Global Warming
സമുദ്രത്തിന്റെ നിറം മാറുന്നു; പഠനം പുറത്ത്
സമുദ്രത്തിന്റെ നിറം അസാധാരണമായി മാറുന്നതായി ഗവേഷണ പഠനം. 2.6 ശതമാനം സമുദ്ര പ്രദേശത്തും 100 മീറ്റർ താഴേക്ക് പ്രകാശം എത്തുന്നില്ല. ഇത് സമുദ്രത്തിലെ 90 ശതമാനം മത്സ്യങ്ങളും ജീവിക്കുന്ന ഫോട്ടിക് സോണിൽ മാറ്റം വരുത്തുന്നത് മത്സ്യങ്ങൾ അടക്കമുള്ള സമുദ്ര ജീവികളുടെ ജീവിതത്തെ പ്രതികൂലമായി ബാധിക്കും. സമുദ്രത്തിലെ ഈ വ്യതിയാനം ദൂരവ്യാപകമായ പ്രത്യാഘാതങ്ങൾക്ക് കാരണമാകും എന്നും പഠനം പറയുന്നു.
കാലാവസ്ഥാ വ്യതിയാനം: അന്റാർട്ടിക്ക അപ്രത്യക്ഷമാകുമെന്ന് ഗവേഷകരുടെ മുന്നറിയിപ്പ്
കാലാവസ്ഥാ വ്യതിയാനം മൂലം അന്റാർട്ടിക്ക അപ്രത്യക്ഷമാകുമെന്ന് ഗവേഷകർ മുന്നറിയിപ്പ് നൽകുന്നു. കഴിഞ്ഞ 30 വർഷത്തിനിടെ 10.5 സെന്റീമീറ്റർ കടൽ കയറിയതായി റിപ്പോർട്ട് ചെയ്യുന്നു. കിഴക്കൻ അന്റാർട്ടിക്കയിലെ മഞ്ഞുപാളികൾ അലിയുന്നത് ആഗോള തലത്തിൽ തീരദേശ മേഖലകളെ ബാധിക്കുമെന്ന് ശാസ്ത്രജ്ഞർ മുന്നറിയിപ്പ് നൽകുന്നു.
2024 ചരിത്രത്തിലെ ഏറ്റവും ചൂടേറിയ വർഷമാകുന്നു; പാരിസ് ഉടമ്പടി ലക്ഷ്യം പാളുന്നു
2024 ചരിത്രത്തിലെ ഏറ്റവും ചൂടേറിയ വർഷമായി മാറുന്നു. വ്യവസായയുഗത്തിലെ ശരാശരി താപനിലയിൽ നിന്ന് 1.5 ഡിഗ്രി സെൽഷ്യസ് വർധനവ് രേഖപ്പെടുത്തി. കാർബൺ ഡയോക്സൈഡ് വാതക ബഹിർഗമനം വർധിച്ചതാണ് താപനില കൂടാൻ കാരണം.
അന്റാർട്ടിക്കയിൽ പച്ചപ്പ് വർധിക്കുന്നു; കാലാവസ്ഥാ വ്യതിയാനം ആശങ്കയാകുന്നു
കാലാവസ്ഥാ വ്യതിയാനം മൂലം അന്റാർട്ടിക്കയിൽ സസ്യജാലങ്ങളുടെ വളർച്ച വേഗത്തിലാകുന്നു. കഴിഞ്ഞ 40 വർഷത്തിനിടയിൽ പച്ചപ്പ് 10 മടങ്ങ് വർധിച്ചു. ഇത് അന്റാർട്ടിക്കയുടെ ഭാവിയെക്കുറിച്ച് ഗുരുതരമായ ആശങ്കകൾ ഉയർത്തുന്നു.