Gaza Conflict
ഹമാസ് നേതാവ് മുഹമ്മദ് സിൻവാറിനെ വധിച്ചെന്ന് ഇസ്രായേൽ പ്രധാനമന്ത്രി
ഗസയിലെ ഹമാസ് നേതാവും 2023 ൽ ഇസ്രായേൽ ആക്രമണത്തിന്റെ മുഖ്യ സൂത്രധാരനുമായ യഹ്യ സിൻവാറിൻ്റെ സഹോദരൻ മുഹമ്മദ് സിൻവാറിനെ ഇസ്രായേൽ സൈന്യം വധിച്ചെന്ന് പ്രധാനമന്ത്രി ബെഞ്ചമിൻ നെതന്യാഹു. ഈ മാസം 13 ന് തെക്കൻ ഗസയിൽ ഇസ്രായേൽ നടത്തിയ വ്യോമാക്രണത്തിലാണ് മുഹമ്മദ് സിൻവാർ കൊല്ലപ്പെട്ടതെന്ന് നെതന്യാഹു പാർലമെന്റ് പ്ലീനറി സെഷനിൽ പറഞ്ഞു. ഖാൻ യൂനിസിലെ യൂറോപ്യൻ ആശുപത്രിയുടെ പരിസരത്ത് നടത്തിയ ആക്രമണത്തിലാണ് മുഹമ്മദ് സിൻവാർ കൊല്ലപ്പെട്ടത്.
ഹമാസ് ബന്ദികളെ വിട്ടയക്കാതെ ഗസയിൽ ആക്രമണം പുനരാരംഭിക്കും: നെതന്യാഹു
ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു ഹമാസിന്റെ തടവിലുള്ള ബന്ദികളെ ശനിയാഴ്ചയ്ക്ക് മുൻപ് വിട്ടയക്കണമെന്ന് ആവശ്യപ്പെട്ടു. ബന്ദികളെ വിട്ടയക്കുന്നതിൽ വൈകിയാൽ ഗസയിൽ ആക്രമണം പുനരാരംഭിക്കുമെന്നും അദ്ദേഹം മുന്നറിയിപ്പ് നൽകി. യു.എസ് പ്രസിഡന്റ് ഡൊണാൾഡ് ട്രംപും ഈ ആവശ്യം ആവർത്തിച്ചു.
ഗസയിൽ 61,709 മരണം: ആരോഗ്യ മന്ത്രാലയത്തിന്റെ ഞെട്ടിക്കുന്ന കണക്ക്
ഗസയിലെ ഇസ്രായേൽ ആക്രമണത്തിൽ 61,709 പേർ മരിച്ചതായി ഗസ ആരോഗ്യ മന്ത്രാലയം അറിയിച്ചു. മുൻപ് റിപ്പോർട്ട് ചെയ്തതിനേക്കാൾ വളരെ കൂടുതലാണ് ഈ കണക്ക്. വെടിനിർത്തലിനു ശേഷമുള്ള തിരച്ചിലിലാണ് കൂടുതൽ മൃതദേഹങ്ങൾ കണ്ടെത്തിയത്.
ഗസ്സ സംഘർഷത്തിനിടെ ഖത്തർ സന്ദർശിക്കാനെത്തുന്ന യുഎസ് സ്റ്റേറ്റ് സെക്രട്ടറി ആൻ്റണി ബ്ലിങ്കൻ
അമേരിക്കൻ സ്റ്റേറ്റ് സെക്രട്ടറി ആൻ്റണി ബ്ലിങ്കൻ ദോഹ സന്ദർശിക്കുന്നു. ഗസയിലെ സംഘർഷം അവസാനിപ്പിക്കുന്നതിനും ബന്ദികളുടെ മോചനം ഉറപ്പാക്കുന്നതിനുമുള്ള ചർച്ചകൾ നടത്തും. ഇസ്രായേൽ, ജോർദാൻ എന്നിവിടങ്ങളിലും സന്ദർശനം നടത്തും.