കേസിൽ നിർണ്ണായക വഴിത്തിരിവ്. ശ്രീകോവിലിന്റെ കട്ടിള ചെമ്പെന്ന് രേഖപ്പെടുത്തിയ മഹസർ പുറത്ത്. ദേവസ്വം മുൻ അഡ്മിനിസ്ട്രേറ്റീവ് ഓഫീസർ മുരാരി ബാബു അടക്കമുള്ള ഉദ്യോഗസ്ഥരാണ് രേഖയിൽ ഒപ്പിട്ടിരിക്കുന്നത്.
ശബരിമല സ്വർണപ്പാളി വിവാദം: ഉണ്ണികൃഷ്ണൻ പോറ്റിയുമായി ബന്ധമില്ലെന്ന് എൻ. വാസു
ശബരിമല സ്വർണപ്പാളി വിവാദത്തിൽ പ്രതികരണവുമായി ദേവസ്വം ബോർഡ് മുൻ പ്രസിഡന്റ് എൻ വാസു. ഉണ്ണികൃഷ്ണൻ പോറ്റിയുമായി വ്യക്തിപരമായ ബന്ധമില്ലെന്നും സ്പോൺസർ എന്ന നിലയിൽ മാത്രമേ കണ്ടിട്ടുള്ളൂവെന്നും അദ്ദേഹം വ്യക്തമാക്കി. താൻ പ്രസിഡന്റായിരുന്ന കാലത്തല്ല ദ്വാരപാലക ശിൽപങ്ങൾ ഇളക്കി കൊണ്ടുപോയതെന്നും പിന്നീട് പുനഃസ്ഥാപിച്ചതെന്നും എൻ. വാസു മാധ്യമങ്ങളോട് പറഞ്ഞു.
ശബരിമല സ്വർണപ്പാളി വിവാദം: ഉദ്യോഗസ്ഥ വീഴ്ചയ്ക്ക് തെളിവുകളുമായി ദേവസ്വം വിജിലൻസ്
ശബരിമല സ്വർണപ്പാളി വിവാദത്തിൽ ഉദ്യോഗസ്ഥരുടെ വീഴ്ചകൾക്ക് തെളിവുകളുമായി ദേവസ്വം വിജിലൻസ് ഹൈക്കോടതിയിൽ റിപ്പോർട്ട് സമർപ്പിച്ചു. 2019-ൽ ദ്വാരപാലക ശിൽപത്തിലെ സ്വർണ്ണപ്പാളി ചെമ്പുപാളിയാണെന്ന് ഉദ്യോഗസ്ഥർ റിപ്പോർട്ട് നൽകിയത് ഇതിന് കാരണമായി. ഹൈക്കോടതി ഈ വിഷയത്തിൽ ഉന്നതതല അന്വേഷണം പ്രഖ്യാപിച്ചു.
ശബരിമല സ്വർണ്ണപ്പാളി വിവാദം: ആരോപണങ്ങൾ നിഷേധിച്ച് ഉണ്ണികൃഷ്ണൻ പോറ്റി
ശബരിമല സ്വർണ്ണപ്പാളി വിവാദത്തിൽ ഉണ്ണികൃഷ്ണൻ പോറ്റി തനിക്കെതിരെയുള്ള ആരോപണങ്ങൾ നിഷേധിച്ചു. തനിക്ക് ലഭിച്ചത് ചെമ്പു പാളിയാണെന്നും, ഉദ്യോഗസ്ഥ വീഴ്ചയാണ് സംഭവിച്ചതെന്നും അദ്ദേഹം വാദിച്ചു. ദേവസ്വം ബോർഡ് ഹൈക്കോടതിയെ സമീപിക്കും.
ശബരിമല സ്വർണ്ണപ്പാളി വിവാദം: ഉണ്ണികൃഷ്ണൻ പോറ്റിയുടെ സഹായികളെ ഉടൻ ചോദ്യം ചെയ്യും
ശബരിമല സ്വർണ്ണപ്പാളി വിവാദത്തിൽ ആരോപണവിധേയനായ ഉണ്ണികൃഷ്ണൻ പോറ്റിയുടെ സഹായികളെ ഉടൻ ചോദ്യം ചെയ്യും. ഇതിന്റെ ഭാഗമായി വാസുദേവൻ പോറ്റി, അനന്തസുബ്രഹ്മണ്യം, രമേശ് എന്നിവരെ ചോദ്യം ചെയ്യും. 1999-ൽ വിജയ് മല്യ സ്വർണം പൂശിയ ദ്വാരപാലക ശിൽപത്തിന്റെ അസൽ പാളികൾ എവിടെയെന്നതിൽ ദേവസ്വം ബോർഡിന് ഉത്തരമില്ല.
ശബരിമല സ്വര്ണപ്പാളി വിവാദം: ഒക്ടോബർ 7ന് മുഖ്യമന്ത്രിയുടെ വസതിയിലേക്ക് മാർച്ച് നടത്തുമെന്ന് ബിജെപി
ശബരിമലയിലെ സ്വര്ണപ്പാളി വിവാദത്തിൽ സർക്കാരിനെതിരെ ശക്തമായ പ്രതിഷേധവുമായി ബിജെപി. ഒക്ടോബർ ഏഴിന് മുഖ്യമന്ത്രിയുടെ വസതിയിലേക്ക് ബിജെപി മാർച്ച് നടത്തുമെന്ന് നേതാവ് പി.കെ. കൃഷ്ണദാസ് വ്യക്തമാക്കി. സ്വർണ്ണവുമായി ബന്ധപെട്ടുണ്ടായ എല്ലാ വിഷയങ്ങളിലും സിബിഐ അന്വേഷണത്തിന് ഉത്തരവിടാൻ സർക്കാരിനെ അദ്ദേഹം വെല്ലുവിളിച്ചു. ഈ വിഷയത്തിൽ ദേവസ്വം ബോർഡിന്റെ ഭാഗത്തുനിന്നും വീഴ്ച സംഭവിച്ചിട്ടുണ്ട്
ശബരിമല സ്വർണ്ണപ്പാളി വിവാദം: ഉണ്ണികൃഷ്ണൻ പോറ്റിയെ ഇന്ന് ചോദ്യം ചെയ്യും
ശബരിമല സ്വർണ്ണപ്പാളി വിവാദത്തിൽ ആരോപണവിധേയനായ ഉണ്ണികൃഷ്ണൻ പോറ്റിയെ ദേവസ്വം വിജിലൻസ് ഇന്ന് ചോദ്യം ചെയ്യും. അദ്ദേഹത്തിന്റെ സാമ്പത്തിക ഇടപാടുകളും റിയൽ എസ്റ്റേറ്റ് ബന്ധങ്ങളും അന്വേഷണ പരിധിയിൽ വരും. 2019 മുതൽ 25 വരെ ശബരിമലയിലെ തങ്കവാതിൽ, ദ്വാരക ശിൽപ്പത്തിലെ സ്വർണ്ണപ്പാളികൾ, സ്വർണ്ണ പീഠം എന്നിവയുമായി ബന്ധപ്പെട്ടാണ് പ്രധാനമായും അന്വേഷണം നടക്കുന്നത്.