Fresh Cut Plant
കട്ടിപ്പാറ ഫ്രഷ് കട്ട്: കസ്റ്റഡിയിലെടുത്ത ലീഗ് നേതാവിനെ വിട്ടയച്ചു,സമരസമിതി ചെയർമാനെതിരെ ലുക്ക് ഔട്ട് നോട്ടീസ്
കട്ടിപ്പാറ ഫ്രഷ് കട്ട് സമരസമിതി ചെയർമാന്റെ നാമനിർദേശ പത്രിക സമർപ്പിക്കാൻ എത്തിയപ്പോൾ കസ്റ്റഡിയിലെടുത്ത മുസ്ലീം ലീഗ് നേതാവിനെ പോലീസ് വിട്ടയച്ചു. സമരസമിതി ചെയർമാൻ ബാബു കുടുക്കിലിനെ കണ്ടെത്താനുള്ള ശ്രമത്തിന്റെ ഭാഗമായിട്ടായിരുന്നു നടപടി. ബാബുവിനെതിരെ പോലീസ് ലുക്ക് ഔട്ട് നോട്ടീസ് പുറത്തിറക്കിയിട്ടുണ്ട്.
കട്ടിപ്പാറ ഫ്രഷ് കട്ട് പ്ലാന്റ് തുറന്നു; സമരം ശക്തമാക്കുമെന്ന് സമരസമിതി
കോഴിക്കോട് കട്ടിപ്പാറയിലെ ഫ്രഷ് കട്ട് അറവ് സംസ്കരണ പ്ലാന്റ് ജനകീയ പ്രതിഷേധത്തെ തുടർന്ന് അടച്ചിട്ടിരുന്നത് ഹൈക്കോടതി ഉത്തരവിനെ തുടർന്ന് തുറന്നു. പൊലീസ് സംരക്ഷണത്തോടെയാണ് പ്ലാന്റ് തുറന്നതെന്നും പൂർണ്ണമായി പ്രവർത്തനം ആരംഭിച്ചെന്നും മാനേജിംഗ് ഡയറക്ടർ സുജീഷ് കോലോത്ത് ട്വന്റിഫോറിനോട് പറഞ്ഞു. അതേസമയം, പ്ലാന്റിനെതിരെ സമരം ശക്തമാക്കാൻ ജനകീയ സമരസമിതി തീരുമാനിച്ചിട്ടുണ്ട്.
താമരശ്ശേരി ഫ്രഷ് കട്ട് പ്ലാന്റ്: ജനകീയ പ്രശ്നമായി കണ്ട് പിന്തുണക്കണമെന്ന് കുഞ്ഞാലിക്കുട്ടി
താമരശ്ശേരിയിലെ ഫ്രഷ് കട്ട് പ്ലാന്റിനെതിരെ നടക്കുന്ന പ്രതിഷേധം രാഷ്ട്രീയ വിഷയമായി കാണാതെ ജനകീയ പ്രശ്നമായി കണ്ട് പിന്തുണക്കണമെന്ന് മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടി അഭിപ്രായപ്പെട്ടു. ദുർഗന്ധം നിറഞ്ഞ ഈ ദുരിതത്തിൽ നിന്ന് നാട്ടുകാരെ രക്ഷിക്കാനുള്ള മാർഗ്ഗങ്ങൾ കണ്ടെത്തണമെന്നും, അടിച്ചമർത്തി പ്ലാന്റ് തുറക്കാൻ അനുവദിക്കില്ലെന്നും അദ്ദേഹം കൂട്ടിച്ചേർത്തു. ജനങ്ങളുടെ ആശങ്കകൾ പരിഹരിക്കാതെ മുന്നോട്ട് പോവുകയാണെങ്കിൽ അതിനെതിരെ ശക്തമായ പ്രതിഷേധം ഉണ്ടാകുമെന്നും അദ്ദേഹം വ്യക്തമാക്കി.
കട്ടിപ്പാറ ഫ്രഷ് കട്ട് പ്ലാന്റ് തുറക്കില്ല; പൊലീസ് സുരക്ഷ ഉറപ്പാക്കിയ ശേഷം മാത്രം
കോഴിക്കോട് താമരശ്ശേരി കട്ടിപ്പാറയിലെ ഫ്രഷ് കട്ട് അറവുമാലിന്യ സംസ്കരണ യൂണിറ്റ് ഇന്ന് തുറക്കില്ല. പൊലീസ് സുരക്ഷ ഉറപ്പാക്കിയ ശേഷം മാത്രമേ പ്രവർത്തനം തുടങ്ങൂ എന്ന് അധികൃതർ അറിയിച്ചു. കൂടുതൽ പൊലീസ് സുരക്ഷ ആവശ്യപ്പെടുമെന്നും യോഗത്തിന് ശേഷം തീരുമാനിക്കുമെന്നും ജനറൽ മാനേജർ യൂജിൻ ജോൺസൺ പറഞ്ഞു.